Naalakkersuisunit oqaluuserisassanut immikkoortumik nutaamik ilanngussisoqarnera tunngavigalugu Inatsisartuni oqaluuserisassat naleqqussarneqarnissaat Siulittaasoqarfiup ullumi aalajangerpaa.

Siulittaasoqarfiup taamaalilluni oqaluuserisassani allannguutit uku aalajangerpaat:

• Ulloq 22. november immikkut ataatsimiiffinngortinneqassaaq, ataatsimiinneq nal. 11.00 aallartissalluni
• Immikkoortut arlallit aappassaaneerneqarnissaminnut utaqqisut ataatsimiititalianilu naammassillugit suliarineqareersut oqaluuserineqarnissaat 23. novemberimiit 22. novemberimut siuartinneqarpoq (tamanna pillugu paasissutissat sukumiinerusut Inatsisartut nittartagaanni ingerlaavartumik nutarterneqartartumi takuneqarsinnaapput)
• Naalakkersuisunit inatsisissatut siunnersuummik nutaamik oqaluuserisassanut ilanngussisoqarpoq ulloq 22. november ulloq taanna siullermeerneqarluni, aappassaaneerneqarluni pingajussaaneerneqartussamik

Ulloq 23. november ataatsimiinnerup nal. 10.00 aallartinnissaa suli naatsorsuutigineqarpoq