2022-mi Inatsisartut ukiakkut ataatsimiinnissaannut (UKA22-mut) oqaluuserisassat ullumi nassiussuunneqarput.

Inatsisartut ukiakkut ataatsimiinnerat tallimanngornermi ulloq 23. september 2022 nal. 11.00 aallartissaaq 24. november 2022-llu tungaanut ingerlasussatut pilersaarutigineqarluni.

Taamaalilluni Inatsisartunut ilaasortanit immikkoortut nutaat katillugit 53-it Naalakkersuisunillu immikkoortut nutaat 31-t UKA22-mi suliarineqartussatut oqaluuserisassanut ilanngunneqarput.

Sapaatit akunnerini ullut ataatsimiiffiusartussat imatut agguataarneqarput:

2022-mi ukiakkut ataatsimiinneq (UKA22)

• Ukiakkut ataatsimiinneq tallimanngornermi ulloq 23. september nal. 11.00 aallartissaaq
• Inatsisartut ataatsimiittarfianni ullut ataatsimiiffiusut sapaatip akunneranut pingasuussapput marlunngorneq, pingasunngorneq aamma sisamanngorneq piffissami nal. 11.00-imiit 17.00-imut
• Sapaatilli akunnerani 39-mi ullut ataatsimiiffiusut sisamaassapput sapaatillu akunnerani 44-mi ulloq 4. november aamma ataatsimiiffiussalluni
• Pingasunngornerit tamaasa piffissami nal. 10.00-imiit nal. 11.00-imut naalakkersuisunut akunneq apeqquteqarfiusinnaasoq ingerlanneqartassaaq, tamatumalu kingorna ataatsimiittarfimmi ataatsimiinneq nanginneqartassalluni. Akunneq apeqquteqarfiusinnaasoq siulleq ulloq 28. september ingerlanneqassaaq. Taamaattorli ulluni 5/10 aamma 19/10 naalakkersuisunut ilaasortat marluk tulleriissiinnarlugit, siulleq nal. 10.00-imiit 11.00-imut aappaalu 11.00-imiit 12.00-imut, apeqquteqarfigineqarsinnaassapput. Naalakkersuisut apeqquteqarfigineqarsinnaasut tulleriinnerat Inatsisartut nittartagaanni takuneqarsinnaassaaq.
• Ataasinngornerit tallimanngornerillu ataatsimiititaliani ataatsimiiffiussapput

Inatsisartut siulittaasuannik siulittaasoqarfimmillu qinersinerit (immikkoortoq 3) kiisalu ataatsimiititalianik pilersitsineq (immikkoortoq 4) aamma