Inuit pisinnaatitaaffii pillugit sorsuutiginnittoq, maanna ICC-p præsidentiatut tunuartoq Sheila Watt-Cloutier ICC-p qulissaanik ataatsimeersuarnerani naggataarnersiornermut atatillugu Barrow-imi Alaskamiittuumi ulloq 13.juli 2006-imi Namminersornerullutik Oqartussat Nersornaasiuttagaat sølviusoq pissarsiaraa.

Inuit pisinnaatitaaffi pillugit qasusuilluni sorsuuteqartuarnini, nunallu pisuut gassinik uloriartunik aniatitsiuarnerisa kingunerisaanik Inuit kulturiannik inuuniarnikkullu toqqammavigisaannik ulorianartorsiortitsinerat nunarsuarmiunut eqqaasitsiuarnini pillugu Sheila Watt-Cloutier saqqarmiumik Nersornaammik sølviusumik tunineqarpoq.

ICC-mi siulittaasutut Inuit issittumilu inuiaat nunarsuarmioqatigiinni malunnaateqarnerulersissimavai kiisalu Inuit atugarisaat annertuumik sunniutilimmik eqqumaffigineqarnerulernissaat aqqutissiuussimallugu.

Inatsisartut Siulittaasoqarfiani Siulittaasup tullianut sinniisussaq siulleq Ane Hansen Namminersornerullutik Oqartussat sinnerlugit saqqarmiumik Nersornaammik sølviusumik Sheila Watt- Cloutierimut tunniussivoq.