10.8.2012: Aningaasaqarnermut Immikkoortortaani taartaasussamik piaartumik pissarsiorpugut
Inatsisartut Allattoqarfiata
Aningaasaqarnermut Immikkoortortaani
taartaasussamik piaartumik pissarsiorpugut
Inatsisartut Allattoqarfiata aningaasaqarnermut immikkoortortaani ulluinnarni suliassanik isumaginnittartussamik taartagallartussamik ataatsimik piaartumik assut pisariaqartitsivugut. Qinnuteqarfissaq kingulleq 10. august 2012.
Taartaasutut atorfeqarneq 31. oktober 2012 missaata tungaanut ingerlassaaq.
Immikkoortortap suliassarai:
- Kontulersuineq, takkuttunik nalunaarsuineq akiligassanullu ilanngussanik akuersisarneq
- Akiligassaqarfiit nalunaarsorsimaffiinik naligiissaarineq
- Aningaasartuutinut uppernarsaatinik kontulersuineq kontunillu nalunaarsuutit tunngavigalugit naatsorsuutinut ilanngussuineq
- Akiligassalinnut akiligassanik nassiussuineq, naatsorsuuserivimmut nalunaaruteqartarneq eqqaasitsinerillu
- Webbankimut akiligassanik isumaginninneq akuersisarnerlu
- Ullormiit ullormut suliassat assigiinngitsut
Naatsorsuutigaarput:
- Naatsorsuuserinermik ilinniagaqarsimanissat
- Taamaaqataanik suliaqarnermik misilittagassasutit
- Naatsorsuuserinermut qarasaasiatigut atortunik ilisimasaqassasutit
- XAL-imik ilisimasaqarneq iluaqutaassaaq
- Aalajaatsuusutit, suliassanut eqaallutit peqqissaartuullutillu
- Kalaallisut qallunaatullu oqalussinnaassasutit
Neqeroorutigaarput:
- Sullivimmi avatangiisit pitsaasut pissanganartullu
- Suliassat soqutiginartut
- Suleqatit pikkorissut suliaminnullu kajumissusillit.
Atorfeqarnermi atugassarititat:
Piginnaasat, misilittakkat isumaqatigiissuteqarnerlu malillugit akissarsiaqarneq.
Sapaatip akunneranut nalunaaquttap akunneri 40 suliffiusassapput.
Taartaagallartutut atorfimmut atatillugu inissaqartitsisoqassanngilaq.
Paasissutissat sukumiinerusut:
Paasissutissat sukumiinerusut Inatsisartut Allattoqarfianni aningaasaqarnermut immikkoortortami allaffimmi fuldmægtig Kaaleeraq Thomassen, oqarasuaat 346145, qarasaasiakkut kolt@inatsisartut.gl imaluunniit Allattaaneq Ellen Kolby Chemnitz, oqarasuaat 346104, qarasaasiakkut ekc@inatsisartut.gl attaveqarfigalugit pissarsiarineqarsinnaapput.