<P align=justify>Piffissani taasiffiusussani inatsisartut ataatsimiittarfianni ilaasortat najuutinngitsut pisuni arlalinni taasissussimagitik Inatsisartunut ilaasortat nassuerutigaat. </P> <P align=justify>&nbsp;</P> <P>Piffissami taasiffiusumi partii sinnerlugu inatsisartunut ilaasortat tamakkerlutik ataatsimiittarfimmukarsimassappata partiit arlaannaalluunniit pisinnaatitaanini qaangerlugu amerlanerusunik taasisoqarsimassanngilaq. Taasinerittaaq inerneri sunnerneqarsimanngillat: Maleruagassanut akerliusumik taasisoqarsimanera pissutigalugu ilisimaneqartut naapertorlugit siunnersuutit arlaannaalluunniit akuersissutigineqaraniluunniit itigartinneqarsimanngilaq. </P>

<P>Ulloq 10. december 2008-mi Nersornaat sølviusoq Uummannami Ole Qvistimut Inatsisartut Siulittaasuannit Ruth Heilmannimit tunniunneqartussaagaluarpoq. Silarlunnerali pissutigalugu tunniussinissaq kinguartinneqarpoq. </P> <P>&nbsp;</P> <P>Uummannami Ole Qvistimut Nersornaammik sølviusumik tunniussinissaq maanna ulloq 14. decemberimi katersortarfimmi pissaaq, tunniussisuussallunilu Uummannami borgmesteri Jens Lars Fleischer. </P> <P>Kommunip juullerpalaartitsineranut nal. 19:00 aallartittussamut atatillugu tunniunneqassaaq. </P>

<P>Ataatsimiititaliap 2009-mi nalinginnaasumik ataatsimiittarnissai imaattut Inatsisartut Aningaasaqarnermut Ataatsimiititaliaannit aalajangersarneqarmata matumuuna nalunaarutigineqassaaq. Ataatsimiinnerit <STRONG>pingasunngornerit</STRONG> allortarlugit <STRONG>nal. 14.00</STRONG> nalinginnaasumik ingerlanneqartarnissaat malugeqquneqarpoq.</P>

<P>Ullumikkut 8. december 2008 Nersornaat sølvi Ilulissani aappariinnut Agnethe aamma Andreas Lundbladimut Inatsisartut Siulittaasuannit Ruth Heilmannimit tunniunneqassaaq . Nersornaasiineq Ilulissani Hotel Arctic-imi nal. 15.00 ingerlanneqassaaq. </P> <P>&nbsp;</P> <P>Appariit Agnethe aamma Andreas Lundblad Nersornaat sølvimik tunineqarput ilaatigut sulilluartuunertik inoqatiminnullu maligassuisuunertik pissutigalugu. </P>

<P>Inatsisartut 2008-mi ukiakkut ataatsimiinnerat naammassivoq. Namminersornerullutik Oqartussat oqaluttuarisaaneranni ataatsimiinnerit sivisunersaasa ilaat. </P> <P>&nbsp;</P> <P>Inatsisartut 2008-mi ukiakkut ataatsimiinnerat inersuarmi ullut ataatsimiiffiusut 27-t atorlugit ingerlanneqarpoq. Ukiakkut ataatsimiinneq ulloq 19. september aallartippoq ullorlu 28. november naammassineqarluni. </P>

<DIV class=normal> <P class=normal>Ilaasortanik Inatsisartut ataatsimiittarfianni najuutinngitsunik taasissussisarneq pinerluttulerinermik inatsimmik unioqqutitsinerunersoq pillugu immikkut ilisimasalimmik avataaneersumik misissuisitsinissaq - Inatsisartunit tallimanngormat aalajangiunneqartutut - Inatsisartut Siulittaasoqarfiata sapaatip akunnerani matumani aallartippaa. Misissuinerup inernera sapaatip akunnerata ataatsip marlulluunniit ingerlaneranni piariissasoq naatsorsuutigineqarpoq. Tamatuma kingorna politimesterip suliamut akulerutsinneqarnissaanut tunngavissaqarnersoq Siulittaasoqarfimmit isummerfigineqassaaq. </P> <P>&nbsp;</P></DIV> <P class=normal>Inussiarnersumik inuulluaqqusillunga,&nbsp; </P> <P class=normal>Ruth Heilmann </P> <P class=normal>Inatsisartut siulittaasuat</P>