Inatsisartut Kultureqarnermut Ilinniartitaanermullu Ataatsimiititaliaata tusagassiorfinnut nalunaarutaa

Inatsisartut Kultureqarnermut Ilinniartitaanermullu Ataatsimiititaliaanni ilaasortat marluk, ataatsimiititaliap siulittaasua Juliane Henningsen aamma ataatsimiititaliami ilaasortaq Jens B. Frederiksen, Naalakkersuisunut ilaasortap Tommy Marøp ulluni 8.- 20. februar 2007-imi Hawaiimut paasisassarsiorluni angalanerani pilersaarutaagaluartutut peqataannginnerat matumuuna nalunaarutigineqassaaq.

Tamatumunnga pissutaavoq ataatsimiititaliap angalanissamut qinnuteqaataata Inatsisartut Siulittaasoqarfianni amerlanerussuteqartunit itigartinneqarnera. Ataatsimut isigalugu naalakkersuinikkut suliaqartut paasisassarsiorluni angalanermit pissarsiaqaatigisinnaasaat aningaasartuutaasussanut nallersuunneqarsinnaanerannik qularinninneq aammalu pilersaarutitut paasissutissiissutigineqartup naalakkersuinikkut aalajangiisartunut tunnganerunani inunnut sulianut immikkut ilisimasalinnut inerisaanermillu ilisimasalinnut saaffiginnittutut isumaqarfiginarnera kiisalu ataatsimiititaliap tamarmiunani ataatsimiititaliamili amerlanerussuteqartut pingasuusut ilaasortat marluk  paasisassarsiorluni angalanissamut peqataanissaannik qinnuteqaqqinnerat itigartitsinermut tunngaviupput.

Annertunerusumik paasisaqarusuttunit uku attavigineqarsinnaapput: Ataatsimiititaliap siulittaasua Juliane Henningsen telefon: +299 48 81 48 aamma Inatsisartunut ilaasortaq Jens B. Frederiksen +299 54 71 97.