Inatsisartut Siulittaasuat USA-mi Senatimut ilaasortanik sisamanik ulloq 8. februar 2026 ataatsimeeqateqarpoq

Inatsisartut Siulittaasuat Kim Kielsen ulloq 8. februar 2026 USA-mi inatsisartunut qullernut Senatimut ilaasortanik sisamanik ataatsimeeqateqarpoq.

Senatimit aallartitat ajunngisaarniarlutik Inatsisartut Siulittaasuannik naapeqateqarput ataatsimullu soqutigisat pillugit pitsaasumik ataatsimeeqatigiillutik.

USA-mit aallartitat tassaapput Senator Angus King (I-ME), Senator Lisa Murkowski (R-AK), Senator Gary Peters (D-MI), Senator Maggie Hassan (D-NH).