TUSAGASSIORFITSIGUT NALUNAARUT

 

             

 

2005-ip sinnerani puisit amiinik tunisinermi tapiissuteqarnissaq

 

Puisit amiinik tunisinermi tapiissutinut 2005-imi aningaasaleeqqinnissaq pillugu Aningaasaqarnermut Ataatsimiititaliamut qinnuteqarnissartik Naalakkersuisut naatsorsuutigigaat KNR-imit tallimanngornermi 2. december 2005-imi ilisimatitsissutigineqarpoq.

 

Ukiup 2005-ip sinnerani puisit amiinik tunisinermi tapiissutissatut 1,6 mio. kr.-inik aningaasaliissuteqarnissamik qinnuteqaat Naalakkersuisut siulittaasuata 5. december 2005-imi Aningaasaqarnermut Ataatsimiititaliamut nassiuppaa. Nukinginnartutut suliarinninnissaq qinnutigalugu suliaq nassiunneqarpoq.

 

Suliap nukinginnartutut suliarineqarnissaanik Naalakkersuisut qinnuteqaataat eqqortikkumallugu Inatsisartut Aningaasaqarnermut Ataatsimiititaliaata ataatsimiinnissani 2005-imi decemberip 13.-ianiit 9.-anut siuartippaa. Ataatsimiinnermi tassani qinnuteqaatip naammassillugu suliarineqarnissaa naatsorsuutigineqarpoq.

 

Tassunga atatillugu Aningaasaqarnermut Ataatsimiititaliamit erseqqissaatigineqassaaq suliassanik Naalakkersuisunit nassiunneqartunik piareersaasarnermini suliarinnittarnerminilu piffissamik pisariaqartinneqartumik ataatsimiititaliaq atuisinnaatitaammat ataatsimiinnissanilu qanoq ilisukkut ingerlanneqassanersut nammineq aalajangersinnaallugit.

 

Tapiissuteqarnissami pineqarput puisit amii 15.000-it. Natsersuit ussuillu amii ilaatinneqanngillat. Inuussutissarsiutigalugu piniartut kisimik tapiissuteqarfigineqarnissaat qinnuteqaatigineqarpoq.

 

Aningaasaliissutinik qaffaaneq aallarteqqinnissamut tapiissutaasartut appaaviginerisigut pivoq (Konto pingaarneq 50.01.04).

 

Aningaasaqarnermut Ataatsimiititaliap ataatsimiinnerata kingorna aalajangiineq ataatsimiititaliap nittartagaa una atorlugu sapinngisamik piaarnerpaamik tamanut saqqummiunneqassaaq: http://www.nanoq.gl/Kalaallit Nunaanni Inatsisartut.

 

Annertunerusumik paasisaqarusukkuit Aningaasaqarnermut Ataatsimiititaliap siulittaasua Ellen Christoffersen telefon 48 26 72-mut imaluunniit e-mailimut  ekri@gh.gl .-imut

attavigineqarsinnaavoq.

 

 

Ellen Christoffersen

Aningaasaqarnermut Ataatsimiititaliap siulittaasua