Inatsisartut iPadimut appiat pillugu


Pingajussaanik nutartigaq

 

Appip nittartakkallu ina.gl-ip suna assigiinngissutigaat?

Inatsisartut nittartagaata imarisai tamakkernagit ilaannakortumilli appip imarivai. Taamaannerata appip paasiuminartuunissaa isumannaarpaa paasissutissanillu (minutsit 30-it qaangiukkaangata) naleqqussaasarnera (nutarterisarnera) pisariinnerutilerlugu. Taamaalilluni app sakkussaavoq ina. gl-imut taarsiullugu atorneqarsinnaasoq.

 

Qaqugukkut nittartagaq ina.gl. atussavara, qaqugukkullu app atussavara?

Tamanna nammineq aalajangissavat. Tamarmik pitsaaquteqarlutillu ajoquteqarput:

 

 

Nittartagaq ina.gl

Inatsisartut iPadimut appiat

Inatsisartut suleriaasianni najoqqutassannik piaartumik pissarsiniarpunga

 

x

Allakkap ilaani pisariitsumik ersarissaataasumik nalunaaqutsersuerusuppunga

 

x

Ippassaq inersuarmi oqallinnerup ilaanik naalaarusuppunga

x

 

Allakkat nutaanerpaat pissarsiarinissai pisariaqartippakka

x

x

Internetimut attaveqanngilanga

 

x

 

Qanoq nittartagaq ina.gl. atussavara, qanorlu Inatsisartut iPadimut appiat atussavara?

Nittartagaq ina.gl. atorniarukku internetimut attaveqarnerit isumannaaqqaartariaqarpat. Taamaalereeruit iPadip internetimut ingerlaqqiffissiaa Safari iserfigissavat tassanilu ina.gl. allallugu. Nittartakkami toqqagassaq iserfigerusutat toqqaruk. Inatsisartulli appiat atorusukkukku tamanna pisariinneruvoq, tassami taamaaliorniaruit taamaallaat appi nannumik ilisarnaatitalik aallartiinnassavat.

 

Sooruna oqaluuserisassap maanna inersuarmi suliarineqartup suliarineqarnerata nalaani taassumunnga partiit oqaaseqaataat appi atorlugu nassaarisinnaanngikkikka?

Paasissutissat minutsit 30-ikkaarlugit naleqqussartartussanngorlugit (nutartertartussanngorlugit) appi inissinneqarsimavoq. Allakkat amerlasuutigut oqaluuserisassap suliarineqarnissaa minutsialunnguanik sioqqullugu ina.gl-imut ikkunneqartarput. Taamaammat nammineerlutit nittartakkap qulaani ujaasilluni allaffissiap talerpiata tungaani “tikkuut ammalortoq” (opdatering) toorlugu nutartertariaqarpat TOQQAGASSAQ UUNGA IKKUGUK. Tamatumunnga piumasaqaataavoq attaveqaammut (internetimut) attavilersimanissaq.

 

Sooruna allakkami ersarissaatikka tammartartut?

Appip pitsaaqutaasa ilagivaat allakkani pdf-iusuni ersarissaateqarsinnaagavit. Allakkap Pdf-iusup ammatitavit sakkuusiviani aqerluusaasamik ilisarnaasigaq toorlugu taamaaliorsinnaavutit. Allagaq naleqqussaraangat (nutarterneqaraangat) ersarissakkat tammartarnerat iluaaginarsinnaavoq. Suli atortumik allakkat ersarissaasersukkavit arlaannut toqqorneqarsinnaanerannut periarfissiisumik pilersitsisoqanngilaq.

 

Appi AppStoremi nassaarisinnaanngilara

iPhonit atorlugu appi ujarpiuk? Taamaappat nassaarinavianngilat taannami iPadimut atortussianngorlugu suliaagami. Taamaammat ujarniarukku iPad atortariaqarpat. App allakkanik umeqqamut (skærm) anginerusumut tulluarsakkanik saqqummersitsissutitut naatsorsuussaammat taamaallaat iPadimut atorsinnaasunngorlugu suliaavoq.

 

Sooruna appi AppStoremit aareeraangakku allakkanik atortussanik imaqarneq ajortoq?

Appip ikkunneqarnerani periutsimik allannguigatta. Taamaalilluni  Appi AppStoremit siullerpaamik aaneqarnerani ikkunneqarneranilu taamaallaat programmi imarineqartarpoq. Tamatuma nassatarisaanik Appi piffissap sivikitsunnguup iluani aaneqarsinnaavoq ikkunneqarlunilu piffissallu sivikitsup iluani iPadinnut ikereersimasinnaalluni. Tamatumali illuatungaatigut nassatarissavaa Appip imassai allakkat kingorna nammineerlutit aasariaqassagakkit. Aallernermi katersuunnermi kingullermi allakkat atortussat tamarmik ilanngunneqassapput, taamaammallu aallerneq sivisusinnaalluni. Aallerneq attaveqaatip qanoq sukkatiginera apeqqutaalluni nalunaaquttap akunnerata ataatsip missaanik sivisussuseqarsinnaavoq. Imassat siullerpaamik aareerukkit kingornatigut naleqqussartarnerit (opdatering) sukkanerusumik pisarsinnaassapput (minutsip ataatsip sisamalluunniit ingerlanerini).

 

Inatsisartut Appiat pillugu oqaaseqaatissat, kukkunernik nalunaarutit, pitsanngorsaatissatut siunnersuutit il.il. uunga nassiunneqarsinnaapput: komm@ina.gl.