2022-mi upernaakkut ataatsimiinnermut oqaluuserisassat naleqqussakkat Siulittaasoqarfiup ulloq 12. april akuerai.

Siulittaasoqarfiup taamaalilluni UPA22-mi oqaluuserisassani naleqqussaanerit tulliuttut akuersissutigai:

• Inatsisartuni ullut ataatsimiiffiusartut ulloq 26. aprilimiit ingerlaqqissapput
• Sapaatit akunneri 15 aamma 16 Inatsisartuni ataatsimiiffiunatik ataatsimiititalianit ataatsimiiffiusassapput (13. aprilimiit 19. aprilimut poorskikkunni unillatsiarneq eqqaassanngikkaanni)
• Sapaatip akunnera 14-imit oqaluuserisassat sapaatip akunneranut 17-imut ingerlaqqissapput
• UPA22-mi akunnerit apeqquteqarfiusinnaasut sinneruttut arfiniliussapput taakkulu ulluni 27/4, 4/5, 11/5, 18/5, 25/5 aamma 1/6 ingerlanneqassallutik
• Partiit siuttuisa apeqqarissaarfigineqarnissaat suli ulloq 27/4 nal. 9.30-mit 11.00-imut ingerlanneqassaaq, tamatumalu kingorna akunneq apeqquteqarfiusinnaasoq ingerlanneqarluni
• Sapaatip akunnerani 18-imi Inatsisartuni ullut ataatsimiiffiusut sisamaassapput
• Sapaatip akunnerani 21-mi ullut ataatsimiiffiusut pingasuussapput, tassa marlunngorneq, pingasunngorneq tallimanngornerlu (sisamanngornikkut qilaliarfik pissutigalugu)
• UPA22-mi oqaluuserisassat naleqqussakkat nalaanni ullut nalliuttut marluupput, tassa tallimanngorneq ulloq 13. maj Tussiarfissuaq sisamanngornerlu ulloq 26. maj Qilaliarfik
• UPA22-mi ullut ataatsimiiffiusussat katillugit 25-iussapput ulloq 2. juni ataatsimiiffiussalluni kingulleq

Oqaluuserisassalli nutartikkat immikkoortut ullormi ataatsimiiffiusumi naammassillugit suliarineqanngitsut ullormut ataatsimiiffiusumut tullermut ingerlateqqinneqartarnerannik suleriaaseq atuuttoq malissavaat, soorlu aamma tamanna pisariaqassappat ataatsimiinnerup sivitsorneqarsinnaanera nalinginnaasumik suleriaasiusoq.

Oqaluuserisassat ataatsimiinnerup ingerlanerani ingerlaavartumik nutarterneqartarput allannguutillu Inatsisartut nittartagaanni takuneqarsinnaassallutik.

Inussiarnersumik inuulluaqqusillunga

Kim Kielsen