download

2003-mut ukiumoortumik nalunaarut Inatsisartut saqqummiuppaat

Siullermeerutaasumik ukiumoortumik nalunaarut Inatsisartut saqqummiuppaat. Inatsisartut 2003-mut ukiumoortumik nalunaarutaata taamaattunit siullerpaatut Inatsisartut naalakkersuinermillu suliallit immikkut toqqakkani sammisartagarpassui erseqqissaavigai. Siunissami ukiut tamaasa ukiumoortumik nalunaarusiortoqartarnissaa saqqummiussisoqartarnissaalu siunertaavoq. Nalunaarummi siullermi matumani misilittakkat tunngavigalugit ukiuni aggersuni ilusissaa imarisaalu inerikkiartuaartinneqassapput.

Ukiumut qaangiuttumut nalunaarusiamik saqqummiisarnissamik suliniuteqarneq inatsisiliortutut sulinerup aammalu Inatsisartut Naalakkersuisullu naalakkersuinikkut suleqatigiinnerisa ammasumik paasinartumillu saqqummiunneqartarnissaannik Inatsisartut kissaateqarnerannik tunngaveqarpoq.

Ukiumoortumik nalunaarutip, Inatsisartut katitigaanerat, 2003-p ingerlanerani Inatsisartut katersuunneri, Inuusuttut Inatsisartuisa ingerlanneqarnera, Inatsisartut Ataatsimiititaliaasa sulinerannut paasissutissat il.il. imarai.

Inatsisartut ukiumoortumik nalunaarutaat Inatsisartut nittartagaanni www.nanoq.gl -imi atuarneqarsinnaavoq

Annertunerusumik paasissutissat:
Inatsisartut Siulittaasuat Jonathan Motzfeldt, tlf.: 34 61 05.