Aqqaluup Aneerasaartarfia, Kalaallit Nunaanni tamat oqartussaaqataanerata pinngoqqaarfia


Kalaallit Nunaanni maanna tamat oqartussaaqataanerat sumiiffimmi ullumikkut Aqqaluup Aneerasaartarfianik taagukkatsinni pinngorpoq 

Inatsisartut oqaluttuarisaanerat ukiut 150-it sinnerlugit matuma siorna aallarnerneqarpoq. 1857-imi H.J. Rinkip naalagarsuit siunnersuisoqatigiivi siulliit Avannaata Kujataatalu Landsrådiinut aallarniutaasut pilersippai, taakkulu taamani Naalakkap illuani ataatsimiittarput. Ullumikkut nunatsinni inatsisartutigoortumik tamat oqartussaaqataanerat Inatsisartut ingerlataraat. Inatsisartut maanna ataatsimiittarfiat 1975-imi atorneqalerpoq aammalu ataatsimiittarfinnit ukiut ingerlanerini inuit ataatsimoortarfigisimasaannit ungasinnani. Taamaalilluni Kalaallit Nunaanni maanna qangalu politikimik ingerlatsinermi Nuummi sumiiffik ullumikkut Aqqaluup Aneerasaartarfianik taagorneqartoq katersuuffiuvoq.

 

Quppersagaq una atorlugu oqaluttuunniarpatsigit ateq sumit pinngorfeqarnersoq, tamatumalu peqatigisaanik piffissap ingerlanerani nunatsinni politikikkut katersuuttarnerit ilinnut takussutissiorniarlugit, taamaalillutalu sumiiffiit nunatsinni inatsisartoqarnermut aallarniiffiusut pillugit paasissutissiilluta.

Brochure

 

login