Jonathan Motzfeldtip oqalugiaata uani atuaruk

Isiginnaartitsissut pillugu

Polaroid qallunaat isiginnaartitsinikkut oqaluttuarisaanerannut ilannguppoq, Det Kongelige Teaterip isiginnaartitsisarfiini siullerpaamik kalaallit isiginnaagassiaat takutinneqarmat.

Polaroid, Nunani Avannarlerni Piorsarsimassutsikkut Attaveqaat / NAPA¿mit suliarineqartoq qitimmik isiginnaagassiaavoq norskimik ilitsersuisartumik koreografimillu Jo Strømgrenimit pilersinneqartoq.

Peqataasut tassaapput kalaallit Nukaaka Coster Waldau, Vivi Sørensen, Kristian Mølgaard aamma Varste Mathæussen Berndtsson aamma savalimmiu Kristina Sørensen Ougaard.

Ilitsersuisoq Jo Strømgren nammineq qitittartuutiminik siuttuusutut ukiut arlallit ingerlanerini nunani allani isiginnaaruminartunik nutaaliortuusutut annertuumik tusaamaneqalersimavoq.  Jo Strømgren Det Kongelige Teaterimi isiginnaartitsisarnerni tusarnaartitsisarnernilu assigiinngitsuni pingasuusuni pilersitseqataasarsimasut ilitsersuisut koreografillu ikittuinnaat ilagaat. 

Kalaallit taamatut kulturikkut siuarsarneqarnerat pillugu NAPA¿p pisortaa Anders Berndtsson oqarpoq:
¿Ullutsinni Kalaallit Nunaanni nunani avannarlerni allatuulli qitittariaatsinik isiginaaartitseriaatsinillu nutaaliorfiusunik ilinniarfeqanngilaq. Tamanna Nunani Avannarlerni Piorsarsimassutsikkut Attaveqaat / NAPA¿p allanngortinniarsimavaa inuit namminneq suliaannik qitik, isiginnaartitsineq, qullilersuineq, nipi, ilitsersuineq isiginnaartitsinermilu atisaliaat atorlugit isiginnaartitsissutiliornermigut.¿

Ilitsersuineq aamma koregrafi: Jo Strømgren

Nukaaka Coster Waldau
Vivi Sørensen
Kristian Mølgaard
Varste Mathæussen Berndtsson
Kristina Sørensen Ougaard

Peqataasut: