Namminersorlutik Oqartussani Sulisut Tjenestemandit Danmarkimiittut Akissarsiaqartitaanerannut Siunnersuisoqatigiit


Danmarkimi Namminersornerullutik Oqartussani tjenestemanditut atorfilinnut tunngatillugu akissaatinut tunngasumik siunnersuisoqatigiit katitigaanerat pillugu Namminersornerullutik Oqartussat nalunaarutaat nr. 9, 19. marts 1986-imeersoq naapertorlugu Inatsisartut akunnerminni ikinnerpaamik sisamanik amerlanerpaamillu qulingiluanik qinersissapput, tak. Kalaallit Nunaanni Namminersornerullutik Oqartussani kommuninilu tjenestemandit pillugit Inatsisartut inatsisissaat nr. 21, 18. december 2003-imeersoq.

 

Ilaasortat sinniisussallu Inatsisartunit qinerneqartut Aningaasarsiaqartitsinermut Siunnersuisoqatigiinni ilaasortaasut pitsaaqutaasumik amerlassutsimikkut amerlaqatigisinnaavaat. Tamatuma ilutigisaanik Aningaasarsiaqartitsinermut Siunnersuisoqatigiinnut Inatsisartut qinigaat aamma Namminersorlutik Oqartussani Sulisut Tjenestemandit Danmarkimiittut Akissarsiaqartitaanerannut Siunnersuisoqatigiinnut Inatsisartut qinigaat inuttamikkut assigiissinnaappata aamma iluaqutaassaaq.

 

Inatsisartunit maannakkut ilaasortat tallimat sinniisussallu tallimat Aningaasarsiaqartitsinermut Siunnersuisoqatigiinnut qinerneqartarput.

 

Matuma malitsigisaanik Namminersorlutik Oqartussani Sulisut Tjenestemandit Danmarkimiittut Akissarsiaqartitaanerannut Siunnersuisoqatigiinnut ilaasortat tallimat sinniisussallu tallimat toqqarneqartalertariaqarput.

 

Qinigaaffik

Ilaasortat sinniisussallu Inatsisartut qinigaaffiat malitaraat. Qinigaaffimmi Inatsisartunut ilaasortat sinniisussaallu Inatsisartunit tunuassagaluarunik Aningaasarsiaqartitsinermut Siunnersuisoqatigiinnit aamma tunuassapput.

 

Inatsisartut qinersisoqarnerata kingorna inissitsiterlutik ataatsimiinnerminni ilaasortat tallimat sinniisussallu tallimat akunnerminni qinissavaat. Qinigaaffimmi Inatsisartut pisariaqartinneqalissappat Aningaasarsiaqartitsinermut Siunnersuisoqatigiinnut ilassutitut qinersissapput.

 

Saaffissaq:  

Aqutsinermut Pisortaqarfik

Postboks 1039

3900 Nuuk

Oqarasuaat (+299) 34 50 00

login