Nutaarsiassat


2017 2016 2015 Flere år...

22-06-2017

Inatsisartut siulittaasuata tulliata siulliup Ane Hansenip ulloq 21. juni 2017 Sørine Lennert Johansen, Aasiaat, sølviusumik Nersornaaserpaa

Inatsisartut Siulittaasoqarfiata Sørine Lennert Johansen Aasiaat sølviusumik Nersornaaserpaat ilinniartitaanermi ukiorpassuarni tunniusimalluni sulisimaneranik nersorinnissutitut.

 

Inatsisartut siulittaasuata tullia siulliup Ane Hansenip for Sørine Lennert Johansenimut oqaaseqarnermini ilaatigut erseqqissarpaa:

 

”Siulittaasoqarfik isumaqarpoq meeqqat inuusuttullu ineriartornermikkut akornutillit sulianut, ulluinnarni inuttullu piginnaasaqarneruleqqullugit immikkut atuartinneqarlutillu atuarfeqarnerat assut pingaaruteqartoq, illillu ukiuni 42-ni tunniusimallutit sulisimanikkut meeqqat inuusuttullu ineriartornermikkut akornutillit toqqissisimanartumik inuuneqarnissaat qularnaareqataaffigisimavat.

 

Siulittaasoqarfiup kissaatigaa taamatut sulisimanippit nersorniarneqarnissaa, minnerunngitsumik suliassami pingaarutilimmi tamatumani maligassiuisuunerit eqqarsaatigalugu.

 

Inuiaqatigiinni nukiit pitsaasut tamaasa pisariaqartippagut, apeqqutaatinnagu inuit sanngiitsut nukittuulluunniit pineqarnersut, illillu suliannut tunniusimanikkut peqataasimavutit innuttaaqatitta ineriartornermikkut akornutillit imminnut tatigalutik inuiaqatigiinni inooqataasinnaasutut misigisimalernissaannut.”

 

 

Siulittaasoqarfik sinnerlugu

 

Ane Hansen

Inatsisartut siulittaasuata tullia siulleq