21.11.2012: Aalisarnermut ataatsimiititaliamut allatsi
Nunatta inatsisiliortuisa Inatsisartut Allattoqarfiat ilinniagartuumik ataatsimiititaliap allatsissaanik sulisussarsiorpoq
Ujarparput
Ilinniagartooq pisortani sulinissamik soqutigisalik, ilaatigullu naalakkersuinikkut ataatsimiititalianik Inatsisartunit pilersinneqarsimasunik namminersortumik sullissisinnaasoq.
Ataatsimiititaliap allattaatut inuiaqatigiinnut tamarmiusunut naalakkersuinikkut aalajangiiniartarnerit qaninnerulersinnaanagit sulissaatit. Inatsisartut Aalisarnermut, Piniarnermut Nunalerinermullu Ataatsimiititaliaata aalajangersimasumik sullinneqarneranut akisussaasuussaatit, taamaattumillu aamma avatangiisini naalakkersuinikkut aqunneqartuni sulisinnaassuseqassallutit.
Ataatsimiititalianik sullissinermut ilaapput qinikkanik immikkut tunngavilersorluakkamik, illuinnaasiunngitsumik ilisimasaqassutsimillu tunngavilimmik sullissineq, kiisalu ataatsimiititaliap angalasarnerinik, annerusumik Kalaallit Nunaanni Danmarkimullu ingerlanneqartartunik, pilersaarusiorneq peqataanerlu.
Pisariaqarpoq inuttut tunuarsimaartuunnginnissat taamatullu aamma ilinniagartuutut kandidatitut suliassamut attuumassutilimmik ilinniakkamik naammassisaqarsimanissat. Aalajangersimasumik ilinniagaqarsimanissat piumasaqaatiginngilarput, pingaartipparpulli suliassamik aaqqissuulluakkamik naammassisaqarfiusumillu naammassinnissinnaanermik takutitsisinnaanissat taamatullu aamma allakkatigut oqaatsitigullu erseqqissuliorsinnaanissat.
Tamatuma illuatungaatigut Inatsisartut ukiumut marloriarlutik katersuuttarnerini, upernaakkut ukiakkullu, ulapinnerusarnissannut kingusissumullu sulinerusarnissannut qilanaaruteqarsinnaavutit piareersimareerlutilluunniit.
Ataatsimiititaliap allattaatut nutaatut Allattoqarfiup ilinniartitseqqittarnerinut ilaassaatit, tassunga nalinginnaasumik ilaalluni ukiut siulliit marluk ingerlanerini Folketingimi ministeriaqarfimmilu sulianut attuumassuteqartumi paasisassarsiorluni sulineq.
Atorfik 1. december atuutilersumik inuttassarsiorneqarpoq.
Paasisaqarnerorusuppit?
Paasissutissat sukumiinerusut nittartakkatsinni imaluunniit allattaanermut Ellen Kolby Chemnitzimut allattoqarfiulluunniit pisortaanut Nikolai Sten Christensenimut saaffiginnilluni pissarsiarineqarsinnaapput.
Aningaasaqarsiaqartinneqarnermi atorfeqartinneqarnermilu atugassarititaasut orniginartut, taakkununnga ilanngullugit immikkut atorfeqarnermut tapiissutisisinnaaneq, atorfininnermut soraarnermullu atatillugu akiliunneqarluni angalasinnaaneq, pisattat assartorneqarnerinut akiliunneqarneq ineqartinneqarnerlu Inatsisartut Siulittaasoqarfiata pineqartullu kattuffiata isumaqatigiinniarsinnaatitaasup akornanni isumaqatigiissutit malillugit pissapput. Ilinniagaqarnikkut tunuliaqutit apeqqutaatillugit piffissamut aalajangersimasumut atorfinitsinneqarsinnaaneq isumaqatigiinniutigineqarsinnaavoq.
Qinnuteqarfissaq 21. november 2012-imut killeqarpoq
Qinnuteqaatinut siusinnerusukkut suliarisimasanut soraarummeersimanernullu uppernarsaatit ilanngunneqassapput.
Suiaassuseq, kikkunnit kingoqqisuuneq, sunik upperisaqarneq innarluuteqarnerluunniit apeqqutaatinnagit naligiissitsinermik siuarsaanissaq Inatsisartut Allattoqarfiata kissaatigaa.
Taamatuttaaq inuunermik misilittagaqarneq inuttullu inerisimassuseq iluaqutaassapput, taamaattumillu aamma qassinik ukioqarneq apeqqutaatinnagu qinnuteqartoqarnissaa kaammattuutigalutigu.
Inatsisartut
Postboks 1060
3900 Nuuk
Oqarasuaat +299 345000
Fax +299 324606
Inatsisartunut ilaasortat 31-it inatsisartut ukiuata ingerlanerani ukiumullu katersuuttarnerini marlunni, upernaakkut ukiakkullu, ataatsimiititaliat allattaannit ilinniagartuunit qulingiluanit, annertuutigut imminnut ilisimasatigut suliassatigullu, ikioqatigiittunit sullinneqartarput.