Inatsisartut Siulittaasuat ulloq 24. september Nunat Avannarliit Siunnersuisoqatigiiffiata siulittaasuanik Bryndís Haraldsdóttirimik Islandimeersumik aallartitaaqataanillu nunatsinnut tikeraartunik naapeqateqarpoq.

Naapeqateqarnermi siulittaasoq Bryndís Haraldsdóttir Helsingforsimi isumaqatigiissummik nutarteriniarluni Nunat Avannarliit Siunnersuisoqatigiiffiata sulinerata killiffia, 2024-mi Nunat Avannarliit Siunnersuisoqatigiiffiata ukiumoortumik ataatsimiinnissaa aamma nunat avannarliit maanna siunissamilu suleqatigiinnerat eqqarsaatigalugu suliniutit assigiinngitsut aallartinneqarsimasut pillugit pitsaasumik saqqummiivoq paasissutissiissuteqarlunilu.

Nunat Avannarliit Siunnersuisoqatigiiffiata siulittaasuata Bryndís Haraldsdóttirip ulluni 28. – 31. oktober Nunat Avannarliit Siunnersuisoqatigiiffiata Islandimi ukiumoortumik ataatsimiinnissaani Kalaallit Nunaannit Nunat Avannarliit Siunnersuisoqatigiiffiannut aallartitat marluk peqataanissaannut assut qilanaarpoq.

Nunat Avannarliit Siunnersuisoqatigiiffiannit peqataapput:

Nunat Avannarliit Siunnersuisoqatigiiffiata siulittaasua Bryndís Haraldsdóttir,

Siulittaasup tullia Oddný Harðardóttir,

Siunnersuisoqatigiiffiup pisortaa Kristina Háfoss,

Siunnersori Hildur Ewald

Ataqatigiissaarisoq Brynhild Kalsø Hansen

(Assimi takuneqarsinnaapput. Saamerlermit: Siunnersuisoqatigiiffiup pisortaa Kristina Háfoss, Nunat Avannarliit Siunnersuisoqatigiiffiata siulittaasup tullia Oddný Harðardóttir, Inatsisartuni Siulittaasoq Mimi Karlsen aamma Nunat Avannarliit Siunnersuisoqatigiiffiata siulittaasua Bryndís Haraldsdóttir)