Ukioq toqqaruk
Partiit
Atassut:
5
Demokraatit:
37
Inuit Ataqatigiit:
33
Naleraq:
103
Siumut:
32
Attaviitsoq:
0
§ 37 Naapertorlugu Apeqqutit
210.Inatsisartunut ilaasortaq Jens NapãtôK’, Naleraq
1. Aalisartut piniartullu sumiiffinni aalisarfiuallaanngitsuni juulli sioqqullugu aningaasarsiorsinnaajunnaarsimasunut ikiorsiissutissanik Naalakkersuisut qanoq tigussaasunik iliuuseqapallanniarpat?
2. Aalisartut pissutsit namminneq aqussinnaanngisatik pissutigalugit – ilaatigut umiatsiat pisoqaanerusut uuttortaarnissaat, CVR imaluunniit normunik serieliinngitsunik ajornartorsiuteqarneq pissutigalugu aalisartut ukiup nikinnerani akuersissummik annaasaqannginnissaat Naalakkersuisut qulakkeerniarpaat?
3. Naalakkersuisut teknikkikkut allaffissornermillu ajornartorsiutit aaqqinneqarnissaata tungaanut aalisartut inuussutissarsiutiminnik ingerlatitseqqissinnaaqqullugit immikkut akuersissuteqarniarpat imaluunniit akuersissummik atuutsitsinerat sivitsorniarpaat?
Inatsisartunut ilaasortaq Jens NapãtôK’, Naleraq
Tiguneqarpoq: 04/12/2025
Naalakkersuisunut nassiunneqarpoq: 05/12/2025
209.Inatsisartunut ilaasortaq Nivi Rosing, Inuit Ataqatigiit
1. Naalakkersuisut qanoq tigussaasunik suliniuteqarpat Kalaallisut oqaatsivut atorlugit Ilinniarnertunngoorniarsinnaanngornissaq anguniarlugu?
2. Qaqugu Nunatsinni oqaatsivut atorlugit tamakkiisumik Ilinniarnertunngorniartoqarsinnaalissava?
3. Naalakkersuisut qanoq tigussaasunik anguniagaqarpat oqaatsivut ilisimatusarnermi atortakkat inerisarniarlugit?
4. Naalakkersuisut meeqqat atuarfiani oqaatsitsinnut tunngasunik artuartitsissutaasussanik inerisaanissamut qanoq takorluuippat?
A) Naalakkersuisut sumioorpaluutsit Tunumiusut Avanersuarmiusullu atuartitsissutissatut ilanngussinnaaneri takorluugarivaat?
Inatsisartunut ilaasortaq Nivi Rosing, Inuit Ataqatigiit
Tiguneqarpoq: 04/12/2025
Naalakkersuisunut nassiunneqarpoq: 04/12/2025
208.Inatsisartunut ilaasortaq Mariane Paviasen Jensen, Inuit Ataqatigiit
1. Kuannersuarni aatsitassarsiorniarlutik misissuisuinissamik akuersissuteqartut Energy Transition Minerals (ETM) misissuinissamik akuersissutip sivitsornissaannut qinnuteqaqqipput, taakkununnga tunngatillugu Naalakkersuisut innuttaasut isumaat tusaasallugu qanoq pingaartitsigaat?
A) Misissuiuarneq ukiuni qulikkaanni ingerlareersoq suli sivitsorniarneqarpa?
B) Misissuinissamik akuersisoqassappat inatsit suna tunngavigineqassava?
2. Innuttaasut ukiorpassuarni Kuannersuarni aatsitassarsiorniarnermut akerliullutik nalunaaruteqartarneri amerlapput, taakku isumaat naalakkersuisunit qanoq tusarniarneqarpat?
3. Kuannersuarni aatsitassarsiorniarneq Narsap eqqaanilu najugaqartut inuussutissarsiutitigut illoqarfittullu ineriartortitsinissaraluanut ukiorpassuarni akornusiivoq, Naalakkersuisut tamatumunnga qanoq isumaqarpat?
A) Innuttaasut ineriartortitserusuttut pingaaruneruppat imal. Aatsitassarsiorniarlutik misissuiuartut ukiut qulikkaani pingaarneruppat?
B) Naaakkersuisoqarfiit tusarniaanernut aamma akissutissanik piniarfigineqartarput, taakku isumaat innuttaasut isumaaniit pingaartinneqarnerusarpat?
4. Inatsisitigut innuttaasut qanoq aatsitassarsiorniarnermut akerliutillutik illersugaappat?
5. Innuttaasut nunap inooqqaajusutut pisinnaatitaaffigut aallaavigalugit illersorneqarlutalu, innarligaannginnissamut qulakkeerinnittoqartussaavoq, Naalakkersuisut piumassuseqarpat ILO-mi isumaqatigiissut nr: 169 malillugu ART.6 imm.1B aamma ART.6 imm.1C aamma ART.7 imm.1 aamma ART.7 imm.3 minnerunngitsumillu ART.7 imm.4
2
malissallugit?
A) Paragraf 37-ikkut apeqquteqaammi nr: 48/2023 -imi Naalakkersuisut akissuteqaatimi ilaanni ima isumaqarput, “ILO-mi isumaqatigiissutip 169-p paasinissaanut atuutilerninissaanullu tunngatillugu eqqarsaatigisassatut Naalakkersuisut aallaavittut isumaat unaavoq:ILO 169-i Naalagaaffiit nunallu inuiisa ataqatigiinnerannut tunngasuusoq.” Naalakkersuisut isuma tamanna suli attappaat?
Naalakkersuisut paragraf 48/2023-imi akissuteqaataat kalaallisuuani qallunaatuuanilu oqaatsit assigiinngitsut atorneqarpoq kalaallisuuani “atuutilersinneqarnissaannut” qallunaatuaanilu “fortolkning”atorneqarluni, taamaammat kalaallisut oqaatsigut pisortatigoortumik atuutinneqarneri aallaavigalugu naatsorsuutigaara akissut kalaallisoortoq eqqortuusoq?
B) Taamaasimappallu kiisami piumassuseqarlutik pisinnaatitaaffigut nunami naalagaaffimmit allameersunut tunngatillugu atuuttut?
Inatsisartunut ilaasortaq Mariane Paviasen Jensen, Inuit Ataqatigiit
Tiguneqarpoq: 02/12/2025
Naalakkersuisunut nassiunneqarpoq: 03/12/2025
207.Inatsisartunut ilaasortaq Iddimanngiiu Bianco, Inuit Ataqatigiit
1. Naalakkersuisut Islandimiit tunumut timmisartuussinerup ammarnissaanut suliniuteqarpat?
A. Akissut aappiuppat, qanoq?
2. Naalakkersusiut umiarsuakkut pilersuineq allannguiffigineqarnissaannik takorluugaqarpat?
3. Naalakkersuisut ukioq 2025 aningaasaliissutit qaavatigut umiarsuarmik inuussutissanik pajuttumik tunumut tikittoqarnissaanik pilersaaaruteqarpat?
A. Taamaassimappat aningaasaliissutissat qanoq annertutigissappat?
Inatsisartunut ilaasortaq Iddimanngiiu Bianco, Inuit Ataqatigiit
Tiguneqarpoq: 27/11/2025
Naalakkersuisunut nassiunneqarpoq: 03/12/2025
206.Inatsisartunut ilaasortaq Jørgen Rosbach, Demokraatit
1. Meeqqat, inuusuttut, inersimasullu naqinnernik ilisarinnissinnaanngitsut ilinnialernissaminnik imaluunniit sulilernissaminnik kissaateqartut tapersersorniarlugit, Naalakkersuisut suliniutinik sunik aallartitsinikuuppat?
a. Naqinnernik ilisarinnissinnaanngitsut kikkulluunniit, naqinnernik ilisarinnissinnaannginnertik pillugu ilinniarfinni ilinnialernissaminnut tiguneqannginnissaasa pinngitsoortinneqarnissaa qulakkeerniarlugu, suliniutinik nutaanik sunik Naalakkersuisut pilersaarusiorpat?
b. Naqinnernik ilisarinnissinnaanngitsut kikkulluunniit, allakkatigut qinnuteqaasiornissaminnut ajornartorsiuteqarnertik patsisigalugu suliffissarsiunngitsuunnginnissaat qulakkeerniarlugu, suliniutinik nutaanik sunik Naalakkersuisut pilersaarusiorpat?
2. Majoriami, ilinniarfinnilu allani tiguneqarumalluni misilitsinnerni innuttaasut atuarnissaminnut, allannissaminnullu ajornartorsiuteqartut ilaatinneqartarnissaat Naalakkersuisut qanoq qulakkeerniarpaat?
3. Naqinnernik ilisarinnissinnaanngitsut, allallu allattariarsornikkut ajornartorsiuteqartut allattariarsornikkut piumasaqaatit kisimik patsisigalugit itigartinneqaratik ilinnialernissaminnik qinnuteqarnissaminnut, suliffissarsiornissaminnullu periarfissaqalersillugit malittarisassat, piumasaqaatillu Naalakkersuisut qanoq naleqqussarniarpaat?
4. Tunngaviusumik ilinniarfinnut karakteritigut piumasaqaatinut, tiguneqarnissamullu piumasaqaatinut suliatigut piginnaasaqarluarlutik, allattariarsornikkulli ajornartorsiuteqarlutik qinnuteqartunut ullumikkut akimmiffiusunut, Naalakkersuisut sunik isumaliutiginnippat?
5. Inuusuttut atuarfimmi, ilinniarfimmilu akimmiffinnik naapitsiuartut kajumissuseerunnissaat, atugarliulernissaat, atuarunnaarnissaallu pitsaaliorniarlugu suliniutinik sunik Naalakkersuisut ingerlatsiniarpat?
6. Sammisamut soqutiginartunik allanik Naalakkersuisut paasissutissiisinnaappat?
Inatsisartunut ilaasortaq Jørgen Rosbach, Demokraatit
Tiguneqarpoq: 28/11/2025
Naalakkersuisunut nassiunneqarpoq: 01/12/2025
205.Inatsisartunut ilaasortaq Aki-Matilda Høegh-Dam, Naleraq
1. Kalaallit Nunaanni inissaqannginneq kisiat patsisigalugu, Oqartussat akisussaasut meeqqanik Kalaallit “Inuit” angajoqqaavinit arsaarinnissimanerat, inuit pisinnaatitaaffiinut tamalaanut unioqqutitsinerua?
Inatsisartunut ilaasortaq Aki-Matilda Høegh-Dam, Naleraq
Tiguneqarpoq: 28/11/2025
Naalakkersuisunut nassiunneqarpoq: 01/12/2025
204.Inatsisartunut ilaasortaq Nivi Rosing, Inuit Ataqatigiit
1. Nunavut aamma Kalaallit Nunaata siunnerfeqaqatigiinnissamut isumaqatigiissutaani ?“Memorandum of Understanding” 2022-minngaanneersumi ilinniartitaaneq suleqatigiissutissaasutut ilaavoq, sunaana isumaqatigiissutigineqartoq?
A) Ilinniartitaanermi isumaqatigiissut nalilersorneqassamaarpa?
2. Naalakkersuisut ilinniartitaaneq pillugu Canadami naalagaaffik isumaqatigiissuteqarfiginissaanut pilersaaruteqarpat?
A) taamaassappat qanoq?
B) Taamaanngippat sooq?
Inatsisartunut ilaasortaq Nivi Rosing, Inuit Ataqatigiit
Tiguneqarpoq: 27/11/2025
Naalakkersuisunut nassiunneqarpoq: 28/11/2025
203.Inatsisartunut ilaasortaq Nivi Rosing, Inuit Ataqatigiit
1. Naalakkersuisut kvotanik pisassiissarnerup inerisarnisaanut qanoq takorluugarpat?
2. Kvotanik pisassiinermi sumiiffinni inuit nunaqavissut qanoq akuutinneqartarpat?
3. Nunap inoqqaavi nuna pinngortitarlu ilisimasaat qanoq akuutinneqartarpat piniagassanik kvotanik pisassiiniarnermi?
Inatsisartunut ilaasortaq Nivi Rosing, Inuit Ataqatigiit
Tiguneqarpoq: 27/11/2025
Naalakkersuisunut nassiunneqarpoq: 28/11/2025
202.Inatsisartunut ilaasortaq Mariane Paviasen Jensen, Inuit Ataqatigiit
1. Naalakkersuisusut sooq qulakkeerumanngilaat 2025-imut partiit aningaasanut inatsisissamut isumaqatigiissutaat?
2. Naalakkersuisut qanoq ilillutik, siusinnerusukkut aningaasanut inatsisissatut isumaqatigiissutinik atorsinnaannginneraasinnaappat?
3. Naalakkersuisut isumaqalersimappat partiinit aningaasanut inatsissatut isumaqatigiissutaasimasuniit namminneq naalagaanerulersimallutik?
Inatsisartunut ilaasortaq Mariane Paviasen Jensen, Inuit Ataqatigiit
Tiguneqarpoq: 25/11/2025
Naalakkersuisunut nassiunneqarpoq: 27/11/2025
201.Inatsisartunut ilaasortaq Jens NaptôK’, Naleraq
1. Naalakkersuisut Illersornissaqarfiup ullumikkut Kalaallit Nunaanni illoqarfinni nunaqarfinnilu inissiat qassit pigineraat ilisimatitsissutigisinnaavaat?
2. Inissiat taakkua ilaat qassit pisortat inissiaatileqatigiiffii aqqutigalugit attartorneqarpat (INI, Iserit, Illuut A/S, kommunip ingerlatseqatigiiffiutai) – aamma qassit namminersortut aqqutigalugit attartorneqarpat?
3. Inissiat taakkua ilaat qassit sulisunut aalajangersimasunut, atorfinitsitsigallarnermut kiisalu tikeraartunut sungiusaanermullu atorneqarpat?
4. Ukiuni qulini kingullerni attartuinerit qanoq amerliartorsimappat?
5. Namminersorlutik Oqartussat kommunillu ataatsimut isigalugit pisortanit inissiat Illersornissaqarfiup najugaqarfigisaat pillugit qanoq annertutigisumik isertitaqarpat?
Inatsisartunut ilaasortaq Jens NaptôK’, Naleraq
Tiguneqarpoq: 20/11/2025
Naalakkersuisunut nassiunneqarpoq: 21/11/2025
200.Inatsisartunut ilaasortaq Jørgen Rosbach, Demokraatit
1. Ilisimasallit naliliinerat nutaaq tunngavigalugu sunik Naalakkersuisut eqqarsaatersuuteqarpat1, inernilerneqarsimammat, Tunumi nannunniarneq piujuartitsiniartumik ingerlanneqartoq?
a. Naliliineq taanna tunngavigalugu Naalakkersuisut pilersaaruteqarnerpat Tunumi nannuttassiissutit annertusinissaannik?
i. Allannguuteqartoqassappat qaqugu atuutilernissaa naatsorsuutigineqarpa?
2. Naalakkersuisut pisassiissutit qaffannissaannik pilersaaruteqanngippata, tassunga suna tunngaviua nalunaarusiami piujuartitsinermut tutsinneqarnera?
3. Naalakkersuisut qanoq ilillutik qulakkeerusuppaat, piniartut Tunumilu innuttaasut siunissami pisassiissutit tulluarsarneqarnerannut akuutinneqarnissaat?
4. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 20/11/2025
Naalakkersuisunut nassiunneqarpoq: 21/11/2025
199.Inatsisartunut ilaasortaq Erik Jensen, Siumut
1. Ulloq unnuarlu angerlarsimaffinni paaqqutarineqartut toqqissisimasumik inooqataalernissaat qulakkeerniarlugu suliniutit suut tigussaasut ingerlanneqarpat?
2. Ulloq unnuarlu angerlarsimaffinni paaqqutarineqartut unnukkut unnuakkullu anisinnaasarnerat imaluunniit qimaasarnerat iliuuseqarfiginiarlugu suliniuteqartoqarpa?
3. Ulloq unnuarlu angerlarsimaffinni paaqqutarineqartut inoqarfinni serlersaasarnerat annertooq pinngitsoortinniarlugu sunik suliniuteqartoqarpa?
4. Ulloq unnuarlu angerlarsimaffinni paaqqutarineqartut politiit sulinerannut piffissamik annertuumik tigusisarnerat allanngortinniarlugu, ulloq unnuarlu angerlarsimaffinni sulisut pisinnaatitaaffiinik sukaterisinnaanerannillu inatsisitigut naleqqussaasoqarniarpa?
5. Inatsisitigut sukaterinissamik pilersaaruteqartoqarpa?
a) Taamaassimappat suut sukaterniarneqarpat?
6. Naalakkersuisut allanik paasissutissaasinnaasunik peqarpat?
Inatsisartunut ilaasortaq Erik Jensen, Siumut
Tiguneqarpoq: 20/11/2025
Naalakkersuisunut nassiunneqarpoq: 21/11/2025
198.Inatsisartunut ilaasortaq Nivi Rosing, Inuit Ataqatigiit
1. Angerlarsimaffimmi tarnikkut timikkullu persuttaasarneq pinaveersimatinniarlugu, Naalakkersuisut tigussaasunik sunik pilersaaruteqarpat?
2. Angutit arnallu persuttagaasimasut illoqarfimmut allamut nuuttariaqarnatik qimarnuimmiinnissamik ikiorserneqarnissaannut Naalakkersuisut tigussaasunik sunik pilersaaruteqarpat?
3. Inissiap persuttaasumit pigineqarluniluunniit attartorneqarnerani persuttagaasut inissaqarnissaat qulakkeerniarlugu Naalakkersuisut tigussaasunik sunik pilersaaruteqarpat?
4. Digitalikkut persuttaasarneq pinaveersimatinniarlugu Naalakkersuisut tigussaasunik sunik pilersaaruteqarpat?
5. Persuttaasarneq akiorniarlugu periusissiap maanna atuuttup killiffia sumiippa? Suliniutissat tamarmik aallartinneqareerpat?
6. Tarnikkut persuttaasarnerup 1. januar 2024-mi pinerluutinngortinneqarnerata kingorna tamanna eqqartuussaanernik kinguneqarpa? Pinerluttaalisitsinermut inatsimmi aalajangersakkat nutaat atorneqarnerata nalilersornissaanut pilersaaruteqartoqarpa?
Inatsisartunut ilaasortaq Nivi Rosing, Inuit Ataqatigiit
Tiguneqarpoq: 20/11/2025
Naalakkersuisunut nassiunneqarpoq: 21/11/2025
197.Inatsisartunut ilaasortaq Karen Marie Kyed Frederiksen, Demokraatit
1. Suut suliniutit Naalakkersuisut aallartisarusuppaat inuusuttut 18-nit inorlugit ukiullit sunngiffimminni sulilernissaat pisariillisarniarlugu?
a. Inuusuttut amerlanerusut sunngiffimminni suliffissaannik pilersitsiniarlutik Naalakkersuisut inuussutissarsiortut kommunillu qanoq suleqatiginiarpaat?
b. Inuusuttut sunngiffimminni sulisinnaanerannik nuna tamakkerlugu nukittorsaataasinnaasunik siunnersuutinik tigussaasunik Naalakkersuisut qaqugu saqqummiinissartik naatsorsuutigaat?
2. Piffissaq suliffiusumut, ukiunut aamma akuersissutinut maleruagassat inuusuttut sunngiffimmi suliffeqarnissamut periarfissaannut sutigut sunniuteqarnersut Naalakkersuisut qanoq nalilerpaat?
3. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Karen Marie Kyed Frederiksen, Demokraatit
Tiguneqarpoq: 12/11/2025
Naalakkersuisunut nassiunneqarpoq: 13/11/2025
196.Inatsisartunut ilaasortaq Bo Martinsen, Demokraatit
1. Allaffissornikkut suliat soorlu pas-inik nutaannguinerit, kørekortinik tunniussinerit, normupladinik nalunaarsuinerit kiisalu tunniussinerit, innuttaasunullu sullissinerit assingusut politiinit kommuninut tunniunneqarnissaannut periarfissanik misissuinermik Naalakkersuisut aallartitserusunnerlutik?
a. Suliassat politiitut piginnaasaqarfigisariaqanngitsut, kommuniniillu imaluunniit najukkanni immikkoortortanit allanit isumagineqarsinnaasut suut ullumikkut politiinit suliarineqartarpat?
b. Suliassat taamak ittut, inatsisip atuuttup iluani kommuninut tunniunneqarunik inatsisitigut, allaffissornikkullu periarfissat Naalakkersuisut qanoq nalilerpaat?
c. Suliassat taakkua kommunit isumagissappatigit pitsaassuseq, assigiissaartumillu innuttaasunut sullissinissaq qanoq qulakkeerneqarsinnaassanersoq Naalakkersuisut nassuiarsinnaavaat?
2. Suliassat kommuninut tunniunneqassagaluarpata tassunga atatillugu, aningaasalersuinerup suli Naalagaaffeqatigiinnermi oqartussanit isumagineqarnissaa Naalakkersuisut qanoq qulakkeerniarpaat?
a. Kommunit suliassamik tigusissagaluarpata, ullumikkut politiini allaffissornikkut sulianut aningaasat, isumalluutillu atorneqartartut kommuninut ilanngullugit nuunneqarnissaannut aningaasatigut najoqqutassamik suliaqarnissamut Naalakkersuisut suliniuteqassappat?
3. Politiit maani sulinerat nukittorsarniarlugu suliassat allaanerusumik aaqqissuunneqarsinnaanerat pillugu Justitsministeriaqarfiup, Naalagaaffiullu politiivisa oqaloqatiginissaannut Naalakkersuisut suliniuteqassappat?
4. Sammisamut soqutiginartunik allanik Naalakkersuisut paasissutissiisinnaappat?
Inatsisartunut ilaasortaq Bo Martinsen, Demokraatit
Tiguneqarpoq: 12/11/2025
Naalakkersuisunut nassiunneqarpoq: 12/11/2025
195.Inatsisartunut ilaasortaq Isak Johannessen, Naleraq
1. Moriusap avannannguani saviminissaq (Titanium) piiarneqarmat nunarput aningaasanik qassinik isertitaqarsimanersoq Naalakkersuisut ilisimavaat?
2. Nunarpullu aningaasanik qassinik iluanaaruteqarpa?
3. Saviminissaq qanoq angitigisoq anninneqarpa?
4. Annissuinermi kisitsisit tutsuiginassusaannut kikkut missuisuuppat?
5. Kikkut nakkutilliisuuppat?
6. Misissuinermik suliaq qanoq inerneqarpa?
7. Ilmenit-ip akuata qaffasissusaa qanoq inissisimava? Nalinginnaasumiippa Imaluunniit appasippa/qaffasippa?
8. Procent-inngorlugu qanoq inissisimava?
Inatsisartunut ilaasortaq Isak Johannessen, Naleraq
Tiguneqarpoq: 11/11/2025
Naalakkersuisunut nassiunneqarpoq: 12/11/2025
194.Inatsisartunut ilaasortaq Isak Johannessen, Naleraq
1. Silaannakkut angallanneq, Upernavimmiit Qaanaamut, Qaanaamiit Upernavimmullu Naalakkersuisut iluarsiiffiginiarnerlugu?
Inatsisartunut ilaasortaq Isak Johannessen, Naleraq
Tiguneqarpoq: 11/11/2025
Naalakkersuisunut nassiunneqarpoq: 12/11/2025
193.Inatsisartunut ilaasortaq Jens NapãôK’, Naleraq
1. Nunanut allanut tunngasutigut periusissiap nutarterneqarnissaanut isumaqatiginninniarnermut partiit tamarmik qaaqquneqarnerannut Naalakkersuisut uppernarsaatissaqarpat? Akissummut saaffiginnissutit tamaasa ulloq, nalunaaqutaq, qanoq nassiunneqarnersut (allakkat/e-mailit/ataatsimeersuarnissamut qaaqqusissut) kikkullu tigusarineraat ilanngunneqassapput. Aammattaaq qaaqqusissutit assiliartaat ilanngunneqassapput kiisalu partiit sorliit qaaqqusissutinut taakkununnga tusarnaarsimanersut, kikkut ataatsimiinnernut peqataasimanersut suullu oqaluuserineqarnersullu kiisalu Ataatsimiinnernit oqaluuserisassat ilanngunneqassapput.
2. Nunanut allanut tunngasutigut periusissiaq pillugu 1. januaari 2025-miit Naalakkersuisut Naleqqamut saaffiginnittarnerat qanoq amerlatigippat? Akissummut saaffiginnissutit ullui imarisaalu Naleqqamiillu akisoqarsimanngippat, akissuteqarnissamut noqqaassutit (ullui imarisaaluI ilanngunneqassapput.
3. Naalakkersuisut nunanut allanut tunngasutigut politikkikkut periusissamik missingiummik missingiutinilluunniit nutartikkanik peqarpat? Akissummut qaqugukkut suliarineqarsimanersut, kikkunnut nassiunneqarsimanersut tusarniaassutigineqarsinnaasullu qaqugu qaangiussimanersut ilanngunneqassapput.
4. Nunat susassaqartullu sorliit Namminersorlutik Oqartussanit pisortatigoortumik ataatsimiigiaqquneqarsinnaanersut suleqatigineqarsinnaasulluunniit pillugit Naalakkersuisut sunik tunngavilersuippat – ilaatigut Namminersorlutik Oqartussat nunani tamalaani pillaatisianik ataqqinninnissaat namminerlu najoqqutassiaminnik pingaartitaqarnerminnillu ataqqinninnissartik qanoq qulakkeersinnaassavaat?
5. Kalaallit Nunaata imminut napatissinnaanissaa pillugu sinaakkutissatut isumaqatigiissummut isumaqatiginninniarnerit partiit tamarmik siusissukkut peqataatinneqarlugillu peqataatinneqarnissaat Naalakkersuisut qanoq qulakkeerpaat? Akissummut aqutsisooqatigiit, tusarniaasimanerit piffissallu qanoq ilinerani suliarineqassanersut ilanngunneqassapput.
6. Nunanut allanut tunngasutigut periusissiamik nutaamik suliaqarnissamut Naalakkersuisut piffissaliussaqarpat, ilaatigut partiit tusarniaaffigineqarnissaat, tamanut tusarniaaneq akuersissutigineqarnissaallu pilersaarutaasumik? Akissummut qaqqussutissat tusarniaanermullu allagartat nunanut allanut
2
tunngasunut periusissiaq pillugu nassiunneqartut (2025-miit maannamut), Partiit ataatsimeeqataasimaneri/periusissiaq pillugu ataatsimiinnerit, isumalioqatigiissitsinissamut pilersaarut tusarniaassutigineqartoq, periusissiamut missingiutaasut tassungalu tusarniaasimanermi akissutaasimasut allattorneri, nunanut allanut qaaqqusinissamut piumasaqaatit allattorsimaneri pillagassanngortitsinerlu qanoq malinneqarsinnaasoq, isumaqatigiissutip qanoq ingerlanissaanut allagaatit (suliassat, piffissaliussat peqataatitsinerlu) ilanngunneqassapput.
Inatsisartunut ilaasortaq Jens NapãôK’, Naleraq
Tiguneqarpoq: 27/10/2025
Naalakkersuisunut nassiunneqarpoq: 11/11/2025
192.Inatsisartunut ilaasortaq Bo Martinsen, Demokraatit
1. Katsorsaavik Nuuk 2026-mi marsip 31-ani katsorsaanermik unitsitsippat, atornerluisunik
katsorsaaneq manna tikillugutut ingerlaannarsinnaanissaa Naalakkersuisut qanoq
qulakkeerniarpaat?
a. Aaqqiissutissamik nassaartoqareerpa?
i. Taamaassimappat; aaqqiissutissaq suua?
2. Katsorsaavik Nuuk matutinnagu atornerluisunik katsorsaanerup siunissaa pillugu, matumani
aaqqissuussineq, nuna tamakkerlugu periarfissiinissaq, aningaasalersuinerlu ilanngullugit,
Naalakkersuisut ataatsimut pilersaarummik saqqummiussiniarpat?
3. Allorfik massakkutut katsorsaaviuinnarani aallaqqaataanisulli paasisimasaqarfittut,
piginnaasanullu centerinngorteqqinniarlugu Naalakkersuisut pilersaaruteqarpat?
a. Taamaattoqassagaluarpat Allorfiup suliassaa allanngortinneqassappat, nunami
katsorsaanissamik neqeroorutit suli naammattut pigineqarnissaat Naalakkersuisut qanoq
qulakkerniarpaat?
b. Katsorsaasut suliatigut ilitsersueqatigiinnisamut, ilinniarnissamut,
piginnaanngorsarnissamullu suli periarfissaqarnissaat Naalakkersuisut qanoq
qulakkeerniarpaat?
4. Peqatigiilluni suliniuteqarnissaq pillugu 2025-2026-mut isumaqatigiissut aqqutigalugu
Naalakkersuisut Kommune Kujallermi isumaginninnermut aningaasat immikkoortitaasa (6 mio.
koruunit) ilaat, atornerluisunik katsorsaanissamut atorneqassasut eqqarsaataava?
a. Taamaassimappat – aningaasat piviusumik qanoq agguataarneqarpat, atorneqarlutillu?
b. Taamaassimanngippat – peqatigiilluni suliniuteqarnissaq pillugu
isumaqatigiissutaasussani atornerluisunik katsorsaanerup pingaarnersiorneqarnissaa
Naalakkersuisut qanoq qulakkeerniarpaat?
5. Peqatigiilluni suliniuteqarnissaq pillugu Kommune Kujallermut isumaqatigiissut 2026-mi
atorunnaarpat isumaginninnermi suliniutit, matumani atornerluisunik katsorsaaneq ilanngullugu,
ingerlateqqinneqarniassammata aamma annertusineqarniassammata, taassumap
sivitsorneqarnissaanut imaluunniit annertusineqarnissaanut Naalakkersuisut suliniuteqassappat?
a. Kommuninut allanut assingusumik peqatigiilluni suliniuteqarnissaq pillugu
isumaqatigiissusiornissaminnik Naalakkersuisut pilersaaruteqarpat?
6. Sammisamut soqutiginartunik allanik Naalakkersuisut paasissutissiisinnaappat?
Inatsisartunut ilaasortaq Bo Martinsen, Demokraatit
Tiguneqarpoq: 10/11/2025
Naalakkersuisunut nassiunneqarpoq: 10/11/2025
191.Inatsisartunut ilaasortaq Napaartoq Petrussen, Demokraatit
1. Naalakkersuisut naleqquttutut isiginerpaat, ingerlatat allat tassani aallarnisaasut aammalu suliffeqarfiit minnerusut aalisakkerivittut ittumik aaqqissuussamut ilanngunneqassappata nioqqutissiornermut- aamma tunniussinermut aningaasartuutaasut 50%-iannit innaallagissamut imermullu akiliisalerpata?
2. Naalakkersuisut eqqarsaatersuutigerusussinnaanerpaat piffissami aalajangersimasumi killeqartinneqartumik akikillisaammik pilersitsisinnaaneq maannakkut aalisakkeriviit innaallagissamut imermullu akikillisaaffigineqartarnerannut assigusumik, suliffeqarfinnut imminnut pilersornermik, piujuartitsinermik aammalu atoqqiinermik aallaaveqartumik aningaasarsiornermik suliaqartunut?
a. Naalakkersuisut aningaasatigut allaffissornikkullu suut, aaqqissuussap taamaattup Nukissiorfimmut aningaasanullu inatsimmut suut kingunerisinnaagai nalilerpaat?
3. Naalakkersuisut qanoq nalilerpaat, pitsaanerpaamik aalisakkeriviit atugaasa pitsaasut attatiinnarsinnaanerat, tassunga ilutigalugu, inuussutissarsiutit nutaat pitsaasunik periarfissaqartinneqassappata taamaaliornermikkullu inuiaqatigiinni aningaasarsiornermut nappatissat ilaattut ineriartortinneqarlutik?
4. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Napaartoq Petrussen, Demokraatit
Tiguneqarpoq: 10/11/2025
Naalakkersuisunut nassiunneqarpoq: 10/11/2025
190.Inatsisartunut ilaasortaq Napaartoq Petrussen, Demokraatit
1. Inuussutissarsiutinik inerisaanissamut siunertalimmik periusissiornissaq (UKA 2025/106 suliarineqarneranut atatillugu eqqaaneqartoq) qaqugu naammassissanersoq tamanullu saqqummiunnissaanut piariissasoq Naalakkersuisut naatsorsuutigaat?
a. Piviusunngortinnissaanut suliniarneq qaqugu aallartissanersoq naatsorsuutaava?
b. 2026-imi ataavartitsineq suliniarnerlu qanoq qulakkeerneqassappat?
2. Inuussutissarsiutinik inerisaanissamut siunertalimmik periusissiornissap sunik tigussaasunik imaqarnissaa naatsorsuutaava?
a. Suut pingaarnertut suliniutigineqartussatut pingaartinneqartussatut naatsorsuutigineqarpat?
b. Oqartussaaffiit akimorlugit sammisat suut ilanngunneqassappat?
c. Angusat tigussaasut imaluunniit anguniakkat soorliit (KPI) qaammatini 12-24 siullerni Naalakkersuisut malittariniarpaat?
3. Ingerlatani sorlerni sumiiffinnilu sorlerni periusissiaq atorneqarniarpa?
a. Periusissiap kommunit tamaasa nunallu immikkoortortai tamaasa atuuffiginiarpai?
i. Piffinni inukinnerusuni immikkut iliuuseqartoqarniarpa?
4. Periusissiamik suliaq qanoq aaqqissuussaava?
a. Naalakkersuissoqarfiit sorliit aammalu suleqatigisassat sorliit peqataatinneqarpat?
b. Atuutitsilernissamut kina akisussaanerpaava?
c. Kommunit, inuussutissarsiortut kattuffii kattuffiillu allat suliamut qanoq akuutinneqartiginiarpat?
5. Periusissiami aningaasaliissutit suut atorneqarpat?
a. Tapeeriaatsit suut, siunnersuinerit, taarsigassarsiinerit, qularnaveeqqusiinerit imaluunniit piginnaasanik qaffassaanerit suut pilersinneqassappat?
b. Nittarsaassinernut, ataatsimeersuarnernut assigisaannullu aallarnisaasut aallartisarnerannut peqataatitsinissamut aningaasartuutinut tapiissuteqarnissaq eqqarsaasersuutigineqarpa?
c. Qanoq ilillutik Naalakkersuisut piffissamut ungasinnerusumut aningaasaliinissaq qulakkeerniarpaat aammalu malittariuarnissaa qanoq ingerlanniarpaat?
6. Periusissiami inuussutissarsiornikkut ineriartornermut naalleraataasinnaasut qanoq paasiniarniarpaat?
a. Allaffissornikkut inatsisitigullu aporfiit suut naammattoorneqarpat?
i. Qanoq tamakku aaqqinniarneqarpat?
b. Naalakkersuit qanoq ilillutik aallarnisaasunut suliffeqarfinnullu minnerusunut oqilisaaniarlutik sullissineq sivikillisarniarpaat?
i. Aallarnisaasut tassani suliami akuutinneqarniarpat?
7. Naalakkersuit qanoq ilillutik inuussutissarsiortut innuttaasullu suliamut peqataatissallugit pilersaarutigaat?
a. Inuussutissarsiortut kattuffii innuttaasullu suliamut qanoq tunniussaqarsinnaappat?
b. Tamanut nalunaarutigineqarnissaanut atasumik paasissutissiinermik qaammarsaanissamillu pilersaaruteqartoqarpa?
8. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Napaartoq Petrussen, Demokraatit
Tiguneqarpoq: 10/11/2025
Naalakkersuisunut nassiunneqarpoq: 10/11/2025
189.Inatsisartuni Ilaasortaq Knud Kleemann, Atassut
1) Nunatta sineriaani sumiiffiit internetikkut oqarasuaatikkullu attaveqanngitsut sumiissusersillugit nalunaarsorneqarnikuuppat?
2) Nunarput tamaat pinngortitami, imaani Nunarput tamaat patajaatsumik oqarasuaatitigut internetetikkullu attaveqaasersuinissamut Naalakkersuisut qanoq pilersaaruteqarpat?
a) Nunarput tamakkerlugu attaveqaasersuinissaq qanoq akeqassava?
b) Allallu suut pisariaqartinneqassappat?
Inatsisartuni Ilaasortaq Knud Kleemann, Atassut
Tiguneqarpoq: 30/10/2025
Naalakkersuisunut nassiunneqarpoq: 31/10/2025
188.Inatsisartunut ilaasortaq Justus Hansen, Demokraatit
1. Naalakkersuisut qanoq iliorusuppat qulakkeerumallugu, Kulusumi mittarfimmi atortorissaarutit pisariaqarttut tassanilu aamma de-icer pissarsiarineqarnissaat qulakkeereniarlugu, Kulusumit angallanneq qanittumi ikiuallannermit eqqugaaqqunagu?
2. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Justus Hansen, Demokraatit
Tiguneqarpoq: 30/10/2025
Naalakkersuisunut nassiunneqarpoq: 30/10/2025
187.Inatsisartunut ilaasortaq Gerth Mikaelsen, Naleraq
1. Nunatsinni inissiat illuinnaallu piffinni tamani qassiunersut kikkunnillu pigineqarnersut/atorneqarnersut paaseruppakka. Soorlu:
a. Iserit A/S qassinik inissiaateqarpa? Sumilu?
b. Illuut A/S qassinik inissiaateqarpa? Sumilu?
c. Kommuunit inissiaatai qassiuppat? Sumilu?
i. Kommunikkaarlugit paaserusunnarput.
d. Inuinnaat qassit illuinnaqarpat? Sumilu?
e. Air Greenlandip inissiaatai qassiuppat imalt inissianik qassinnik attartorpa? Sumilu?
f. Royal Greenlandip inissiaatai qassiuppat imalt inissianik qassinnik attartorpa? Sumilu?
g. Namminersortutik Oqartussat allaffeqarfissuat qassinik inissianik attartorpat? Sumi?
h. Tusass inissiaatai qassiuppat imalt inissianik qassinnik attartorpa? Sumilu?
i. Staten (Anstalt, Politiit, Domstol) inissiaatai qassiuppat imalt inissianik qassinnik attartorpa? Sumilu?
j. Illersornissaqarfik Forsvaret inissiaatai qassiuppat imalt inissianik qassinnik attartorpa? Sumilu?
k. Kalaallit Airport qassinik inissianik attartorpa? Sumi?
l. Nunaqarfinni illuinnaat qassit inoqarpat? Qassit inoqanngillat? Illumi ilaqutariit qassiuppat?
m. Nukissiorfiit inissiaatai qassiuppat imalt inissianik qassinnik attartorpa? Sumilu?
n. Peqqinnissamut Aqutsisoqarfik inissiaatai qassiuppat imalt inissianik qassinnik attartorpa? Sumilu?
2. Naalakkersuisut kisitsit taakku tamanit takuneqarsinnaanngorlugit nalunaarsuisalernissamut qanoq pilersaaruteqarpat?
Inatsisartunut ilaasortaq Gerth Mikaelsen, Naleraq
Tiguneqarpoq: 29/10/2025
Naalakkersuisunut nassiunneqarpoq: 30/10/2025
186.Inatsisartunut ilaasortaq Isak Johannessen, Naleraq
1. Aalisartut piniartut illoqarfinnut allanut nuukkallartillutik, soorlu assersuutigalugu aapparisap ilinniariarneranut, taava kingorna nunaminnut angerlaraangamik aalisarnermut piniarnermullu allagartatik (“licens”) annaasarnerinut tusatsiakkat naapertorlugit:
a. Naalakkersuisut taamatut aqqusaagaqartunik ilisimasaqarpat?
b. Ulloq manna tikillugu qassit qulaani taakkartorneqartut naapertorlugu taamatut aqqusaagaqarsimappat?
c. Aalisarnermut, piniarnermullu, sumiiffimmi aallaavigisami allagartap pigiinnarnissaanut pisinnaatitaaffeqartoqarpa?
2. Naalakkersuisut aalisartukillisaanissaq piniartukillisaanissarluunniit arlaatigut anguniarpaat?
3. Naalakkersuisut aalisartut piniartulluunniit amerlisarnissaannut anguniagaqarpat? Naalakkersuisut taamatut anguniagaqarunik qanorpiaq tamanna anguniarneqarnersoq nassuiaaqquneqarput.
Inatsisartunut ilaasortaq Isak Johannessen, Naleraq
Tiguneqarpoq: 29/10/2025
Naalakkersuisunut nassiunneqarpoq: 30/10/2025
185.Inatsisartunut ilaasortaq Pele Broberg, Naleraq
1. Inoqarfinni – taakkunannga aamma Nuummi – sakkulerngusaannissamut sakkulersornissamullu tunngasunik aalajangiisimanerit sioqqullugit, sooruna Nunatsinni Nunap inoqqaavinut pisinnaatitaafiit naapertorlugit, aalajangiinissaq sioqqullugu ilisimatitsinissamut piumasaqaataasoq, tuluttut taaguutilik “Free, Prior, and Informed Consent” (FPIC), sooruna tamatumani malinneqarsimanngitsoq?
2. Naalakkersuisut Nunap inoqqaavinut pisinnaatitaaffiit, tassannga FN naapertorlugu nunap inoqqaavisa pisinnaatitaaffii (UNDRIP), aamma ILO-169 Kunngeqarfik Danmark aqqani inatsisaasup, sutigut tamatigut malinnissaannut pisussaaffeqarpat?
Inatsisartunut ilaasortaq Pele Broberg, Naleraq
Tiguneqarpoq: 29/10/2025
Naalakkersuisunut nassiunneqarpoq: 29/10/2025
184.Inatsisartunut ilaasortaq Pipaluk Lynge Inuit Ataqatigiit
1. Nunanut allanut politikimut periusissiatta nutarternissaanut Naalakkersuisut qaqugu aggersaanissaq eqqarsaatigaat?
2. Nunanut allanut politikimut periusissiatta ukioq manna naammassinissaanut Naalakkersuisut pilersaaruteqarpat?
3. Danmarkip naalakkersuisuisa nunattalu Naalakkersuisutta akornanni Kalaallit Nunaat imminut napatittoq pillugu sinaakkutitut isumaqatigiissummut tunngatillugu partiinik aggersaanissamik Naalakkersuisut isumaliuteqarpat?
Inatsisartunut ilaasortaq Pipaluk Lynge Inuit Ataqatigiit
Tiguneqarpoq: 23/10/2025
Naalakkersuisunut nassiunneqarpoq: 23/10/2025
183.Inatsisartunut ilaasortaq Mette Arqe-Hammeken, Naleraq
1. Ukiut tallimat kingulliit meeqqat nunatsinni angerlarsimaffiup avataani inissinneqarsimasut qassiuppat? Kommunikkaarlugit kisitsit perusunneqarput.
2. Ukiumut katillugu meeraq ataaseq angerlarsimaffiup avataanut inissitaq qanoq naleqarpa?
3. Inissiineq pisariaqalersimappat peqqutit assigiinngitsut suuppat?
4. Angerlartinneqariaannartut nalilikkat qassiuppat?
5. Angerlarsimaffiup avataani inissiinermi meeqqap kissaatai tusaaneqartarpa?
a. taamaanngippat, kina tusaaneqarnerusarpa?
6. Angajoqqaanut iliuuserineqartartut suuppat taamaalilluni meeqqatik utertissinnaaniassagamikkit?
a. Angajoqqaanut iliuutsit pisortanut qanoq aningaasartuutaatigisarpat?
7. Meeqqat angajoqqaaminnut utertitsiniarnerannut aqqutit suuppat qanorlu sivisutigisarpa?
8. Angerlarsimaffiup avataanut inissitaq angajoqqaaminut angerlartinnera inuiaqatigiinnut allaffissornikkullu allatigullu aningaasartuutit qassiusarpat?
9. Inissiiniarnermi sooruna ilaquttat qaninnerit inissiffigineqarneq ajortut?
Inatsisartunut ilaasortaq Mette Arqe-Hammeken, Naleraq
Tiguneqarpoq: 13/10/2025
Naalakkersuisunut nassiunneqarpoq: 23/10/2025
182.Inatsisartunut ilaasortaq Jens NapãtôK’, Naleraq)
1. Uummannap eqqaani umiatsiaraarsorluni aalisartut ukiup sinneranut isertitaqanngitsutut inissisimatinneqannginnissaat pillugu Naalakkersuisut qanoq piviusunngortitsiniarpat, maanna pisassiissutit aalisarneqareerpata?
2. Naalakkersuisut ilassutitut pisassiissutinit atorneqanngitsunit agguaassisoqarnissaanik, imaluunniit pissutsit iluarsiniarlugit piffissap ilaani millisitsinissamik eqqarsaateqarpat?
3. Sinerissap qanittuani aalisarnermi pisassiisutinik pilersaarusiortarnerup aalisarnermi pissutsinik piviusunik aalisartullu ukioq kaajallallugu aningaasaqarsinnaanerannik pitsaanerusumik ersersitsinissaa anguniarlugu Naalakkersuisut qanoq siumut ingerlassappat?
Inatsisartunut ilaasortaq Jens NapãtôK’, Naleraq)
Tiguneqarpoq: 21/10/2025
Naalakkersuisunut nassiunneqarpoq: 23/10/2025
181.Inatsisartunut ilaasortaq Mariane Paviasen Jensen, Inuit Ataqatigiit
1. Narsarsuup siunissaa pillugu suleqatigiissitap suliai sumut killippat?
2. Naalakkersuisut Narsarsuup siunissaa pillugu sunik pilersaaruteqarpat ?
3. Naalakkersuisut siunissami periarfissanik sunik Narsarsuarmi innuttaasunut neqerooruteqarsinnaanerlutik ornigullutik paasissutissiiniarpat?
Inatsisartunut ilaasortaq Mariane Paviasen Jensen, Inuit Ataqatigiit
Tiguneqarpoq: 17/10/2025
Naalakkersuisunut nassiunneqarpoq: 20/10/2025
180.Inatsisartunut ilaasortaq Mariane Paviasen Jensen, Inuit Ataqatigiit
1. Inatsisitigut ataataqanngitsuunissamik Naalagaaffiup aalajangiisimaneranut tunngatillugu
Naalakkersuisut sunik tunngaveqarluni aalajangiisimanermik ilisimasaqarpat?
2. Inatsisartut ukiaq manna ataatsimiinerata nalaanni partiit ilaanniit “akissaajaatitut”
taakkartorneqartut, qanoq pineqartunut sunniuteqarsinnaanera eqqarsaatigalugu
Naalakkersuisut erseqqissaasinnaappat?
A) Nunatsinnimi meeraq kinaluunniit akissaajaatitut isigineqaranilu
taakkartorneqqannginnissaa pingaaruteqarpoq. Naalakkersuisut tassunga
isumaqataappat?
3. Inatsisitigut ataataqaqqusaanngitsunut tunngatillugu, meeraasimasunut,
anaanaasimasunullu tunngatillugu ikiorsiineq qanoq ittoq periarfissiissutigineqarsimava?
Inatsisartunut ilaasortaq Mariane Paviasen Jensen, Inuit Ataqatigiit
Tiguneqarpoq: 16/10/2025
Naalakkersuisunut nassiunneqarpoq: 16/10/2025
179.Inatsisartunut ilaasortaq Paarma Lund Kreutzmann, Inuit Ataqatigiit
1. Seeqqulersinnissamut siffialersinnissamullu suliaritinnissaminnut utaqqisut tulleriiaarneqartarnerat suna aallaavigalu tulleriinnilersorneqartarpat?
a. Tulleriaarineq qanoq sivisutigisumik utaqqisimanerat aallaavigineqartarpa?
b. Qanoq perulutsigineri aallaavigalugit?
c. Seeqqut, siffissat qanoq suliarisariaqartiginerat/nungullarsimatiginerat aallaavigalugu?
2. Utaqqisup ukiui apeqqutaatinneqartarpat?
3. Ilisimavarput suliaritinnissamut utaqqisarneq sivisusinnaasartoq, tamanna aaqqiiviginiarlugu suliamik ingerlasoqarpa?
4. Maannakkut nunatsinni suliaritinnissaminnut utaqqisut qassiuppat qanorlu sivisutigisumik agguaqatigiisillugu utaqqisoqartarpa?
Inatsisartunut ilaasortaq Paarma Lund Kreutzmann, Inuit Ataqatigiit
Tiguneqarpoq: 10/10/2025
Naalakkersuisunut nassiunneqarpoq: 10/10/2025
178.Inatsisartunut ilaasortaq Paarma Lund Kreutzmann, Inuit Ataqatigiit
1. Naalakkersuisut peqqinnissamut qullersaqarfik isumaqatigivaat, Nunatsinni illoqarfiit isorliunerusut inukinnerumaallu, nal. 08.00 - 16.00 iluanni taamaallaat nakorsaqarlutik ammasarnissaat aamma uninngavittut matoqqanissaat aammalu nakorsamit Nuummi issiasumit nakorsiartinneqartarnissaat, annikitsumik allannguutaasutut taaneqaanarsinnaasoq?
2. Inuup piartortup paarisariallip qanoq paarineqarnissaa, anniaateqartinnaveersaarnissaa naammaginartumillu inuunerup naggataani atugassaqartinneqarnissaata isumagineqarnissaa qanoq pissava? Assersuutigalugu Qeqertarsuarmiuusimaguni, taava inuunermi naggataa Aasiaat peqqissaaveqarfianiittariaqassava? Ilaquttat toqqissisimaffigisat avatangiisillu ungagisat qimallugit?
Inatsisartunut ilaasortaq Paarma Lund Kreutzmann, Inuit Ataqatigiit
Tiguneqarpoq: 09/10/2025
Naalakkersuisunut nassiunneqarpoq: 09/10/2025
177.Inatsisartunut ilaasortaq Pele Broberg , Naleraq
1. Naalakkersuisut ilisimasaqarfigaat peqqinnissaqarfimmut taartaajartorlutik suliartortut qanoq amerlatigisut peqqinnissaqarfiup aningaasalersugaanik ilaqutariit Kalaallit Nunaannut timmisartuussitinneqarsimanersut?
a. Taamaappat, ukiumut taartaajartorlutik suliartortut qassit pineqarpat?
b. Ukiuni kingulliit marlunni?
c. Nunatta karsianut qanoq akeqarpa?
2. Naalakkersuisut ilisimasaqarfigaat peqqinnissaqarfimmi taartaajartorlutik sulisut qanoq amerlatigisut ilaqutariinnut akeqanngitsumik sulinngiffeqartinneqarsimanersut, peqqinnissaqarfimmit akilerneqartut?
a. Taamaappat, ukiumut taartaajartorlutik sulisut qassit pineqarpat?
b. Ukiut kingulliit marluk?
c. Nunatta karsianut qanoq akeqarpa?
Inatsisartunut ilaasortaq Pele Broberg , Naleraq
Tiguneqarpoq: 08/10/2025
Naalakkersuisunut nassiunneqarpoq: 08/10/2025
176.Inatsisartunut ilaasortaq Jens NapãtôK’, Naleraq
1. Nunanit allaneersut qassit suliartortut suliffissuarnut agguataarlugit ullumikkut atuuttumik Kalaallit Nunaanni sulinissamut najugaqarnissamullu akuersissummik peqarpat?
2. Oqartussat qanoq misissuineq ingerlattarpaat, nunanit allaneersut ilumut piffissap ilaani sulisuunersut aammalu akuersissutigisaminik iluanni sulinersut?
3. Sulisitsisut nunani allani sulissanik akikinnerusunik piumasaqarnerulernerat pissutigalugu najukkami Kalaallit innuttaasut suliffissaaleqiffimmiit qimagussorneqannginnissaat qanoq sulakkeerneqarpa?
4. Naalakkersuisut suliffissuarni aalajangersimasuni nunanit allaneersunik sulisussanik killilersuinissamik pilersaaruteqarpat imaluunniit sumiiffinni sulisussanik piumasaqarpat, pingaartumik kiffartuusinermi eqqiaanermut isumaginninnermut?
5. Najukkami innuttaasut sulisinnaatitaanerat nukittorsarniarlugu aammalu nunani allani sulisussanik aallaaveqarneq annikillisinniarlugu Naalakkersuisut qanoq suliniuteqassappat?
6. Isumaginninnerup iluani nukiit taakku atorneqarnissaat pillugu eqqarsaatersuuteqartoqarpa, soorlu utoqqaat illuannut assigisaanullu, kiisali eqqaavilerinermut. Naalakkersuisut tamakku eqqarsaatigalugit qanoq isumaqarpat?
7. Naalakkersuisut eqqarsaatigaat sulisunut taakkununnga piviusumik atorfinitsitsisoqarnissaa, soorlu sivikinnerpaamik ukiuni pingasuni, imaluunniit najukkami sulisussanik nakkutilliineq ineriartortitsinerlu pillugit Naalakkersuisut allanik eqqarsaatersuuteqarpat?
8. Sulisut taakku aningaasarsiornikkut ingerlaarnitsinnut qanoq isumaqarpat? Aammalu aningaasarpassuit illoqarfinni suliffigisaminni aningaasartuutinik pilersitsisinnaasimasut annaanngilagut, imaluunniiit aningaasarsiatik amerlanersaat nunanut allanut nassiussaqartarpat sumiiffimminninngaaneerfiannut?
Inatsisartunut ilaasortaq Jens NapãtôK’, Naleraq
Tiguneqarpoq: 06/10/2025
Naalakkersuisunut nassiunneqarpoq: 07/10/2025
175.Inatsisartunut ilaasortaq Anders Olsen, Siumut
1. Apeqqut 2025/157-mi kisitsisit takoreerlugit, Naalakkersuisut suli isumaqarpat kommunit akornanni naligiinnginneq ilumut piunngitsoq?
2. Inuttussuseq aallaavigalugu Kommune Kujalleq, Kommuneqarfik Sermersuumut sanilliullugu 76 %-inik 65-it sinnerlugit ukiulinnik innuttaqarnerunera Naalakkersuisut qanoq isumaqarfigaat?
3. Kommunit, Kommuneqarfik Sermersuup avataaniittut ukiut amerlanngitsut qaangiuppata, inuusuttunit aammalu ilinniarsimasunit najugaqarfigineqarunnaarsimanissaat Naalakkersuisut ernumanartutut isiginngilaat?
4. Kommuneqarfik Sermersuup saniatigut kommunit allat inuusuttunit aammalu ilinniagaqarsimasunit siunissami suli najugaqarfigineqarsinnaajuaannarnissaat Naalakkersuisut qanoq qulakkeerniarpaat?
5. Kommuneqarfik Sermersuup saniatigut kommunit allat aamma aningaasarsiornikkut ineriartornermut peqataanissaat Naalakkersuisut qanoq qulakkeerniarpaat?
Inatsisartunut ilaasortaq Anders Olsen, Siumut
Tiguneqarpoq: 06/10/2025
Naalakkersuisunut nassiunneqarpoq: 07/10/2025
174.Inatsisartunut ilaasortaq Mariane Paviasen Jensen, Inuit Ataqatigiit
1. Naalakkersuisut naartunaveersaammik Depo-Proveramik kapuutip inunnut suli atorsinnaaneranik akuerisaanngitsorli Kalaallit arnartaannut atuisimaneq qanoq isumaqarfigaat?
A) “Misilittaasimaneq” Kalaallit arnartaannut atorneqarsimasoq Naalakkersuisunit akuerineqarpa?
B) “Misilittaasimaneq akuerineqarsimappat Naalakkersuisut tungaaniit suut tunngavigalugit akuerineqarsimava?
2. Naalakkersuisuit pinngitsaaliilluni niviarsiaqqanut, arnanullu Danskit naalagaaffiata peqqinnissaqarfiup oqartussaanerata nalaani pisimasut tamaasa naartunaveersaasersuisimaneq pineqartut tamarmik eqqarsaatigalugit Danskit naalagaaffianut qanoq piumasaqarniarpat?
A) Niviarsiaqqat arnallu naartunaveersaamik Depo-Proveramik kapuummik inunnut suli atorsinnaaneranik akuerineqarsimannginnerata nalaanni kapoorisarsimanermut tunngatillugu arnat qanoq amerlatigisut kingunerluummik aqqusaagaqarnersut ilisimaneqarpa?
B) Spiralilersorneqarsimasunut assingusumik arnat pineqarsimaneri eqqunngitsuliorfigineqarsimaneri ilanngullugu nassuerutigineqarpa?
C) Taamaanngippat suut peqqutigalugit isumaqataanngitsoqarpa niviarsiaqqat arnallu naartutinnaveersaarneqarsimaneri assigiinngitsumik isumaqarfigineqarsimaneri?
Inatsisartunut ilaasortaq Mariane Paviasen Jensen, Inuit Ataqatigiit
Tiguneqarpoq: 02/10/2025
Naalakkersuisunut nassiunneqarpoq: 02/10/2025
173.Inatsisartunut ilaasortaq Gerth Mikaelsen, Naleraq
1. KNI Pilersuisup Tasiilap nunaqarfiini kipiluttunartumik ingerlatsinera Naalakkersuisuniit qisuariarfigineqarniarnerluni?
2. Pisiniarfiit nioqqutissanik inuussutissartalinnik tikisitsisarneri amigartunik tikisitsisaqattaarneri pissusissamisoortutut Naalakkersuisut isigivaat?
3. Tasiilami nunaqarfinniilu taamaattussaannartut ingerlasoqarnissaa Naalakkersuisut isigivaat?
4. Allannguisoqartariaqalinnginnerpa tamakkua pillugit? Naalakkersuisut qanoq pilersaaruteqarpat?
5. Pisiassat inuussutissartallit pisariaqartinneqartut amigartunik tikisitsisarneq Naalakkersuisuniit akuerineqaanassava?
6. Naalakkersuisut Tasiilami nunaqarfiinilu sipaarniartunukua?
a. Sipaarniartoqanngippat sooruna taamak kipiluttunartigisumik ingerlatsisoqarpa?
7. Naalakkersuisut isumaqarpat KNI Sisimiuni qullersaqarfianiit suliassat naammaginartumik suliarineqarsimanersut?
a. Sulisunik allanik taarsiinerit pisariaqalissappat?
b. Tunumiunukua Naalakkersuisuniit soqutaannginnerusut?
c. Sooruna sullissineq taama kipiluttunartigusoq?
8. Tasiilaminunaqarfiinilu KNI-mi sulisut kiap akisussaaffigai?
a. Naalakkersuisunit susoqarnianngippat Ombudsmandimut saaffiginnissuteqartariaqassava?
Inatsisartunut ilaasortaq Gerth Mikaelsen, Naleraq
Tiguneqarpoq: 30/09/2025
Naalakkersuisunut nassiunneqarpoq: 01/10/2025
172.Inatsisartunut ilaasortaq Jens NapãtôK’, Naleraq
1. Naalakkersuisut Siulittaasuat, ulloq 27. august 2025, kikkut sinnerlugit sunalu tunngavilersuutigalugu utoqqatserpa?
2. Ukioq 1992 kingorna, Namminersornerullutik Oqartussaasimasut qanoq oqaasertaqartumik inuiaqatigiit kalaallit meeqqisarnerisa ikilisarnissaannut politikkeqarsimappat? Ikilisaanissamut politikkeqarsimanngippata, maanna Naalakkersuisut Siulittaasuata kikkut sinnerlugit utoqqatsersimanera nassuiaatigeqquneqarpoq.
3. Ukioq 1992 kingorna, kikkut inatsisitigut meerartaartitsinaveersaarnernut tunngasut oqartussaaffigaat? Uani Danmarkip imaluunniit Kalaallit Nunaata oqartussaaffigineraat minnerpaamik akeqquneqarpoq.
4. Ukioq 1992 kingorna meerartaartitsinaveersarnermut tunngasunik misissuisoqarnikuua, taamaappallu qanoq imaqarpat?
Inatsisartunut ilaasortaq Jens NapãtôK’, Naleraq
Tiguneqarpoq: 01/10/2025
Naalakkersuisunut nassiunneqarpoq: 01/10/2025
171.Inatsisartunut ilaasortaq Jens NapãtôK’, Naleraq
1. KNI-mut kiffartuussinissamut isumaqatigiissutip malinneqarnissaa kiisalu innuttaasut Kullorsuarmi inoqarfinni allanilu ulluinnarni tunngaviusumik atugassarititaasunik toqqissisimasumik atugaqarnissaat pillugu Naalakkersuisut immikkut qanoq iliuuseqarniarpat?
2. Naalakkersuisut annertunerusumik nioqqutissanik imaluunniit allanik nioqqutissiornermik aaqqiissutissanik (assersuutigalugu saniatigut allamik umiarsuarnik saaffiginnissuteqartarnermik imaluunniit timmisartukkut assartuinermik) qulakkeerinninnissamut suliniuteqassappat? Pingaartumik piffissami sila pissutigalugu ajornartooruteqarnermi.
3. Naalakkersuisut piniarnermi atortussat allallu piniartut aalisartullu inuussutissarsiutaannut pisariaqarluinnartut pissarsiarineqarsinnaanissaat qulakkeerniarlugu qanoq iliorpat?
4. Naalakkersuisut nassuiaateqarsinnaappat KNI-mi nakkutilliineq qanoq ingerlanneqartarnersoq aammalu tunisassiarpassuit ukiup ataatsip tungaanut tuniniarneqartarnerat qanoq kinguneqarsimanersoq?
Inatsisartunut ilaasortaq Jens NapãtôK’, Naleraq
Tiguneqarpoq: 30/09/2025
Naalakkersuisunut nassiunneqarpoq: 01/10/2025
170.Inatsisartunut ilaasortaq Mariane Paviasen Jensen, Inuit Ataqatigiit
1. Savat savaaqqallu toqorartarnerannut sumik patsiseqarnertarnerat pillugu Naalakkersuisut nalunaarusiornerat sumut killippa?
2. Nalunaarusiap suliarineqarnerani pineqartunik tassalu savaatilinnik peqataatitsineq qanoq ingerlanneqarpa?
A) Qanoq amerlatigisut peqataatinneqarpat?
Inatsisartunut ilaasortaq Mariane Paviasen Jensen, Inuit Ataqatigiit
Tiguneqarpoq: 30/09/2025
Naalakkersuisunut nassiunneqarpoq: 30/09/2025
169.(Inatsisartunut ilaasortaq Lars Poulsen, Siumut
1. Ukiaaneraniit upernarnissaanut Air Icelandip Kulusuk Islandillu akornanni timmisartuussisarnitik assartuussisarnitillu utitsippatigit, Naalakkersuisut timmisartuussisarnerit assartuussisarnerillu unittuuinnginnissaat qulakkeerniarlugu isumaqatigiissuteqarniarpat?
a. Naalakkersuisut ukiuunerani takornariaqarneq, naatitanik nillataartunillu pilersorneqarneq, nalinginnaasumillu timmisartuussinerit unittoornissaat pinaveersaartinniarlugu Air Greenlandi aqqutigalugu pineqartut matussusissallugit pilersaaruteqarpat?
2. Oktoberimi ukiumut umiarsuarnik pajuttuineq naggataartussatut pilersaarutaavoq, novemberi decemberilu suli imaasaraluartoq. Royal Arctic Linemit umiarsuarnik pajuttuinermut piffissaliussaq sivitsorneqarnissaa Naalakkersuisut piumasarissamaarpaat?
a. Ukioq maannamut sivitsuinissaq pilersaarutaava, siunissamilu aaqqiisoqarniarpa?
3. Naalakkersuisut inissaaleqineq akiorniarlugu suut suliniutiginiarpaat?
a. Namminersorlutik Oqartussat inissialiorniarlutik pilersaaruteqarpat?
b. Inissialiorluni sanaartortoqassappat qaqugu sanaartorneq aallartinneqassava?
4. Ilinniartitaanikkut tunngaviusumik ilinniarfimmik imlt. ingerlariaqqiffiusumik ilinniarfinnik arlaannik Naalakkersuisut pilersitsinissaannik pilersaaruteqarpat?
a. Pilersaaruteqartoqarsimappat qaqugu aallartittoqassava?
(Inatsisartunut ilaasortaq Lars Poulsen, Siumut
Tiguneqarpoq: 30/09/2025
Naalakkersuisunut nassiunneqarpoq: 30/09/2025
168.Inatsisartunut ilaasortaq, Mimi Karlsen Inuit Ataqatigiit
1. Naalakkersuisut arnat piumassuserinngisaminnik spiralilersinneqarsimasut taakkununngalu uiusut ilaqutaasunullu oqaloqateqarnissamik, ikiorneqarnissaannik periarfissamik ammaaniarpat?
2. Naalakkersuisut ikiorneqarnissamik pisariaqartitsisunut ammaaniarunik danskit naalakkersuisui suleqatiginiarpaat ?
Inatsisartunut ilaasortaq, Mimi Karlsen Inuit Ataqatigiit
Tiguneqarpoq: 30/09/2025
Naalakkersuisunut nassiunneqarpoq: 30/09/2025
167.Inatsisartunut ilaasortaq Gerth Mikaelsen, Naleraq
1. Ittoqqortoormiini kiisalu Kangerlussuarmi qilalugaqarfiusuni qilalukkanik sattellit senderilersuisoqarnikuuvoq. Taakkua pillugit Naalakkersuisut innuttaasunut paasissutissanik tutsuiginartunik paasititsiniaaniarpat?
2. Innuttaasunut paasititsiniaaneq taakkua qilalukkat sumiittarneri pillugit innuttaasunut paasititsiniaanikuuppat?
a. Imaluunniit Naalakkersuisut uumassusilerisunut paasitsinneqarnikuuppat sumut ingerlaarsimanersut?
b. Paasissutissat sumut aasinnaavakka taakkoqqissaat qilalukkat pillugit?
Inatsisartunut ilaasortaq Gerth Mikaelsen, Naleraq
Tiguneqarpoq: 25/09/2025
Naalakkersuisunut nassiunneqarpoq: 26/09/2025
166.Inatsisartunut Ilaasortaq Iddimanngiiu Jensen Bianco, Inuit Ataqatigiit
1. Tasiilami erngup nukinganik nukissiuummik allilerinissamut suliap unitsinneqarnera sumerpiaq peqquteqarpa?
2. Erngup nukinganik nukissiorneq naammattumik Tasiilamut illoqarfimmut pilersuineq naammaginartumik ingerlanneqarpa?
3. Tasiilami erngup nukinganik nukissiuummik alliliinissamut suliamik unititsineq qanoq Naalakkersuisunit pilersaarusiorfigineqaqqinniarpa?
Inatsisartunut Ilaasortaq Iddimanngiiu Jensen Bianco, Inuit Ataqatigiit
Tiguneqarpoq: 25/09/2025
Naalakkersuisunut nassiunneqarpoq: 25/09/2025
165.Inatsisartunut ilaasortaq Jørgen Rosbach, Demokraatit
1. Naalakkersuisut pilersaaruteqarnerpat suliniutigissallugu Nunat tamalaat niueqatigiinnikkut suliniaqatigiiffiannut (WTO) ilaasortanngornissamik qinnuteqassallutik
a. WTO-mi ilaasortaanerup sunik pitsaaquteqarsinnaanera Naalakkersuisut naatsorsuutigaat?
b. WTO-mi ilaasortaanerup sunik ajoquteqarsinnaanera Naalakkersuisut naatsorsuutigaat?
2. Naalakkersuisut WHO-mut ilaasortanngorsinnaanermut pilersaarummik piviusorsiortumik pingaarnersiukkamik saqqummiusserusunnerpat?
3. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 16/09/2025
Naalakkersuisunut nassiunneqarpoq: 16/09/2025
164.Inatsisartunut ilaasortaq Anders Olsen, Siumut
1. Meeqqanut akilersuutinut (A-bidrag) akiitsut annertussusaat Naalakkersuisut qanoq isumaqarfigaat?
2. Naalakkersuisut isumaqataappat meeqqanut akilersuutit kommunit aningaasaqarnerinut annertuumik oqimaarsaartitsisut?
3. Meeqqanut akilersuutinut akiitsut kommunit aningaasaqarnerinut suli annertunerusumik artukkiileraluttuinnannginnissaat anguniarlugu, Naalakkersuisut arlaannik suliniuteqarpat?
4. Inatsisartut inatsisiliaatigut meeqqanut akilersuutinut aningaasanik annaasaqaatinut matussuserneqanngitsumik akisussaasunngortinneqarsimanerat, Naalakkersuisut pissusissamisoortutut isigaat?
5. Meeqqanut akilersuutinut kommunit akiliisussanngortinneqartarnerisa unitsinneqarnissaat Naalakkersuisut isumaqatigivaat?
6. Naalakkersuisut naatsorsuutigivaat akiitsorineqartut 400 mio.kr. innuttaasuniit kommuninut ilumut uterteqqinneqarumaartut?
Inatsisartunut ilaasortaq Anders Olsen, Siumut
Tiguneqarpoq: 12/09/2025
Naalakkersuisunut nassiunneqarpoq: 12/09/2025
163.Inatsisartunut ilaasortaq Pele Broberg, Naleraq
1. Greenland Airports A/S-imi siulersuisut nutaat qassit Kalaallit Nunaanneersuuppat?
2. Naalakkersuisut isumaqarpat Kalaallit Nunaanniit Inuit immikkut ittumik piginnaasaqanngitsut Greenland Airports A/S-imi aqutsisunut ilaasortanngornissamut?
3. Kalaallit Nunaanniit Inuit qanoq amerlatigisut nBoard ApS-imit siunnersuutigineqarpat, ilaatigut bestyrelser.gl aqqutigalugu innersuunneqarsimappat?
4. Naalakkersuisut qanoq annertutigisumik akiliisimappat, ilanngullugu Aqutsisunut Allattoqarfik, nBoard ApS-imut, GAIR A/S-imi aqutsisunut siunnersuuteqarnermut atatillugu?
5. nBoard ApS-imut tunngatillugu (bestyrelser.gl ilanngullugu)
a) Kalaallit Nunaanni suliffeqarfiua?
b) Kalaallit Nunaannit pigineqarpa?
c) Naalakkersuisut suliffeqarfik Namminersornerullutik Oqartussanut aningaasartuutissanut pisarialittut isigaat?
d) Pisortat suliffeqarfiutaasa nBoard ApS-imut, Naalakkersuisut qanoq annertutigisumik minnerpaamik ukiuni tallimani kingumut naatsorsuutigalugit aningaasartuutigisimasaat katillugit qassiuppat?
6. Naalakkersuisut naammagisimaarinnissutigaat Danmark aqutsisunut ilaasortaminik allannguuteqannginneranut, naak Greenland Airports A/S-imi “akuersaarneqarsinnaanngitsumik inissisimagaluartut?
Inatsisartunut ilaasortaq Pele Broberg, Naleraq
Tiguneqarpoq: 11/09/2025
Naalakkersuisunut nassiunneqarpoq: 11/09/2025
162.Inatsisartunut ilaasortaq Jens NapãtôK’, Naleraq
1. Sinerissap qanittuani aalisarnermi kalaallit qaleralittassiissutaat 1.januar 2025-imiit aaqqissuusaq nutaaq aqqutigalugu tunineqarsimappat imaluunniit nuunneqarsimappat?
2. Katillugit qanoq amerlatigisut (tonsini) ingerlateqqissimappat, aammalu aningaasat nuussorneqartut qanoq naleqarpat?
3. Nunami sumi tunisaqarsimanerit pisimappat, aammalu qanoq ittunik suliaqartunik (assersuutigalugu, inuit ataasiakkaat, najukkami aalisartut, suliffeqarfiit) aaqqissuunneqartoq atorsimavaat?
4. Aamma kinguppannik aalisarnerup iluani pisassiissutinik tuniniaasoqarsimava imaluunniit nuutsisoqarsimava, taamaattoqarsimappallu qanoq annertutigisumik kikkunnullu?
Inatsisartunut ilaasortaq Jens NapãtôK’, Naleraq
Tiguneqarpoq: 10/09/2025
Naalakkersuisunut nassiunneqarpoq: 11/09/2025
161.Inatsisartunut ilaasortaq Jørgen Rosbach, Demokraatit
1. Qanoq ilillutik Naalakkersuisut qulakkeertarpaat, kommunit privatimik meeqqat angerlarsimaffiinut akiliutaat allamut pinnatik ingerlatsinermut meeqqallu pisariaqartitaanuinnaq tuttarnersut?
2. Nakkutilliinermut misissuinernullu suut tigussaasut Naalakkersuisut atulersimavaat, pisortat aningaasaataasa privatimik inuulluarniutinut (soorlu assersuutigalugu biilinut, umiatsianut angalanernullu), atorneqannginnissaannut?
3. Qanoq ilillutik Naalakkersuisut qulakkeerniarpaat, meeqqat ulloq unnuarlu inissiisarfinni assigiinngitsuneersut tunngaveqanngitsumik immikkoortitaanermik misisinnginnissaat, soorlu assersuutigalugu mobiltelefooneqarnikkut, atisatigut sunngiffimmilu susassaqartitaanikkut?
4. Privatimik ingerlanneqartuni meeqqat angerlarsimaffianni suliamut piginnaasassat suut piumasaqaatigineqartarpat sulisuusunut?
a. Qanoq nakkutigineqartarpat, piumasaqaatit taakku malinneqarnersut?
5. Naalakkersuisut isumaliuutiginerpaat ersarinnerusunik malittarisassiornissaq naatsorsuutinik saqqummiinissamut aammalu aningaasatigut nakkutiginninnissamut privatinik ingerlanneqartunit meeqqanut angerlarsimaffinnik, tassani kaaviiaartitat tamanut saqqummiunneqartarneri, innuttaasut tatiginiassammassuk, aningaasat eqqortumik aqunneqarnersut?
6. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 10/09/2025
Naalakkersuisunut nassiunneqarpoq: 10/09/2025
160.Inatsisartunut ilaasortaq Jørgen Rosbach, Demokraatit
1. Naalakkersuisut nunatsinni qarasaasiatigut saassussinermut illersornissaqarfimmik (CERT) pilersitsinissamut aallarnisaaniarpat?
a. Maani nunatsinni qarasaasiatigut saassussinermut illersornissaqarfimmik pilersitsinermi suut iluaqutissatut Naalakkersuisut isigaat?
b. Qarasaasiatigut saassussinermut illersornissaqarfimmik pilersitsineq qanoq akeqassava?
c. Nunatsinni qarasaasiatigut saassussinermut illersornissaqarfiup ingerlanneranut ukiumut qanoq akeqassava?
2. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 04/09/2025
Naalakkersuisunut nassiunneqarpoq: 08/09/2025
159.Inatsisartunut ilaasortaq Justus Hansen, Demokraatit
1. Naalakkersuisut suliniutinik immikkut ittunik sunik aallartitsisimappat, Nuup Mittarfiata siunissami isumannaallisaanermut akuersissummik arsaagaasaqattaarnerata pinngitsoortinnissaa qulakkeerniarlugu?
a. Nunanut allanut angalasussanik nakkutilliisut piginnaasaannik qaffassaanissaq pilersaarutigineqarnerluni, soorlu assersuutigalugu atorfinitsitsinikkut, ilinniartitaanikkut nukinnik amerlanerusunik peqalernikkut, arsaagaanerit assigusut siunissami pinngitsoortinniarlugit?
2. Nuummi Mittarfimmi One-Stop Security-akuersissutip piviusunngornissaanut piffissaq qanoq sivisutigisoq naatsorsuutaava?
3. Naalakkersuisut eqqarsaatersuutigisimanerpaat Nuup Mittarfiani utaqqisarfiup illutaani tigussaasunik allannguisoqarsinnaanera – soorlu nunap iluani- aamma nunanut allanut ilaasussat allanngortinnerisigut – isumannaallisaanermut ajornartorsiutinut uteqqiattunut aaqqiissutissat ilaattut?
4. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Justus Hansen, Demokraatit
Tiguneqarpoq: 05/09/2025
Naalakkersuisunut nassiunneqarpoq: 08/09/2025
158.Inatsisartunut ilaasortaq Anders Olsen, Siumut
1. Sooq Naalakkersuisut maannamut inatsisini allannguutaasinnaasut imaluunniit naleqqussaanerit, nunaqarfinni biilertartunut allagartaqanngitsumik ATV-mik angalanissamut periarfissiisinnaasut, saqqummiussimanngilaat, naak suliaq 2017-mili uteqqiasumik qaqinneqartaraluartoq, aamma Naalakkersuisut nikerartut iliuuseqassallutik neriorsuisarsimagaluartut?
2. Qanoq Naalakkersuisut nassuiarsinnaavaat, suli ataatsimiititaliani suliaqarnermut aammalu oqaloqatigiinnernut innersuussisoqartuaannartoq, nunaqarfinnilu ATV-t pinngitsoorani atortariaqarneri piugaluartoq aamma tigussaasumik aaqqiissuteqartoqarnissaa utaqqineqaraluartoq, tamarmik innuttaasunut ullut tamaasa kiffartuussinissamik qulakkeerinninnissamik pisariaqartitsisut?
3. Qaqugu Inatsisartut aamma innuttaasut naatsorsuutigissavaat, Naalakkersuisut kiisami siunnersuutinik tigussaasunik saqqummiussaqarnissaat, taamaalilluni nunaqarfiit innuttaasunut kiffartuussinissamut periarfissaqartinneqarnerat pisariaqartoq qulakkeerneqarniassammat?
Inatsisartunut ilaasortaq Anders Olsen, Siumut
Tiguneqarpoq: 03/09/2025
Naalakkersuisunut nassiunneqarpoq: 04/09/2025
157.Inatsisartunut ilaasortaq Anders Olsen, Siumut
1. Ukiuni kingullerni tallimani (2020-2024) kommunit tamarmik ataasiakkaarlutik immikkut ukuninnga qanoq katillugit isertitaqarsimappat?
a. Suliffeqarfiit akileraarutaat (selskabsskat)
b. Iluanaarutinit akileraarutit (udbytteskat)
2. Ukiuni kingullerni tallimani (2020-2024) kommunit tamarmik ataasiakkaarlutik immikkut ingerlatsinermi (drift) katillugit qanoq sinneqartooruteqarsimappat?
3. Ukiuni kingullerni tallimani (2020-2024) kommunit tamarmik ataasiakkaarlutik immikkut sanaartornermut katillugit qanoq aningaasartuuteqarsimappat?
4. Ukiuni kingullerni tallimani (2020-2024) kommunit tamarmik ataasiakkaarlutik katillugit naatsorsuutitigut qanoq angusaqarsimappat?
5. Inuttussuseq aallaavigalugu kommunit ataasiakkaarlugit 65-it sinnerlugit ukiulinnik qanoq amerlatigisunik innuttaqarnersut procentinngorlugit ullumikkut qanoq isikkoqarpa? Annertunerpaamik procentitaqartut siulliullugit allanneqarnissaat kissaatigaara.
6. Inuttussuseq aallaavigalugu kommunit ataasiakkaarlugit sulisinnaassusilittut ukiulinnik (17-64) ullumikkut qanoq amerlatigisunik innuttaqarnersut procentinngorlugit qanoq isikkoqarpa? Amerlanerpaanik procentitaqartut siulliullugit allanneqarnissaat kissaatigaara.
7. Paasissutissat qulaani saqqummiunneqartut aallaavigalugit kommunit akornganni aningaasaqarnikkut inissisimaneq Naalakkersuisut qanoq nalilerpaat?
Inatsisartunut ilaasortaq Anders Olsen, Siumut
Tiguneqarpoq: 28/08/2025
Naalakkersuisunut nassiunneqarpoq: 02/09/2025
156.Inatsisartuni ilaasortaq Kuno Fencker, Naleraq
Naalakkersuisut uppernarsaaniarpat, naartuersitsinnermut, naartulersinnaasunik ikilisaaneq, kinguaassiorsinnaajunnaarsitsinermut issuertitsisarnermut/mannissaartitsinermullu tunngatillugit inatsit Kalaallit Nunaannit tiguneqarsimanngitsut, kisiannili suli naalagaaffiup inatsisaaniittut Kalaallit Nunaannut atuutinneqarlutik, tassungalu ilanngullugu inatsisartut inatsisaat nr. 232, 12. juuni 1975-imeersoq naartuersitsitsisarnermut atatillugu, kiisalu inatsisartut inatsisaat nr. 318, 13.juuni 1973-imeersoq kinguaassiorsinnaajunnaarsitsinermut tunngatillugu Kalaallit Nunaannut atuutsinneqartut inatsisartut inatsisaat nr. 233, 12.juuni 1975-imeersoq naapertorlugu suli danskit naalagaaffiata akisussaaffigigaat, aammalu Naalakkersuisut naartunaveersaasersuinermut suliaq pillugu akisussaaffimmik tigusisinnaappat taamatullu Inatsisilerinermi pisinnaatitaaffik aammalu nunat akornanni inatsisilerinermi akisussaaffik suli Danmarkip naalagaaffiata tigummivaa?
Inatsisartuni ilaasortaq Kuno Fencker, Naleraq
Tiguneqarpoq: 29/08/2025
Naalakkersuisunut nassiunneqarpoq: 01/09/2025
155.Inatsisartunut ilaasortaq Hans Enoksen, Naleraq
1. Naalakkersuisut Siulittaasuat, ulloq 27. august 2025, kikkut sinnerlugit sunalu tunngavilersuutigalugu utoqqatserpa?
2. Ukioq 1992 kingorna, Namminersornerullutik Oqartussaasimasut qanoq oqaasertaqartumik inuiaqatigiit kalaallit meeqqisarnerisa ikilisarnissaannut politikkeqarsimappat? Ikilisaanissamut politikkeqarsimanngippata, maanna Naalakkersuisut Siulittaasuata kikkut sinnerlugit utoqqatsersimanera nassuiaatigeqquneqarpoq.
3. Ukioq 1992 kingorna, kikkut inatsisitigut meerartaartitsinaveersaarnernut tunngasut oqartussaaffigaat? Uani Danmarkip imaluunniit Kalaallit Nunaata oqartussaaffigineraat minnerpaamik akeqquneqarpoq.
4. Ukioq 1992 kingorna meerartaartitsinaveersarnermut tunngasunik misissuisoqarnikuua, taamaappallu qanoq imaqarpat?
Inatsisartunut ilaasortaq Hans Enoksen, Naleraq
Tiguneqarpoq: 28/08/2025
Naalakkersuisunut nassiunneqarpoq: 29/08/2025
Atorunnaartoq
154.Inatsisartunut ilaasortaq Hans Enoksen, Naleraq
1. Naalakkersuisut Siulittaasuat Jens-Frederik Nielsen, KNI A/S ataatsimeersuarnerani
ilaatigut piginnittut sinnerlugit imatut oqaaseqarnerarpoq “Jeg er i dag til
generalforsamling i KNI og vil på vegne af ejerne sige et par ord… Varerne i
butikkerne skal simpelthen være billigere”1. Oqaatigisimanerakkat ilutigalugit:
a. Naalakkersuisut siulittaasuata pisiassat sorliit akikilliniarlugit KNI A/S-imut
peqqussutigivai?
b. Pisiassat akikillinissaanut peqqussitigineqartut qanoq annertutigisumik
aningaasartuutigineqassappat?
c. KNI A/S naatsorsuutit kingulliit naapertorlugit annaasaqaataasumik
ingerlatillugu, pisiassanut akikinnerulernissaannut Naalakkersuisut
Siulittaasuata piumasaqaateqarnera qanoq aningaasartuutissanut
matussusiinissaq naatsorsuutigineqarpa? Naalakkersuisut tapiiniarnersut,
KNI A/S allatigut sipaarniuteqassanersoq, allatigulluunniit iliuusissat
ersarissumik akineqarnissaat piumasarineqarpoq.
2. Ingerlatsiviit inuiaqatigiinnit pigineqartut qanoq ingerlanissaannut
akulerussinnaatitaaneq Naalakkersuisunit tamanut atuutsinneqarniarpa,
imaluunniit Naalakkersuisut taamaallaat KNI A/S-imut akuleruttarniarpat?
3. Naalakkersuisut Inatsisartunut inuiaqatigiinnullu eqqunngitsumik
paatsoorsaaralutilluunniit paasititsinissaat inerteqqutaava?
Inatsisartunut ilaasortaq Hans Enoksen, Naleraq
Tiguneqarpoq: 28/08/2025
Naalakkersuisunut nassiunneqarpoq: 29/08/2025
153.Inatsisartunut ilaasortaq Aqqalu C. Jerimiassen, Atassut
1. Kommunit tamarmik innuttaasunik sullissinermut atatillugu tarnip pissasaanik ilisimasalinnik psykoterapeutinillu akuersissuteqartunik sulisitsitai qassiuppat, qanorlu aningaasartuutaatigippat?
2. Kommunit tamarmik innuttaasunik sullissinermut atatillugu tarnip pissasaanik ilisimasalinnik psykoterapeutinillu akuersissuteqanngitsut sulisitsitai qassiuppat, qanorlu aningaasartuutaatigippat?
Inatsisartunut ilaasortaq Aqqalu C. Jerimiassen, Atassut
Tiguneqarpoq: 28/08/2025
Naalakkersuisunut nassiunneqarpoq: 28/08/2025
152.Inatsisartunut ilaasortaq Lars Poulsen, Siumut
1. Naalakkersuisut nassuiarsinnaavaat, sooq 2026-mut aningaasanut inatsisissatut siunnersuummi Ittoqqortoormiini mittarfiliortoqarnissaanut aningaasaliisoqarniannginnersoq, naak naalakkersuisooqatigiinnissamut isumaqatigiissummi ersarissumik anguniagaagaluartoq Tasiilami aamma Ittoqqortoormiini mittarfiliortoqassasoq?
Inatsisartunut ilaasortaq Lars Poulsen, Siumut
Tiguneqarpoq: 28/08/2025
Naalakkersuisunut nassiunneqarpoq: 28/08/2025
151.Inatsisartunut ilaasortaq Nivi Rosing, Inuit Ataqatigiit
1. Oqaluttuarisaanermut qulaajaaneq naammassineqareerpat arnat pinngitsaalisamik spiralilersorneqarsimasut aningaasanik taarsiivigitinnissaat pillugu Naalakkersuisut eqqartueqatigeqqaassallugit Naalagaaffik Danmarki nalunaarpoq, tamatumunnga Naalakkersuisut isumaqataappat?
A. Naalakkersuisut isumaqataagunik, pineqartunut aningaasanik taarsiinissaq qanoq ittoq siunnerfigaat?
B. Taamaanngippat, Danmarki nammineerluni iliuutsiminik akisussaaffimmik tigusissasoq Naalakkersuisut piumasaqaatigissavaat?
2. Naalakkersuisut isumaqarpat danskit arnanut pinngitsaaliilluni spiralilersornqarsimasunut aningaasanik taarsiininissaq pillugu aalajangiinermut akisussaaqataallutik?
A. Akissut aappiuppat itisilerneqquneqarpoq.
B. Akissut naamiuppat, Naalakkersuisut erseqqissarniarpaat nunasiaateqarnermi pisimasut tamakkiisumik Danmarkip akisussaaffigigai?
Inatsisartunut ilaasortaq Nivi Rosing, Inuit Ataqatigiit
Tiguneqarpoq: 28/08/2025
Naalakkersuisunut nassiunneqarpoq: 28/08/2025
150.Inatsisartunut ilaasortaq Erik Jensen, Siumut
1. Anngiortumik aningaasat eqquteriarneqartartut imaluunniit anninniarneqartartut arsaarinnissutigineqartartullu sumut karsimut nakkartinneqartarpat?
2. Naalakkersuisut isumaqatiginerlugu taakkua aningaasat arsaarinnissutigineqartut nunatsinni ikiaroornartumut akiuiniarnermut imaluunniit pinaveersaartitsinermut, ilanngaaserisulluunniit atugaannut pitsanngorsaanernut atorneqartalissasut?
3. Suna aporfiua aammalu qanoq aporfiit peerneqarnissaat sulissutigineqarpat?
4. Naalakkersuisut qanoq isumaqarfigivaat politiit “Al Capone metode ” atorlugu nunatsinni sulisalissagaluarpata?
5. Naalakkersuisut tamanna isumaqatigisimagunikku, tamatuma qallunaat inatsisinut ministerianut piumasaqaatitut apuunnissaa sulissutigissavaat?
6. Naalakkersuisut Sisimiuni, Qaqortumi kiisalu Tunumi ilanngaaserisunik qimminillu pilersitsinissanut aningaasaleeqqittoqarnissaannullu suliniuteqarusuppat?
7. Taakkulu piffiit pingasut immikkut ilanngaaserisoqalernissaat pissappat qanoq naleqarsinnaanissaat Naalakkersuisut ilisimatitsissutigisinnaavaat?
8. Naalakkersuisut allanik paasissutissaasinnaasunik peqarpat?
Inatsisartunut ilaasortaq Erik Jensen, Siumut
Tiguneqarpoq: 19/08/2025
Naalakkersuisunut nassiunneqarpoq: 28/08/2025
149.Inatsisartunut ilaasortaq Pipaluk Lynge, Inuit Ataqatigiit
1. Naalakkersuisut Kalaallit Nunaanni Siunissamut Piginnaatitsissummik pilersitsinissamik pilersaaruteqarpat?
Inatsisartunut ilaasortaq Pipaluk Lynge, Inuit Ataqatigiit
Tiguneqarpoq: 26/08/2025
Naalakkersuisunut nassiunneqarpoq: 27/08/2025
148.Inatsisartunut ilaasortaq Jens NapãtôK’, Naleraq
1. Qaqugu Naalakkersuisut naatsorsuutigaat ATV-nut, UTV-nut, traktorinut sulinermilu motoriusumik sukkanngitsumik ingerlasartunik angallatillu 30 km-it ataallugit ingerlasartunut, inoqarfinni isorliunerusunilu aqutsisinnaanermut piumasaqaatit allannguutissanik saqqummiussinissartik?
a. Kiisalu qanoq qulakkeerneqassava allannguineq immikkut inoqarfinni isorliunerusunilu sulisussanik soorlu eqqagassat ingerlanneqarneranni imaluunniit assartuinermi ajornartorsiutaasunik eqqarsaatiginnilluni aaqqiisoqarnissaanik?
Inatsisartunut ilaasortaq Jens NapãtôK’, Naleraq
Tiguneqarpoq: 26/08/2025
Naalakkersuisunut nassiunneqarpoq: 26/08/2025
147.Inatsisartunut ilaasortaq Jens NapãtõK’, Naleraq
1. Angerlarsimaffeqanngitsuuneq pillugu periusissiat taassumalu ingerlallugu pilersiortornissaanut iliuusissat pillugit suut aaliangersimasumik suut piareersarneqarpat suullu maannamut aallartisarneqareersimalerpat?
2. Housing First-pilotprojekti Nuummut tunngasoq aqqutigalugu qanoq amerlatigisunik initaarnissamut pilersitsisoqarpa, aammalu illoqarfiit sineriammiittut allat nunaqarfiillu eqqarsaatigalugit qanoq pilersaaruteqarpa?
3. Naalakkersuisut qanoq sumiiffiit angullugit malinnaatigaat pilersaarummi anguniagaasut eqqortumik anguniarneqarnissaannik qulakkeerinninnissamut, ilaatigut Nuummit taamatullu illoqarfinni sinerissamiittuni nunaqarfinni isorliunerusunilu angerlarsimaffeqanngitsut pillugit suliniuteqartoqarnissaa siunertaralugu?
4. Naalakkersuisut qanoq qulakkeerniarnikuuaat kommunit pisariaqartutigut periarfissaqarnissaat pitsaasumik sukkasuumik sukkulluunniit angerlarsimaffeqanngitsunut ikiuinissaminnut sakkussaqarlutik iliuuseqarnissaannik, illoqarfinni Nuuk avataatigut inissisimasunut angerlarsimaffeqanngitsut pitsaaumik ikiorneqarnissaat pitsaanerpaatinniarlugu?
5. Sumiiffinni illoqarfinni Nuuk iluani avataanilu angerlarsimaffeqanngitsunik suliniuteqarneq nalunaarsuisarnerlu qaqugu killiffissiorneqassava naleqqussarneqarlunilu?
a. Kisitsisit nutaajuppat nutaallu pissarsisanerani qanoq iliortoqartassava taamatullu angerlarsimaffeqangitsunut qanoq pinaveersaartitsinermut atorneqarlutillu angelarsimaffeqanngitsut qanoq ikilisarniarneqaqqissappat?
pitsaanerpaatinniarlugu?
5. Sumiiffinni illoqarfinni Nuuk iluani avataanilu angerlarsimaffeqanngitsunik suliniuteqarneq nalunaarsuisarnerlu qaqugu killiffissiorneqassava naleqqussarneqarlunilu?
a. Kisitsisit nutaajuppat nutaallu pissarsisanerani qanoq iliortoqartassava taamatullu angerlarsimaffeqangitsunut qanoq pinaveersaartitsinermut atorneqarlutillu angelarsimaffeqanngitsut qanoq ikilisarniarneqaqqissappat?
Inatsisartunut ilaasortaq Jens NapãtõK’, Naleraq
Tiguneqarpoq: 25/08/2025
Naalakkersuisunut nassiunneqarpoq: 26/08/2025
146.Inatsisartunut ilaasortaq Jens NapãtôK’, Naleraq
1. Naalakkersuisut nassuiaateqarsinnaappat qanoq ilinikkut Nuummi Sisimiunilu eqqavinnik ikuallaaviit nutaat marluk sineriammi inoqarfinni eqqagassalerinikkut ajornartorsiutinik aaqqiiniarnissaat naatsorsuutigineqarpa. Sumiiffinni assigiinngitsuni eqqaavinni immikkoortitsiviusumi ungasinnerusumilu ikuallattoqarnerani naleqqutinngitsumillu ingerlanneqartartunut atatillugu?
2. Naalakkersuisut imaluunniit Esani A/S qanoq ittunik aalajangersimasunik suliniuteqartoqarnersoq aningaasaliisoqarnersorlu pilersaaruteqarpat, eqqaaviit Nuummi Sisimiunilu ikuallaaviit nutaaliaasunut nassiunneqartarnissaat qulakkeerniarlugu – iilaatigut assartuinermi aaqqissuussinerit, umiatsianik nassiussinermi periarfissat kiisalu immikkoortiteriviit pillugit?
3. Naalakkersuisut isumaqarpat Esani A/S aningaasanik amerlanerusunik atorniarsinnaalernissaa ajornakusoortoq, qanoq akilissanerlugit suliffeqarfiullu aningaasai siunissami isumannaatsumik inissisimatinniarlugit pilersaaruteqanngippata?
4. Naalakkersuisut qanoq qulakkiissavaat innuttaasut, pingaartumik immikkoortortani avinngarusimasuni, eqqagassaqarnermut ingerlatsinermi aningaasartuutikinnerpaamik akileraartarnissaat qulakkeerneqassanersoq, taarsigassarsiat annertunerulernerisa aamma qitiusumik ingerlatsiviit ingerlanneqarnerisa kingunerisaanik?
5. Naalakkersuisut qulakkeerniarpaat Inatsisartuni ilaasortat peqataatinneqarnissaat Esani A/S-imut akiliisinnaassuseqarnermut piumasaqaat immikkut akuersissuteqarnerup iluani piumasaqaatinik aalajangersaanermi, soorlu aningaasaqarnikkut aaqqiinikkut, ersarissaanikkut aammalu nalunaaruteqartarnikkut?
6. Naalakkersuisut qanoq ilillutik qulakkiisavaat illoqarfiit/inoqarfiit Esani-mut ilaasortaanngitsut sullinneqarnissaat eqqaaviillu isumagineqarnissaat pillugu periarfissinneqarnissaat? Esani A/S aningaasat 50.mio.kr. namminersorlutik oqartussanit pisimavai aammalu ilaasortat kommunit aningaasaliiffigalugit. Maannalu 500 mio.kr. -inik taarsigassarsivoq. Kommunit namminneq eqqagassaminnik aqutsiniartut arlaanik periarfissinneqassappat imaluunniit unitsinneqassappat, tassani eqqakkat annertuumik ajornartorsiutaalereerput.
7. Naalakkersuisut uppernarsarsinnaavaat Stockholmimi isumaqatigiissutip unioqqutinneqarnerani kinguneqartitsisoqartannginnera, pissutigalugu tassunga nakkutilliisoqanngimmat?
8. Naalakkersuisut uppernarsarsinnaavaat Avannaata Kommunia ikuallaavinnik Stockholmimi isumaqatigiissummut naapertuutinngitsunik pilersitsisinnaasoq, nakkutilliisoqarsimanngimmat unioqqutitsinermilu kinguneqartitsisoqanngimmat?
Inatsisartunut ilaasortaq Jens NapãtôK’, Naleraq
Tiguneqarpoq: 25/08/2025
Naalakkersuisunut nassiunneqarpoq: 26/08/2025
145.Inatsisartunut ilaasortaq Erik Jensen, Siumut
1. Ukioq manna Inatsisartunut qinersereernerup kingorna Naalakkersuisut siulittaasoriligaata qallunaat ministeriunerat qasseriarlugu maannamut ataatsimeeqatigereerpaa?
a. Ullut sorliit?
b. Suut oqaluuserineqarpat?
c. Nunatta Danmarkip iluani naalagaaffeqatigiiginnarnissaanik aammalu tamatuma nukittorsarnissaanik imalimmik oqaaseqartoqarpa? Kina?
2. Ukioq manna Inatsisartunut qinersereernerup kingorna Naalakkersuisut siulittaasoriligaata qallunaat nunanut allanut ministeriat qasseriarlugu maannamut ataatsimeeqatigereerpaa?
a. Ullut sorliit?
b. Suut oqaluuserineqarpat?
c. Nunatta Danmarkip iluani naalagaaffeqatigiiginnarnissaanik aammalu tamatuma nukittorsarnissaanik imalimmik oqaaseqartoqarpa? Kina?
3. Danskit naalakkersuisui Naalakkersuisunut oqaatigisimavaat, ullumikkut sillimaniarnikkut illersornissakkullu Danmarkip Nunattalu akornanni suliassaqarfiit pillugit agguaaqatigiissimaneq naapertorlugu, Kalaallit Nunaata sillimaniarneranut illersorneqarnissaanullu, ukiut ingerlaneranni aammalu massakkut, Danmarkip NATO-mut pisussaaffiinik allatigullu nunarsuarmi nunat agguataarsimaneranut avaqqunneqarsinnaanngitsunut tunngatillugu, Danmarki pisussaaffimminik naammassinnissimasoq?
a. Naalakkersuisullu tamanna isumaqatigivaat / isumaqatiginngilaat?
4. Nunatta illersorneqarnissaa pillugu USA ataasiarani oqariartortarpoq, Danmarki pisussaaffimminik sumiginnaasimasoq. Naalakkersuisut tamanna isumaqatigivaat imaluunniit isumaqatiginngilaat? Aammalu suut tunngavigalugit isumaqatigaat / isumaqatiginngilaat?
5. Nunatta uatsinnut tunngassuteqartutigut nunanut allanut tamakkiisumik oqartussaassuseqalernissaa Naalakkersuisut sulissutigaat?
a. Taamaanngippat suna tunngavigalugu?
b. Taamaappat suliniutit suut ingerlanneqarpat?
Inatsisartunut ilaasortaq Erik Jensen, Siumut
Tiguneqarpoq: 22/08/2025
Naalakkersuisunut nassiunneqarpoq: 22/08/2025
144.Inatsisartunut ilaasortaq Jens NapãtôK’, Naleraq
1. Ukiumut kalaallit qaleralii qilalukkanik qernertanit qanoq amerlatigisut nerineqartarnersut nunatsinni EEZ-imi Baffinip kangerliumarngani/Davisillu ikerani Naalakkersuisut ilisimatitsissutigisinnaanerlugit (tonsit/ukiumut inussiarnersumik allaqquneqarput), aamma nunatta Canadallu akornanni naalakkersuisut uumassusilerituut innersuutaannut agguaariaaseq sorleq atorniarneraat?
2. DFO-p naatsorsuineranut (86.000 t/qaammatit tallimat arfernut 32.000-inut; ~110.700 t avannarpasittumi), aamma taakku kisitsit qanoq nunatsinni siunnersuinermut aamma qaleralinnut TAC-p aalajangerneqartarneranut Davisip ikerani/Baffinillu kangerliumarngani ataqatigiissinneqartarpat?
3. Suut nutaanerpaat telemetri- akustikkilu atorlugu nalunaarsuutit (2018→2025) qilalukkanut qernertanut ukiukkut nunatta canadallu sukaaniittarsimappat?
a. Naalakkersuisut GINR/DFO peqatigalugit arealimik pissarsineq atuinerlu peqatigiillutik nutartissallugu pilersaaruteqarpat?
4. Malussarissusermik misissueqqissaarsimanermik (50/50, 60/40, 40/60) Naalakkersuisut qilalukkat qernertat qaleralinnik nerisaqarnerannik saqqummiussaqarlutillu takutitsiniarpat, qanoq tamanna peqassutsimut siunnersuinermut qaleralinniarnerullu mianersortumik killiliinissamut ilaatinneqarpa?
5. Naalakkersuisut paasissutissiissutigisinnaanerlugu aningaasatigut kingunerisassai qaleralinniarnerup ukiukkut qilalukkat qernertat nerisaqartarnerannut ~100–200.000 tonsi nunatta EEZ-ia qanorlu TAC-imut sunniutai, alisagartassiissutinut sineriammilu inuiaqatigiinnut?
Inatsisartunut ilaasortaq Jens NapãtôK’, Naleraq
Tiguneqarpoq: 19/08/2025
Naalakkersuisunut nassiunneqarpoq: 20/08/2025
143.Inatsisartunut ilaasortaq, Kuno Fencker, Naleraq
1. Isua-projektimut piianissamut akuersissut atuuttoq pillugu killiffik sumiippa massakkut, tamannami nalunaarutigineqarnikuuvoq London Mining Greenland A/S-imit 2013-imi?
2. Naalakkersuisut nalunnginnerlugu eqqartuussinermi suliap ingerlasup sumut killinnera LMG aamma Namminersorlutik Oqartussat akornanni, qaqugulu aalajangiisoqarnissaa naatsorsuutigineqarpa?
3. Akuersissutigineqarsimasoq piffik pineqartoq ullumikkut Naalakkersuisut qinnuteqartunut nutaanut ammateratarsinnaavaat?
4. Naalakkersuisut Isuani peqarfik tuniniaqqissallugu eqqarsaatersuuteqarpat, Namminersorlutik Oqartussat eqqartuussivimmit utertitsinissaannut taperserneqassangaluarpata?
5. Saaffiginnittoqareernikuua imaluunniit allanit soqutiginnittunik tiguserusuttunik imaluunniit nutaamik akuersissummik piffimi qinnuteqartoqarpa?
Inatsisartunut ilaasortaq, Kuno Fencker, Naleraq
Tiguneqarpoq: 18/08/2025
Naalakkersuisunut nassiunneqarpoq: 19/08/2025
142.Inatsisartunut ilaasortaq Erik Jensen, Siumut
1. Angalatitseqatigiiffiup Air Greenlandip Nuummi mittarfiup atulerneraniit ullumikkumut aningaasat katillugit qanoq amerlatigisut kinguaattoornerit peqqutigalugit aningaasartuuteqarneroreerpat?
2. Illoqarfik Nuummi kinguaattoornernut aningaasartuutit katillugit qanoq annertussuseqarpat?
3. Kinguaattoornermut aningaasartuutini nunap immikkoortuini qanoq aggulugaappat?
4. Kinguaattoornernut aningaasartuutini suut peqqutigalugit kinguaattoortoqarnersoq immikkoortiterneqartarpat?
5. Naalakkersuisut maluginiarsimanerlugu sooq Nuup avataaniittut angalasut, naak Nuummukartussaanngikkaluit amerlasoorpassuit, Nuukkoorteqqaarneqartalernerat?
6. Tamanna Nuummi mittarfiup akitsuutinik (lufthavnafgift-inik) innuttaasut sinerissamiittut akilersueqaatanerunissaannik siunertaqarnersoq paaserusunnarpoq.
7. Taamaassimappat peqqutaasut aggulunneri Naalakkersuisut saqqummiussinnaavaat?
8. 2018-imi mittarfiit pillugit inatsisartut aalajangerniarneranni tunngavigineqartumi (Deloitte suliaani) qanoq annertutigisumik kinguaattoornernut aningaasartuuteqartoqarnissaa annertussuseqarpa?
9. Nuummi mittarfik timmisartut orsertarnissaannut mittarfimmi (biiliunngitsunik) tankeqarpa?
10. Ilulissani Qaqortumilu mittarfiit sanaartorneqartut (biiliunngitsunik) mittarfimmi tankilerneqassappat?
11. Nuummi mittarfiup saarpiaaniittut biilinut unittarfiit (parkering) allanngortiterneqassamaarpat?
12. Nuummi mittarfimmi nassatanik tunniussivissat aaqqinneqarnissaat qanoq pilersaarutigineqarpat?
13. Nassatanik tunniussivissat amerlineqassappat?
14. Nuummi ajornartorsiutit ilisimaleriikkat Ilulissani Qaqortumilu pinnginnissaat qulakkeerniarlugu Naalakkersuisut sanaartortunut oqaloqateqarnikuuppat?
15. Naalakkersuisut allanik paasissutissaasinnaasunik peqarpat?
Inatsisartunut ilaasortaq Erik Jensen, Siumut
Tiguneqarpoq: 19/08/2025
Naalakkersuisunut nassiunneqarpoq: 19/08/2025
141.Inatsisartunut ilaasortaq Jens NapãtôK’, Naleraq
1. Naalakkersuisut uppernarsarlugu ersarissarsinnaavaat Suliffissarsiortunut ikiorsiissutit pillugit inatsisartut inatsisaanni §17 naapertorlugu manna periarfissaqareersoq 50 % angullugu appaasinnaaneq sulerusunngitsunut atorneqarsinnaasoq?
a. Taamaassimappat, eqqunngitsumik paatsuunganartumik paasisssutissiisoqarnera pinaveersaarniarlugu, Naalakkersuisup ersarissaalluni tusagassiuutitigut naqqiuteqarniarpa, Naalakkersuisummi eqqartormagu 25%-imik appaasoqartalerniartoq?
Inatsisartunut ilaasortaq Jens NapãtôK’, Naleraq
Tiguneqarpoq: 19/08/2025
Naalakkersuisunut nassiunneqarpoq: 19/08/2025
140.Inatsisartunut ilaasortaq, Kuno Fencker, Naleraq
1. Naalakkersuisut siusinnerusukkut suliaq normumi 2024/12776 ilisimatitsissutigaat aqqusinikkut angallannermut oqartussaaffiup tiguneqarnissaanut Transportministeriap nalunaarusiaa 3. kvartal 2024-mi naammassineqareersimassasoq, pigisanullu nalilinnut inatsisip tiguneqarnissaanut nalunaarusiaq august 2024-mi piareersimassasoq. Taakku marluk piffissamut killigititaasoq qangereersimavaat, nalunaarusiammi Inatsisartunit suli tiguneqanngimmata, aalajangiiffigisassatummi siunnersuummi UKA2022/60 19. august 2022-meersoq. Aqqusinikkut angallannermut pigisanullu nalilinnut tunngatillugu Naalakkersuisut nalunaarusianik naammasseriikkanik tigusaqareerpat?
2. Taakku nalunaarusiat marluk Inatsisartunut tunniunneqarnissaannut ulloq suna eqqortuua?
3. Suut alloriarnerit tigussaasut Naalakkersuisuniit alloriarfigineqarniarpat suliap ingerlanissaanut kinguarsaaqqinnissat pinngitsoortinniarlugit?
4. Akisussaaffiit taakku marluk tigunissaannut aningaasatigut allaffissornikkullu kingunerisassai naliliinerni ilaareerpat, aalajangiiffigisassatut siunnersuummi tunngavilersuutaasoq malillugu, taamaanngippallu – qaqugu taakku nammassineqarnissaat naatsorsuutigineqarpa?
Inatsisartunut ilaasortaq, Kuno Fencker, Naleraq
Tiguneqarpoq: 18/08/2025
Naalakkersuisunut nassiunneqarpoq: 19/08/2025
139.Inatsisartunut ilaasortaq Pipaluk Lynge, Inuit Ataqatigiit
1. Illoqarfik Gaza FN naapertorlugu Palæstinamiunit 1 millioninit najugaqarfigineqartup tigunissaa kissaatigalugu Israelimiut nalunaarput. Aalajangerneq nunami namminermit nunarsuarmiunillu isornartorsiorneqarpoq. Israelimiut naalakkersuisuisa illoqarfimmik Gazamik tigusinissamik aalajangernerat danskit naalakkersuisuinit isumaqatigineqannginneqannginneranik oqaaseqarnissaq pillugu Naalakkerusisut danskit naalakkersuisuinut qinnuteqalersaarpat?
2. Naalakkersuisut erseqqissumik Gazami inuiannik toqoraanermik ingerlasumik isumaqatiginninnginnermik avammut nalunaaruteqalersaarpat?
3. Palæstinamiut naalagaaffiannik pilersitsinissaq, nunarsuarmi naalakkersuinikkut siuttut amerlasuut taperserlugu nalunaaruteqarfigisaat, Naalakkersuisut tapersilersaarpaat?
Inatsisartunut ilaasortaq Pipaluk Lynge, Inuit Ataqatigiit
Tiguneqarpoq: 11/08/2025
Naalakkersuisunut nassiunneqarpoq: 13/08/2025
138.Inatsisartunut ilaasortaq Erik Jensen, Siumut
1. Qaqugu pisortat pigisaannik aktiaateqarfiusuni ataatsimeersuartitsinernik ingerlatsinissaq Naalakkersuisut naatsorsuutigaat?
2. Ataatsimeersuartitsinerni sammisat suut Naalakkersuisut qaqinniarpaat – assersuutigalugu aqutsinermut, ingerlatsinermut siunissamilu ineriartornernut tunngatillugu apeqqutit, tassunga ilanngullugit;
a. Siulersuisunut aqutsisunullu sunniuteqartussat oqaluuserineqarniarnersut,
b. Naalakkersuisut piginnittutut ingerlaqqinnissamut tunngatillugu suut annertusisatut piumasaqaatigissaneraat,
c. Qaqortumi Ilulissanilu mittarfiit assingusunik nalaataqannginnissaat pillugu Naalakkersuisut qanoq qulakkeerinninniarnersut?
Inatsisartunut ilaasortaq Erik Jensen, Siumut
Tiguneqarpoq: 08/08/2025
Naalakkersuisunut nassiunneqarpoq: 11/08/2025
137.Inatsisartunut ilaasortaq Jens NapãtôK’, Naleraq
1. Aasiaat fabrikkiat pillugu Naalakkersuisut aaliangersimasumik arlaatigut siunnersuusiorpat aaqqiissutaasussamik siunnersuummut atugassamik aalisakkanik tunitsiviup ammaannarsinnaanissaa qulakkeerniarlugu?
2. Naalakkersuisut pilersaaruteqarpat susassaqartut piginnittut innuttaasullu peqatigalugit Aasianni suliap ingerlatseqqinnissaanut fabrikkip ammaannarnissaanut aaqqiissutissamik periarfissarsiornermut, fabrikkip ammaannarnissaa taakku siunissaannut pingaaruteqaqimmat?
3. Ataatsimiititaliat susassaqartut suliniaqatigiiffiit kattuffiillu aammalu susassaqartut attuumassuseqartut peqataatillugit suliamik malinnaatitsillunilu ingerlatsisoqarniarpa suliap ingerlaqqinnerani?
4. Naalakkersuisut allanik ilassutissaqarpat pineqartumut taamatullu Naalakkersuisut suliap ingerlaqqinnissaanut tunngassuteqartumik ilanngussassaqarpat?
Inatsisartunut ilaasortaq Jens NapãtôK’, Naleraq
Tiguneqarpoq: 08/08/2025
Naalakkersuisunut nassiunneqarpoq: 11/08/2025
136.Inatsisartunut ilaasortaq Nivi Heilmann Efraimsen, Inuit Ataqatigiit
1. Umiarsualivinnut immikkoortumut pilersaarut 2017-2027-moortumi erserpoq aserfallatsaaliinissamut aningaasaliissutit naammanngitsut. Naalakkersuisut umiarsualivinnik aserfallatsaaliinissamut, aningaasanut inatsimmi tulleriiaarinerup saniatigut aaqqiissutissanik pilersaaruteqarpat?
2. Sisimiuni umiarsualiviup (Atlantkaj) qanoq issusaa qanga kingullermik misissorneqarpa?
3. Sisimiuni umiarsualivik siunissaq ungasinnerusoq eqqarsaatigalugu isumannaatsumik atorneqarsinnaassaguni qanoq annertutigisumik suliassartaqarpa?
A. Suliassartai qaqugu suliarineqarnissaat naatsorsuutigineqarpa?
4. Sisimiuni talittarfiit minnerit Skonnertkaj aamma Oliekaj qaqagu aserfallatsaalineqassappat?
Inatsisartunut ilaasortaq Nivi Heilmann Efraimsen, Inuit Ataqatigiit
Tiguneqarpoq: 06/08/2025
Naalakkersuisunut nassiunneqarpoq: 07/08/2025
135.Inatsisartunut ilaasortaq Jørgen Rosbach, Demokraatit
1. Peqqinnissaqarfimmi sulisunut isumaqatigiissutinut isumaqatiginninniarnerit sumut killippat?
a. Isumaqatigiissutinut isumaqatiginninniarnerit suli naammassinnginnerannut, suut peqqutaappat?
2. Ukununnga isumaqatiginninniarnernut atatillugu Naalakkersuisut suut anguniagassatut siunniuppaat:
a. Sulisussarsiorneq?
b. Sulisut pigiinnarnissaannut?
c. Peqqinnissaqarfimmi sulisunut sulinermi atugassarititaasut aamma suliffimmi isumannaallisaanikkut pissutsit pitsanngorsaatissaat?
3. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 05/08/2025
Naalakkersuisunut nassiunneqarpoq: 06/08/2025
134.Inatsisartunut ilaasortaq Mette Arqe-Hammeken, Naleraq
1. Silaannakkut angallannerup iluani kiffartuussinikkut isumaqatigiissutit allanngortinneqassappata qanoq akeqassava qanorlu kinguneqarsinnaassava?
2. Naalakkersuisut isumaqatigiissutinut allanngortitsinissaminnut pilersaaruteqarpat?
Inatsisartunut ilaasortaq Mette Arqe-Hammeken, Naleraq
Tiguneqarpoq: 31/07/2025
Naalakkersuisunut nassiunneqarpoq: 06/08/2025
133.Inatsisartunut ilaasortaq Mette Arqe-Hammeken, Naleraq
1. Ittoqqortoormiuni umiarsuarnut talittarfittaassaq pillugu:
a. Suliaq sumut killippa?
b. Illuliassanik titartaasartunit titartarneqarnikuuppata, titartagai qanoq isikkoqarpat?
c. Qanoq naammassinissaa akeqartussaava?
d. Qaqugu piareernissaa naatsorsuutigineqarpa?
2. Ittoqqortoormiuni nutaamik talittarfittaartoqassappat suut allat iliuuseqarfigisariaqaqqaartussaappat?
Inatsisartunut ilaasortaq Mette Arqe-Hammeken, Naleraq
Tiguneqarpoq: 31/07/2025
Naalakkersuisunut nassiunneqarpoq: 06/08/2025
132.Inatsisartunut ilaasortaq Jørgen Rosbach, Demokraatit
1. Suliniutinik qanoq ittunik aallartitsisoqarsimava Nuummi mittarfiup pitsaanerusumik malittarisassanut malinninnissaa anguniarlugu?
a. Suliniuteqartoqarnerpa, pitsaanerusumik malittarisassanik malinninnissaq qulakkeerniarlugu?
2. Teknikkikkut nutarterutaasinnaasunik peqarnerpa, timmisartuussinermi pujortillugu aammalu nittaatsillugu/sermernartillugulu unammilligassanut iluaqutaasinnaasunik?
a. Taamaassimappat paasissutissiinissaq kissaatiginarpoq, sooq teknikkikkut atortut taakku Nuummi mittarfimmi atuutsinneqalersimannginnersut?
3. Nuummut minnissaq ajornaraangat, Danmarkimut uternissaq pinngitsoortinniarlugu, suut pilersaarutaappat?
a. Danmarkimut uternissamut taarsiullugu Kangerlussuup atorneqarnissaa pilersaarutigineqarpa?
b. Danmarkimut uternissamut taarsiullugu Ilulissani mittarfissarsuup atorneqartalernissaa pilersaarutigineqarpa?
4. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 04/08/2025
Naalakkersuisunut nassiunneqarpoq: 05/08/2025
131.Inatsisartunut ilaasortaq Aqqalu C. Jerimiassen, Atassut
1. Naalakkersuisut aalisarnermut inatsisip nalunaarutitigut nalimmassaaviginissaanut suliniutitik sumut killippaat?
2. Nalunaarutitigut nalimmassaaqqinnermi avataasiorluni pisassat annertungaatsiartut namminersortunit peerneqarsimasut Naalakkersuisunit qanoq pilersaaruteqarfigineqarpat?
3. Aalisarnermut inatsisip nutaap atuutilersup aalisagaqatigiit allat atorluarnerunissaat siunertarigaa Naalakkersuisut oqariartuutiginikuuaat , tamassumunngamita aalisagaqatigiinnik allanik qalerallit saarulliillu saniatigut maannamut nunatsinni aalisarnermik inerisaaneq qanoq ingerlava?
Inatsisartunut ilaasortaq Aqqalu C. Jerimiassen, Atassut
Tiguneqarpoq: 01/08/2025
Naalakkersuisunut nassiunneqarpoq: 05/08/2025
130.Inatsisartunut ilaasortaq Jens NapãtôK’, Naleraq
1. Qaleralinniarnermi PNNP1-mit paggatassiissutinut aqutsiveqarfik 47-mi nuussinnaatitaanngitsut nuussinnaanissaannut inatsisitigut periarfissiiniaraanni, qanoq kinguneqarnissaa periarfissiinissaalu Naalakkersuisut naatsorsuutigaat?
Inatsisartunut ilaasortaq Jens NapãtôK’, Naleraq
Tiguneqarpoq: 31/07/2025
Naalakkersuisunut nassiunneqarpoq: 05/08/2025
129.Inatsisartunut ilaasortaq Aqqalu C. Jerimiassen, Atassut
1. Nuna tamakkerlugu angallannikkut eqaallisaanissaq eqqarsaatigalugu Naalakkersuiut mittarfissuit tamakkerlutik atuutilinnginnerini unnuisarfeqarnikkut namminersortut peqatigalugit inerisaanissanut qanoq pilersaaruteqarpat?
2. Nuummi mittarfissuup illutaa nutaaq tattorliuuffiusaqaaq, Ilulissaniittussarlu suli mikinerusussaalluni, tassunga tunngatillugu naalakkersuisut allannguutaasinnaasumik pitsanngoriaataasinnaasumillu pilersaaruteqarpat angallannikkut avannaani angallanneq equsoortikkumanagu?
Inatsisartunut ilaasortaq Aqqalu C. Jerimiassen, Atassut
Tiguneqarpoq: 01/08/2025
Naalakkersuisunut nassiunneqarpoq: 04/08/2025
128.Inatsisartunut ilaasortaq Pele Broberg, Naleraq
1. Aningaasaqarnermut Akileraartarnermullu Naalakkersuisoqarfimmit Allakkiaq1 naapertorlugu, Naalakkersuisuni atorfilittat Kalaallit Nunaanni najugaqanngitsut akileraartanngitsullu ukioq 2023-imi katillugit 102,5 mio. kr.-imik akissarsiaqartinneqarput:
a. Immikkoortiterlugit, Naalakkersuisoqarfiit immikkoortortaqarfiillu sorlerni atorfeqarpat?
b. Sulisut katillugit qanoq amerlatigippat?
2. Pisortaqarfinni, Naalakkersuisoqarfiit ataanniittuni, nunani allani najugaqartunik akileraartartunillu, 102,5 mio. kr.-imik annertutigisumik akissarsialerlugit atorfilittaqarneq, Naalakkersuisoqatigiik tamaavimmik isumaqatigaat attatiinnarusuppaallu?
Inatsisartunut ilaasortaq Pele Broberg, Naleraq
Tiguneqarpoq: 31/07/2025
Naalakkersuisunut nassiunneqarpoq: 31/07/2025
127.Inatsisartunut ilaasortaq Aki-Matilda Høegh-Dam, Naleraq
1. “Naalagaaffinngornissamut Naalakkersuisoqarfik” taaguutimisut suussusaanillu tamakkiisumik atuutilerseqqinneqassappat, aningaasartuutit qanoq annertutigissappat?
2. “Naalagaaffinngornissamut Naalakkersuisoqarfik” taaguutimisut suussusaanillu pilerseqqinneqarnissaanut Naalakkersuisut ajorinnissutissaqarpat?
Inatsisartunut ilaasortaq Aki-Matilda Høegh-Dam, Naleraq
Tiguneqarpoq: 30/07/2025
Naalakkersuisunut nassiunneqarpoq: 31/07/2025
126.Inatsisartunut ilaasortaq Jørgen Rosbach, Demokraatit
1. Naalakkersuisut qanoq ilillutik qulakkeerniarpaat, nunanit allaniit sulisitat suliffeqarfiillu, piffissami sivikitsuinnarmi (ullut 183-it ataallugit) Kalaallit Nunaanni sulisartut, nalunaarsorneqarneri eqqortumillu nalilersorneqarneri akileraartussaatitaaneq tunngavigalugu malittarisassat atuuttut marloriaammik akileraartarnermut isumaqatigiissutinut tunngatillugu?
2. Naalakkersuisut isumaliuutigisimanerlugu nakkutilliisuutitanik pilersitsigallarnissaq imaluunnit attanneqartussanik pilersitsinissaq, soorlu assersuutigalugu suliffissat nalliuteruttorfiini sukumiisumik sulisartussamik, suliaqarfinni takornariartitsinermi sanaartornermilu nalunaarsuinermik akileraarnermullu akiliutinut nakkutilliisussamik?
3. Naalakkersuisut nalilersorsimanerlugu takornarianut akitsuummik eqqussisinnaanissaq imaluunniit nunanit allanit suliartortunut immikkut pisinnaatitsissummik eqqussisinnaanissaq , marloriaammik isumaqatigiissutip Kalaallit Nunaanni akileraartussaatitaanerup killilersorneranut taarsiissutitut?
4. Naalakkersuisut suliniutinik aallartitsisimanerpat nunanit allaniit suliartortut digitalimik nalunaarsortarnissaannut, soorlu assersuutigalugu nunatsinnut tikinneranni imaluunniit illumik inniminniineranni, akileraarutitigut nakkutilliinerunissaq siunertaralugu?
5. Naalakkersuisut isumaliuutiginerlugu Danmarkimut isumaqatiginninniarnissaq marloriaammik akileraarnermut isumaqatigiissutip artikel 15 tulluussarnissaanut, taamaasilluni Kalaallit Nunaat pitsaanerusumik periarfissinneqassammat nunanit allanit sulisitanut akileraarusersuinissamut, pingaartumik pisortanit taperneqartunit imaluunniit attaveqaasersuinermut tunngassuteqartunik suliffeqarfinni?
Inatsisartunut ilaasortaq Jørgen Rosbach, Demokraatit
Tiguneqarpoq: 31/07/2025
Naalakkersuisunut nassiunneqarpoq: 31/07/2025
125.Inatsisartunut ilaasortaq Jens NapãtôK’, Naleraq
1. Piniarneq aallaaniarnerlugu pillugit Inatsisartut inatsisaat1 naapertorlugu, inuit qassit “sunngiffimmi piniarsinnaanermut aallaaniarsinnaanermullu akuersissuteqarlutik” “Inuiaqatigiinnut kalaallinut aalajangersimasumik attuumassuteqanngillat”?
2. Piniarneq aallaaniarnerlugu pillugit Inatsisartut inatsisaat naapertorlugu, inuit qassit sunngiffimmi, akiliisitsilluni aallaaniartitsinermut, inuussutissarsiutigaluguluunniit piniarsinnaanermut assigisaanullu akuersissuteqarpat:
a. Inuit Kalaallinut ilaanngitsut?
b. Kalaallit Nunaannit “Inuit” Nunap inoqqaavinut ilaanngitsut?
3. Piniarneq aallaaniarnerlugu pillugit Inatsisartut inatsisaat naapertorlugu, inuit qassit:
a. “akiliisitsilluni aallaaniartitsinermut” akuersissuteqartut Kalaallit Nunaanni ukiut 5 sinnerlugit, ukiulli 7 ataallugit najugaqarnikuuppat?
b. “inuussutissarsiutigalugu piniarsinnaanermut aallaaniarsinnaanermullu” akuersissuteqartut Kalaallit Nunaanni ukiut 2 sinnerlugit, ukiulli 7 ataallugit najugaqarnikuuppat?
Inatsisartunut ilaasortaq Jens NapãtôK’, Naleraq
Tiguneqarpoq: 30/07/2025
Naalakkersuisunut nassiunneqarpoq: 30/07/2025
124.Inatsisartunut ilaasortaq Pele Broberg, Naleraq
1. Namminersorlutik Oqartussat Greenland Airports International A/S-imik tamakkiisumik piginnilernissamut Naalagaaffik Danmark-imut (den danske stat) saaffiginninnissaq toqqaannartumik toqqaannanngitsumillu qanoq aningaasatigut kinguneqarsinnaassava?
2. Namminersorlutik Oqartussat aningaasartaqanngitsumik aningaasartaqanngingajattumilluunniit Greenland Airports International A/S tamakkiisumik pigilersinnaanissaanut Naalagaaffik Danmark-imut (den danske stat) isumaqatigiissuteqarsinnaanissaq Naalakkersuisut naatsorsuutigisinnaavaat?
Inatsisartunut ilaasortaq Pele Broberg, Naleraq
Tiguneqarpoq: 30/07/2025
Naalakkersuisunut nassiunneqarpoq: 30/07/2025
123.Inatsisartunut ilaasortaq Gerth Mikaelsen, Naleraq
1. Naalakkersuisut Tasiilami, Nunatta kangianiluunniit allami, piorsarsimassutsitsinnut tunngavilimmik ilinniaqqiffiusinnaasumik allatulluunniit ilinniarfiusinnaasumik pilersitsinissamik pilersaaruteqarpat?
a. Naalakkersuisut pilersaaruteqanngikkunik, Nunatta Kangiani sumilluunniit ilinniaqqiffissamik allatulluunniit ilinniarfeqartitserusunnginneq nassuiaatigeqquneqarpoq.
2. Tasiilami ingerlariaqqiffiusumik ilinniarfimmik pilersitsisoqarniarpat qanoq akeqassava, suusinnaava, qaqugulu aallartinneqarsinnaassagaluarpa?
Inatsisartunut ilaasortaq Gerth Mikaelsen, Naleraq
Tiguneqarpoq: 28/07/2025
Naalakkersuisunut nassiunneqarpoq: 29/07/2025
122.Inatsisartunut ilaasortaq Knud Kleemann, Atassut
1. Ersinngitsumik innarluutillit atugaannik pitsanngorsaaniarnermi Naalakkersuisut qanoq pilersaaruteqarpat?
2. Ersinngitsumik innarluutillit atugaannik pitsanngorsaaniarnermi aporfissaasinnaasut annerit suuppat?
3. Naalakkersuisut ersinngitsumik inarluutillit atugaannik pitsanngorsaaniarnermi innersuussutinik naammattunik najoqqutassaqarpat?
4. Nunatsinni ADHD qanoq atugaatiginersoq kisitsisaatigineqarpa?
Inatsisartunut ilaasortaq Knud Kleemann, Atassut
Tiguneqarpoq: 25/07/2025
Naalakkersuisunut nassiunneqarpoq: 28/07/2025
121.Inatsisartunut ilaasortaq Pele Broberg, Naleraq
1. Kalaallit Nunaannit “Inuit” nunap inoqqaatut Pisortaqarfinniit immikkut nalunaarsorsinnaanissaannut naatsorsueqqissaarnernilu innuttaasut Kalaallit Nunaanniittunit immikkoortissinnaanissaannut ("disaggregate") suna pisariaqartinneqarpa?
a. Tamassumunnga aningaasartuutit qanoq annertutigissappat?
Inatsisartunut ilaasortaq Pele Broberg, Naleraq
Tiguneqarpoq: 24/07/2025
Naalakkersuisunut nassiunneqarpoq: 25/07/2025
120.Inatsisartunut ilaasortaq Jørgen Rosbach, Demokraatit
1. Meeqqat atuarfianni killiffissiuinerit (trintest) atorunnaarneqarnissaat Naalakkersuisut siunertaraat?
a. Killiffissiuinerit (trintest) atatiinnarnissaannut imaluunniit atorunnaarsinneqarnissaannut Naalakkersuisut suut pitsaaqutitut ajoqutaasutullu isigaat?
2. Naalakkersuisut eqqarsaatersuuteqarnerlutik killiffissiuinernut (trintest) allanik atuilernissaq soorlu assersuutigalugu suliat aallaavigalugit nalilersuinerit, suliaminnik katersuivii imaluunniit ilinniartitsisut nalilersuineri?
3. Suut pilersaarutit pingaarnertut Naalakkersuisut pilersaarutigaat meeqqat atuarfianni naliliinermut- aamma pitsaassutsimut naliliinerit pitsanngorsarnissaannut?
4. Naalakkersuisut paasissutissiissutigisinnaanerpaat suliniutit aallartinneqarsimasut, atuartitsinerup pitsaassusaata nukittorsarnissaanut aammalu qulakkeerlugu, atuartut pissarsiaat isumalimmik takussutissiissutigineqarnissaat?
5. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 24/07/2025
Naalakkersuisunut nassiunneqarpoq: 24/07/2025
119.Inatsisartunut ilaasortaq Hans Enoksen, Naleraq
1. Naalakkersuisut sodavand-inut assigisaanullu akitsuutit peerniarpaat?
2. Namminersorlutik Oqartussat, oqartussaqarfiillu allat, sodavand-inut assigisaanullu akitsuutinit allatigullu, ukioq kingulleq, ukiunilu siuliini tallimani (5) ukiukkaarlugit sanilliussassanngorlugit, qanoq annertutigisumik isertitaqarpat?
Inatsisartunut ilaasortaq Hans Enoksen, Naleraq
Tiguneqarpoq: 21/07/2025
Naalakkersuisunut nassiunneqarpoq: 24/07/2025
118.Inatsisartunut ilaasortaq Pele Broberg, Naleraq
1. Meeqqat atuarfii naligalugit misilitsissutit sorliit ukiorluunniit sorleq naammassisimagaanni angusiffigisimagaanniluunniit, nalilersueriaatsit atuuttut naapertorlugit qaqugukkut pisortatigoortumik kalaallisut naliginnaasumik oqalussinnaasutut allassinnaasutullu nalilerneqartarpat?
2. Qaqugukkut inuk kalaallisut oqalussinnaasutut allassinnaasutullu pisortatigoortumik nalilerneqarsinnaalertarneranut allanik nalilersueriaaseqarpa? Akinermi nalilersueriaatsit aalajangersimasut taakkartorneqarnissaat piumasarineqarpoq.
Inatsisartunut ilaasortaq Pele Broberg, Naleraq
Tiguneqarpoq: 21/07/2025
Naalakkersuisunut nassiunneqarpoq: 23/07/2025
117.Inatsisartunut ilaasortaq Inatsisartut Jørgen Rosbach, Demokraatit
1. Nunaqarfinni aqqusinerni asfatiilersorneqanngitsuni ingerlatsinermut allagartaqarani ATV-nik ingerlatsisinnaanissamut, angallannermut inatsimmi periarfissiinissamut danskit oqartussaannut oqaloqatiginninnernerit sumut killippat? Akissut sukumiisumik tunngavilersoqquneqarpoq.
2. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Inatsisartut Jørgen Rosbach, Demokraatit
Tiguneqarpoq: 22/07/2025
Naalakkersuisunut nassiunneqarpoq: 23/07/2025
116.Inatsisartunut ilaasortaq Pele Broberg, Naleraq
1. Kalaallit Nunaanniittut politikikkut partiit, Kalaallit Nunaata avataaneersut politikikkut partiiniit qanoq annertutigisumik, toqqaannartumik toqqaannanngitsumillu, pissarsiaqartarpat? Uani partiit Danmark-imiit, Savalimmiuniit, allaniillu ukiut kingulliit aningaasannaffiusimasut saqqummiuteqquneqarput.
2. Nunat allat Kunngeqarfiup avataaniittut, soorlu Island, Norge allallu,
politikikkut partiinut nunatsinniittunut toqqaannartumik toqqaannanngitsumillu aningaasatigut tapersiisinnaalissagaluarpata, Naalakkersuisut ajornartorsiuteqarsinnaasutut isumaqarfigaat?
3. Nunat allat Kunngeqarfiup iluaniittut, soorlu Danmark, Savalimmiullu,
politikikkut partiinut nunatsinniittunut toqqaannartumik toqqaannanngitsumillu aningaasatigut tapersiisinnaatitaanerat, Naalakkersuisut ajornartorsiuteqarsinnaasutut isumaqarfigaat?
Inatsisartunut ilaasortaq Pele Broberg, Naleraq
Tiguneqarpoq: 21/07/2025
Naalakkersuisunut nassiunneqarpoq: 23/07/2025
115.Inatsisartunut ilaasortaq Pipaluk Olsen, Demokraatit
1. Suliniutit ersarissut suut Naalakkersuisut aallartissimavaat imaluunniit aallartissallugit pilersaarutigaat Sarfannguani nunap nakkaannerata annertusinissaa pinngitsoortinniarlugu, pisiniarfiup aammalu orsussamik maqitsisarfiup ullumikkut ulorianartorsiorfigisaat?
2. Naalakkersuisut Pilersuisup pisiniarfiata Polar Oil-illu orsussamik maqitsisarfiata eqqaani ulorianartorsiorneq nalilersorsimanerpaat?
a. Taamaattoqarsimassappat taanna tamanut saqqummiunneqassava?
3. Sarfannguani ooliamik- imaluunniit orsussamik kuuttoortoqassagaluarpat upalungaarsimanermut pilersaarusiortoqarsimava?
a. Naalakkersuisut nalilersimanerpaat, piffimmi upalungaarsimaneq naammattumik sillimmattaarfigineqartoq?
b. Naalakkersuisut eqqarsaatersuutiginerlugu Sarfannguani attavilersuutit ulorianartorsiortut nuunnissaat imaluunniit isumannaallisarnissaat, tassani pisiniarfik orsussamillu maqitsisarfik, ullumikkut ulorianartorsiorfiusinnaasumi inissisimasut?
4. Naalakkersuisut sunik suliniutinik aallartitserusuppat Sarfannguani aalisarfiusartut illersorniarlugit orsussamik kuuttoqassagaluarpat?
5. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Pipaluk Olsen, Demokraatit
Tiguneqarpoq: 21/07/2025
Naalakkersuisunut nassiunneqarpoq: 23/07/2025
114.Inatsisartunut ilaasortaq Jørgen Rosbach, Demokraatit
1. Sioqqanik milluaanermut malittarisassat atuuttut suuppat?
a. Immami- aamma sinerissami sioqqanik ujaraaqqanillu piiaanissamut killilersuinerit qanoq ittuuppat?
b. Avatangiisinut misissuinernut, akuersissutinut aamma nakkutilliinernut suut piumasaqaataappat?
c. Oqartussat kikkut sulianut taakkununnga akisussaasuullutillu nakkutilliisuuppat aktiviteter?
2. Suliffeqarfinnut qassinut isumaqatigiissutit sioqqanik milluaanissamut ukiuni kingullerni tallimani suliarineqarsimappat?
a. Suliffeqarfinnit taakkunannga qassit Kalaallit Nunaanni angerlarsimaffeqarpat?
b. Qassit nunanit allanit aggersuuppat?
i. Nunanit arlaanniit?
c. Naalakkersuisut paasissutissiisinnaanerpat suliffeqarfiit pineqartut ukiumut piffissami tassani katillugu sioqqat ujaraaqqallu qanoq annertutigisut qallorsimaneraat?
3. Qanoq annertutigisumik Namminersorlutik Oqartussat isertitaqarsimappat akuersissutinit, akitsuutinit allanillu akiliutinit ukiuni tallimani kingullerni sioqqanik milluaanermiit?
4. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 22/07/2025
Naalakkersuisunut nassiunneqarpoq: 23/07/2025
113.Inatsisartunut ilaasortaq Hans Enoksen, Naleraq
1. Utoqqalinersiaqarneq pillugu Inatsisartut inatsisaat naapertorlugu, utoqqalinersiaqarnerup toqqammaviusumik aningaasartai isertitat allameersunit sunnerneqaratik tamakkiisumilli utoqqalinersiuteqartunut tunniunneqartalerpata qanoq aningaasaqarnikkut, allaffissornikkut, inuiaqatigiinnullu kinguneqassava periarfissaqartitsilissavalu?
Inatsisartunut ilaasortaq Hans Enoksen, Naleraq
Tiguneqarpoq: 18/07/2025
Naalakkersuisunut nassiunneqarpoq: 23/07/2025
112.Inatsisartunut ilaasortaq Pele Broberg, Naleraq
1. Siornatigut inuiannik toqoraasimanermut oqaatigisimasat ilutigalugit, maanna Naalakkersuisuusut, tassannga ilanngullugit Naalakkersuisut siulittaasuat Jens-Frederik Nielsen aamma Aningaasaqarnermut Akileraartarnermullu Naalakkersuisoq Muté B. Egede, isumaqarpat Danmark-i Kalaallit Nunaannersunik, tassanngalu kalaallinik, inuiannik toqoraasimasut?
Inatsisartunut ilaasortaq Pele Broberg, Naleraq
Tiguneqarpoq: 22/07/2025
Naalakkersuisunut nassiunneqarpoq: 23/07/2025
111.Inatsisartunut ilaasortaq Jørgen Rosbach, Demokraatit
1. Suliffissarsiortut amerlassusaat qanoq ingerlasimappat, suliffissarsiortunut ikiorsiissutit pillugit Inatsisartut inatsisaat 1. Januar 2024 atuutilernerata kingorna? Akissummi suliffissarsiortut tamakkiisumik amerlassusaat aammalu kommunini tallimani amerlassusaat nalunaarutigineqassapput
2. Pisortat suliffissarsiortunut ikiorsiissutaanut aningaasartuutit qaffassimappat imaluunniit apparsimappat inatsisimi siuliani taaneqartup atuutilernerata kingorna?
a. Tassunga aningaasartuutit kommunimiit kommunimut amerlassusaat paaserusunneqarpoq. Nalunaarsukkat suliffissarsiortunut ikiorsiissutinut aningaasartuutit ersarissut ukiuni kingullerni tallimani imarissavaat, sanilliussinissaq periarfissinniarlugu?
3. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 22/07/2025
Naalakkersuisunut nassiunneqarpoq: 23/07/2025
110.Inatsisartunut ilaasortaq Aki-Matilda Høegh-Dam, Naleraq
1. Illorsuit maanna, nunatsinni nunaqarfiit allatuulli, tamakkiisumik ajornaquteqanngitsumillu nuuffigineqarsinnaaleqqinnikuua?
2. Ukioq 2017-imi Illorsuarmi najugaqartut pinngitsaalisamik nuutsitaanikuuppat, nunaqarfittaalu pinngitsaalisamik matuneqarpa?
Inatsisartunut ilaasortaq Aki-Matilda Høegh-Dam, Naleraq
Tiguneqarpoq: 18/07/2025
Naalakkersuisunut nassiunneqarpoq: 22/07/2025
109.Inatsisartunut ilaasortaq Jens NapãtôK’, Naleraq
1. Kalaallit Nunaata imaani akisussaaffeqarfiusoq Danmark-imisut Savalimmiunisullu 3 sømil-imiit 12 sømil-imut allanngortissagaanni, kingunerisassat periarfissallu suuppat?
2. Kalaallit Nunaanni “sinerissap qanittuani aalisarnerup” killeqarfia 3 sømil-imiit 12 sømil-imut allanngortissagaanni, kingunerisassat periarfissallu suuppat?
Inatsisartunut ilaasortaq Jens NapãtôK’, Naleraq
Tiguneqarpoq: 18/07/2025
Naalakkersuisunut nassiunneqarpoq: 21/07/2025
108.Inatsisartunut ilaasortaq Justus Hansen, Demokraatit
1. Sunik Naalakkersuisut piumasaqaateqarpat Pilersuisup nioqqutissaanut illoqarfinni nunaqarfinnilu, pisiniarfik pingaarnertut kisiartaasutulluunniit ulluinnarnik nioqqutissanik neqerooruteqarfiusunut?
a. Qanoq ililluni Naalakkersuisut nakkutigaat, Pilersuisup piumasaqaatit taakku malinnerai, tassani pingaartumik pilersussaatitaanermut, ukiup ilaagut pisussanut pilersaarusiornermut aammalu inuussutissat toqqarneqarsinnaasut allanngorartinneranut tunngatillugu?
2. Naalakkersuisut pilersaaruteqarpat illoqarfinni aamma nunaqarfinni pilersuinermut pissutsinik siammasinnerusumik misissuisoqarnissaanik aallartitsinissamik pingaartumik innuttaasut immikkoortitikkanut, akinut pisiareriaannarnullu Pilersuisumi misigisartagaat ukkataralugit?
3. Naalakkersuisut ilisimanerpaat innuttaasut Tasiilami Pilersuisumi pisiassat pillugit naammanngilluinnartutut misigisartagaat umiarsuilluunniit angallateruttulerneranni naligigaluarpassuk?
a. Taamaassimassappat Naalakkersuisut sunik suliniuteqalersaarpat?
4. Pilersuisoq Tasiilami tuniniakkat ilimanarsisippaat, Tasiilaq najugaqarfittut minnerusutut KNI-mit isigineqartoq. Tamanna ilumoorpaa?
a. Taamaassimassappat Naalakkersuisut piumaffigineqarput paasinnittaatsimut tassunga isumaqataanerlutik nalunaarutigeqqullugu.
5. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Justus Hansen, Demokraatit
Tiguneqarpoq: 16/07/2025
Naalakkersuisunut nassiunneqarpoq: 17/07/2025
107.Inatsisartunut ilaasortaq Hans Enoksen, Naleraq
1. Pisortaqarfinni dansk-it oqaasiinut atuisussaatitaanermut nutserisussaatitaanernullu sorlerpiaat inatsisit, nalunaarutit, peqqussutit allatigullu piumasaqaataappat piumasaqaataasinnaappalluunniit? Uani ataasiakkaarlugit akeqquneqarput.
2. Dansk-isut nutserinissamut oqalutseqartarnernullu, atorfilittat avataaniillu nutserisut oqalutsillu atorneqartut ilanngullugit, qanoq annertutigisumik pisortaqarfiit aningaasartuuteqartarpat?
Inatsisartunut ilaasortaq Hans Enoksen, Naleraq
Tiguneqarpoq: 16/07/2025
Naalakkersuisunut nassiunneqarpoq: 16/07/2025
106.Inatsisartunut ilaasortaq Jørgen Rosbach, Demokraatit
1. Naalakkersuisut kisitsisaatiginerpaat, sulisitat nunanit allaneersut qassit maani nunatsinni sulinersut?
a. Taakkunannga qassit danskisut innuttaassuseqarpat?
b. Taakkunannga qassit nunanit avannarlerneerpat?
c. Qassit Europami nunaninngaanneersuuppat?
d. Qassit nunani isumaqatigiissutit avataaninngaanneersuuppat?
2. Piumasaqaatigineqartarpa, nunanit allanit sulisitat, Kalaallit Nunaannut suliartortinneqartut, nunagisaminni pillagaasimannginnermut allagartamik aammalu meeqqanik pinerliisimannginnermut allagartamik takutitsinissaat?
a. Piumasaqaataasoq eqimattanut ukununnga atuuppa:
i. Danskisut innuttaassusillit?
ii. Nunanit avannarlerniit allaniit innuttaasut?
iii. EU-mi innuttanut?
iv. Nunani isumaqatigiissutit avataaninngaanneersunit innuttaasunut?
3. Pillagaasimannginnermut aammalu meeqqanik pinerliisimannginnermut allagartaq taman ut atuuppa imaluunniit suliffeqarfiit ilaannaanut atuutsinneqarpa?
a. Piumasaqaat suliffeqarfinnut aalajangersimasuinnarnut atuutsinneqarpat paaserusunnarpoq, suliffeqarfiit suut, pineqarnersut?
4. Oqartussaassut imaluunniit sulisitsisut, pillagaasimannginnermut aammalu meeqqanik pinerliisimannginnermut allagartat piniarnissaannut nakkutiginissaannullu akisussaasuuppat sulinissamut- najugaqarallarnissamullu akuerineqarnissamik qinnuteqaateqarnermut atatillugu?
5. Sunik kinguneqartarpa, nunanit allaniit sulisitaq pillagaasimannginnermut aammalu meeqqanik pinerliisimannginnermut allagartamik takutitsinnaatinnagu?
a. Assigiinngitsunik nalilersorneqartarpat pinerluuteqarsimanerup suussutaa apeqqutaatillugu?
6. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 16/07/2025
Naalakkersuisunut nassiunneqarpoq: 16/07/2025
105.Inatsisartunut ilaasortaq Jens NapãtôK’, Naleraq
1. Appannik taateraanillu peqassutsip aalaakkaaffiusuni piniarsinnaanerat ullut 30-t angullugit sivitsorneqassappata qanoq pisortanut, namminersortunut innuttaasunullu aningaasatigut allaffissornikkullu kinguneqassappat?
Inatsisartunut ilaasortaq Jens NapãtôK’, Naleraq
Tiguneqarpoq: 15/07/2025
Naalakkersuisunut nassiunneqarpoq: 15/07/2025
104.Inatsisartunut ilaasortaq Jens NapãtôK’, Naleraq
1. Nunatta tarnikkut katsorsaavia misissuisarnertik taamaatissimallugu
ilisimatitsisimapput, Naalakkersuisut tamanna ilisimanerpaat?
a. Ilisimatinneqarsimagunik qanga tamanna piva?
b. Suut tunngavilersuutigineqarpat?
c. Naalakkersuisut qaqugu innutaasunut ilisimatitsiniarpat?
2. Naalakkersuisut aaqqiiviginissaanut qanoq pilersaaruteqarpat?
a. Qaqugu aaqqigivigineqarnissaa naatsorsuutigineqarsinnaava?
Inatsisartunut ilaasortaq Jens NapãtôK’, Naleraq
Tiguneqarpoq: 09/07/2025
Naalakkersuisunut nassiunneqarpoq: 11/07/2025
103.Inatsisartunut ilaasortaq Kuno Fencker, Naleraq
1. Ilulissani mittarfiliornissamut suliniut nalikilliliinissamut
navianartorsiortinneqartoq Naalakkersuisut qanoq nalilerpaat, taamatullu
nalikilliliinissamut qanoq piareersimasoqarpa?
2. Aningaasanik atuivallaarneq akiitsullu qaffakkiartornerat nunatta karsiata
aningaasaqarnikkut siunissaq ungasinnerusoq eqqarsaatigalugu iliuuseqarnissamut
periarfissaanut politikkikkullu iliuuseqarnissamut kiffaanngissusianut
Naalakkersuisut qanoq sunniuteqassasoraat?
3. Naalakkersuisut qanoq qulakkeerniarpaat siunissami attaveqarnermut suliniutit
pitsaanerusumik navianaateqartunillu aqutsineq aammalu ersarissumik
saqqummiussineq, taamaalillutik Nuummi, Ilulissani Qaqortumilu mittarfiliornerit
assigalugit nunatta karsianut nanertuutaaqqunagit?
4. Mittarfiliortiternissanut suliniutit aningaasaqarnikkut imminut
napatissinnaannginnerat naatsorsuutigineqartullu iluanaarutissaqannginnerat
siunissami attaveqarnermut angallannermullu aaqqissuussaanermut, internetimut
avataaniittunullu, qanoq sunniuteqassanersoq Naalakkersuisut qanoq naliliippat?
Inatsisartunut ilaasortaq Kuno Fencker, Naleraq
Tiguneqarpoq: 09/07/2025
Naalakkersuisunut nassiunneqarpoq: 10/07/2025
102.Inatsisartuni ilaasortaq Erik Jensen, Siumut
1. Siumumit UKA 2024-mi akuerineqartoq imm. 77 - Ilisimatusarfimmi Ilinniartitsisunut, Perorsaasunut aammalu Isumaginninnermut Siunnersortinut ataatsimut kandidatinngorniarfissamik “Naalakkersuisut pilersitseqqullugit peqquneqarnissaannik Inatsisartut aalajangiiffigisassaattut siunnersuut” qulequtalik, sumummita killippa ?
2. Siunnersuummi akuerineqartumi SPS ataani suleqatigiissitamik ingerlatsisoqarnissaa, akuutinneqarpa?
3. Qaqugu ilinniagaq aallartinneqassava?
Inatsisartuni ilaasortaq Erik Jensen, Siumut
Tiguneqarpoq: 08/07/2025
Naalakkersuisunut nassiunneqarpoq: 09/07/2025
101.Inatsisartunut ilaasortaq Jørgen Rosbach, Demokraatit
1. QAMANI (2023-2028) atortuulersinneqarnerata kingorna uppernarsaatitalimmik imminut toquttartut toqoriartartullu amerlassusaanik appartitsisimava?
a. Qaqugu Inatsisartut killiffissiuilluni nalunaarusiamik takunissartik naatsorsuutigisinnaavaat?
b. Qanoq inuusuttut qanigisaasullu iliuusissiap suliniutigineqarneranni nalilersorneqarnerannilu akuutinneqassappat?
2. Naalakkersuit qanoq nalilerpaat, iliuusissiap anguniagaasa iserfigiuminartumik saaffiginniffissatut periarfissat aammalu innuttaasut imminut toqunnissamik eqqarsartunut tapersersuineq pitsaasoq naammassimanersoq?
a. Piffinni inunnik attaveqarfissanik sullissisussanillu imminut toquttarnerup pinaveersaartinnissaanut nunaqarfinni illoqarfinnilu pilersaarutigineqartut pilersinneqarsimappat?
i. Taakku nalilersorneqarsimappat?
3. Naalakkersuisut ilisimasaqarnerpat Tusaannga-mut sianertartut apparsimanerannik, qaffassimanerannik imaluunniit allanngorsimannginnerannik iliuusissiap atortuulersinerata kingorna?
4. Nunatta iluani suliniuteqartoqarsimava imminut toquttarnerup nipangiutiinnartannginnissaanik siunertaqartumik soorlu iliuusissiami tamanna peqqussutigineqartoq?
a. Taakku qanoq kinguneqarsimappat?
5. Alloriaatit suut tiguneqarsimappat meeqqat atuarfianni inuusuttullu ilinniarfiini inuunerissaarnerup tarnikkullu peqqissutsip annertusarnissaanut?
a. Suliniutit taakku sunniutaat qanoq naatsorsorneqarpa?
6. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 07/07/2025
Naalakkersuisunut nassiunneqarpoq: 07/07/2025
100.Inatsisartunut ilaasortaq Anders Olsen, Siumut
1. Kommunit akornanni aningaasaqarnikkut naligiinnginnerup annertuallaarnera Naalakkersuisut isumaqatigaat? 2. Kommunit akornanni aningaasaqarnikkut naligiinnginnerup annikillisarnissaa Naalakkersuisunit anguniarneqarniarpa? a. Taamaassimappat qanoq anguniarneqarpa? 3. Kommuneqarfik Sermersuup nalimmassaarinermut ukiumut akiliutigisartagai 90 mio.kr. qaqugu nalilersorneqaqqissappat? a. Akiliutigineqartartut 90 mio.kr. annikippallaanngillat? b. Imaluunniit annertuallaarpat?
Inatsisartunut ilaasortaq Anders Olsen, Siumut
Tiguneqarpoq: 04/07/2025
Naalakkersuisunut nassiunneqarpoq: 07/07/2025
099.Inatsisartuni ilaasortaq Erik Jensen, Siumut
1. Naalakkersuisut Inatsisartut inatsisaat nr. 5, novemberip 29-ani 2013-imeersumi §1-imi imm. 2, 4-miittoq siunnersuisarnermut ilisimatusarnermullu aningaasaliisarneq pillugu – tassani erseqqissarneqarpoq naalagaaffeqatigiinnerup iluani ilisimatusarnermi nunarput piginnaanngorsaaqataanissamut peqataassasoq, qanoq ph.d.-liorusuttunut ilisimatusartunullu naalagaaffeqatigiinnermut tunnganngitsunik suliaqarniartunut akornutaannginnissaa qulakkeertarpaat?
2. Ph.d.-liortussanut naalagaaffeqatigiinnermut tunnganngitsunik suliaqarusuttunut qasseriarluni aningaasaliisoqarnikuua?
a) Suminngaanneertuuppallu taakku suliaqartut?
b) Ilisimatusarnerup iluani sunik suliaqartuuppat? (Uani humaniora, uumaatsulerineq imaluunniit inuiaqatigiilerinerup iluaniittut il.il. eqqarsaatigineqarput taakkartoqquneqarlutillu).
3. Inatsit taanna allanngussappat peerneqarluniluunniit suut akornutaalersinnaappat?
a) Uani ilisimatusarnerup iluani
b) Naalakkersuisut inatsimmik tamatumunnga tunngasumik allannguinissaminnut suliaqarpat?
c) Taamaassimappat qaqugu Inatsiartunut saqqummiunneqarnissaa pilersaarutaava?
Inatsisartuni ilaasortaq Erik Jensen, Siumut
Tiguneqarpoq: 04/07/2025
Naalakkersuisunut nassiunneqarpoq: 04/07/2025
098.Inatsisartunut ilaasortaq Pele Broberg, Naleraq
1. "Nukissiorfiit" ingerlatsivittut ("virksomhedsform") qanoq aaqqissuussaava, Naalakkersuisullu tassunga naalakkiisinnaatitaappat?
2. Naatsorsuutit akuerineqarnikuni kingulliusoq naapertorlugu, "Nukissiorfiit" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat?
3. Ukiut siulii naatsorsorsinnaasat tamakkerlugit katikkaanni, "Nukissiorfiit" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat? Uani, naatsorsuuseriaaseq naapertorlugu, minnerpaamik ukiut 5 kingulliit katillugit akeqquneqarput.
Inatsisartunut ilaasortaq Pele Broberg, Naleraq
Tiguneqarpoq: 03/07/2025
Naalakkersuisunut nassiunneqarpoq: 04/07/2025
097.Inatsisartunut ilaasortaq Pele Broberg, Naleraq
1. "Asiaq Misissueqqaarnerit" ingerlatsivittut ("virksomhedsform") qanoq aaqqissuussaava, Naalakkersuisullu tassunga naalakkiisinnaatitaappat?
2. Naatsorsuutit akuerineqarnikuni kingulliusoq naapertorlugu, "Asiaq Misissueqqaarnerit" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat?
3. Ukiut siulii naatsorsorsinnaasat tamakkerlugit katikkaanni, "Asiaq Misissueqqaarnerit" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat? Uani, naatsorsuuseriaaseq naapertorlugu, minnerpaamik ukiut 5 kingulliit katillugit akeqquneqarput.
Inatsisartunut ilaasortaq Pele Broberg, Naleraq
Tiguneqarpoq: 03/07/2025
Naalakkersuisunut nassiunneqarpoq: 04/07/2025
096.Inatsisartunut ilaasortaq Jens NapãtôK’, Naleraq
1. Sooq taxartarnermut malittarisassat nutaat, kingusinnerpaamik 2025-mi aasakkut atuutilernissaanik neriorsuutigineqartut, suli atuutilersimanngillat1? Akissut tunngavilersoqquneqarpoq.
2. Taxanik ingerlatsineq taama sivisutigisumik malittarisassaqaratik ingerlanneqarnerat pisussissamisoorpa aamma sooq Naalakkersuisut taama soqutigisaqanngitsigippat, naak naluneqanngikkaluartoq tamatumani malittarisassaqannginnerat?
Inatsisartunut ilaasortaq Jens NapãtôK’, Naleraq
Tiguneqarpoq: 03/07/2025
Naalakkersuisunut nassiunneqarpoq: 03/07/2025
095.Inatsisartunut ilaasortaq Pele Broberg, Naleraq
1. Naalakkersuisut siulittaasuat Jens-Frederik Nielsen (Demokraatit) piginnittut sinnerlugit ingerlatsivik inuiaqatigiit pigisaannut Tusass A/S-imut akisussaasuunerpaava?
2. Tusass A/S arlaannaatigullu Pisortaqarfiit aallaavigeqqaarnagit, kiffaanngissuseqartumik qaammataasianut nittartagaqarsinnaalernissamut, soorlu OneWeb, Starlink, assigisaanullu attavinissinnaanissamut periarfissaqarsinnaalissaagaanni inatsisit piumasaqaatillu sorliit allanngortinneqartariaqarpat?
3. Atuisut, soorlu Nunatta Kangiani Avanersuarmilu, kiffaanngissuseqartumik qaammataasianut nittartagaqarnissamut akiliisinnaatitaalerlutik attavinissinnaalerunik, Tusass A/S isertitakinnerunissaannut Naalakkersuisut aarleqquteqarpat? Taamaappat isertitaqannginnerunissamut annertussusaa katillugit akeqquneqarpoq.
4. Isorliunerusut qaammataasiat aalajangersimaqqissaartut aqqutigalugit Tusass A/S-imiit nittartagaqartinneqartut attaveerutsinneqarsimatillutik attaveqanngissimanerminnut akiliutigisimasaannik utertoorfigitittarpat?
5. Tusass A/S arlaatigut sinneqartoornissaminut Naalakkersuisuniit, tassa piginnittuniit, piumasaqarfigineqartarpa? Taamaappat ukiuni kingullerni sinneqartooqqusineri qanoq annertutiginersut akeqquneqarpoq.
6. Tusass A/S qanoq annertutigisumik aningaasatigut taperneqartarpat, soorlu TV/Radio-kkut aallakaatitsisinnaanissamut allanullu, aningaasat katillugit?
Inatsisartunut ilaasortaq Pele Broberg, Naleraq
Tiguneqarpoq: 03/07/2025
Naalakkersuisunut nassiunneqarpoq: 03/07/2025
094.Inatsisartuni ilaasortaq Erik Jensen, Siumut
1. Sisimiuni Saviminilerinermik ilinniarfimmik nutaamik sananissamik pilersaarut Naalakkersuisut suli attappaat?
a) Ilassutissartaa qanoq angitigissava?
2. Pilersaarut suli attanneqarsimappat pilersaarusiorneq maannamut sumut killippa?
a) Pilersaarutip naammassinissaanut piffissalersuutit qanoq isikkoqarpat?
b) Qanoq annertutigisumik nutaamik sanaartortoqassava?
c) Ilinniartut inissaat pilersaarutini aammalu aningaasalersornissaat ilanngunneqarpat?
d) Qaqugu siunnersortinut suliariumannittussarsiuunneqassava?
3. Pilersaarut suli attanneqarsimappat, sanaartornerup qaqugu aallartissinnaanissaa Naalakkersuisut naatsorsuutigaat?
4. Naalakkersuisut qanoq isumaqarfigivaat Sisimiuni Sanaartornermik Ilinniarfiup nutaamik allilerneqarneratigut Issittumi sanaartornermut qaffasissumik ilinniarfiup pilersitsiviginissaanut (Arctic Technical University School/College)?
5. Sanaartornissap aningaasalersornissaanut aningaasat pisariaqartinneqartut qanoq isikkoqassagunarpat?
Inatsisartuni ilaasortaq Erik Jensen, Siumut
Tiguneqarpoq: 01/07/2025
Naalakkersuisunut nassiunneqarpoq: 02/07/2025
093.Inatsisartuni ilaasortaq Erik Jensen, Siumut
1. Naalakkersuisut aalisarnermut inatsit 2024-imi akuersissutigineqartoq
allanngortinniarpaat?
2. Aalisarnermut inatsit allanngortinneqassappat paragraf sorlerpiaat
allanngortinniarneqarpat aammalu sooq, qaqugulu taakkua allanngortinniarneqarpat?
3. Naalakkersuisooqatigiit isumaqatigiissutaanni allassimasut malillugit aalisarnermut
inatsimmut allanngortitsiniaanermi suleqatigiissitat pilersinniarneqarput - kikkunnit
suminngaanneersunillu suleqatigiissitassaq inuttaqartinneqassava?
4. Aalisarnermut inatsimmi imaani pisuussutitta tamakkiisumik kalaalliniit
pigineqalernissaat aammalu aningaasalersorneqarnissaannik aaliangersimaneq,
Naalakkersuisut suli attappaat?
5. Naalakkersuisut inuusuttut aalisarsinnaanermut akuersissuteqarfigisinnaanissaannut
Nalunaarut nutarterneratigut aporfilersuutit aaqqiiviginissaat pilersaarutigivaat?
a. Qaqugulu tamanna aaqqinneqassava?
6. Aqumiunut aammalu inuttalersuinermut Nalunaarutip nutarterneqarnissaanik
Naalakkersuisut pilersaaruteqarpat?
a. Taannalu nalunaarut qaqugu atuutilersinneqassava?
7. Naalakkersuisut allanik taasarialinnik peqarpat?
Inatsisartuni ilaasortaq Erik Jensen, Siumut
Tiguneqarpoq: 01/07/2025
Naalakkersuisunut nassiunneqarpoq: 02/07/2025
092.Inatsisartuni ilaasortaq Erik Jensen, Siumut
1. Attassiinnarnissamut ineriartortitsinissamullu pilersaarut 2 Naalakkersuisut suli attappaat?
2. Attassiinnarnissamut ineriartortitsinissamullu pilersaarut 2 tunngavigalugu aaqqissuusseqqinnerit attanneqanngippata, innuttaasut akileraarutaat tamarmik aamma sulinerminni akileraarutaat, qassi procentimik 2033-imi qaffaaffigineqarsinnaanissaanik kinguneqarsinnaava?
3. Utoqqalinersianut ileqqaartussaatitaaneq atorunnaarsinneqassappat, pisortat aningaasartuutaat qanoq annertutigisumik kr-inngorlugu ukiumut qaffakkiartornissaat isikkoqassava?
a. akussutissiaq ukiuni tullerni 25-ini qanoq isikkoqalersinnaanera aamma paaserusunnarpoq.
4. Utoqqalinersianut ileqqaartussaatitaaneq atorunnaarsinneqassappat, pisortat siunissaq ungasinnerusoq aallaavigalugu tamanna aningaasatigut kisimik nammassinnaavaat?
a. Tamanna qanoq innuttaasut sinnerinut aammalu pisortanut sunniuteqassava?
5. Utoqqaat pilersorneqartariaqartut amerliartornerat illuanilu sulisartut ikiliartornerat sunik qanorlu aaqqiiviginiarlugit Naalakkersuisut pilersaaruteqarpat?
6. Katersisussaatitaanerup atorunnaarsinneqarnissaa pissappat nunatta kommunillu karsiinut tamanna qanoq aningaasanngorlugu sunniuteqassava?
7. Naalakkersuisut ileqqaartussaatitaanerup pitsaaqutaanik taasaqarsinnaappat?
8. Naalakkersuisut siuliisa aningaasanut inatsimmi 2025-imoortumi isumaqatigiissutaanni allassimasuni, tunngaviusumik aallaavigalugit aaqqiissutissat suliarineqassappat?
9. Naalakkersuisut allanik taasarialinnik peqarpat?
Inatsisartuni ilaasortaq Erik Jensen, Siumut
Tiguneqarpoq: 01/07/2025
Naalakkersuisunut nassiunneqarpoq: 02/07/2025
091.Inatsisartunut ilaasortaq Jørgen Rosbach, Demokraatit
1. Maani Nunatsinni tarnip pissusaanik ilisimasalinnik amigaateqarneq qanoq annertutigaa?
a. Nutartikkanik kisitsisaateqartoqarnerluni, tarnip pissusaanik ilisimasallit qassit pisortat peqqinnissaqarfianni sulisuunersut?
i. Atorfiit qassit inuttaqanngillat?
b. Tarnip pissusaanik ilisimasalimmit nakorsartinnissamut utaqqisarneq agguaqatigiisillugu qanoq sivisutigaa?
i. Qanoq tulleriiaarisoqartarpa, kina nakorsartinnissamut neqeroorfigineqassasoq?
2. Naalakkersuisut misissorsimavaat nunatsinni tarnip pissusaanik ilisimasalimmik pisariaqartitsivinneq qanoq annertutiginersoq?
a. Ullumikkut?
b. Ukiuni tulliuttuni?
3. Tarnip pissusaanik ilisimasalinnik amerlanernik pissarsiniarlutik ukiuni kingullerni tallimani Naalakkersuisut sunik ersarissunik suliniuteqarsimappat?
a. Taakku suliniutit qanoq inerneqarsimappat?
4. Suut suliniutit nutaat eqqarsaasersuutigineqarpat tarnip pissusaanik ilisimasalinnik suisussarsiornerup sulisooreersullu tigummiinnarnissaannut pitsanngorsaataasussatut?
5. Naalakkersuisut eqqarsaatersuutigisimanerpaat tarnip pissusaanik ilisimasalittut ilinniarnerup Ilisimatusarfimmi ingerlanneqarnissaanut suliniuteqarnissaq?
a. Aappiuppat; pilersaarutit sumut killippat?
b. Naamiuppat; sooq taamatut suliniuteqartoqanngila?
6. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 01/07/2025
Naalakkersuisunut nassiunneqarpoq: 01/07/2025
090.Inatsisartunut Ilaasortaq Paarma Lund Kreutzmann, Inuit Ataqatigiit
1. Kalaallit Nunaanni peqqissaasunut tarnimikkut artorsaatillit aammalu tarnimikkut
nappaatilinnut immikkut ilisimasaqalernissamut (Psykiatrisk sygeplejerske)
ilinniaqqiffissamik neqerooruteqarsinnaanissamut Naalakkersuisut
suliniuteqassammaarpat?
a. Apeqqut aappiuppat, pisortanut aningaasatigut allaffissornikkullu kingunerisassai
nassuiaqquneqarput.
2. Peqqissaasunut tarnimikkut artorsaatillit aammalu tarnimikkut nappaatilinnut immikkut
ilisimasaqalernissaq siunertaralugu (Psykiatrisk sygeplejerske)
neqerooruteqartalertoqassappat suut piareersimaffigineqartariaqarpat?
a. Neqorooruteqartaleertoqassappat pilersaarusiorneq eqqarsaatigalugu suut
suliassartaassappat?
Inatsisartunut Ilaasortaq Paarma Lund Kreutzmann, Inuit Ataqatigiit
Tiguneqarpoq: 30/06/2025
Naalakkersuisunut nassiunneqarpoq: 30/06/2025
089.Inatsisartunut ilaasortaq Pele Broberg, Naleraq
1. NATO-p ataatsimeersuarneranut Naalakkersuisoq ataasiinnarluunniit peqataanngimmat paaserusunnarpoq Danmark-ip, USA-p, allalluunniit peqataannginnissamut kaammattuuteqarsimanersut, taamaanngippallu peqataaffigineqarnissaata pingaartinneqarsimannginneranut suna tunngavilersuutigineqarpa? Periarfissaqannginnerassagaanni taava pingaarnersiuinermi sooq pingaannginnertut inissinneqarsimaneranut nassuiaatigeqquneqarpoq.
2. NATO ataatsimeersuarnerata ulluini Nunanut Allanut Ilisimatusarnermullu Naalakkersuisoq Vivian Motzfeldt (Siumut), Naalakkersuisut ullorsiutaanni tamanit takuneqarsinnaasuni ulluni taakkunani sumilluunniit pilersaaruteqanngilaq. Taamaakkaluartoq tusagassiorfimmi Sermitsiaq.AG-mi imatut nassuiaateqartoqarsimavoq “naalakkersuisoqarfimmit ilisimatitsissutigineqarpoq Vivian Motzfeldt peqataasinnaajunnaarsimasoq piffissaliussat akimmiffeqartitsineri pissutigalugit”1. Naalakkersuisoq pineqartoq, Naalakkersuisullu allat tamavimmik, ulluni taakkunani sumiippat suullu ingerlassamaarlugit pilersaaruteqarpat? Maluginiaqquneqarpoq Naalakkersuisut tamavimmik ullorsiutiminni susassaqanngitsutut allassimatinneqartut.
3. NATO ataatsimeersuarnerani Danmark-ip Naalakkersuisuisa Kalaallit Nunaat eqqartorpaat?
Inatsisartunut ilaasortaq Pele Broberg, Naleraq
Tiguneqarpoq: 27/06/2025
Naalakkersuisunut nassiunneqarpoq: 30/06/2025
088.Inatsisartunut ilaasortaq Kuno Fencker, Naleraq
1. Imarsiornermut inatsit nunatsinni atuutilersinneqarnissaa pillugu suliaq ullumikkut qanoq inissisimava, tassunga ilanngullugu inatsisit pingasut taaneqartut kiisalu nalunaarutit 25-it missaaniittut, Naalakkersuisut siusinnerusukkut akissuteqaataat, § 37 pillugu apeqqut 2024-122-imut akissuteqaammi, Kunngip peqqussutaatigut atuutilersinneqarnissaat piareersarneqartoq ullumikkut qanoq inissisimava?
2. Qaqugu Naalakkersuisut naatsorsuutigaat suliaq tamanna naammassineqassasoq Inatsisartuniillu isummerfigineqarlunilu aalajangiiffigineqassava?
3. Aalisartut kiisalu kilisaatersortut “namminersortuusaarlutik” ingerlatsisut amerliartuinnarnerat pillugit Naalakkersuisut Imarsiornermut Aqutsisoqarfik (Søfartsstyrelsen) peqatigalugu tamanna oqaloqatigiissuteqarfigaa?
4. Naalakkersuisut qanoq iliuuseqarniarpat tamanna pinngitsoortinniarlugu kiisalu nunatsinni imarsiortut pisinnaatitaaffeqarnissaat illersorneqarnissaallu qulakkeerniarlugit?
Inatsisartunut ilaasortaq Kuno Fencker, Naleraq
Tiguneqarpoq: 27/06/2025
Naalakkersuisunut nassiunneqarpoq: 30/06/2025
087.Inatsisartunut ilaasortaq Gerth Mikaelsen, Naleraq
1. Naalakkersuiusut Tasiilap eqqaanut Ittoqqortoormiiniit umimmanik inissiinissamik pilersaaruteqarnerlutik?
a. Taamatullu kitaaniit Tasiilap eqqaanut tuttunik inissiissamaarnerlutik?
2. Naalakkersuisut Ittoqqortoormiini ukioq manna umimmannut pisassiissutinik naammattunik ilaqqinnissaanik pilersaaruteqarnerlutik?
Inatsisartunut ilaasortaq Gerth Mikaelsen, Naleraq
Tiguneqarpoq: 26/06/2025
Naalakkersuisunut nassiunneqarpoq: 27/06/2025
086.Inatsisartunut ilaasortaq Nivi Rosing, Inuit Ataqatigiit
1. Naalakkersuisut Air Greenlandip RAL-illu nioqqutissanik assartuiniarneranni sunik piumasaqaateqartarpat?
a) Nioqqutissanik ulluinnarni pisariaqartinneqartut pillugit sullissineq pitsanngortinniarlugu Naalakkersuisut qanoq iliuuseqalersaarnertik nassuiassagaat qinnutigineqarpoq.
2. Air Greenlandimut RAL-imullu immikkut suliniuteqartoqarnissaa ajornanngila, taamaalilluni taakku nioqqutissanik ulluinnarni pisariaqartinneqartunik assartuinerminni annertunerusumik iliuuseqalersinnaaqqullugit?
a) Akissut aappiuppat, ingammik ingerlatsinerup annikiffiani nioqqutissat pisariaqarnerpaat isumannaatsumik isorliunerusunut anngunneqartarnissaat pillugu Naalakkersuisut nassuiaateqaqquneqarput.
3. Nioqqutissat ulluinnarni pisariaqartinneqartut akiisa apparsimaartinnissaannut periarfissat suuppat, tamatumani ingammik KNI Pilersuisumi?
Inatsisartunut ilaasortaq Nivi Rosing, Inuit Ataqatigiit
Tiguneqarpoq: 26/06/2025
Naalakkersuisunut nassiunneqarpoq: 26/06/2025
085.Inatsisartunut ilaasortaq Lars Poulsen, Siumut
1) Ingerlatseqatigiiffiit sorliit naatsorsuutit missingersuutigineqarsimasut malillugit nunap karsianut iluanaarutinik tunniussaqarsimanngillat?
a. Tamanna Naalakkersuisut qanoq nalilerpaat?
2). Iluanaarutinik tunniussisimannginnermut tunngavilersuutigineqartut suuppat?
a. Tamanna pillugu Naalakkersuisut qanga ilisimatinneqarsimappat?
4) Aningaasanut inatsisimmi pinngitsoortitsinissat taakku Naalakkersuisut akuersissuteqarfigisimavaat?
a. Taamaappat, suna tunngavigalugu?
5) Naalakkersuisut Siulittaasuat isumaqarpa, illersorneqarsinnaanersoq ammasumik ingerlatsitsinnginnerup, tamat oqartussaanerat eqqarsaatigalugu, allaffissornerinnakkut Namminersorlutik Oqartussat suliffeqarfiutaasa ukioq manna ataatsimeersuartinneqarneri?
a. Aamma, tamanna Naalakkersuisut Siulittaasuata piginnittuunermut politikkimut naapertuuttutut isumaqarfigaa?
Inatsisartunut ilaasortaq Lars Poulsen, Siumut
Tiguneqarpoq: 26/06/2025
Naalakkersuisunut nassiunneqarpoq: 26/06/2025
084.Inatsisartunut ilaasortaq Pele Broberg, Naleraq
1. Naatsorsuutit akuerineqarnikuni kingulliusoq naapertorlugu, "Air Greenland A/S" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat?
2. Ukiut siulii naatsorsorsinnaasat tamakkerlugit katikkaanni, "Air Greenland A/S" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat? Uani, naatsorsuuseriaaseq naapertorlugu, minnerpaamik ukiut 5 kingulliit katillugit akeqquneqarput.
Inatsisartunut ilaasortaq Pele Broberg, Naleraq
Tiguneqarpoq: 24/06/2025
Naalakkersuisunut nassiunneqarpoq: 25/06/2025
083.Inatsisartunut ilaasortaq Pele Broberg, Naleraq
1. Naatsorsuutit akuerineqarnikuni kingulliusoq naapertorlugu, "Sikuki Nuuk Harbour A/S" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat?
2. Ukiut siulii naatsorsorsinnaasat tamakkerlugit katikkaanni, "Sikuki Nuuk Harbour A/S" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat? Uani, naatsorsuuseriaaseq naapertorlugu, minnerpaamik ukiut 5 kingulliit katillugit akeqquneqarput.
Inatsisartunut ilaasortaq Pele Broberg, Naleraq
Tiguneqarpoq: 24/06/2025
Naalakkersuisunut nassiunneqarpoq: 25/06/2025
082.Inatsisartunut ilaasortaq Pele Broberg, Naleraq
1. Naatsorsuutit akuerineqarnikuni kingulliusoq naapertorlugu, "Greenland Airports - Mittarfeqarfiit A/S" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat?
2. Ukiut siulii naatsorsorsinnaasat tamakkerlugit katikkaanni, "Greenland Airports - Mittarfeqarfiit A/S" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat? Uani, naatsorsuuseriaaseq naapertorlugu, minnerpaamik ukiut 5 kingulliit katillugit akeqquneqarput.
Inatsisartunut ilaasortaq Pele Broberg, Naleraq
Tiguneqarpoq: 24/06/2025
Naalakkersuisunut nassiunneqarpoq: 25/06/2025
081.Inatsisartunut ilaasortaq Pele Broberg, Naleraq
1. Naatsorsuutit akuerineqarnikuni kingulliusoq naapertorlugu, "Great Greenland A/S" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat?
2. Ukiut siulii naatsorsorsinnaasat tamakkerlugit katikkaanni, "Great Greenland A/S" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat? Uani, naatsorsuuseriaaseq naapertorlugu, minnerpaamik ukiut 5 kingulliit katillugit akeqquneqarput.
Inatsisartunut ilaasortaq Pele Broberg, Naleraq
Tiguneqarpoq: 24/06/2025
Naalakkersuisunut nassiunneqarpoq: 25/06/2025
080.Inatsisartunut ilaasortaq Pele Broberg, Naleraq
1. Naatsorsuutit akuerineqarnikuni kingulliusoq naapertorlugu, "Nalik Ventures A/S"
ingerlatsiviilu ataaniittut katillugit qanoq annertutigisumik "Grønlands Erhverv"-
imut aningaasartuuteqarnikuuppat?
2. Ukiut siulii naatsorsorsinnaasat tamakkerlugit katikkaanni, "Nalik Ventures A/S"
ingerlatsiviilu ataaniittut katillugit qanoq annertutigisumik "Grønlands Erhverv"-
imut aningaasartuuteqarnikuuppat? Uani, naatsorsuuseriaaseq naapertorlugu,
minnerpaamik ukiut 5 kingulliit katillugit akeqquneqarput.
Inatsisartunut ilaasortaq Pele Broberg, Naleraq
Tiguneqarpoq: 24/06/2025
Naalakkersuisunut nassiunneqarpoq: 25/06/2025
079.Inatsisartunut ilaasortaq Pele Broberg, Naleraq
1. Naatsorsuutit akuerineqarnikuni kingulliusoq naapertorlugu, "Visit Greenland A/S"
ingerlatsiviilu ataaniittut katillugit qanoq annertutigisumik "Grønlands Erhverv"-
imut aningaasartuuteqarnikuuppat?
2. Ukiut siulii naatsorsorsinnaasat tamakkerlugit katikkaanni, "Visit Greenland A/S"
ingerlatsiviilu ataaniittut katillugit qanoq annertutigisumik "Grønlands Erhverv"-
imut aningaasartuuteqarnikuuppat? Uani, naatsorsuuseriaaseq naapertorlugu,
minnerpaamik ukiut 5 kingulliit katillugit akeqquneqarput.
Inatsisartunut ilaasortaq Pele Broberg, Naleraq
Tiguneqarpoq: 24/06/2025
Naalakkersuisunut nassiunneqarpoq: 25/06/2025
078.Inatsisartunut ilaasortaq Pele Broberg, Naleraq
1. Naatsorsuutit akuerineqarnikuni kingulliusoq naapertorlugu, "NunaGreen A/S"
ingerlatsiviilu ataaniittut katillugit qanoq annertutigisumik "Grønlands Erhverv"-
imut aningaasartuuteqarnikuuppat?
2. Ukiut siulii naatsorsorsinnaasat tamakkerlugit katikkaanni, "NunaGreen A/S"
ingerlatsiviilu ataaniittut katillugit qanoq annertutigisumik "Grønlands Erhverv"-
imut aningaasartuuteqarnikuuppat? Uani, naatsorsuuseriaaseq naapertorlugu,
minnerpaamik ukiut 5 kingulliit katillugit akeqquneqarput.
Inatsisartunut ilaasortaq Pele Broberg, Naleraq
Tiguneqarpoq: 24/06/2025
Naalakkersuisunut nassiunneqarpoq: 25/06/2025
077.Inatsisartunut ilaasortaq Pele Broberg, Naleraq
1. Inatsisartunut qinersereernerup Naalakkersuisoqatigiillu inissitsiternerata kingorna, Naalakkersuisut siulittaasuata Jens-Frederik Nielsen-ip (Demokraatit) ingerlatsiviit inuiaqatigiinnit pigineqartunut akisussaaffik, suliffeqarfiit pigisagut pillugit akisussaaffik "Bestyrelsessekretariatet” ilanngullugu, nammineq akisussaanerpaatut oqartussaaffigai?
2. Suliffeqarfiit inuiaqatigiinnit tamakkiisumik pigineqartut – allallu inuiaqatigiit pigisaat suulluunniit Namminersorlutik Oqartussasunut ataaniittut – qassit sorlerpiaallu namminersortut soqutigisaannik anguniagallit kattuffiannut "Grønlands Erhverv"-imut ilaasortaappat, attuumassuteqarpallu? Pineqartut ataasiakkaarlugit allattorneqarnissaat piumasarineqarpoq.
3. Naalakkersuisut isumaqarpat namminersortut soqutigisaannik anguniagallit kattuffiat "Grønlands Erhverv" ataatsimoortumik piginneqatigiinnissamik, ingerlatsiviillu inuiaqatigiinnit pigineqartut soqutigisaannik anguniagaqassasut? Naalakkersuisut – ingerlatsiviit inuiaqatigiinnit pigineqartunut akisussaasuunertut inatsisitigullu piginnittutut inissisimasuusutut – isummernianngikkunik apeqqulluunniit akerusunngikkunikku qisuariarnaveersaarnerminnut nassuiaateqarnissaat piumasarineqarpoq.
4. Apeqqut 1-imi akissut naapertorlugu, Naalakkersuisoq akisussaasuusorisaq Jens-Frederik Nielsen (Demokraatit), Naalakkersuisullu tamakkerlutik, namminersortut kattuffiisalu ingerlatsinerminnut ikiorsiissutinik toqqaannartumik toqqaannanngitsumilluunniit inuiaqatigiinniit taperneqartuaannarnissaat anguniagaraat? Una apeqqut minnerpaamik aap imaluunniit naamimik akeqquneqarpoq.
Inatsisartunut ilaasortaq Pele Broberg, Naleraq
Tiguneqarpoq: 24/06/2025
Naalakkersuisunut nassiunneqarpoq: 24/06/2025
076.Inatsisartunut ilaasortaq Pele Broberg, Naleraq
1. Naatsorsuutit akuerineqarnikuni kingulliusoq naapertorlugu, "Tusass A/S" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat?
2. Ukiut siulii naatsorsorsinnaasat tamakkerlugit katikkaanni, " Tusass A/S" ingerlatsiviilu ataaniittut katillugit qanoq annertutigisumik "Grønlands Erhverv"-imut aningaasartuuteqarnikuuppat? Uani, naatsorsuuseriaaseq naapertorlugu, minnerpaamik ukiut 5 kingulliit katillugit akeqquneqarput.
Inatsisartunut ilaasortaq Pele Broberg, Naleraq
Tiguneqarpoq: 24/06/2025
Naalakkersuisunut nassiunneqarpoq: 24/06/2025
075.Inatsisartunut ilaasortaq Karen Marie Kyed Frederiksen, Demokraatit
1. Politiit nunaqavissut qassit maannakkut Kalaallit Nunaanni politiini atorfeqarpat?
a. Nunatta sortaanni taakku inissisimappat?
b. Politiit nunaqavissut aggersitallu procentinngorlugit qanoq agguataarneqarpat? Akissutip skemanngorlugu sananeqarnissaa kissaataavoq.
c. Naalakkersuisut ilisimasaqarnerpat, politiit nunaqavissut qassit ukiuni kingullerni tallimani suliffimminnit soqaarniuteqarsimanerannik?
i. Soraarnernut peqqutaasut ilisimaneqarpat?
2. Qanga kingullermik iluarisimaarinninnermut assigisaanilluunniit politiini misissuisoqarsimava?
a. Taanna sulisorisat iluarisimaarinninnerannit, atugarissaarnerannit suliaminnillu tatisimaneqarnermik qanoq takutitsiva?
b. Misissuinerup inerneri tunngavigalugit suliniutit suut aallartinneqarnikuuppat?
3. Nunatsinni politiit sulinerminni atugaat qanoq Naalakkersuisut nalilerpaat, tassani aamma akissarsiaqarnerat, inuttaqarniarnerat ilinniarnissamullu periarfissat?
4. Naalakkersuisut suliniuteqarnialersaarnerpat Justitsministeriaqarfimmut nutaamik isummersoqatigiinnissamik maani nunatsinni politeeqarnerup qaffassarnissaanik, tassani akissarsiat- aamma atorfinitsitaanermut tunngasut ilanngullugit?
a. Politiini sulisussarsiornermut tigummiinnarnissaanullu sulinermi atukkat naammanngitsut pillugit isumakuluuteqarnermut Naalakkersuisut isumaqataanerpat?
5. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Karen Marie Kyed Frederiksen, Demokraatit
Tiguneqarpoq: 23/06/2025
Naalakkersuisunut nassiunneqarpoq: 24/06/2025
074.Inatsisartunut ilaasortaq Gerth Mikaelsen, Naleraq
1. Tasiilami suliffissaaleqineq 11% tikillugu suliffissaaleqineq1 Naalakkersuisuniit qanoq ilillugu appartinniarneqarpa?
2. Nallukattat ilaasa aningaasarsiorfittut isigiinaligaat Naalakkersuisuniit qanoq iliuuseqarfiginiarneqarpa?
3. Suut suliffissat nutaat ujartorneqarniarpat?
4. Inuusuttuaqqat, inuusutullu sunngiffimminni aserorterisarneri takussaaqqilerput, qanoq ilillugu tamanna ingalatsissimaniarneqarniarpa naalakkersuisuniit?
5. Sammisassanik allanik ujaasisoqarniarpa?
Inatsisartunut ilaasortaq Gerth Mikaelsen, Naleraq
Tiguneqarpoq: 23/06/2025
Naalakkersuisunut nassiunneqarpoq: 23/06/2025
073.Inatsisartunut ilaasortaq Kuno Fencker, Naleraq
1. Kalaallit Nunaat namminerisamik naalagaaffinngornissaa Naalakkersuisut politikkikkut anguniagaraat? Uani aap imaluunniit naamimik akineqarnissaa piumasarineqaannarpoq.
2. § 37 apeqqut 47/2025-ip akissutaani Naalakkersuisut § 21-Isumalioqatigiissitap, Namminersornermullu inatsimmi § 21 aallartinnissaanut sumilluunniit iliuuseqarsimannginnerannik nalunaaruteqarput, taamaammat ukua apeqqutigineqarput:
a. Suliap sumilluunniit aallartissimannginneranut Naalakkersuisut qanoq tunngavilersuuteqarpat?
b. §21-Isumalioqatigiissitap ilaasortassai qaqugu tamakkerlugit inuttalerneqassappat allattoqarfeqarfillu pilersinneqassava, isumaliutissiissummi UPA2024/75 peqqussutaasut naapertorlugit?
c. Ilaasortat sorliit kikkullu suleqatigiissitami inissinneqarnissaannut Naalakkersuisut pilersaaruteqarpat?
d. Qaqugu Naalakkersuisut §21-Isumalioqatigiissitap nassuiaataa naammassisaq tunniunneqarumaarpa? Uani ullorpiaa taaqquneqarpoq.
3. Namminersornermut inatsimmi § 21 aallartissinnaanissaanut Naalakkersuisut qaqugu politikkikkut aalajangiiffiginiarpaat? Uani minnerpaamik ukioq suna akeqquneqarpoq.
4. Namminersornermut inatsimmi § 21 aallartinneqarnera isumaqatigiinniutaasinnaasoq pituttugaanngitsumik atassuteqarsinnaanissaq – tunngaviusumik inatsisissami taavalu UPA2024/75-imi ataatsimiititaliap isumaliutissiissutaani eqqaaneqarnerattuut – Naalakkersuisunit misissoqqissaarnikuua imaluunniit periarfissatut eqqartorneqarnikuua?
Inatsisartunut ilaasortaq Kuno Fencker, Naleraq
Tiguneqarpoq: 18/06/2025
Naalakkersuisunut nassiunneqarpoq: 18/06/2025
072.Inatsisartunut ilaasortaq Karen Marie Kyed Frederiksen, Demokraatit
1. Kalaallit Nunaannut isaariani ilanngaaserinermut ullumikkut aningaasat qassit atorneqartarpat?
a. Maani nunatsinni ilanngaaserisut qassit atorfeqarpat?
i. Taakku ilanngaaserisut nunap sortaani inissisimappat?
2. Naalakkersuisut isumaqarnerpat ilanngaaserisut maannakkorpiaq amerlassusaat naammattoq?
a. Nalakkersuisut suliniuteqalersaarnerpat danskit naalagaaffiannut atassuteqarnissaminnik maani nunatsinni ilanngaaserisoqarnerup annertusinissaanik aammalu ilanngaaserisut amerlineqarnissaannik?
b. Naalakkersuisut aalajangersimasunik maani nunatsinni piffinnik tikkuaasinnaanerpat, ilanngaaserisoqarnerup naammannginneranik aammalu ilanngaaserisut amerlassusaasa naammannginnerinik?
3. Naalakkersuisut pilersaaruteqarnerpat allanik suliniuteqarnissaminnik, haship assigusullu aanngajaarniutit nunatsinnut eqqussuunneqarnerisa pinngitsoortinneqarnissaannut tunngatillugu?
4. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Karen Marie Kyed Frederiksen, Demokraatit
Tiguneqarpoq: 18/06/2025
Naalakkersuisunut nassiunneqarpoq: 18/06/2025
071.Inatsisartunut ilaasortaq Pipaluk Olsen, Demokraatit
1. Naalakkersuisut qanoq pilersaaruteqarpat Sisimiuni umiarsualiviup iluarsartuunneqarneranut tunngatillugu?
a. Qaqugu naatsorsuutigineqarpa Sisimiuni umiarsualiviup iluarsartuunneqarnera aallartinneqassasoq?
2. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Pipaluk Olsen, Demokraatit
Tiguneqarpoq: 17/06/2025
Naalakkersuisunut nassiunneqarpoq: 17/06/2025
070.Inatsisartunut ilaasortaq Jens NapãtôK’, Naleraq
1. Ilulissani GUX-imik atuarfimmik sanaartortoqassappat sanaartornissamut missingersuut qanoq annertutigissava sanaartornerup aallartissarnerani ilinniartunut inissianut 50-inut imaluunniit 100-nut sanaartortoqassappat?
2. Ilulissani eqqaanilu ilinniartut namminneq angerlarsimaffimminni ilinniarnerup nalaani najugaqarsinnaagunik qanoq ilinniartunut inissaqartitsinermut GUX-imilu illuutit nalimmassarneqarneranni qanoq sanaartornermut tamarmut aningaasartuutinut sunniuteqassappat?
3. Pilersitsiniarneq killiffikkaartumik ingerlatissallugu periarfissaqarnerluni, siullermik atuarfimmik sanaartorneq ilinniartunullu inissiat ikinnerusut, kingusinnerusukkullu ilinniartunut inissianik sanaartorneq ingerlaavartumik ingerlanneqarluni imaluunniit nalilersueqqittarluni piumaneqarnera aallaavigalugu?
4. Nalimmassaanissamut imaluunniit siuliani naliliisimanerup isumaliuutigeqqinnissaanut Naalakkersuisut pilersaaruteqarnerlutik aningaasartuutit allanngorsimasut naatsorsuutigisaminngaanniit eqqarsaatigalugit, inuttussutsip ineriartornera kiisalu Ilulissani illussaqarniarnermut pissutsit aallaavigalugit?
5. Aallaqqaataaniit siunnersuummiit allatut iliortoqarsinnaanerluni akikinnerulersitsilluni arlaannik? Tamaanngippat ullumimut akit atortut kingulliit malillugit imaluunniit siunissami qaninnerusumi qanoq annertutigissappat?
6. Nunatta Avannaani ilinniakkanut neqeroorutinik qaffassaaniaraanni imaluunniit allanik ilinniarfinnik pilersitsiniaraanni, soorlu aalisarnermut ilinniarfik GUX-ip atuarfianut ataqatigiissinneqarsinnaappat?
7. Naalakkersuisut allanik periarfissaqarpat imaluunniit siunnersuutissaqarpat?
8. Aningaasartuutissatut kingunerisassat suussappat uku assigiinngitsut pisinnaasut malillugit:
a) Pisortanut aningaasatigut allaffissornikkullu kingunerisassai:
b) Namminersortunut aningaasaatigut allaffissornikkullu kingunerisassai:
c) Innuttaasunut aningaasatigut allaffissornikkullu kingunerisassai:
Inatsisartunut ilaasortaq Jens NapãtôK’, Naleraq
Tiguneqarpoq: 16/06/2025
Naalakkersuisunut nassiunneqarpoq: 16/06/2025
069.Inatsisartunut ilaasortaq Jens NapãtôK’, Naleraq
1. Sooq innuttaasut 25.000 koruuninik akiliilluni sanaartornermut atortut qinnutigisinnaanngilaat, naak tamanna Inatsisartut inatsisaatsigut aalajangerneqaraluartoq?
2. Sanaartornermi atortut 25.000 koruunit sinnerlugit akeqartut piviusunngortinnissaannut suut amigaataappat?
3. Inatsit atuutilersinniarlugu Naalakkersuisut qanoq iliuuseqarsimappat, qanorlu siuarsimatigaat?
4. Qaqugu innuttaasut periarfissaq tamanna atorluarsinnaaneraat Naalakkersuisut naatsorsuutigaat?
5. Kommunit ilaat inatsisinik taakkuninnga malinninniarnatik aalajangersimappat, taamaappat kommunit sorliit aamma sooq?
Inatsisartunut ilaasortaq Jens NapãtôK’, Naleraq
Tiguneqarpoq: 13/06/2025
Naalakkersuisunut nassiunneqarpoq: 16/06/2025
068.Inatsisartunut ilaasortaq Jens NapãtôK’, Naleraq
1. Nunatsinni orsussap/ikummatissap akia qaffattariaqarnera sumik tunngaveqarpa?
a. Kisitisilersorlugu nassuiarneqarsinnaava?
b. peqqutigineqartut qanoq uppernarsarneqarpat?
2. Nunarsuarmi orssap/ikummatissap akia ukiut kingillit qulit qanoq inissisimava?
3. Ikummatissap akitsornera qanoq inuiaqatigiinnut qanoq sunniuteqassava?
4. Akitsuinermut akuersinermut Naalakkersuisut suut kisitsisit aallaavigaat?
5. Sikusartuni uulia/ikummatissaq literit qanoq annertutigisut akitsuinermi uninngappat?
a. Taakku pisiarinerani akikinerunerulluni inissimaffiusimaneq akitsuinermi qanoq iluanaaruteqarnerussua?
b. Uulia/Ikummatissap akia nunarsuarmi toqqammavilersuutaasoq sooq uningasuutaareersut nungunngitsut ilanngullugit qaffaasoqarpa?
6. Neqi A/S-imut KNI A/S-imut orsussamit/ikummatisanut sinneqartoorutit nuunneqartarnikuusut ukiut qulit kingulliit qanoq immikkut tamarmik annertutigippat?
7. Allanut orsussap/ikummatissap sinneqartoorutaanik nuussisoqartarsimava?
8. Naalakkersuisut apeqqummut allanik eqqaasassaqarpat?
Inatsisartunut ilaasortaq Jens NapãtôK’, Naleraq
Tiguneqarpoq: 13/06/2025
Naalakkersuisunut nassiunneqarpoq: 13/06/2025
067.Inatsisartunut ilaasortaq Pipaluk Olsen, Demokraatit
1. Suliniutit suut Naalakkersuisut aallartissimavaat qulakkeerniarlugu, ulluunerani
paaqqinnittarfinni sulisussaaleqinerup aaqqissuulluakkamik malittarineqarnissaa?
a. Suut suliniutit ersarissut Naalakkersuisut aallartissimavaat ulluunerani paaqqinnittarfinni
sulisut sulinerminni atugaasa pitsanngorsarnissaannut?
b. Naalakkersuisut eqqarsaasersuutiginerpaat ikorfartoqatigiinnerup ulluunerani
paaqqinnittarfinni sulisunut aaqqissuulluakkamik neqeroorutigineqartalernissaa?
i. Ikorfartoqatigiinnerup ulluunerani paaqqinnittarfinni sulisunut
aaqqissuulluakkamik atajuartussatullu neqeroorutinngussagaluarpat, pisortanut
allaffissornikkut aningaasatigullu kingunissai suuppat?
c. Meeqqanut suli atualinngitsunut perorsaanikkut inerikkiartuutaasumik ulluunerani
neqeroorutit pillugit Inatsisartut inatsisaata allanngortinnissaanik Naalakkersuisut
suliniuteqarusuppat taamaaliornikkut, sulisut inissisimanerat tapersersorneqarnissamillu
pisariaqartitsinerat inatsimmi allassimaneranit ersarinnerusumik
pisussaaffeqarnerusumillu allassimalersinniarlugu?
2. Naalakkersuisut ilisimasaqarnerpat, meeqqat qassit, ullumikkut paaqqinnittarfimmiinnginnersut?
a. Taakkunannga qassit ilaqutarinninngaaneerpat immikkut inuuniarnikkut
misigissutsikkullu pisariaqartitsisunit?
3. Naalakkersuisut kommuninit suleqateqarnialersaarnerpat meeqqat misigissutsikkut
navianartumi inissisimasut sumiginnarneqannginnissaannut tassani eqqarsaatigineqarlunittaaq
paaqqinnittarfinni inissaqannginneq?
4. Naalakkersuisut oqaluuserisamut soqutiginaalinnik allanik paasissutissiisinnaanerlutik?
Inatsisartunut ilaasortaq Pipaluk Olsen, Demokraatit
Tiguneqarpoq: 13/06/2025
Naalakkersuisunut nassiunneqarpoq: 13/06/2025
066.Inatsisartunut ilaasortaq Kuno Fencker, Naleraq
1. Naalakkersuisut siunnersuutinut aalajangiunneqartussanut suliaannut UPA2024/70-imut UPA2024/100-mullu malitseqarnissaanut qanorpiaq inissisimappat, tassannga pinerlunneq pillugu inatsimmi pitsanngorsaanermilu pillaanerup isertitsivimmiisitsinerulluunniit sinaakkutaasa eqqunneqarneranut, nunatsinni pillaanerup inatsisaani?
2. Suliassat allassimaffiat eqqartugaaqisoq eqimattanut immikkut ilisimasalinnut, isumaliutissiissut malillugu inuiaqatigiinni eqqortoq misissoqqissaarnissaanut pinerlunnerlu pillugu inatsit nalilersornissaanut pisariaqassappallu allanngornissaanut qaqugu Naalakkersuisut saqqummiussinissaannut naatsorsuutigineqarsinnaappat?
3. Maannakkut pinerluttuliorluni iliuuseqartoq aallaavigalugu (gerningsmandsprincip) pineqaatissiisarneq atuuttoq qimakkiartornerani, pinerluttuliornermut iliuuseq aallaavigalugu (gerningsprincip) ikaarsaarnissamut, eqqugaasup inuiaqatigiillu eqqortuunermut misigissusaat eqqartuusseriaatsimi pingaartinnerunissaanut, suut atorfilinnik Naalakkersuisuniillu politikkikkut iliuuserineqarpat?
4. Siunissami nunatsinni pillaanermut inatsit ersarissunik isertitseriaatsimut sinaakkutilimmik, nunatsinni atuunnissaanut inatsisitigullu isumannaatsuunissaanut eqqartuussiveqarnerup ingerlatsinerani ataqatigiittumik kinguneqartitsineq pillugu Naalakkersuisut qanoq inissisimappat?
Inatsisartunut ilaasortaq Kuno Fencker, Naleraq
Tiguneqarpoq: 12/06/2025
Naalakkersuisunut nassiunneqarpoq: 13/06/2025
065.Inatsisartunut ilaasortaq Pipaluk Olsen, Demokraatit
1. Ulluunerani neqeroorutit nutaat suut Naalakkersuisut neqeroorutissatut pilersippaat Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaata 1. Januar 2024 atuutilernerata kingorna?
a. Perorsaanermut suliaqarnernut malittarisassat nutaat suut inerisarneqarsimappat atuutilerneraniit massakkumut?
2. Kommunit arlaanniit, Naalakkersuisunut qinnuteqartoqarsimava meeqqanut suli atualinngitsunut misiliutitut aallartitserusuttunik?
a. Taamaassimappat paasissutissiissutigeqquneqarpoq misiliutit suut, pineqarnersut taakkulu aamma suna siunertarineraat.
3. Naalakkersuisut kommunimut ataatsimut arlalinnulluunniit perorsaanermik allaffissornermillu suliaqartut piginnaasaannik qaffassaatissatut periutsinik sakkussanillu misiliutitut pilersitsinissamut suliniuteqarnissamik aallartitsisimappat?
a. Taamaassimappat paasissutissiissutigeqquneqarpoq, suliniutit suut, pineqarnersut.
b. Taamaassimanngippat paasissutissiissutigeqquneqarpoq suliniutissanik eqqarsartoqarnersoq aammalu taakku suunersut.
4. Naalakkersuisut kommuninut ilisimatitsissuteqarnissamut qanoq iliorsimappat meeqqanut suli atualinngitsunut piffinni naleqqussaanissamut annertunerusumik pitsaanerusumillu periarfissiinissamut aammalu piffinni misiliutitut ingerlatsinissanut?
5. Naalakkersuisut Nunatsinni Perorsaasut Kattuffiat qanoq akuutissallugu eqqarsaatigaat meeqqanut suli atualinngitsunut pitsaanerpaamik suliniarnissamut tunngatillugu?
6. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Pipaluk Olsen, Demokraatit
Tiguneqarpoq: 10/06/2025
Naalakkersuisunut nassiunneqarpoq: 11/06/2025
064.Inatsisartunut ilaasortaq Karen Marie Kyed Frederiksen, Demokraatit
1. Kalaallit Nunaannut Kalaallit Nunaanniillu immakkut assartuinerup inerisarnissaanut Naalakkersuisut sunik pilersaaruteqarpat?
a. Immakkut assartuinermut t Royal Arctic Line-p akuersissummik kisermaassinerata atorunnaarsinneqarnissaanut Naalakkersuisut pilersaaruteqarpat?
b. Kalaallit Nunaata Amerikkallu avannaata akornanni immakkut assartuisarnissap periarfissinneqarnissaanut Naalakkersuisut pilersaaruteqarpat?
2. Kalaallit Nunaannut Kalaallit Nunaanniillu suliffeqarfinnut innuttaasunullu immakkut assartuinermut akiliutip akikinnerulersinneqarsinnaaneranik Naalakkersuisut qanoq eqqarsaatersuuteqarpat?
3. Naalakkersuisut isumaqarpat, maannakkut immakkut assartuinermut pilersaarut eqaannerpaamik inissisimasoq? Immakkullu assartukkat sukkanerpaamik eqaannerpaamillu apuuffissaminnut apuunneqartarlutik?
a. Angallassinermut pilersaarusiornermi aningaasat saniatigut suut pingaarnersiuinermi isiginiarneqartarpat?
4. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Karen Marie Kyed Frederiksen, Demokraatit
Tiguneqarpoq: 11/06/2025
Naalakkersuisunut nassiunneqarpoq: 11/06/2025
063.Inatsisartunut ilaasortaq Anders Olsen, Siumut
1) Naalakkersuisut uppernarsarsinnaavaat Nanortalimmi tunitsiviup Arctic Prime Fisheriesip Islandimiunit pigineqartup maannakkutut ingerlanermisut siunissami ingerlaannarnissaa imaluunniit ingerlatsiinnarnissaminut periarfissaqarnersoq?
a) Tamanna naamiuppat sooruna?
2) Naalakkersuisut nunatta kujataani aalisarnikkut tunitsiveqarnikkullu ineriartortoqarnissaa qulakkeerniarlugu pilersaaruteqarlutillu suliniuteqarpat?
a) Tamanna aappiuppat suut?
Inatsisartunut ilaasortaq Anders Olsen, Siumut
Tiguneqarpoq: 10/06/2025
Naalakkersuisunut nassiunneqarpoq: 11/06/2025
062.Inatsisartunut ilaasortaq Jørgen Rosbach, Demokraatit
1. Naalakkersuisut paasissutissiisinnaanerpat, kisitsisinik imaluunniit paasissutissanik peqarnersoq, ukiup ilaannaatigut sulisartut qassit ukiumut Kalaallit Nunaannukartarnersut suliartorlutik
a. Taamaassimassappat kissaatigaara amerlassusaasa paasinissaat aammalu qanoq ukiup ilaannaatigut suliartortartut suliffinni suni qanorlu sivisutigisumik Kalaallit Nunaanni najugaqartarnersut?
2. Naalakkersuissut nassuiarsinnaanerpaat malittarisassat atuuttut, ukiup ilaannaani suliartortartut qaqugukkut Kalaallit Nunaannut akileraartussaatitaanissaannut?
a. Naalakkersuisut nassuiarsinnaanerpaat, kisitsisaatigineqarnersoq, ukiup ilaannaani suliartortartut qassit Kalaallit Nunaanni akileraartutut nalunaarsorneqarsimanersut ukiut tallimat kingulliit iluanni?
b. Naalakkersuisut paasissutissiissutigisinnaanerpaat, kalaallit sulisitsisut qassit, akissarsianik nalunaaruteqarsimanersut A-skattimullu akiliisimanersut ukiup ilaannaani suliartortartunut killilimmik imaluunniit tamakkiisumik akileraartussaatitaasutut piffissami tassanerpiaq?
c. Paasissutissaqarpa, nunanit allaninngaanneersut ukiup ilaannaani suliartortartut qanoq annertutigisumik ukiumut akileraarutitigut akiliisarsimanersut ukiut tallimat kingulliit ingerlaneranni?
d. Nakkutilliinerit- sissuernerillu suut aallartinneqarsimappa qulakkeerniarlugu, ukiup ilaannaani suliartortartut akileraartussaatitaasut akileraarutinik nalunaarutiginninnissamut akiliinissamullu malittarisassat atuuttut malinneqarnersut qulakkeerniarlugu?
3. Naalakkersuisut ilisimasaqarnerpat, ukiup ilaannaani suliartortartut Kalaallit Nunaanni sulisarsimanersut akileraartussaatitaasutut nalunaarsimanatik?
a. Taamaattoqarsimappat, suliniutit suut aallartinneqarsimappat tamakku misissorniarlugit paasiniarlugilluunniit?
4. Ukiup ilaannaani suliartortartunut taakkulu akileraarutinut akiliutaannut paasissutissanik qitiusumi peqartoqanngippat, taava Naalakkersuisut piumassuseqarpat taakku nakkutigineqartuarnissaannut nalunaarsorneqarnissaannullu pilersitsinissamut?
a. Naalakkersuit sulisitsisunut aammalu nunanit allanit ukiup ilaannaani suliartortartunut toraagalimmik akileraarutitigut pisussaaffiit pillugit paasisitsiniaassallutik eqqarsaasersuuteqarnerlutik?
i. Taamaassappat – qaqugu qanorlu tamanna aallartissallugu pilersaarutigineqarpa?
5. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 10/06/2025
Naalakkersuisunut nassiunneqarpoq: 10/06/2025
061.(Inatsisartunut ilaasortaq Paarma Lund Kreutzmann, Inuit Ataqatigiit
1. Illoqarfinni 1600-t inorlugit innuttaqartuni nakorsat nal. 16.00-p 08.00-llu akornanni pigaartuusarnerata peerneqarsimaneranik aalajangertoqarsimanera ilumoortuua?
A. Akissut aappiuppat, taamatut aalajangernermut suna tunngaviua, aalajangernerlu peqqissutsimik suliaqarnermik, aaqqissussaanikkut aningaasaqarnermilluunniit toqqammaveqarpa?
B. Oqartussaq sorleq tassunga aalajangiiva? Oqartussat, suliamik ingerlartsisut kattuffiilluunniit sorliit taamatut aalajangernermut akuuppat?
C. Akissut aappiuppat, piffinni kalluarneqartuni innuttaasunut, kommunalbestyrelsinut/kommuninut kiisalu peqqinnissaqarfimmi sulisunut sammititamik oqaloqatiginnittoqarpa nalunaaruteqartoqarpaluunniit?
2. Apeqqut 1-mut akissutit eqqortuuppata, peqqinnissaqarfiup qanoq annertutigisumik sipaarnissaa naatsorsorneqarsimava, naatsorsukkamilu aalajangernerup soraartoqarnera sulisunilluunniit, nakorsaannaanngitsunik tigumminnissinnaannginneq tunngavigalugu taartaagallartunik amerlanerusunik atorfinitsitsisoqariataarsinnaaneranik aarlerinaat eqqumaffigineqarsimava?
a. Akissut aappiuppat, Naalakkersuisut aalajangerneq manna pillugu qanoq innuttaasunut nalunaarpat?
b. Akissut naamiuppat, taamatut aalajangernissaq maanna isumaliutigineqarpa imaluunniit taamaaliornissamut sukumiisumik pilersaaruteqartoqarpa?
(Inatsisartunut ilaasortaq Paarma Lund Kreutzmann, Inuit Ataqatigiit
Tiguneqarpoq: 03/06/2025
Naalakkersuisunut nassiunneqarpoq: 03/06/2025
060.Inatsisartunut ilaasortaq Lars Poulsen, Siumut
1. Naalakkersuisut pisortat suliffissaannik nittarsaassinissamut atortussamik ujartuinerminni tamanut ammasumik suliarinnittussarsiorsimappat?
a. Taamaappat, unammilleqatigiinnissaq pillugu suliariumannittussarsiorneq qaqugukkut pisimava aamma suut piumasaqaatitut tunaartaralugit tamanna pisimava?
2. Nittarsaassivissap nutaap toqqarnerani, qanoq atuisunut atoruminartuunera kalaallisullu oqaaseqartunit atorneqarsinnaanera pillugit innimittartoqarsimava, tassami kalaallisut allassimasut takussaanngillat?
3. Oqaatsuvut atorlugit atorneqarsinnaasoq qaqugu periarfissaalissasoq Naalakkersuisut naatsorsuutigaat?
4. Naalakkersuisut isumaqarpat pisortani suliffissat pillugit nittarsaassinermi siunertaasoq inatsisillu naapertorlugit pisussaaffiit naammassineqarsimasut, kalaallisut oqaasillit ikinngitsut nittarsaassivik atuarsinnaanagulu atorsinnaanngippassuk?
5. Naalakkersuisut qanoq naliliippat, allannguut taanna politikikkut anguniakkanut naapertuunnersoq aamma pisortat ingerlatsineranni kalaallisut oqaatsit tamanit atorneqarsinnaanissaanut siunertamut pissusissamisoortussamullu sanilliussigaanni?
Inatsisartunut ilaasortaq Lars Poulsen, Siumut
Tiguneqarpoq: 03/06/2025
Naalakkersuisunut nassiunneqarpoq: 03/06/2025
059.Inatsisartunut ilaasortaq Per Berthelsen, Demokraatit
1. Oqaaseqartitsisimanerit ataani takuneqarsinnaasut malillugit Naalakkersuisoq oqariartuutit
taamaattut atornerisigut sunaana anguniaraa?
2. Naalakkersuisuni aatsitassanut oqartussaasoqarfimmiit maanna timitalimmik Kina-mit
aningaasaliisinnaasunik aamma/imaluunniit politikerinik oqaloqateqartoqarpa?
3. Aningaasalersuinissat qanoq isikkullit Naalakkersuisut tungaannit eqqarsaatigineqarpat?
Aningassat Naalakkersuisunut tunnissaat siunertarineqarpa (allaffissornermut
siammartiterinissamullu Naalakkersuisunit atorneqarsinnaanngorlugit) imal. Naalakkersuisut
Kalaallit Nunaanni pilersaarutaasut sinnerlugit oqaluppat?
a. Kingullertut taasami, taava piginneqatigiiffiit/pilersaaruteqartuusut suut
aallaavigineqarpat?
b. Naalakkersuisunit aningaasat qanoq amerlatigisut ujartorneqarpat?
4. Avammut oqariartuutit issuarneqartut, Kalaallit Nunaanni piginnaatitsissutinik
tunineqarnikuusut inuussutissarsiortunillu soqutigisarisaasut suliniutaasullu
aningaasalersuinissaq kalaallillu immineq pilersaarutaannut aningaasaliinissat pillugit
oqariartuutitut ataqatigiissaagaasumik ingerlanneqarpat?
5. Naalakkersuisut nalunaarutaat Naalakkersuisut aatsitassaqarnermut atatillugu aammalu Kinamik,
USA-mik aammalu EU-mik suleqateqarsinnaanermut atatillugu pisortatigoortumik
politikkiannik aallaaveqarpat?
6. Suliniutit suut allat Naalakkersuisunit aningaasaliisinnaasunik ujartuinerni aammalu Kalaallit
Nunatta aningaasaliiffigissallugu kajungernarnerurulersinniarnerani ingerlanneqarpat?
7. Financial Times-imi allanneqartumi Naalakkersuisunit USA-mik isumaqatigiissuutit suut
eqqarsaatigineqarpat?
a. Allanneqartumi isumaqatigiissutitut taaneqartumi killiffik maanna sumiippa
Naalakkersuisorlu issuarneqartoq (Inuussutissarsiornermut il.il. Naalakkersuisoq)
isumaqatgiissutitut taaneqartumi qanoq akisussaassuseqarpa?
b. Isumaqatigiissutitut taaneqartup suut imarivai qanorlu isumaqatigiissut sivitsorneqanngippat
tamanna Aatsitassaqarnermut kinguneqarsinnaava?
Inatsisartunut ilaasortaq Per Berthelsen, Demokraatit
Tiguneqarpoq: 30/05/2025
Naalakkersuisunut nassiunneqarpoq: 03/06/2025
058.Inatsisartunut ilaasortaq Jens NapãtôK’, Naleraq
1. Naalakkersuisut §37 nr. 026-mut akissuteqarneranni nakorsiarniarlutik angalasut
qassit kinguaattoornermik eqqugaasarnersut nalunaarsorneqartannginnerannut
suna peqqutaava?
a. Nalunaarsorneqartalissappata suna pisariaqartinneqarpa imalt.
allanngortariaqarpa? Atortutiguuppat, aningaasatiguuppat,
inatsisitiguuppat imalt allarluinnarmut tunngassuteqarpat Naalakkersuisut
tunngavilersoqquneqarput.
2. Nakorsiarniarlutik angalasut kinguaattoornermik eqqugaasartut qassiuneri
nalunaarsorneqartannginnerat Naalakkersuisut naammaginartutut nalilerpaat?
Akissut tunngavilersoqquneqarpoq.
3. Ukioq kingulleq (2024) §37 nr. 163-mut Naalakkersuisut akissutaanni
qarasaasiatigut (elektronisk) napparsimasunik allattuiffik ‘Cosmic’ nutaamik
taarserneqartussaanera pillugu, taartissaani oqaatsit sorliit salliunneqassanersut
akisinnaanngikkallaraat – massakkut Naalakkersuisut apererusunnarput:
a. Suliaq sumut killippa?
b. Napparsimasunik allattuiffik nutaaq kalaallisut oqaatsitsinnik
aallaaveqassava?
c. Tuluttut oqaasilinniit aamma atorneqarsinnaassava?
d. Allattuiffik nutaaq qanoq akeqassava aammalu
e. Kalaallisut oqaatsit atorneqarsinnaalissappata qanoq akeqassava?
Inatsisartunut ilaasortaq Jens NapãtôK’, Naleraq
Tiguneqarpoq: 30/05/2025
Naalakkersuisunut nassiunneqarpoq: 03/06/2025
057.Inatsisartunut ilaasortaq Lars Poulsen, Siumut
1. Naalakkersuisut qanoq iliuuseqarnissaminnik pilersaaruteqarpat inuusuttunut Nuummi ilinniagaqartunut, Nuummi innuttaasut meeraattut Nuummi kollegiani inissiamik tunineqarsinnaanngitsunut – ilimasuutigalugu angajoqqaajusut angerlarsimaffimminni najugaqatigisinnaagaat?
Inatsisartunut ilaasortaq Lars Poulsen, Siumut
Tiguneqarpoq: 02/06/2025
Naalakkersuisunut nassiunneqarpoq: 02/06/2025
056.Inatsisartunut ilaasortaq Karen Marie Kyed Frederiksen, Demokraatit
1. Sisimiuni eqqakkanik ikuallaaviup pilersinneqarnera paasissutissat tigussaasut kingulliit malillugit 2025-imi aasap ingerlanerani atulernissaminut piareertussaavoq. Killiffik ersarissoq Naalakkersuisut nalunaarutigisinnaanerpaat?
a. Sisimiuni eqqakkanik ikuallaavik nunatsinni illoqarfinnit nunaqarfinniillu allanit eqqakkanik, amerligaluttuinnartunik, aallertarnissamut qanoq kinguneqassava?
2. Nuna tamakkerlugu eqqakkanik katersuinerup pitsaanerusumik ingerlalernissaanut, piffissap qanoq sivisutiginissaa Naalakkersuisut naatsorsuutigaat?
3. Illoqarfiit nunaqarfiillu qanoq akulikitsigisumik eqqakkanik aallertoqartarnissaa naatsorsuutigisinnaavaat, Sisimiuni eqqakkanik ikuallaavik atulerpat?
4. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Karen Marie Kyed Frederiksen, Demokraatit
Tiguneqarpoq: 30/05/2025
Naalakkersuisunut nassiunneqarpoq: 02/06/2025
055.Inatsisartunut ilaasortaq Lars Poulsen, Siumut
1. Naalakkersuisut inatsisinik suliaqarnissamik pilersaaruteqarpat, inuttut akileraartarnermut aaqqissuussineq A-skati aamma B-skati avillugit atuutsinneqarnerat atorunnaarsissallugit?
Inatsisartunut ilaasortaq Lars Poulsen, Siumut
Tiguneqarpoq: 30/05/2025
Naalakkersuisunut nassiunneqarpoq: 02/06/2025
054.Inatsisartunut ilaasortaq Lars Poulsen, Siumut
1. Naalakkersuisut siunertaraat pisussaatitaalluni soraarnerussutisiaqalernissamut katersissutit atorunnaarsissallugu?
2. Tamanna pissanngippat, taava Naalakkersuisut suna pilersaarutigivaat maannakkut aaqqissuussinermut taarsiullugu atuutsilissasoq, qanorlu piffissalersuisoqassava?
Inatsisartunut ilaasortaq Lars Poulsen, Siumut
Tiguneqarpoq: 30/05/2025
Naalakkersuisunut nassiunneqarpoq: 02/06/2025
053.Inatsisartunut ilaasortaq Mariane Paviasen Jensen, Inuit Ataqatigiit
1. Inatsisartut UPA 2022-imi imm. 110-mi aalajangiinerminni Naalakkersuisut peqquneqarput Nunatta nunasiatut inissisimajunnaarfiani pisut qulaanarneqassasut, piffissamilu pineqartumi Naalagaaffiit peqatigiit nunasiaataajunnaarsitsinissamik piumasaqaataat Danmarkimit malinneqarsimanersut misissuiffigineqassasoq, tamannali suliaq suli aallartinngitsoq tusagassiorfitsigut paasivarput, suliaq aallartinniarlugu Naalakkersuisut qanoq iliuuseqarpat?
2. Qaqagu Ilisimatusarfiup suliniummut missingersuutit pillugit ilisimatusarnermi aqutsisunik isumaqatigiissuteqarnissaa naammassineqassava?
3. Naalakkersuisut uppernarsarsinnaavaat inatsisitigut ataataqanngitsunut tunngatillugu ikiorsiinarluni aningaasaliissutut utertinneqarsimanerat?
A. Akissut aappiuppat suna tunngavingalugu utertinneqarpat?
4. Naalakkersuisut uppernarsarsinnaavaat naartunaveersaasersorneqarsimasut oqaloqaleqartarnissaannut periarfissiinniarluni aningaasaliisssutut utertinneqarsimanerat?
A. Akissut aappiuppat suna tunngavigalugu utertinneqarpat?
Inatsisartunut ilaasortaq Mariane Paviasen Jensen, Inuit Ataqatigiit
Tiguneqarpoq: 26/05/2025
Naalakkersuisunut nassiunneqarpoq: 26/05/2025
052.Inatsisartunut ilaasortaq Pele Broberg, Naleraq
1. Kalaallit Nunaannit Nunap Inoqqaaviusut “Inuit”, suli inatsisitigut kisiartaallutik Kunngeqarfik Danmarkip ataani Nunap Inoqqaajunerannut Naalakkersuisut tamakkiisumik paatsuugassaanngitsumillu isumaqataappat?
2. Naalakkersuisut Kalaallit Nunaanni Nunap Inoqqaajussutsimut nassuiaateqarnerminnut, ilaatigut ILO 1691 inatsisinngornikuunera najoqqutaraat?
3. Kalaallit Nunaanni Nunap Inoqqaaviusunik “Inuit”, taamatullu Inoqqaaviunngitsunik, innuttaasoqarpa? Una taamaallaat aap imaluunniit naamimik akeqquneqarpoq.
4. Isumaginninnermut, Suliffeqarnermut, Nunamullu Namminermut Avatangiisinullu Naalakkersuisoq, Bentiaraq Ottosen (Atassut), tusagassiorfinnut nalunaarummi ilaatigut imatut oqaaseqarsimanera issuarneqarpoq: “Nunap inoqqaavisut ilisimasavut [...] Siullertullu pisariaqassaaq Nunat Inoqqaavisa tusaaneqarnissaat, ataqqineqarnissaat peqataativissorneqarnissaallu qulakkeerneqassasoq”2. Naalakkersuisup issuarneqarluni oqaatigisimasai, ilaatigut Kalaallit Nunaanni kikkut Nunap Inoqqaajunersut nalunaarutigineqartoq ilutigalugu, maanna una apeqqutigineqarpoq:
a. Naalakkersuisuinnaanngitsut innuttaasulli allat suut tunngavilersuutigalugit Kalaallit Nunaannit Nunap Inoqqaavisut “Inuit”-tut nalunaaruteqarsinnaatitaappat inatsisitigullu taakkununnga atuutsinneqartunit illersugaasinnaatitaassappat? Uani Naalakkersuisut inatsisit atuuttutut najoqqutaralugit allaffissornikkut qanoq periuseqartoqarnersoq akeqquneqarput.
5. Innuttaasut, Kalaallit Nunaannit Nunap Inoqqaaviusut “Inuit”, Nunatsinni Nunap Inoqqaaviunerminnut “Inuit” allakkatigut akuerineqarnissaminnut piumasaqarunik, akisussaaffiginnilluni oqartussaasumit pissarsisinnaatitaanissaminnut pisinnaatitaaffeqarpat?
Inatsisartunut ilaasortaq Pele Broberg, Naleraq
Tiguneqarpoq: 23/05/2025
Naalakkersuisunut nassiunneqarpoq: 23/05/2025
051.Inatsisartunut ilaasortaq Mariane Paviasen Jensen, Inuit Ataqatigiit
1. Naalakkersuisut ilisimavaat, aatsitassanut inatsimmi nutaami,
nunatsinni pinnersaasiortut pinnersaasiaminnik nunanut allanut
tunisinerminni, ujaqqanik annissuisinnaanermut aammalu
tuniniaasinnaanermut uppernarsaasersuisarnikkut
ajornartorsiuteqartarnerat?
A. Ilisimaneqarpat qanoq uppernarsaasersuisarneq
aaqqiiviginarneqarpa?
2. Nunatsinni aatsitassarsiorfinni maannakkut ingerlasuni
sulisorineqartut qassiuppat?
A) Qassit nunatsinnut akileraartarpat??
3. Aatsitassarsiorfinni sulisut nunatsinnut akileraartartutt aalakkaasumik
akileraartarnerat nakkutigineqarpat?
4. Aatsitassarsiorfinni sulisorisat nunatsinneersut nunatsinnut
akileraartartut tamakkiisut sulisoriniarneri ajornakusoortinneqarpa?
A) Akissut aappiupppat sulisoqarniarnermut
ajornartorsiortoqarsimappat suut patsisaappat?
B) Nunatsinnut akileraartartutut sulisoriniarneqarneranut
aporfeqartarsimappat naalakkersuinikkut tamanna qanoq
iliuuseqarfigineqarsinnaava?
Inatsisartunut ilaasortaq Mariane Paviasen Jensen, Inuit Ataqatigiit
Tiguneqarpoq: 22/05/2025
Naalakkersuisunut nassiunneqarpoq: 23/05/2025
050.Inatsiartunut ilaasortaq, Nivi Rosing Inuit Ataqatigiit
1. Kiffartuussinissamut isumaqatigiissutinit immikkoortut aalajangersimasut piffissami isumaqatigiiffiusumi utertillugit sullissisunik allanik isumaqatigiissuteqartoqarsinnaava?
A. Naamiuppat: Air Greenlandimik, KNI/Pilersuisumik Ralimillu kiffartuussinerup naammaginartuunnginnera innersuussutigalugu kiffartuussinissamut isumaqatigiissutit atuuttut atorunnaarsinneqarsinnaappat?
2. Tunumi internetimut periarfissap pitsanngorsarnissaa pillugu Naalakkersuisut sunik Tusass A/S-mut piumasaqaateqarpat?
3. Internetimik periarfissap pitsanngorsarnissaanut Naalakkersuisut Tusass A/S-mut piumasaqaateqarsimanngippata, tamanna ataatsimeersuarnermi tullermi pissava?
4. Innuttaasunut isorliunerusuni najugaqartuni, kiffartuussinissamut isumaqatigiissutinik immikkut pinngitsuuisinnaanngitsunut sullissinerit pisariaqartut qularnaarniarlugit Naalakkersuisut kiffartuussisunik nutaanik atuilersinnaanermut piareersimappat?
Inatsiartunut ilaasortaq, Nivi Rosing Inuit Ataqatigiit
Tiguneqarpoq: 22/05/2025
Naalakkersuisunut nassiunneqarpoq: 23/05/2025
049.Inatsisartunut ilaasortaq, Mariane Paviasen Jensen, Inuit Ataqatigiit
1. Kalaallit Nunaanni imminut pilersornermut periusissuaq 2025-2030i siunnerfiit ilaatut allassimavoq assartuusinermut tapiissutinik aaqqissuussenermik iluaqutissartaasut ajoqutissartaasullu misissorneqassasut, suliaq tamanna Naalakkersuisunngorlaannit nangillugu ingerlanneqarpa?
2. Siunnerfiit periusissiami kalaallisuuani qupperneq 32-imi allattorsimasut Naalakkersuisunit suliarineqarlutik ingerlanneqarpat?
A) Akissut aappiuppat suliat sumut killippat?
B) Akissut naamiuppat Naalakkersuisunit periusissiaq malinneqarniarpa?
3. Naalakkersuisunngortunit immitsinnut pilersornerulernissarput qanoq pingaartinneqartigiva?
4. Naalakkersuisut imminut pilersornermut aningaasaliissutinik ukiup tullissaannut atorneqartussanik immikkoortitsinissamut pilersaaruteqarpat?
Inatsisartunut ilaasortaq, Mariane Paviasen Jensen, Inuit Ataqatigiit
Tiguneqarpoq: 20/05/2025
Naalakkersuisunut nassiunneqarpoq: 23/05/2025
048.Inatsisartunut ilaasortaq Anders Olsen, Siumut
1. Nanortalimmi palasip illussaqartinniarneranut aaqqiissutissat aningaasaliissutaasut qanoq annertutigippat?
2. Nanortalimmi palasip illussaqartinniarneranut suliaq sumut killippa aammalu qaqugu illussaqartinneqalernissaa naatsorsuutaava?
Inatsisartunut ilaasortaq Anders Olsen, Siumut
Tiguneqarpoq: 20/05/2025
Naalakkersuisunut nassiunneqarpoq: 21/05/2025
047.Inatsisartunut ilaasortaq Lars Poulsen, Siumut
1. Namminersorneq pillugu Inatsit tunngavigalugu §21-mik suliaqartussatut isumalioqatigiissitaq Naalakkersuisut ingerlatassaat sulinermini sumut killippat?
2. Sulineq suli aallartissimanngippat, isumalioqatigiissitap qaqugu sulilluni aallartinnissaa Naalakkersuisut naatsorsuutigaat?
Inatsisartunut ilaasortaq Lars Poulsen, Siumut
Tiguneqarpoq: 20/05/2025
Naalakkersuisunut nassiunneqarpoq: 21/05/2025
046.Inatsisartunut ilaasortaq Anders Olsen, Siumut
1. Nunatta kujataani angallannikkut kiffartuussinissamik isumaqatigiissuteqarfigineqarsimasup, Disko Linep, umiarsuaarassaa Maliina Ittuk angallassisalernissaa kiisami qallivoq. Ilumoorpa umiarsuaaraq pineqartoq Qaqortup Narsarsuullu akornanni kisimi angallassisassasoq?
a. Taamaasimappat sooruna?
2. Maliina Ittuk Qaqortumiit Nanortalimmut utimullu aamma angallassisarnissaminik pilersaaruteqarpa?
3. Maliina Ittuk nunaqarfinnut, soorlu kujaterpiaanut Narsarmijinut aammalu Aappilattumut angallassisarnissaminut pilersaaruteqarpa?
Inatsisartunut ilaasortaq Anders Olsen, Siumut
Tiguneqarpoq: 20/05/2025
Naalakkersuisunut nassiunneqarpoq: 21/05/2025
045.Inatsisartunut ilaasortaq Jens NapãtôK’, Naleraq
1. Meeqqat atuarfianni ukiumut atuarfiusut ikilineqarsinnaanissaanut Naalakkersuisut pilersaarsiorusussinnaappat?
a. Ikilisinneri aningaasatigut qanoq naleqassava?
2. Meeqqat atuarfii upernaamiit aasaaneranilu atuanngiffeqarnermi unnuisarfittut atortalernissaat Naalakkersuisut takorloorsinnaavaat?
3. Atuarfiit upernaakkut aasakkullu unnuisarfittut atorneqarneranni isertitat atuarfiup inerisaanermut atornissaanut isertitassat periarfissarsiorlugit aaqqissuunneqariannaappat?
Inatsisartunut ilaasortaq Jens NapãtôK’, Naleraq
Tiguneqarpoq: 20/05/2025
Naalakkersuisunut nassiunneqarpoq: 21/05/2025
044.Inatsisartunut ilaasortaq Gerth Mikaelsen, Naleraq
1. Aalisarnermut, Piniarnermut, Nunalerinermut Imminut Pilersornermullu Naalakkersuisoq, Peter Borg (Demokraatit), Inatsisit atuuttut naapertorlugit1 Naalakkersuisunut ilaasortat Inatsisartunut sallusinnaatitaataannginnerannut, taamatuttaaq eqqunngitsumik paasissutissiisinnaatitaannginnerannut pisussaaffeqarnini ilisimaqqissaarpaa? Uani inatsit pineqartoq Naalakkersuisup ilisimaneraa aap imal. naamimik ersarissumik apeqqummut akeqquneqarpoq.
2. Aalisakkanik tunitsivimmik Naalakkersuisooqatigiit sanaartornissaanik pilersaaruteqarnersut apeqqutigineqarmat2, Naalakkersuisoq apeqqut 1-imi pineqartoq ilaatigut imatut akivoq “Aalisakkanik suliffissuit inuussutissarsiuteqartunit Naalakkersuisuniunngitsoq pilersinneqartarput”. Kisiannili siornatigut ilaatigut imatut Naalakkersuisoqarfia nalunaaruteqartarsimavoq “Naalakkersuisut Tasiilami fabrikkiliortoqarnissaa qulakkeerpaat”3. Sooruna Aalisarnermut, Piniarnermut, Nunalerinermut Imminut Pilersornermullu Naalakkersuisoq, Peter Borg (Demokraatit) Inatsisartunut eqqunngitsumik paasinerluutaasinnaasumilluunniit paasissutissiisoq?
3. Apeqqut 2. naapertorlugu, Naalakkersuisoq pineqartoq piaarinani eqqunngitsumik ilisimatitsisimappat, akisussaasuunertut atsiortutullu eqqunngitsumik ilisimatitsinera sumit aallaaveqarpa; atorfilittat patsisaappat, ilisimasakinneq, imaluunniit allat patsisigalugit taamatut akissuteqarpa? Sunarpiaq tunngaviunersoq ersarissumik akeqquneqarpoq, naqqiuteqartoqassanersorlu paaserusunnarluni.
4. Naalakkersuisut siunissami Inatsisartunut eqqunngitsunik paasinerluutaasinnaasunilluunniit akinnginnissartik anguniartalerumaarpaat?
Inatsisartunut ilaasortaq Gerth Mikaelsen, Naleraq
Tiguneqarpoq: 20/05/2025
Naalakkersuisunut nassiunneqarpoq: 20/05/2025
043.Inatsisartunut ilaasortaq Gerth Mikaelsen, Naleraq
1. Nunatsinni, minnerpaamik illoqarfinni inunnik angallassineq pitsanngorsarnissaanut soorlu Metro-tut ittunik pilersaaruteqarpat?
a. Pilersinniarneqassappat qanoq karsimut naleqassua?
b. Qanorlu sivisutigissava?
Inatsisartunut ilaasortaq Gerth Mikaelsen, Naleraq
Tiguneqarpoq: 20/05/2025
Naalakkersuisunut nassiunneqarpoq: 20/05/2025
042.Inatsisartunut ilaasortaq Karen Marie Kyed Frederiksen, Demokraatit
1. Qanoq ilillutik akit pisortat akilertagaat aalajangersarneqartarpat, meeraq ulloq unnuarlu angerlarsimaffimmut inissinneqaraangat?
a. Akit maannakkut atuuttut Naalakkersuisunit nalunaarutigeqquneqarput.
2. Ulloq unnuarlu angerlarsimaffimmut ersarissumik isumaqatigiissusiortoqartarpa, meeqqap inissinneqartup qanoq sullinneqarnissaa naatsorsuutigineqassanersoq?
a. Qanoq ililluni nakkutigineqartarpa, isumaqatigiissut taanna isumaqatigiissutillu assigusut ulloq unnuarlu angerlarsimaffimmit malitsinneqarnersut?
i. Suut kingunerutinneqassappat ulloq unnuarlu angerlarsimaffimmut, isumaqatigiissut aammalu isumaqatigiissutit allat malitsinneqanngippata?
3. Akigititap assigiinngissutaa qanoq annertutigaa meeqqap ilaqutariinnut inissinneqarnerani aammalu ulloq unnuarlu angerlarsimaffimmut inissinneqarnerani?
4. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Karen Marie Kyed Frederiksen, Demokraatit
Tiguneqarpoq: 19/05/2025
Naalakkersuisunut nassiunneqarpoq: 19/05/2025
041.Inatsisartunut ilaasortaq Pele Broberg, Naleraq
1. Naalakkersuisut siulittaasuat partiiatalu pissaaneqalissatillutik qineqqusaarutaat ilutigalugu, qaqugu Naalakkersuisut pinngitsaaliissummik soraarnerussutisiaqartitsinermut katersisussaatitaaneq atorunnaarsinniarpaat?
2. Apeqqut 1 naapertorlugu pinngitsaaliissut atorunnaarsinniarneqanngippat, Naalakkersuisoqatigiit maanna atuuttut inissinniarnerat siunertaralugu anguniakkatut peerneqarsimaneranut Naalakkersuisut siulittaasuat, Naalakkersuisunik inissiisartutut isumaqatigiinniarsimasutullu isumaqataava? Naalakkersuisut uunga naliliinermut isumaqataanngikkunik, pinngitsaalisamik soraarnerussutisiaqartitsinermut katersisussaatitaaneq atorunnaarsinniannginnerannut tunngavilersuummik nassuiaaqquneqarput.
Inatsisartunut ilaasortaq Pele Broberg, Naleraq
Tiguneqarpoq: 15/05/2025
Naalakkersuisunut nassiunneqarpoq: 15/05/2025
040.Inatsisartunut ilaasortaq, Mariane Paviasen jensen, Inuit Ataqatigiit
1. 2025-imut aningaasanut inatsimmut partiit akunnerminni atsiorlutik isumaqatigiissutaanni ilaatigut isumaqatigiissutaavoq nunatta iluani assartuusinermi pitsanngorsaanissaq ass. ATV-nik angalasinnaanermik. Tassani pineqarluni nunaqarfinni Qassiarsummi Igalikumilu peqqinnissaqarfiup sulisuisa savaatilinnut avinngarusimasuni najugalinnut peqqinnissakkut ikiortariaqalernermi piaartumik tikinneqarsinnaanissaannut pitsaanerusumik periarfissiinissaq, suliaq tamanna sumut killippa?
2. Naalakkersuisunngortut nutaat piumassuseqarpat avinngarusimasumi najugalinnut toqqissisimanarnerusumik pitsanngorsaataasinnaasunik, matumani pineqarpoq peqqinnissaqarfimmi sullissisup ikiuvigasuartariaqarnermini pilertortumik piffimmut apuuttarsinnaanissaannut ATV-nik savaateqarfinni peqalersitsinikkut aqqutissiuussissallutik?
A) ATV-inik pissarsinissaq isumaqatigineqarsimappat qaqugu tamanna pissava?
B) ATV-nik savaateqarfinnut peqalersitsiniartoqanngippat suna patsisaava?
3. Ilanngullugu isumaqatigiissummi ilaavoq Upernaviarsummi savaatilinngorniat ilinniarfiata traktorinik pisinissaanut aningaasanik immikkoortitsineq, Upernaviarsummi savaatilinngorniarluni ilinniarfiup matunerata kingorna aningaasat taakku sumut atorniarneqalerpat?
Inatsisartunut ilaasortaq, Mariane Paviasen jensen, Inuit Ataqatigiit
Tiguneqarpoq: 15/05/2025
Naalakkersuisunut nassiunneqarpoq: 15/05/2025
039.Inatsisartunut ilaasortaq Pele Broberg, Naleraq
1. Kalaallit Nunaanni, inuiaat kalaallit illersornissaannut inatsisit pioreertut naapertorlugit1 “kina kalaaliua” paaserusukkaanni ammasumillu oqallisigissagaanni, Naalakkersuisoqataasut partiivisa ilaasa siulittaasuatuulli nazistit inatsisiliaannut sanilliunneqarnera Naalakkersuisut isumaqatigaat?
Inatsisartunut ilaasortaq Pele Broberg, Naleraq
Tiguneqarpoq: 14/05/2025
Naalakkersuisunut nassiunneqarpoq: 15/05/2025
038.Inatsisartunut ilaasortaq Hans Enoksen, Naleraq
1. Inuiaat Kalaallit Naalakkersuisunut akineqartussanik, oqaatsinut allanut nutseqqaarnagu pisortatigoortumik kalaallisut oqaasivitsik taamaallaat atorlugit allakkatigut aperisinnaatitaappat akissuteqarlutillu?
2. Naalakkersuisut isumaqatigaat Inatsisartut tassaasut Inuiaat Kalaallit sinnissaat?
3. Inatsisartunut ilaasortat Naalakkersuisoqarfinnut Naalakkersuisunullu, Kalaallit Nunaanni pisortatigoortumik oqaasituaasut taamaallaat atorlugit allakkatigut aperisinnaatitaappat? Uani taamaallaat Naalakkersuisunut Naalakkersuisoqarfinnullu toqqaannarpiaq allakkatigut saaffiginnittoqassatillugu maleruagassarineqartut pillugit akissutit piumaneqarput.
4. Qinikkat pisortaqarfinnut kalaallisut oqaatsit atorlugit aperisinnaatitaanermut inerteqqutaatitsisunik arlaatigut inatsiseqarpa?
Inatsisartunut ilaasortaq Hans Enoksen, Naleraq
Tiguneqarpoq: 13/05/2025
Naalakkersuisunut nassiunneqarpoq: 14/05/2025
037.Inatsisartunut ilaasortaq Nivi Rosing, Inuit Ataqatigiit
1. Ullukinneq ullutut sulinngiffittut ilivitsutut sulinngiffinngortinniarlugu Naalakkersuisut inatsisissatut siunnersuummik saqqummiussissappat?
A. Akissut aappiuppat, Naalakkersuisut pisortani namminersortunilu immikkoortumi illuatungeriinnik isumaqatiginninniarnernik ingerlatsisunik ullormit allamit ullup affaanik ullormilluunniit ilivitsumik ullukinnermi ullup affaani ullormiluunniit ilivitsumi nuullugu sulinngiffinngortinnissaa siunertaralugu oqaloqatiginninnerit suna inerneraat?
B. Akissut naamiuppat, ullukinnerup ullutut sulinngiffittut/nalliuttutut pingaarnersiorneqannginnera pillugu Naalakkersuisut nassuiaanissaannik qinnuigineqarput.
Inatsisartunut ilaasortaq Nivi Rosing, Inuit Ataqatigiit
Tiguneqarpoq: 13/05/2025
Naalakkersuisunut nassiunneqarpoq: 13/05/2025
036.Inatsisartunut ilaasortaq Aki-Matilda Høegh-Dam, Naleraq
1. Naalakkersuisoqatigiit Demokraatit, Inuit Ataqatigiit, Siumut, aamma Atassut Naalagaaffinngornissamut Naalakkersuisoqarfik atorunnaarsikkamikku?
2. Naalagaaffinngornissamut Naalakkersuisoqarfik apeqqut 1. naapertorlugu atorunnaarsinneqarsimanngippat:
a. Naalakkersuisup kia Naalagaaffinngornissamut Naalakkersuisoqarfik maanna oqartussaaffigaa?
b. Suna tunngavilersuutigalugu Naalakkersuisoqatigiit Demokraatit, Inuit Ataqatigiit, Siumut, aamma Atassut Naalagaaffinngornissamut Naalakkersuisoqarfik pisortatigoortumik taaguutitut peertariaqarsimagaat?
c. Naalagaaffinngornissamut Naalakkersuisoqarfiup akisussaaffii, aningaasaqarnerunissaanut, taamatuttaaq sulisuisa amerlisarniarneranut pingaarnersiuinerunissamut Naalakkersuisut pilersaaruteqarpat?
3. Naalakkersuisut Naalakkersuisoqarfiillu oqartussaaffiisa inissitsiternissaannut kina akisussaasuunerpaava? Akisussaasuunerusup atorfia atialu apeqqummi akeqquneqarput.
4. Naalagaaffinngornissamut Naalakkersuisoqarfiup pisortatigoortumik taaguutaarutsinneqarnera avataaniit qanoq isigineqarsinnaanera Naalakkersuisut eqqumaffigaat?
Inatsisartunut ilaasortaq Aki-Matilda Høegh-Dam, Naleraq
Tiguneqarpoq: 12/05/2025
Naalakkersuisunut nassiunneqarpoq: 12/05/2025
035.Inatsisartunut ilaasortaq Qupanuk Olsen, Naleraq
1. Nunatsinni nalunaaqutatta allanngortinneqarsimanera kingulleq, Danmarkip nalunaaqutaanut qanillineruniarnermut siunertaqartoq, Naalakkersuisooqatigiit - Demokraatit, Inuit Ataqatigiit, Siumut, aamma Atassut - taamatut aalajangiineq tamakkiisumik qiviaraanni eqqortutut, imaluunniit eqqunngitsutut aalajangiisimanertut isigaat? Uani apeqqummi Naalakkersuisut aaalajangiisimaneq eqqortuuneranut imaluunniit aalajangiisimaneq eqqortuunnginneranut isumarpiaat ersarissumik naatsumillu akeqquneqarpoq.
Inatsisartunut ilaasortaq Qupanuk Olsen, Naleraq
Tiguneqarpoq: 09/05/2025
Naalakkersuisunut nassiunneqarpoq: 12/05/2025
034.Inatsisartunut ilaasortaq Gerth Mikaelsen, Naleraq
1. Tasiilami Nukissiorfimmut turbine allilernissaanut suliaq sumummitaava killippa?
Inatsisartunut ilaasortaq Gerth Mikaelsen, Naleraq
Tiguneqarpoq: 06/05/2025
Naalakkersuisunut nassiunneqarpoq: 12/05/2025
033.Inatsisartunut ilaasortaq Gerth Mikaelsen, Naleraq
1. Tasiilami eqqaanilu nannunik piniarfiit Zone 1, 2, 3-ngorlugit inissinneqartuupata qanormita Naalakkersuisut eqqarsaatersuuteqarpat?
2. Naalakkersuisut Tasiilami eqqaanilu nannuttassat amerlineqarnissaannut pilersaaruteqarpat?
3. Qulaani taaneqartuni Naalakkersuisut pilersaaruteqanngipata, qanoq ilillugu piniartut nannunik pisassat nungukkaangata pisaqaqqusaajunnaartarneri, Naalakkersuisut taarsiissummik aningaasatigut ikiorsiisarniarpat?
Inatsisartunut ilaasortaq Gerth Mikaelsen, Naleraq
Tiguneqarpoq: 06/05/2025
Naalakkersuisunut nassiunneqarpoq: 12/05/2025
032.Inatsisartunut ilaasortaq Jørgen Rosbach, Demokraatit
1. Naalakkersuisunit nassuiaqquneqarpoq klassit agguarneri agguaqatigiisillugit amerlassusaat meeqqat atuarfiini tamani illoqarfikkaartumik kommunikkaartumillu.
2. Atuarfiit ilaanni – taamaassimassappat atuarfiit sorliit – ullumikkut klassini 18-ninik amerlanerpaanik atuartoqarpat?
3. Naalakkersuisut klassit agguarneri maannakkumiit 26-iusunit 18-inut appartissallugit pilersaaruteqarnerlutik?
a. Namminersorlutik Oqartussanut kommuninullu aningaasatigut allaffissornikkullu sunik kinguneqarsinnaappat klassenik 18-inik atuartulinnik pilersitsisoqaraluarpat?
b. Ilinniartitsisunik qassinik ilasinissaq ilimagineqarpata Naalakkersuisunit klassit agguarneri nuna tamakkerlugu appartinneqassappata?
c. Suut pitsaaqutaassanersut suullu ajoqutaassanersut Naalakkersuisut takusinnaavaat klassit agguarnerinik amerlassutsip annerpaamik atuartunut 18-inut appartinneratigut?
4. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 08/05/2025
Naalakkersuisunut nassiunneqarpoq: 09/05/2025
031.Inatsisartunut ilaasortaq Hans Enoksen, Naleraq
1. Nunatsinni angerlarsimaffeqanngitsut qanoq amerlatigippat? Arnat angutillu immikkoortillugit.
2. Kommuni kujallermi angerlarsimaffeqanngitsut qanoq amerlatigippat qassiuppat? Arnat angutillu immikkoortillugit?
a. Aammalu angerlarsimaffeqanngitsut meerartallit qassiuppat? Nanortalimmi, Narsami, Qaqortumi nunaqarfiillu tamaasa ilanngullugit.
3. Kommuneqarfik Sermersuumi angerlarsimaffeqanngitsut qanoq qassiuppat Arnat angutillu immikkoortillugit?
a. Aammalu angerlarsimaffeqanngitsut meerartallit qassiuppat? Paamiuni, Tasilaami, ittoqqoortoormiit nunaqarfiillu tamaasa ilanngullugit.
4. Qeqqata Kommuniani angerlarsimaffeqanngitsut qassiuppat arnat angutillu immikkoortillugit?
a. Taamatullu meerartallit angerlarsimaffeqanngitsut qassiuppat? Sisimiuni maniitsumi aammalu nunaqarfiit eqqaamiui ilanngullugit.
5. Avannaata kommuniani angerlarsimaffeqanngitsut qassiuppat arnat angutillu immikkoortillugit?
a. taamatullu meerartallit angerlarsimaffeqanngitsut qassiuppat? Qaanaa, Upernavik, Uummannaq, Ilulissat nunaqarfiillu tamaasa ilanngullugit.
6. Kommuneqarfik Qeqertalimmi angerlarsimaffeqanngitsut qassiuppat arnat angutillu immikkoortillugit?
a. taamatullu meerartalllit angerlarsimaffeqanngitsut qassiuppat? Qeqertarsuarmi, Aasianni, Qasigiannguani, Kangaatsiami nunaqarfiillu tamaasa ilanngullugit.
7. Nunatsinni issittumiippugut angerlarsimaffeqanngitsunut inissianik sanaartornissamut kommunini tamani sanaartornissamut Naalakkersuisut qanoq pilersaaruteqarpat?
a. Ersarissumik paaserusuppakka inuppassuit angerlarsimaffeqanngitsut qanoq inissaqarnissaat qulakkeerniarneqarpa?
Inatsisartunut ilaasortaq Hans Enoksen, Naleraq
Tiguneqarpoq: 07/05/2025
Naalakkersuisunut nassiunneqarpoq: 07/05/2025
030.Inatsisartunut ilaasortaq Jens NapãtôK’, Naleraq
1. Ilinniartitsisunngorniarfiup aningaasalersorneqarnera 16. Mio. Kr.-inik annikinnerulersimasoq KNR-ip nittartagaani atuarneqarsinnaavoq . Ilinniartitsisunngorniaqarfiup sipaarfigineqarnera ilinniarnerup pitsaassusaanut qanoq kinguneqarneqarpa?
a. Suut sipaarfigineqarpat?
b. Ilinniartitsisunnforniat ilinniartitaanerata pitsaassussaanut qanoq sunniuteqarpa?
2. Immikkut pisariaqartitsisunut Naalakkersuisut qanoq suliniuteqarpat?
3. Klassini atuartut amerlavallaartarnerannut pitsanngorsarnissaanut Naalakkersuisut qanoq pilersaaruteqarpat?
Inatsisartunut ilaasortaq Jens NapãtôK’, Naleraq
Tiguneqarpoq: 07/05/2025
Naalakkersuisunut nassiunneqarpoq: 07/05/2025
029.Inatsisartunut ilaasortaq Hans Enoksen, Naleraq
1. Ineqarnermut attartornermut akiliutit ukiut 15-it tulliit ukiumut qanoq annertutigisumik qaffattassappat. Akiliutit qaffattarnissaanut aamma ersarissunik kisitsisinik piumasaqarpunga akineqassasut.
2. Ineqarnermut tapiissutit attartortunut tunniunneqassappata aningaasarsiat qanoq aallaavigineqassappat? Aammalu tapiissuutit annertussusissaat ilanngullugu paaserusuppara.
3. Attartornermut tapiissummik ( boligsikring) pissarsissagaani qanoq aningaasarsiaqarnerit aallaaviussappat, aningaasarsiat killissaat qanoq annertutigissava?
4. Ineqarnermut tapiissut tunniunneqartussaq kiap akilissavaa?
a. Namminersorlutik Oqartussat qanoq angitigisumik ineqarnermut tapiisassappat?
5. Ineqarnermut tapiissut kommunit akilertagassaat qanoq annertutigissava aningaasanngorlugu?
6. Ineqarnermut attartornermut akitsuinissami ukiut 15.-it tulliit Namminersorlutik Oqartussat attartortittagaataat init kisimik akitsuiffigineqassappaat?
7. Ineqarnermut attartornermut akitsuinissami aamma kommuunit illutaat attartortinneqartut akitsuiffigineqassappaat?
8. Ineqarnermut akitsuinissami paaserusunnarpoq illunut nutaanngitsunut allaat attartortinneqartunut Namminersorlutik Oqartussat kommuunillu illutaat nutaanngitsut aamma akitsuinissamut ilaassappaat?
9. Inissiaatileqatigiiffik A/S INI aammalu Namminersorlutik Oqartussat piat Illuut A/S kattunnissaannut suliaq suli ingerlava?
a. Taamaappat qaqugu suliaq aallartissava?
10. A/S Ini-mut ingerlatsinermut aningaasat qanoq annertutigisut atorneqartarpat aammalu sulisut qassiuppat?
11. Illuut A/S ukiumut ingerlatsineranut aningaasartuutit qanoq annertutigippat aamma sulisut qassiuppat?
12. Ineqarnermut tapiissut kommunit akilertagaat qanoq annertutigaat? Aammalu Namminersorlutik oqartussat akilertagaat immikkoortillugit paaserusunnarput.
Inatsisartunut ilaasortaq Hans Enoksen, Naleraq
Tiguneqarpoq: 07/05/2025
Naalakkersuisunut nassiunneqarpoq: 07/05/2025
028.Inatsisartunut ilaasortaq Hans Enoksen, Naleraq
1. Sinerissami qaleralinniartunut pisassiissutissat paggatassanngorlugit qanoq annertutiginiarpat aqutsiveqarfik Upernavimmut, Aqutsiveqarfik Uummannamut, Aqutsiveqarfik Qeqertarsuup tunuanullu. Immikkkoortillugit pisassiissutit paaserusuppakka.
2. Aasiaat aammalu Kangaatsiaq eqqaamiuilu immikkut qaleralinnik paggatassanik pisassinneqarniarpat?
3. Aalisartut qassit qaleralinniarnermut akuersissutaateqarpat?
4. Pnnp qaleralinniarnermut qassiuppat akuerineqarsimasut?
a. Kiisalu qassit paggatassanik aalisarnissamut allagartaqarpat?
b. Upernaviup aqutsiveqarfiani? eqqaamiui ilanngullugit aalisartut amerlassusii ilanngullugit akineqarnissaat kissaatigaara.
5. Uummannami aalisartut qassit Pnnp-mut akuersissutaateqarpat?
a. Taaavalu paggatassanik aalisartussat akuersissutaatillit Uummannami eqqaamiuilu qanoq amerlatigippat akuersissutaatillit?
6. Qeqertarsuup tunuani aalisartut qassit pnnp-mut akuerineqarsimasut amerlassusiat kisitsisinngorlugu qassiuppat?
a. Aammalu paggatassanik qaleralinnut akuersissutaatillit Qeqertarsuup tunuani akuersissutaatillit qassiuppat kisitsisinngorlugit paaserusuppakka.
b. Aasiaat eqqaamiui aammalu Kangaatsiaq eqqaamiuilu ilanngullugit qaleraleralinniarnissamut Pnnp-mut akuerineqarsimasut qassiuppat?
c. Aammalu paggatassanik qaleralinnut aalisartut qassit
Inatsisartunut ilaasortaq Hans Enoksen, Naleraq
Tiguneqarpoq: 07/05/2025
Naalakkersuisunut nassiunneqarpoq: 07/05/2025
027.Inatsisartunut ilaasortaq Jens NapãtôK’, Naleraq
1. Nunatsinni meeqqat sulisinnaanerat qanoq killilersugaallunilu illersugaava?
a. 13 ataallugit taamatullu 13-15-inut ukiullit 15-17-illu killilersugaanerat qanoq ippat qanorlu sulisinnaanerulernissaat aqqutissiorniarlugu oqilisarneqarsinnaappat?
b. Inatsisit suut allangortissappat meeqqat inuusuttuaqqallu assigiingitsunik agguataarneqarlutik sulisinnaanerat periaffissarsiussappat?
2. Inuiaqatigiinnut qanoq akeqassava taamatut aaqqiiniarnissaq aammalu qulaajaasoqassappat inatsisip allanngortinnissaanut tamanna qanoq akeqassava?
3. Naalakkersuisut inatsisiliussappata tamanna inuiaqatigiinnut qanoq akeqassava? Aammalu pisortanut qanoq naleqqassava?
Inatsisartunut ilaasortaq Jens NapãtôK’, Naleraq
Tiguneqarpoq: 05/05/2025
Naalakkersuisunut nassiunneqarpoq: 07/05/2025
026.Inatsisartunut ilaasortaq Jens NapãtôK’, Naleraq
1. Avannaani sineriammilu nakorniarsiartut qassit qulimiguullit kinguaattoortarnerani peqquteqarlutik eqqugaappat?
2. Kikkut avataaniit nakorsanut misissortikkiartortussat eqqugaappat qanorlu kinguaatoortunut aaqqiiffigineqarniarput?
3. Kinguartitsisoqarnerani qanoq sivisutigisumik nakorsiarnissaat kinguartitsisaarfigineqarpat?
Inatsisartunut ilaasortaq Jens NapãtôK’, Naleraq
Tiguneqarpoq: 05/05/2025
Naalakkersuisunut nassiunneqarpoq: 06/05/2025
025.Inatsisartunut ilaasortaq Margrethe Thårup Andersen, Demokraatit
1. Qaqortumi mittarfiup sananeqaleruttortup tallinissaanut misissuinissaq neriorsuutaasimasoq sumut killippa?
2. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Margrethe Thårup Andersen, Demokraatit
Tiguneqarpoq: 06/05/2025
Naalakkersuisunut nassiunneqarpoq: 06/05/2025
024.Inatsisartunut ilaasortaq Jens NapãtôK’, Naleraq
1. Innuttaasut kiassaatinut innaallagissamoortunut varmepumpit taperneqartalernissaanut pilerinarninngornerusaanissamut Parisimut isumaqatigiissummi naapertuuttunngorsaanissamut periarfissarsiornissaq Naalakkersuiunit qanoq takorloorneqarpa?
2. Kiassarnermut innaallagissiaanut seqinermut nukinganik innaallagissiuutit atorlugit aqqutissiuussinissaq Naalakkersuisunit qanoq kajungersarneqartussanngorniarpat?
3. Tapiisartoqarnisssaanut eqqarsaasersuuteqartoqarpa? Taamaappat qanoq eqqarsaasersuuseqartoqarpa tamannalu pisortanut qanoq naleqassaava?
a. Inuiaqatigiinnut qanoq naleqassava?
b. Allaffissornikkut qnaoq naleqassava?
Inatsisartunut ilaasortaq Jens NapãtôK’, Naleraq
Tiguneqarpoq: 05/05/2025
Naalakkersuisunut nassiunneqarpoq: 06/05/2025
023.Inatsisartunut ilaasortaq Jens NapãtôK’, Naleraq
1. Sanaqateqarluni illuliortarnerup aningaasalersorneqarneratuut inatsisitigullu periarfissaasut atorlugit sikublock atorlugu sanaqateqarluni illuliortalernissaq aqqutissiorneqassappat inatsitigut qanoq aaqqiisoqassava
2. Taamatut aaqqiisinnaaneq periarfissaalissappat qanoq aningaasatigut naleqassava?
Inatsisartunut ilaasortaq Jens NapãtôK’, Naleraq
Tiguneqarpoq: 05/05/2025
Naalakkersuisunut nassiunneqarpoq: 06/05/2025
022.Inatsisartunut ilaasortaq Jørgen Rosbach, Demokraatit
1. Maani nunatsinni paasissutissanik katersivimmik ataatsimik arlalinnilluunniit pilersitsinissamik Naalakkersuisut pilersaaruteqarpat?
a. Paasissutissanik katersivinnik pilersitsinermi ingerlatsinernilu Naalakkersuisut kikkut suleqatigissallugit eqqarsaatigisimavaat?
b. Maani nunatsinni sumi inissikkaanni naleqqunnerussappat?
i. Assersuutigalugu paasissutissanik katersivik soorlu Maniitsup eqqaani tatsip Tasersiap eqqaani inissikkaanni naleqqunnerussannginnerpa?
2. Paasissutissat isumannaannerusumik paarineqarnissaannut qanoq Naalakkersuisut suliniuteqarusuppat?
a. Naalakkersuisut nalilersimanerpaat, paasissutissanik katersivimmik ataatsimik arlalinnilluunniit pilersitsinikkut paasissutissat isumannaannerulersinneqarsinnaasut?
b. Naalakkersuisut pilersaaruteqarnerpat Tusass-imit imaluunniit nunani tamalaani sullissisunik suleqateqarnissaminnik paasissutissanik isumannaallisaanerup pitsanngorsarnissaa anguniarlugu?
3. Naalakkersuisut, maani nunami paasissutissanik katersivimmik pilersitsinermi aningaasatigut allaffissornikkullu kingunerisinnaasai ilisimaarinerlugit?
4. Naalakkersuisut oqaluuserisamut soqutiginaatilinnik allanik paasissutissiisinnaanerlutik?
Inatsisartunut ilaasortaq Jørgen Rosbach, Demokraatit
Tiguneqarpoq: 06/05/2025
Naalakkersuisunut nassiunneqarpoq: 06/05/2025
021.Inatsisartunut ilaasortaq Jens NapãtôK’, Naleraq
1. Sanaqateqarluni illuliortarneq qangatut nammineq illuliatut inatsit aaqqinneqassappat inatsit suna aaqqitassaava?
a. Qanoq inatsit aaqqissava
b. Aningaasatigut inatsit aaqqinneqarnera qanoq naleqassava
2. Nammineq illuliortarneq eqqunneqaruni sanaqateqarluni illuliortarnermut inatsit naleqqussarlugu atuutinneqalissappat qanoq inatsisitigut aaqqiisoqartussaava
Inatsisartunut ilaasortaq Jens NapãtôK’, Naleraq
Tiguneqarpoq: 05/05/2025
Naalakkersuisunut nassiunneqarpoq: 06/05/2025
020.Inatsisartunut ilaasortaq Jens NapãtôK’, Naleraq
1. Namminersorneq pillugu Inatsit allanngortinneqarsinnaanera pillugu Naalakkersuisut Siulittaasuata aammalu Qallunaat ministeriunerata oqaloqatigiissimanerat qanoq imaqarsimava?
2. Naalakkersuisut taamatut allanngortineqarsinnaanera pillugu ataatsimoorlutik saaffiginnissutigaat?
3. Namminersorneq pillugu Inatsit, inuiaat Kalaallit taasinermikkut pigilersimasaat, nunanut allanut Naalakkersuisunut nalilersortinneqarnera Naalakkersuisut siulittaasuata Naalakkersuisooqatigiillu pissusissamisortutut isigaat?
4. Sooruna Naalakkersuisuutitaqartut partiivinit tapersersorneqanngitsoq isumaqatiginninniutissaanngitsumik oqalullutik? Naalakkersuisooqatigiit tunuliaqutai isumaqataanngitsut peqataatinnagit isumaqatiginninniuuteqartoqarami?
5. Naalakkersuisooqataasut ilaat oqalupput, Naalakkersuisut Siulittaasuat Inatsisartuniit innuttaasuniillu pisinnaatitsissuteqarnarni oqariartuuteqartoq. Naalakkersuisooqatigiit ataatsimoorussaanngitsumik tunuliaqutai peqataannginnerat sumik peqquteqarpa?
Inatsisartunut ilaasortaq Jens NapãtôK’, Naleraq
Tiguneqarpoq: 05/05/2025
Naalakkersuisunut nassiunneqarpoq: 06/05/2025
019.Inatsisartunut ilaasortaq Anders Olsen, Siumut
1. Naalakkersuisut qanoq pilersaaruteqarpat, suliniuteqarnermikkut qulakkeerniarlugu, kiffartuussinissamik isumaqatigiissuteqarfigineqarsimasut pisussaaffimminnik naammaginartumik naammassinnissimanersut qulakkeerniarlugu?
2. Isumaqatigiissutit naammassineqanngippata, isumaqatigiissutinik allannguinissamut sulissuteqartoqarnissaa Naalakkersuisut pilersaaruteqarfigaat?
Inatsisartunut ilaasortaq Anders Olsen, Siumut
Tiguneqarpoq: 05/05/2025
Naalakkersuisunut nassiunneqarpoq: 05/05/2025
018.Inatsisartunut ilaasortaq Lars Poulsen, Siumut
1. Tasiilami Ittoqqortoormiini Qaanaamilu immap naqqatigut kabilimik siaarsinikkut attaveqaasiortoqarnissaa Naalakkersuisut pilersaarutigaat?
2. Pilersaaruteqartoqarsimappat tamanna qanoq naleqassava?
3. Illoqarfiit pineqartuni pingaarnersiuinermi sorleq siulliunneqassava?
4. Immap naqqatigut kabilimik attaveqaasiortoqassanngippat suut allat periarfissat takorloorneqarpat?
Inatsisartunut ilaasortaq Lars Poulsen, Siumut
Tiguneqarpoq: 05/05/2025
Naalakkersuisunut nassiunneqarpoq: 05/05/2025
017.Inatsisartunut ilaasortaq Gerth Mikaelsen, Naleraq
1. Tasiilami Royal Arctic Line A/S nutaamik nunaqarfinnut pajuttaatitaarnikuupput. Taanna pajuttaat angivallaarami, Naalakkersuisut pajuttaammik allamik nunaqarfinnut tulattarfinnut mikinerusunut naleqqunnerusumik pitaarnissamik pilersaaruteqarnerluni?
a. Taamaangippat tulattarfeqarnerit anginerusunik, imaluunniit allami inissisimasumik Naalakkersuisut pilersitsiniarnerlutik?
2. Pajuttaatip nunaqarfiit talittarfiinut angivallaarujussuartup usilersornerata usingiarneratalu nalaani sulisut suliffimmi pitsaasumik atugassaqartinnissaat qulakkeerneqarnikuua?
a. Taamaassimassappat, suliffimmi pitsaasunik atugassaqarnissaq qulakkeerniarlugu qanoq iliornissamut malittarisassat suut Royal Arctic Line A/S-imit malinneqarpat?
b. Taamaassimanngippat, pissutsit pitsanngorsarniarlugit Naalakkersuisut pilersaaruteqarpat?
Inatsisartunut ilaasortaq Gerth Mikaelsen, Naleraq
Tiguneqarpoq: 28/04/2025
Naalakkersuisunut nassiunneqarpoq: 05/05/2025
016.Inatsisartunut ilaasortaq Gerth Mikaelsen, Naleraq
1. Sermiligaami aalisakkanik tunitsivimmik naalakkersuisooqatigiit sanaartornissaanik pilersaaruteqarpat?
a. Sermiligaami aalisakkanik tunitsivissamik pilersitsiniartoqassappat Osmosanlæg (Tarajuujaatit) pilersinniarneqarnerlutik?
2. Sermiligaami aalisakkanik tunitsivissaq aallartinneqarpat Nukissiorfik allileriffigineqarniarpa?
3. Sermiligaami Illu sullivimmi puisit amiinik qattaavimmik pilersitsisoqalerpa?
4. Sermiligaami aalisartut illumik neqitsersuiffimmik pilersitsiffiginiarneqarnerput?
5. Qulaani apeqqutigineqartut pilersaarutaasimappata, sumut suliat killippat?
Inatsisartunut ilaasortaq Gerth Mikaelsen, Naleraq
Tiguneqarpoq: 28/04/2025
Naalakkersuisunut nassiunneqarpoq: 02/05/2025
015.Inatsisartunut ilaasortaq Gerth Mikaelsen, Naleraq
1. Naalakkersuisunngortut isumaqatigiissutaanni anguniakkani takusinnaagakku allaqqasoq, Tasiilami kiisalu Ittoqqortoormiini mittarfiliortoqassasoq una qinigaaffik.
Taamaammat apeqqutigerusunnarpoq qaqugu Tasiilami mittarfiliortoqarniarnersoq?
a. Taamatullu assinganik aamma Ittoqqortoormiini qaugumitaava pilersaarutaappat?
2. Sooq peqqutissaqanngittumik timmisartut taamaatiinnarneqartartut piujuarnersoq apeqqut, kiisalu angallanermut Naalakkersuisup qanoq iliuuseqarfiginiarneraa apeqqutigerusunnarpoq.
Inatsisartunut ilaasortaq Gerth Mikaelsen, Naleraq
Tiguneqarpoq: 28/04/2025
Naalakkersuisunut nassiunneqarpoq: 01/05/2025
014.Inatsisartunut ilaasortaq Mariane Paviasen Jensen, Inuit Ataqatigiit
1. Upernaviarsummi savaatilinngorniat ilinniarfiata matunerata kingorna ilinniartunut, ilinniartitsisunullu tunngatillugu qanoq iliuuseqartoqarpa?
a) Ilinniartitsisut qanoq pineqarpat?
b) Ilinniartut Inuilimut nuunneqartut sunik ilinniartinneqarpat?
2. Naalakkersuisut Nunalerinermik ilinniarfimmik kujataani pilersitsinissamik pilersaaruteqarpat? a) Immaluunniit pioreersoq INUILI aqqutigalugu ilinniarfik piorsarniarneqarpa nunalerinermik ilinniarfimmik/pikkorissarfimmik pilersitsinikkut?
3. Inuilip ilinniarfittut siammasinnerusunngorlugu ilinniarfinngortinnissaanik Naalakkersuisoqatigiinnissamut isumaqatigiissut qanoq paasineqassanersoq Naalakkersuisut nassuarsinnaavaat?
a) Tassunga atatillugu aningaasaliissutit qanoq annertussuseqassanersut takorloorneqareerpa?
Inatsisartunut ilaasortaq Mariane Paviasen Jensen, Inuit Ataqatigiit
Tiguneqarpoq: 01/05/2025
Naalakkersuisunut nassiunneqarpoq: 01/05/2025
013.Inatsisartunut ilaasortaq Mariane Paviasen Jensen, Inuit Ataqatigiit
1. Naalakkersuisut siulittaasuata Danskit nunaanni statsministerimik ataatsimeeqqateqarsimanera tusagassiutigini tusarparput tassuunakkullu aamma isumaqatigiittoqarsimasoq tusarparput, taassumap siuliani Kalaallit Nunaanni Naalakkersuisut isumasioqqaarneqarsimappat?
a) Taamaappat qanga tamanna pisivimava?
b) Taamaanngippat Naalakkersuisoqatigiit qulaatiinnarlugit isumaqatiginninniarnerit ingerlanneqarsimappat?
2. Naalakkersuisut siulittaasuata Namminersorneq pillugu inatsit inuiaat taasinermikkut pilersinnikuusaat inuiaat qulaatiinnarlugit suliarineqassasoq aalijangiusimalersimanerpaa?
3. Danskit tunngaviusumik inatsisaat ulloq manna tikillugu Nunatsinni ineriartornissamut aporfiuvoq, tamatumap allanngortinneqarsinnaanera Naalakkersuisut siulittaasuannit ilisimaneqarpa?
a) Taamaappat suut aporfittut isigai?
b) Namminersulernissamut aqqummit aporfiit piiarnissaat qanoq iliorluni Naalakkersuisut siulittaasuanniit aporfiiaasoqarniarpa?
4. Naalakkersuisoqatigiinnissamik isumaqatigiissut malillugu Namminersorneq pillugu inatsip nalilersorneqarnissaa siunertaralugu pilersaarusiorneqarnissaa isumaqatigiissutaavoq, tamanna Naalakkersuisut siulittaasuannit Danskit statsministerianik ataatsimeeqateqannginnermini malinneqarpa?
5. Naalakkersuisut siulittaasuata Danskillu Naalakkersuisut siulittaasuata suut allat aamma isumaqatigiissutigaat?
6. Sammisamut tunngasumik allanik aamma Naalakkersuisut siulittaasua saqqummiussassaqarpa?
Inatsisartunut ilaasortaq Mariane Paviasen Jensen, Inuit Ataqatigiit
Tiguneqarpoq: 01/05/2025
Naalakkersuisunut nassiunneqarpoq: 01/05/2025
012.Inatsisartunut ilaasortaq Mariane Paviasen Jensen, Inuit Ataqatigiit
1. Angajoqqaat innarluuteqartunik meerallit nunatsinni qanoq amerlatigineri kisitisaatigineqarpat?
2. Angajoqqaat qanoq amerlatigisut meeqqaminnik innarluutilimmik paaqqutarinnittariaqarlutik suliffimmik naliginnaasumik suliffeqarsinnaanngitsut amerlasussaat ilisimaneqarpa?
3. Kisitsisit pigineqarpata, taava siuliani apeqqutinut marlunnut pineqartut qanoq amerlatigippata? Ilisimaneqanngippat qanoq amerlatigineri misissorniarneqarpat?
b) Misissuisoqarniarpat qaqugu tamanna ingerlanneqassava?
4. Angajoqqaat meeqqamik innarluuteqarnera pissutigalugu sulinngiffeqartariaqartarnerannut aningaasanik annaasaaqartartut qanoq amerlasassuseqarneri ilisimaneqarpa?
a) Ilisimaneqanngippat misissuisoqarniarpa?
b) Misissuisoqaqqaarniarpat qaqugu tamanna ingerlanniarneqarpa?
5. Angajoqqaat nalinginnaasumik suliffimmik paarsisinnaatinnatik meeqqamik innarluuteqarnera pissutigalugu, ikiorserneqarnissamut pisinnaatitaaffii ullumikkut periarfissaat ersarissumik paasititsiniaassutiginiarneqarpat?
6. Angajoqqaat innarluutilinnik meerallit siunissami atugaannut oqinnerulersitsinissaq siunertaralugu Naalakkersuisut sunik pilersaaruteqarpat?
a) Pilersaarutit qaqugu piviusunngortinneqarsinnaanerat takorloorneqarpat?
Inatsisartunut ilaasortaq Mariane Paviasen Jensen, Inuit Ataqatigiit
Tiguneqarpoq: 29/04/2025
Naalakkersuisunut nassiunneqarpoq: 30/04/2025
011.Inatsiartuni ilaasortaq Lars Poulsen, Siumut
1. Naalakkersuisut pilersaaruteqarpat Kalaallit Airportsip pisortaanut peqqusissamaarlutik, Nuummi mittarfissuup silataani Kalaallit erfalasuata ullut tamaasa amusimaneqartalernissaa pillugu?
2. Naalakkersuisut pilersaaruteqarpat malittarisassiornissaminnik, suliffeqarfissuit inuiaqatigiinnik pigineqartut qullersaqarfiisa silataanni Kalaallit erfalasutta amusimaneqartalernissaat pillugu, suliffeqarfissuit namminneq ilisarnaatimittut erfalasuisa atorneqarnerata saniatigut?
Inatsiartuni ilaasortaq Lars Poulsen, Siumut
Tiguneqarpoq: 28/04/2025
Naalakkersuisunut nassiunneqarpoq: 29/04/2025
010.Inatsisartunut ilaasortaq Lars Poulsen, Siumut
1. Naalakkersuisunut pilersaaruteqarpat, Kitsissunnguani taassumalu eqqaani qeqertani Angissani, Innarsuatsaani, Niaqornami Saattuarsunnilu upernaakkut sikuernerata nalaani, ukiut tamaasa, teriannianik nungusaasoqartarnissaanik suliniuteqarniarnissaminnut, assersuutigalugu aaqqissuussaasumik piniarnermut nakkutilliisut tamaaniittut Pinngortitalerivillu suleqatigiissinnerisigut?
Inatsisartunut ilaasortaq Lars Poulsen, Siumut
Tiguneqarpoq: 28/04/2025
Naalakkersuisunut nassiunneqarpoq: 29/04/2025
009.Inatsisartunut ilaasortaq Lars Poulsen, Siumut
1. Naalakkersuisut Nunatta Kangiani aalisarnikkut ineriartortitsineq nangittumik ingerlaannarnissaa pilersaarutigaat, Tasiilami suliffissuaq ilanngullugu?
2. Tasiilap nunaqarfiinilu aalisarnikkut ineriartortitsineq nangillugu pilersaarut ingerlaannassappata suut suliarineqassappat?
3. Aalisarnermut inatsit nutaaq ilutigalugu, nunatta avataanut niuersinnaanerup ammaanneqarnerunerata kingunerisaanik, aalisarnikkut Kulusuup mittarfia qanoq pilersaaruteqarfigineqarpa?
Inatsisartunut ilaasortaq Lars Poulsen, Siumut
Tiguneqarpoq: 28/04/2025
Naalakkersuisunut nassiunneqarpoq: 29/04/2025
008.Inatsisartunut ilaasortaq Lars Poulsen, Siumut
1. Naalakkersuisut Qaarsuni (Uummannaq) umiarsualiviliortoqarnissaa pilersaarutigaat?
2. Umiarsuarnik tulaffigineqarsinnaassappat usingiarfigalugu/usilersorfigalugulu qanoq isikkulimmik umiarsualiviliorsinnaanissaq takorloorneqarpa?
3. Umiarsualivik pioreersoq tallineqassava?
4. Umiarsualivimmik nutaamik sapusiamik (soorlu Qaanaammi) aaqqiisoqassava?
5. Umiarsualiviliortoqassappat qanoq aningaasatigut naleqassava?
6. Suut allat aamma eqqumaffissaappat umiarsualiviliortoqassappat?
Inatsisartunut ilaasortaq Lars Poulsen, Siumut
Tiguneqarpoq: 28/04/2025
Naalakkersuisunut nassiunneqarpoq: 29/04/2025
007.Inatsisartunut ilaasortaq Jens NapãtôK’, Naleraq
1. Ilumoorpa 70-inik ukioqalereersimasut kræfteqarsimasut misissorneqaqqittarnissaat (control) pisortaniit akiliunneqassaartartut ukiui apeqqutaallutik?
2. Allanik taamatut killilersuutaasunik piumasaqaatinik assingusunik arlaannilluunniit piumasaqatitaqartoqarpa?
3. Naalakkersuisut taaamatut killilersuisalersimaneq akuerineqarsinnaanngilluinnartoq pitsanngorsaaffiginissaanut qanoq iliuuseqalersaarpat?
Inatsisartunut ilaasortaq Jens NapãtôK’, Naleraq
Tiguneqarpoq: 23/04/2025
Naalakkersuisunut nassiunneqarpoq: 25/04/2025
006.Inatsisartunut ilaasortaq Jens NapãtôK’, Naleraq
1. Air Greenland avannaani qulimiguulinnik kiffartuussinera ajorluinnartoq piaartumik aaqqiifigineqarnissaa qinersivik sioqqullugu kingornalu aaqqiiffiginissaa annertuumik eqqartugaavoq, tamatumunnga aaqqiinissaq pillugu Naalakkersuisut qanoq pilersaaruteqarpat?
2. Avanersuarmut qulimiguulik Upernaviliiaanneqarluni inissiisoqarpoq taamaakkaluartorli aaqqiisoqarani angalaniarneq sivisoorsuanngortumik nunaqarfinnut ajorluinnartumik ilaasunut pisariaqanngilluinnartumik angalasussaasunut eqquisaarput, tamanna ullutsinni teknik-ertoqartuarnera ilumut akuerineqarsinnaava? Tamanna aaqqiiffiginiarniarpa?
3. Uummannami angalasut eqqugaasaarnerat annertuvoq, sooruna Uumannamut nunaqarfiinullu angalasussat alaannarlugit qulimiguulik Ilulissanut aallaannartinneqarsimasoq?
4. Ukioq qaangiuttumi taamaatinnerit qassiuppat?
a. Teknik-imut taamaatinnerit qassiuppat?
b. sila peqqutaalluni qassiuppat taamatullu
c. ukiumi nutaami 2025-imi taamaatitisinerit maannamut qassiuppat?
Inatsisartunut ilaasortaq Jens NapãtôK’, Naleraq
Tiguneqarpoq: 22/04/2025
Naalakkersuisunut nassiunneqarpoq: 25/04/2025
005.Inatsisartunut ilaasortaq, Mariane Paviasen Jensen, Inuit Ataqatigiit
1. Naalakkersuisut Pituffimmi illersornissamut isumaqatigiissutip nutarterneqarnissaannut tunngasumik partiinnik oqaloqateqarnissamik suli pilersaaruteqarpat?
A) Taamaasimappat qaqugu pilersaarut ingerlanniarneqarpa?
Inatsisartunut ilaasortaq, Mariane Paviasen Jensen, Inuit Ataqatigiit
Tiguneqarpoq: 23/04/2025
Naalakkersuisunut nassiunneqarpoq: 23/04/2025
004.Inatsisartunut ilaasortaq Jens NapãtôK’, Naleraq
1. Namminersortuni, pisortani, ingerlatsiviillu inuiaqatigiit pigisaanni umiartortut sulinngiffeqarlutik feriarnissamut, feriarnersiuteqarnissamut, feriarnermilu akissarsiaqarnissamut qanoq pisinnaatitaaffeqarpat? Umiartortut pisinnaatitaaffii assigiinngissuteqarpat sulinngiffeqarnerup nalaani, namminersortuni aammalu pisortat suliffeqarfiutaani - ilaatigut suliffeqarfiit inuiaqatigiinni pigineqartuni? Atorfinni assigiinngiiaartunik atuutsitsisoqarpat, assigiinngissutaannut tunngavigineqartut nassuiaatigeqquneqarput.
2. Naalakkersuisut arlaatigut umiartortunut tamarmiusunut sulinngiffeqarnerminni aningaasarsiaqarnissaannut tunngasunik arlaatigut pilersarsaaruteqarpat?
3. Naalakkersuisut umiartortut atugaannik pitsanngorsaanissaamik qanorpiaq pilersaaruteqarpat?
4. Inuiaqatigiit pigisaanni umiartortut Kalaallit amerliartorpat imaluunniit ikiliartorpat? Apeqqummut matumunnga akissummut atatillugu ilisimatitsissutigineqassasoq kissaatigineqarpoq inuk suliffeqarfinnit ataasiakkaanit kalaallisut kinaassuseqartutut ersersinneqarpat malittarisassat sorliit atorneqartarnersut.
Inatsisartunut ilaasortaq Jens NapãtôK’, Naleraq
Tiguneqarpoq: 22/04/2025
Naalakkersuisunut nassiunneqarpoq: 23/04/2025
003.Inatsisartunut ilaasortaq Hans Enoksen, Naleraq
1. Danmark-imi Folketing-imi ilaasortaasup (Aaja Chemnitz, IA) qisuariaataanut, tassagooq Kalaallit Nunaanni Inatsisartunut ilaasortaqartoq “nunaminut killuussisumik” (“landsskadelig virksomhed” ), Nalakkersuisut oqaatigineqartumut isumaqataappat? Uani apeqqummi Naalakkersuisut isumarpiaat akeqquneqarpoq.
Inatsisartunut ilaasortaq Hans Enoksen, Naleraq
Tiguneqarpoq: 30/01/2025
Naalakkersuisunut nassiunneqarpoq: 30/01/2025
002.Inatsisartunut ilaasortaq Jens NapãtôK’, Naleraq
1. Namminersortuni, pisortani, ingerlatsiviillu inuiaqatigiit pigisaanni umiartortut sulinngiffeqarlutik
feriarnissamut, feriarnersiuteqarnissamut, feriarnermilu akissarsiaqarnissamut qanoq
pisinnaatitaaffeqarpat? Umiartortut pisinnaatitaaffii assigiinngissuteqarpat sulinngiffeqarnerup
nalaani, namminersortuni aammalu pisortat suliffeqarfiutaani - ilaatigut suliffeqarfiit
inuiaqatigiinni pigineqartuni? Atorfinni assigiinngiiaartunik atuutsitsisoqarpat,
assigiinngissutaannut tunngavigineqartut nassuiaatigeqquneqarput.
2. Naalakkersuisut arlaatigut umiartortunut tamarmiusunut sulinngiffeqarnerminni
sulinngiffeqarsinnaatitaanissaannut aningaasarsiaqarnissaannullu tunngasunik arlaatigut
pilersarsaaruteqarpat?
3. Naalakkersuisut umiartortut atugaannik pitsanngorsaanissamik qanorpiaq pilersaaruteqarpat?
4. Inuiaqatigiit pigisaanni umiartortut kalaallit amerliartorpat imaluunniit ikiliartorpat?
Apeqqummut matumunnga akissummut atatillugu ilisimatitsissutigineqassasoq
kissaatigineqarpoq inuk suliffeqarfinnit ataasiakkaanit kalaallisut kinaassuseqartutut
ersersinneqarpat malittarisassat sorliit atorneqartarnersut.
Inatsisartunut ilaasortaq Jens NapãtôK’, Naleraq
Tiguneqarpoq: 10/01/2025
Naalakkersuisunut nassiunneqarpoq: 10/01/2025
001.Inatsisartunut ilaasortaq Hans Enoksen, Naleraq
Naalakkersuisut Siulittaasuat Muté B. Egede (IA) naapertorlugu Naalagaaffik Danmark
nalorninanngitsumik Inuiannik toqoraasimavoq. Naalakkersuisut Siulittaasuat taamak pinerluutit
sakkortutigisunik ilisimasaqartilluni, paaserusuppara Naalakkersuisut qaqugu Naalagaaffik
Danmark akisussaasuilu Nunat Tamalaat Eqqartuussiviinut tunniunniarneraat?
Inatsisartunut ilaasortaq Hans Enoksen, Naleraq
Tiguneqarpoq: 06/01/2025
Naalakkersuisunut nassiunneqarpoq: 06/01/2025