Inatsisartoqarfik
UPA2012
Arlaat toqqaruk

Oqaluuserisassat oqaluuserineqarfissaasalu ullui

2012-imi Upernaakkut ataatsimiinneq
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
Nal. 11:00-imiit 12:00-imut akunneq apeqquteqarfissaq.
( § 37 imm. 5, naapertorlugu)
()
Imm./pkt.: 1
Ataatsimiinnerup ammarneqarnera.
(Inatsisartut Siulittaasuat)
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik
siullermik, aappaanik, pingajuanik sisamaanillu qinersineq.
(Inatsisartuni sivisunerpaamik ilaasortaasimasunit angajulleq)
Imm./pkt.: 4
Inatsisartut ataatsimiititaliaannut sinniisoqarfinnullu ilaasortassanik sinniisussaannillu qinersineq.
(Inatsisartut Siulittaasoqarfiat)
Imm./pkt.: 5
Siunnersuisoqatigiinnut nævninullu ilaasortassanik sinniisussaannillu qinersineq.
(Inatsisartut Siulittaasoqarfiat)
Imm./pkt.: 6
()
Imm./pkt.: 7
2011-mut Inatsisartut aningaasanut inatsisissaannut siunnersuut.
(Aningaasaqarnermut Naalakkersuisoq)
Imm./pkt.: 8
Inatsisartut ilassutitut aningaasaliissutissatut 2011 siunnersuutaat.
(Aningaasaqarnermut Naalakkersuisoq)
Imm./pkt.: 9
Ombudsmandimut taartaasartussamik qinersineq.
(Inatsisit atortinneqarneranut ataatsimiititaliaq)
Imm./pkt.: 10
Aningaasaqarnikkut Ingerlatsineq pillugu Nalunaarut.
(Aningaasaqarnermut Naalakkersuisoq)
Imm./pkt.: 11
Nunatta Karsiata 2011-imut naatsorsuutaasa Inatsisartunit akuerineqarnissaat pillugu Inatsisartut aalajangiiffigisassaattut siunnersuut.
(Aningaasaqarnermut Naalakkersuisoq)
Imm./pkt.: 12
2012-mi akileraarutitigut ilanngaatissat il.il. imatut angissusilerneqarnissaannik Inatsisartut aalajangiinissaannik iunnersuut, tak. suleriaasissani § 33, imm. 6, 2:
1. Inummut ilanngaat.............................kr. 48.000 (ukiumut)
2. Ilanngaat aalajangersimasoq...............kr. 10.000 (ukiumut)
3. Aningaasarsiat B-t akileraaruteqaataasussaanngitsut..kr. 5.000
(ukiumut)
4. Killilimmik akileraartussaatitaasut ilanngaataat kr. 1.000 (ukiumut)
5. Kommuninut ataatsimut akileraarut.............................6%
(Aningaasaqarnermut Naalakkersuisoq)
Imm./pkt.: 16
Uunga siunnersuut: Kommunini illuuteqarnermik ingerlatseqatigiiffiit pillugit Inatsisartut inatsisaat nr. x, xx-ip xx-anni 2011-meersoq.
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 17
Timigissarnerup nerisaqartarnerullu sunniiveqatigiinnerisigut timikkut eqqarsartaatsikkulu inuunermi atukkat qanoq pitsaanerulersissinnaaneri immikkut sammillugit kalaallisut aallakaatitassiornissamut aningaasanik immikkoortitsinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 18
Sanaartornermi ilinniartoqartarneq pillugu Namminersorlutik Oqartussat nalunaarutaat nr. 10, 12. juli. 2010-meersup allanngortinneqarnissaa pillugu Naalakkersuisut peqquneqarnissaannik Inatsisartut aalajangiiffissaattut siunnersuut, taamaalilluni Nalunaarummi pineqartumi neqerooruteqartitsisup neqerooruteqarnissamut najoqqutassani piumasaqaatigineqartut amerlillugit sanaartugassap minnerpaamik 12 mio. kr.-inik naleqarpat ilinniartut sisamat atorfinitsinneqassasut taamatuttaaq sanaartugassaq minerpaamik 15 mio. kr.inik naleqartillugu ilinniartut tallimat atorfinitsinneqassasut.
(Inatsisartunut ilaasortaq Per Berthelsen, Siumut)
Imm./pkt.: 19
Inuusuttut ilinniarluarsimasut Kalaallit Nunatsinnut utertinniarnissaat pillugu Kalaallit Nunaat anguniagassanik qanoq ittunik siunniussissaneroq pilluu apeqquteqaat aallaavigalugu siunnersuut.
(Inatsisartunut ilaasortaq Per Berthelsen, Siumut)
Imm./pkt.: 20
Kalaallit Nunaanni inissiat tapiissutitallit, taarsigassarsiartallit, attartornermut akiliutitallit aamma ikorfartukkat pillugit apeqquteqaat allaavigalugu oqallinnissamik siunnersuut.
(Inatsisartunut ilaasortaq Justus Hansen, Demokraatit)
Imm./pkt.: 21
Angajoqqaarsiat aamma ilaqutariit oqilisaasut meeqqanut paarisaminnut ilaqutaanngitsut minnerpaamik 25-nik ukioqalereersimasarnissaat aalajangersaaffigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Astrid Fleischer Rex, Demokraatit)
Imm./pkt.: 22
Suliassat meeqqanik kinguaassiuutitigut atornerluinermut tunngasut pisoqalisinnaannginnerannik qulakkeerisumik Kalaallit Nunaanni pinerluttaalisitsinermut inatsisimmi § 12-p imaanik allanngortitsitsinissaq siunertaralugu Inatsisinik Atortitsinermut ministeri siunnersuummik saqqummiusseqqullugu qinnuigineqarnissaa pillugu, Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Astrid Fleischer Rex, Demokraatit)
Imm./pkt.: 23
Sul. 16/5
(UKA2011/137)
Kalaallinut inuusuttunut sakkutuujusussaaneq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Justus Hansen, Demokraatit)
Imm./pkt.: 24
Siull. 19/10-2011
Allannguutissatut siunnersuut akuerineqarpoq
(UKA2011/117)
Inatsisartut aalajangiiffigisassaattut siunnersuut Naalakkersuisut pi-sussaatinneqassasut qallunaat naalakkersuisui atassuteqarfigissagaat, anguniarlugu USA-mi, Tysklandimi Ruslandimilu qallunaat allartitaqarfiinut atasunik Naalakkersuisut siniisussaannik atorfinitsitsisoqassasoq kalaallit soqutigsaannik ingerlatsisussanik, Namminersorluni Oqartussaanermut inatsimmi § 15 tunngavigalugu.
(Inatsisartunut ilaasortat Knud Kristiansen og Siverth K. Heilmann, Atassut)
Imm./pkt.: 25
Sul. 15/5
(UKA2011/27)
(UPA2011/59)
Inuiaqatigiinni ataqatigiinnerup pilersinneqaqqinnissaa qanoq ililluni qulakkeerneqarsinnaanera pillugu oqallinnissannik siunnersuut.

(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 26
UKA 2012
(UKA2011/77)
Nunatsinni Angajoqqaat Oqartussaaffiisa annertunerulernissaat ersarinnerulernissaallu anguniarlugu "Angajoqqaat Peqatigiiffiannik" taaneqartumik Atuarfitsialammi inatsisip § 40-41-42-p Atuarfiup siulersuisuinut inatsimmut ilanngussinissaq pillugu apeqquteqaat aallaavigalugu oqallisigineqarnissaannik siunnersuut.

(Inatsisartunut ilaasortaq Ruth Heilmann Siumut)
Imm./pkt.: 27
Sul. 16/5
(UKA2011/122)
Nuna tamakkerlugu utoqqaat illuisa nutaanngilisimaqisut ullutsinnut naleqqussarlugit aaqqissuunneqarnissaannik pilersaarusiornissaq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Ruth Heilmann Siumut)
Imm./pkt.: 28
Aappass. aamma Pingajuss. UKA 2012
Uunga siunnersuut: Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit Inatsisartut inatsisaat nr. x, xx.xx 2012-imeersoq.
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 29
IMAK-imut tunngasunik isumaqatigiissutit il.il. nutarterneqarnissaat pillugu Inatsisartut inatsisissaannut nr. xx, xx.xx 2012-imeersussamut siunnersuut.
(Ilinniartitaanermut, Ilisimatusarnermut, Nunanullu Avannarlernut suleqateqarnermut Naalakkersuisoq)
Imm./pkt.: 30
Uunga siunnersuut: Avatangiisit innarlitsaaliorneqarnissaannik Inatsisartut inatsisaat nr. 9, 22. november 2011-meersup allanngortinneqarnera pillugu Inatsisartut inatsisaat nr. xx, xx.xx 2012-meersoq.
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 31
Siunnersuut: Oqaatsinut politikki pillugu Inatsisartut inatsisaata allanngortinneqarnissaa pillugu Inatsisartut inatsisaat nr. xx, xx.xxxx 2012-imeersoq.
(Kalaallit oqaasii atorlugit attaveqaqatigiinnermik piumasaqaatip ikkunneqarnera)
(Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoq)
Imm./pkt.: 32
Naalakkersuisut allannguutissatut siunnersuutaat akuerineqarpoq
Siunnersuut uunga: Inuussutissarsiutinik ilinniartitsinerit aamma inuussutissarsiutinik ilinniartitsinerup iluani pikkorissaanerit pillugit Inatsisartut inatsisaannik allannguineq pillugu Inatsisartut inatsisaat nr. xx , xx xx 2012-imeersoq.
(naatsorsuutit pillugit aalajangersakkanik erseqqissaat il.il.)
(Ilinniartitaanermut, Ilisimatusarnermut, Nunanullu Avannarlernut suleqateqarnermut Naalakkersuisoq)
Imm./pkt.: 33
Siunnersuut uunga: Meeqqanut suli atualinngitsunut perorsaanikkut ine-rikkiartuutaasunik ulluunerani neqerooruteqartarneq pillugu Inatsisartut inatsisaat nr. xx, xx.xx 2012-imeersoq.
(Ilinniartitaanermut, Ilisimatusarnermut, Nunanullu Avannarlernut suleqateqarnermut Naalakkersuisoq)
Imm./pkt.: 34
Ilinniartitsinermut periusissiaq pillugu nassuiaat.
(Ilinniartitaanermut, Ilisimatusarnermut, Nunanullu Avannarlernut suleqateqarnermut Naalakkersuisoq)
Imm./pkt.: 35
Aappass. aamma Pingajuss. UKA 2012
Siunnersuut uunga: Imeruersaatit qiimmassaatinik akullit (energidrik) inunnut 18-it inorlugit ukiulinnut tuniniarnissaannik sassaalliutiginissaannillu inerteqquteqarneq, kiisalu imeruersaatit qiimmannartunik akullit allagartalersorneqartarneri ussassaarutigineqartarnerilu pillugit Inatsisartut inatsisaat.
(Peqqissutsimut Naalakkersuisoq)
Imm./pkt.: 36
Danskit naalagaaffianni innuttaasut il.il. passitaarnerannik inatsisip aamma nunat allamiut pillugit inatsisip allanngortinneqarneranik inatsisip nr. 613, 14. juni 2011-meersup § 1-iata (passini il.il. pussuit ipaasiorneri) ilaannakortumik Kalaallit Nunaanni atuutilersinnissaanut Namminersorlutik Oqartussat oqaaseqaateqarnissaanik Inatsisartut aalajangiiffigisassaattut siunnersuut
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 37
Kræfti pillugu nassuiaat 2011.
(Peqqissutsimut Naalakkersuisoq)
Imm./pkt.: 38
Uunga siunnersuut: Peqqinnissaqarfiup aqunneqarnera, aaqqisuussaanera kiisalu peqqinnissamut tunngasutigut sullissisut aamma tarnip pissusaanik ilisimasallit pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. xx 2012-imeersoq.
(Peqqissutsimut Naalakkersuisoq)
Imm./pkt.: 39
Ataatsimiititaliap inassuteqaataa akuerineqarpoq
Imarsiornerup isumannaatsuunissaa pillugu inatsisit allannguutaasa Kalaallit Nunaannut atuutilersinnerinut peqqussummut Namminersorlutik Oqartussat oqaaseqaatissaat pillugu Inatsisartut aalajangiiffigisassaattut siunnersuut.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 40
Imermut nukissianullu akeqartitseriaatsip 2013-imi allanngortinneqarnissaa pillugu Inatsisartut aalajangiiffigisassaatut siunnersuut.
(Mingutsitsinngitsumik Siuariartortitsineq Atugarissaarnerlu)
(Ineqarnermut, Attaveqarnermut Angallannermullu Naalakkersuisoq)
Imm./pkt.: 41
Ineqarneq pillugu ingerlatsinermut nassuiaat.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 42
Upalungaarsimanermut Ingerlatseqatigiiffik Greenland Oil Spill Response A/S pillugu Inatsisartut inatsisaat nr. xx, xx xxxx 2012-imut siunnersuut.
(Naalakkersuisut Siulittaasuat)
Imm./pkt.: 43
Uunga siunnersuut: Aalisarneq pillugu Inatsisartut inatsisaata allanngortinneqarneranik Inatsisartut inatsisaat nr. xx, xx. xx 2012-meersoq.
(Aalisarnermut Piniarnermut Nunalerinermullu Naalakkersuisoq)
Imm./pkt.: 44
Aappass. aamma Pingajuss. UKA 2012
Uunga siunnersuut: Aalisarnermut aningaasaliissutinut immikkoortitat pillugit Inatsisartut inatsisaata allanngortinneqarneranik Inatsisartut inatsisaat nr. xx, xx. xx 2012-meersoq.
(Aalisarnermut Piniarnermut Nunalerinermullu Naalakkersuisoq)
Imm./pkt.: 45
Siunnersuut: 2016-imi Arctic Winter Gamesimik Kalaallit Nunaata aaqqissuisuunissaa aammalu 2013-imut aningaasanut inatsimmi ukiunilu missingersuusiorfiusuni tassunga aningaasanik immikkoortitsisoqarnissaa pillugit Inatsisartut akuersinissaannik aalajagiiffigisassaatut siunnersuut.
(Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoq)
Imm./pkt.: 46
Akiitsut- aamma aningaasaliisarnerit pillugit periusissat.
(Aningaasaqarnermut Naalakkersuisoq)
Imm./pkt.: 47
Inatsisartut Suleriaasiata allanngortinneqarnissaanik siunnersuut.
(Inatsisartut Siulittaasoqarfiat)
Imm./pkt.: 48
Aatsitassanik piiaavinni peqqissuunissaq isumannaatsuunissarlu pillugu ILO-p isumaqatigiissutaanut nr. 176-imut Naalagaaffeqatigiiffiup nangaassuteqarani Kalaallit Nunaat sinnerlugu akuersaaruteqarnissaa pillugu aalajangernissamut siunnersuut.
(Inuussutissarsiornermut, Aatsitassanullu Naalakkersuisoq)
Imm./pkt.: 49
Danmarkimi Nationalbanki pillugu inatsisip allanngortinneqarnissaa pillugu inatsisip Kunngip peqqussutaatigut Kalaallit Nunaannut atuuttussanngortinnissaanut oqaaseqaatissaq pillugu Inatsisartut aalajangiussassaattut siunnersuut.
(Inuussutissarsiornermut, Aatsitassanullu Naalakkersuisoq)
Imm./pkt.: 50
Kalaallit Nunaanni ingerlatassanik annertuunik piviusunngortitsinissamut sinaakkutissatut atugassarititaasut pillugit nassuiaat.
(Inuussutissarsiornermut, Aatsitassanullu Naalakkersuisoq)
Imm./pkt.: 51
Kalaallit Nunaanni sullivinni avatangiisit pillugit inatsisip allanngortinneqarnissaa pillugu inatsimmut oqaaseqaatissaq pillugu Inatsisartut aalajangiussassaattut siunnersuut.
(Inuussutissarsiornermut, Aatsitassanullu Naalakkersuisoq)
Imm./pkt.: 52
Aappass. UKA 2012
Pingajuss. UKA 2012
Kalaallit Nunaata Aatsitassarsiornermi Aningaasaateqarfia pillugu Inatsisartut inatsissaat nr. 6, 5. december 2008-meersup allanngortinneqarnissaa pillugu Inatsisartut inatsisaat nr. xx.xx xx 2012-mut siunnersuut.
(Inuussutissarsiornermut, Aatsitassanullu Naalakkersuisoq)
Imm./pkt.: 53
Aningaasanut tunngasunik suliaqarneq pillugu inatsisip allannguutaasa atortussanngortinneqarnissaat pillugu oqaaseqaatissamik Inatsisartut aalajangiinissaannut siunnersuut, aamma pappialanik nalilinnik sullissivik pillugu inatsit, kiisalu aningaasaliissuteqartunut il.il. qularnaveeqqusiinermut aningaasaateqarfik pillugu inatsimmi § 4 allanngortinneqarnissaanik siunnersuut. Aalajangersagaq Kalaallit Nunaannut atuuppoq. Tamatuma saniatigut aningaasaliissuteqartunut il.il. qularnaveeqqusiinermut aningaasaateqarfik pillugu inatsisip allanngortinneqarnissaa pillugu kunngip peqqussutaa.
(Inuussutissarsiornermut, Aatsitassanullu Naalakkersuisoq)
Imm./pkt.: 54
Aappass. UKA 2012
Kalaallit Nunatsinni efterskolimik suli ataatsimik, Tasiilami inissinneqartussamik, UKA 2013-mut pilersitsinissaq pillugu Naalakkersuisut siunnersuusiornissamik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Harald Bianco, Inuit Ataqatigiit)
Imm./pkt.: 55
Ataatsimiititaliap allannguutissatut siunnersuutaa akuerineqarpoq
Mellembølgikkut nassitsissutip atorunnaarsinneqarsimasup 2013-ip ingerlanerani taartigisinnaasaannik periarfissiisoqaqqinnissaa anguniarlugu Naalakkersuisut suliniuteqaqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Debora Kleist, Inuit Ataqatigiit)
Imm./pkt.: 56
Aappass. UKA 2012
Sulisumik avataaneersumik atorfinitsitsinissamut imaluunniit sulisitsinissamut atatillugu ullut 14-it qaangiutinnginneranni itigartitsissummik akuersissummilluunniit akissuteqarnissamut piffissarititap qaammatinngortillugu sivitsorneqarnissaa anguniarlugu, Kalaallit Nunaannut suliffissarsiortut killilersimaarnissaat pillugu Inatsisartut inatsisaata nr. 27 30. oktober 1992-imeersup allanngortinneqarnissaa siunertaralugu Inatsisartut aalajangiiffigisassaattut siunnersuut.
(Inuit Ataqatigiit Inatsisartuni ilaasortaatitaat)
Imm./pkt.: 57
Aappass. UKA 2012
Sulisunik avataaneersunik atorfinitsitsiniarnernut qinnuteqaatit kommunenit suliarineqartillugit, qinnuteqaatit kommuneni suliffissaqartitsiniarnermut ataatsimiititaliani tusarniaassutigineqartalernissaat qulakkeerniarlugu UKA 2012-imi Naalakkersuisut maleruagassioqqullugit Inatsisartut aalajangiiffigisassaattut siunnersuut. Ataatsimiititaliat qanoq katitigaassanersut aammalu sulinerat pillugu Naalakkersuisut aamma maleruagassalioqquneqarput.
(Inuit Ataqatigiit Inatsisartuni ilaasortaatitaat)
Imm./pkt.: 58
Immikkoortut 58 aamma 91 ataqatigiisillugit siullermeerneqassapput
Nunatsinni meeqqat, inuusuttuaqqat inersimasullu ADHD-mik Autismemillu nappaateqartut siunissami qanoq ikiorsiiffigineqassanersut pillugu periusissanik iliuusissanillu pilersaarummik, Naalakkersuisut kingusinnerpaamik upernaakkut 2013-mi saqqummiussaqaqqullugit Inatsisartut aalajangiiffigisassaatut siunnersuut.
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 59
Umiarsuit Kalaallit Nunaata imartaata 3-sømiilinut killeqarfiata iluani aniatitamik ikuallassaammik (svovl) ima akoqassusianik killiliisumik malittarisassaqarnerisa pitsaaqutaannik pitsaanngequtaannillu Naalakkersuisut nassuiaateqaqqullugit Inatsisartut aalajangiiffigisassaattut siunnersuut. Nassuiaatip inuussutissarsiornermut inuunermut pisortanullu aningaasatigut avatangiisitigullu killissaritaasutigut pitsaaqutai pitsaanngequtaalu isummerfigissavai.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 60
Angallatit akileraarummik akiliisussaatitaanngitsut ikinnerulersinniarlugit Umiarsualivimmiinnermut aamma umiarsuit takornarianik angallassissutit ilaasunik angallassinerannut akileraarutit pillugit Inatsisartut inatsisaanni nr. 20, 30. oktober 1992-imeersumi § 2-p allannguutissaatut siunnersuummik Naalakkersuisut saqqummiusseqqullugit, tassungalu atatillugu pineqartunut akileraarutigineqartussat amerlassusissaannik nalileeqqeqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 61
Aatsitassanut ikummatissanullu inatsisip allanngortilersaarneqarneranut atatillugu ullumikkut avatangiisit illersornissaannik Inatsisartut inatsisaanni kapitali 14-imiittumisut immikkut maalaarfiusinnaasumut malittarisassanik Naalakkersuisut siunnersuuteqaqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 62
Inunnut allamik siunertaqaratik ujaqqanik pinnersaasiassanik annikitsuinnarmik nioqqutissiorniarlutik pinngortitami ujarattarniartunut annikitsumik aatsitassarsiornermut killigeqqusap eqaannerusunngortinnissaata oqallisiginissaa siunnerfigalugu Aatsitassanut ikummatissanullu inatsisip kapitaliata 8-p § 45-llu oqallisiginissaat pillugit apeqquteqaat aallaavigalugu oqallittoqarnissaanik siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 63
Kalaallit Nunaannut suliffissarsiortut killilersimaarnissaat pillugu Inatsisartut inatsissaata nr. 27-p 30. oktober 1992-imeersup kiisalu aatsitassat ingerlatallu tamatumunnga pingaarutillit pillugit Inatsisartut inatsisaata nr. 7-ip 7. december 2009-meersup allanngortitsinissamik qanoq pisariaqartitsisoqarnersoq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 64
Aningaasaqarnermut ataatsimiititaliap allannguutissatut siunnersuutaa akuerineqanngilaq.
Naalakkersuisut allannguutissatut siunnersuutaa akuerineqarpoq.
Missingersuusiortarnermut inatsisip kukkunersiorneranut ingerlasumut atatillugu, takukkit ataani siunnersuummut tunngavilersuutit 1-miik 6-mut, matumuuna missingersuusiortarneq pillugu inatsisip kingusinnerpaamik UKA2013 allanngortinnissaanik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraterne)
Imm./pkt.: 65
Naalakkersuisunit allannguutissatut siunnersuut akuerineqarpoq
Kalaallit ilinniagaqartut, ilinniarnissartik siunertaralugu nunanut allanut nuukkallarsimasut Inatsisartunut qinersinerni qinerseqataasalernissaasa sulissutigingasuarnissaat pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 66
Illunik nioqquteqartarnerup naleqqussarnissaa pillugu inatsisiliornermut atatillugu illunik tunisinermi illup pitsaassusaata nalunaarusiuunneqartalernissaanut atatillugu pitsaaqutit akorngutillu misissorneqartarnissaasa inatsisitigut atuuttussanngortinneqarnissaat kiisalu illut nukissiuutitigut nalunaaqutsertarlernissaasa inatsisitigut piumasaqaatigineqartalernissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Misissuinermut atatillugu aamma sillimmasiisarfiit piginnittut nikinnerannut atatillugu sillimmasiisalernissamut peqataatinneqartarnissaminnik piumasaqaataat naliliiffigineqartussaavoq.
(Inatsisartunut ilaasortaq Justus Hansen, Demokraatit)
Imm./pkt.: 67
UKA 2012
Maannakkut suliffimmut atatillugu inigisap ukiut arfineq-marluk najugarereerlugu tigusinnaanera allanngortillugu suliffimminut atatillugu ineqartup inimini ukiuni pingasuni najugaqareersimasup, inigisani naligin-naasumik attortittakkatut tigusisinnaanngornissaanut UKA 2012-mi ininik attartorneq pillugu Inatsisartut Peqqussutaata nr. 2-p 12. Maj 2005-meersup allanngortinneqarnissaa pillugu siunnersuummik allannguutissamik saqqummiussinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 70
Inuinnaat nunamik siunissami piginnittussaalernissaata eqqunneqarnissaa pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Justus Hansen, Demokraatit)
Imm./pkt.: 71
Isorliunerusuni imigassanik kimittuuneq pisinissamut inerteqquteqarneq pillugu apeqquteqaat allaavigalugu oqallinnissamik siunnersuut..
(Inatsisartunut ilaasortaq Justus Hansen, Demokraatit)
Imm./pkt.: 72
Nunat allamiut suliffeqarfiutaasa nunaqavissut pigisaat suliffeqarfiit uuliasiulernerup aallartinisartup iluani sanaartortarnissaat, nassiussuisarnissaat kiffartuussisarnissaallu qanoq iliorluta inuiaqatigiittut qulakkeersinnaaneripput pillugu apeqqut tunngavigalugu oqallinnissamut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 74
Aappass. UKA 2012
Ilulissani Timersornermut ilinniarfimmik imaluunniit Ilinniarnertuunngorniarfimmik pilersitsoqarnissaa siunertaralungu Naalakkersuisut misissuinissamik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 75
Sul. 22/5
Immikkoortut 118 aamma 75 ataqatigiisillugit siullermeerneqassapput
Inuit pinerluuteqarsimaneq pissutigalugu paarnaarussivinnut isertinneqartussaangaluit, kisianni inissaqannginneq pissutigalugu utaqqisorpassuit ilaasa isumakkiiginnarneqartarnissaannik danskit naalakkersuisuisa siunnersuutaat pillugu apeqquteqaat aallaavingalungu oqallisissiaq. Pineqaatissinneqarsimasut isumakkiiginnarneqarnissaat qanoq isumaqarfigineqarnerpa?
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 76
Nunaqarfinni tulaassuivinnilu tunisassiorfiusuni tunisassiorfiit uninngaannartut namminersortunngorsarneqarsinnaanerat Royal Greenland A/S-imut namminersorumasunut akiusut tunngavigalugit tuniniaanissaq iluaqutissartaqarnersoq Naalakkersuisut Royal Greenland A/S peqatigalugu misissuinissamik peqquneqarnissaat pillugu Inatsisartut aalajangiiffigisassaattut siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 85
Meeqqap naartuunerani peqqissuunissaa anguniarlugu, angajoqqaanngortussallu hashimik imigassamilluunniit naartunerminni milutitsinermilu ajornartorsiuteqartut, siusinaartumik katsorsarneqarsinnaanerannut periarfissikkumallugit Naalakkersuisutigut iliuusissanik ersarissaasoqarnissaanik kiisalu katsorsarneqareernerisa kingorna malinnaavigineqarnissaat, paasissutissanik katersisoqarnissaa siunertaralugu, Naalakkersuisut suliniuteqaqqullugit aalajangiiffigisassatut siunnersuut.
(Inatsisartunut ilaasortat Aleqa Hammond & Ruth Heilmann, Siumut)
Imm./pkt.: 86
Allannguutissatut siunnersuut akuerineqarpoq
Naalakkersuisut kingusinnerpaamik UPA 2013-imi toqusimasunut atatillugu pisortat akiliutigisartagaat pillugu Inatsisartunut nassuiaammik saqqummiusseqqullugit Inatsisartut aalajangiiffigisassaattut siunnersuut. Nassuiaasiornermi siunnersuutip tulliuttuni nassuiaataani immikkoortoq 1-imit 7-imut allanneqartut qissimigaarneqassapput:
(Inatsisartunut ilaasortaq Ruth Heilmann, Siumut)
Imm./pkt.: 87
Illuutillit piginneqatigiillutilluunniit illuuteqartut imaaliallaannaq katsorsarneqarsinnaanngitsumik tassanngaannartumik napparsimalernermikkut akilersuutiminnik ikiorneqarsinnaanermik periuarfissinneqarsinnaasunngorlugit pisortanit ikiorsiissutit pillugit Inatsisartut peqqussutaata nr. 15, 20. november 2006-imeersup allanngortinneqarnissaanik Naalakkersuisut peqquneqarnissaannik Inatsisartut aalajangiiffigisassaatut siunnersuut.
(Inatsisartunut ilaasortaq Malik Berthelsen, Siumut)
Imm./pkt.: 88
Ataatsimiititaliamit allannguutissatut siunnersuut akuerineqarpoq
Utoqqalinermi pensionisiallit pensionisiaminnit ilanngaanneqanngikkaluarlutik saniatigut allanik isertitarisinnaasaasa marloriaatinngorlugit qaf-fanneqarnissaat siunertaralugu Inatsisartut peqqussutaata nr. 3, 7. maj 2007-imeersup allangortinneqarnissaanik Naalakkersuisut peqquneqarnissaat siunertaralugu Inatsisartuni aalajangiiffigisassatut siunnersuut.
(Inatsisartunut ilaasortat Malik Berthelsen aamma Kim Kielsen, Siumut)
Imm./pkt.: 89
Aappass. UKA 2012
Imigassamik aalakoornartulinnik nioqquteqartarneq sassaallertarnerlu pillugit Inatsisartut inatsisaanni nr.11, 11.november 2000-imeersumi §§ 11 aamma 12-imi imigassanik kimittuunik kimikitsunillu nioqquteqarnermi piffissaliussat tuniniaaffiusartut ataasinngornermiit sapaat ilanngullugu nal. 21.00-ip tungaanut sivitsorneqarnissaat siunertaralugu allannguutissatut siunnersuummik Naalakkersuisut saqqummiusseqqullugit peqquneqarnissaannik Inatsisartuni aalajangiiffigisassatut siunnersuut.
(Inatsisartunut ilaasortaq Malik Berthelsen, Siumut)
Imm./pkt.: 90
UKA 2012
Kingusinnerpaamik UKA2012-imi saqqummiunneqartussamik Aalisar-nermik piniarnermillu inuussutissarsiutillit inuussutissarsiornerannik siuarsaaneq pillugu Inatsisartut peqqussutaat nr. 10, 20. november 2006-imeersumut allannguutissatut siunnersuummik Naalakkersuisut saqqummiussinissaannik Inatsisartuni aalajangiiffigisassatut siunnersuut, taamaalilluni taamaallaat umiatsiaaqqanut nutaanut Kalaallit Nunaanni sanaartorneqartunut tapiisoqarsinnaasalersillugu.
(Inatsisartunut ilaasortaq Karl Lyberth, Siumut)
Imm./pkt.: 91
Immikkoortut 58 aamma 91 ataqatigiisillugit siullermeerneqassapput
2013-imi konto pingaarnermi 30.01.03 - Sulianik ingerlatsisunut ilinniartitaaneq, isumaginninnermi siunnersuineq - aningaasaliissutit iluini aammalu inuit annertuumik innarluutillit ikiorserneqartarnerat pillugu inatsit tunuliaqutaralugu meeqqat ADHD-ertut angajoqqaavisa ilaqutaasullu ADHD pillugu pikkorissartinneqartarnissaannik kommunit peqatigalugit ingerlatsinissamik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Karl Lyberth, Siumut)
Imm./pkt.: 92
Aappass. UKA 2012
Ajutoortoqartillugu nunatsinni tusilartut sms-ikkut 112-imut kalerriisinnaalernissaat anguniarlugu Naalakkersuisut peqquneqarnissaannik Inatsisartut aalajangiiffigisassatut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 93
2013-imi aningaasanut inatsimmi 3 mio. kr-inik filmiliornermut tapiissutinik aningaasaleeqqinnikkut 2012-imisulli aningaasanut inatsisaanni annertussusilinnik aningaasaliinissamik siunnersuuteqarnissamik Naalakkersuisut peqquneqarnissaannik Inatsisartuni aalajangiiffigisassatut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 104
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 1/2011-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut:
Nunat Avannarliit Killiit Siunnersuisoqatigiiffiata Islandimi, Savalimmiuni Kalaallillu Nunaanni naalakkersuisut kaammattorpai ukiuni qulilinni kingullerni avatangiisitigut silallu pissusiisigut allannguutit malitsigisaasa nunarsuup immikkoortuanut maanga nunallu tamalaat akornanni suleqatigiinnermut sunniutigisimasaat eqqarsaatigalugit nunani pineqartuni pingasuni ataatsimut soqutigisat nalunaarsorneqarnissaannut iliuuseqaqqullugit. Nunani pineqartuni nunanut allanut naalakkersuisut naalakkersuinermik sulialinnik suliassaqarfimmilu immikkut ilisimasallit siuttuinik peqataaffigineqartumik ataatsimeersuartitsinerat aallaaviusinnaavoq, tassani pineqartoq eqqarsaatigalugu ataatsimut naalakkersuinikkut ingerlatseriaasissamut missingiut oqallisigineqarlunilu suliarineqarsinnaassalluni.
(Aallartitat siulittaasuat Josef Motzfeldt)
Imm./pkt.: 105
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 2/2011-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut:
Nunat Avannarliit Killiit Siunnersuisoqatigiiffiata nunani avannarlerni killerni kulturimut naalakkersuisut kaammattorpai filmiliorneq tv-kkullu aallakaatitassiorneq eqqarsaatigalugu nunat avannarliit killiit suleqatigiinnerata annertusarneqarnissaanut periarfissat misissoqqullugit. Alloriarnertut siullertut immaqa ataatsimiititsisoqarsinnaagaluarpoq nunani avannarlerni killerni filmiliornermik tv-kkullu aallakaatitassiornermik ingerlataqartunit peqataaffigineqartumik.
(Aallartitat siulittaasuat Josef Motzfeldt)
Imm./pkt.: 106
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 3/2011-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut:
Nunat Avannarliit Killiit Siunnersuisoqatigiiffiata Islandimi, Savalimmiuni Kalaallillu Nunaanni naalakkersuisut kaammattorpai ukiumoortumik nunanit avannarlernit killernit marlunnit allanit eqqumiitsuliortup atuakkiortulluunniit sapaatit akunnerini pingasuniarfinilinni unnuiffissaqartillugu nunami sanilerisamiikkallarsinnaaneranik neqerooruteqartalernissaq siunertaralugu suleqatigiissinnaanermut periarfissat misissoqqullugit. Siunertarineqassaaq ukiut tamaasa eqqumiitsuliortumik atuakkiortumilluunniit nunani avannarlerni killerni nunami allamiinnissamut periarfissiisoqartalernissaa, nunami sanilerisami pinngortitamit kulturimillu sunnerneqarnissaq siunertaralugu.
(Aallartitat siulittaasuat Josef Motzfeldt)
Imm./pkt.: 107
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 4/2011-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut:
Nunat Avannarliit Killiit Siunnersuisoqatigiiffiata Islandimi, Savalimmiuni Kalaallillu Nunaanni naalakkersuisut kaammattorpaat Kalaallit Nunaanni, Islandimi Savalimmiunilu oqartussat susassaqartut suleqatigalugit eqqakkat atoqqinneqarsinnaasut qanoq pineqartarnerat eqqarsaatigalugu nunat pineqartut ataatsimut soqutigisaat nalunaarsoqqullugit, taamatullu aamma nunani pineqartuni eqqakkat atoqqinneqarsinnaasut qanoq pineqartarnerat pillugu nunat avannarliit killiit siunnersuisoqatigiiffiannut killiffimmik nalunaarusioqqullugit.
(Aallartitat siulittaasuat Josef Motzfeldt)
Imm./pkt.: 108
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 5/2011-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut:
Nunat Avannarliit Killiit Siunnersuisoqatigiiffiata Islandimi, Savalimmiuni Kalaallillu Nunaanni naalakkersuisut kaammattorpaat Islandip, Kalaallit Nunaata Savalimmiullu akornanni angalanerni aqqusaarnernilu nunani avannarlerni killerni innuttaasut nammineq nerisassaminnik nassarsinnaanermut periarfissaqarnissaat anguniaqqullugu.
(Aallartitat siulittaasuat Josef Motzfeldt)
Imm./pkt.: 109
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 6/2011-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut:
Nunani avannarlerni nipilersornikkut erinarsornikkullu ileqqutoqqat qulaajarniarlugit nunanullu avannarlernut killernut iluaqutaasumik taakkua iluanni ilinniagaqarnissamut periarfissat pillugit ataatsimiititsinissaq.
(Aallartitat siulittaasuat Josef Motzfeldt)
Imm./pkt.: 111
Nunani Avannarlerni killeqarfinni akimmiffiusartut peerneqarnissaat pillugu nalunaarusiaq.
(Ilinniartitaanermut, Ilisimatusarnermut, Nunanullu Avannarlernut suleqateqarnermut Naalakkersuisoq)
Imm./pkt.: 114
Kukkunersiuisartut naalagaaffimmit akuerisat Deloitte-p ulloq unnuarlu paaqqinniffiit pillugit misissueqqissaarnerat nalilersuinerallu 2011-mi nalunaarusianngorlugu saqqummiunneqartoq tunngavigalugu qanoq malitseqartitsinissaq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortat Jane Petersen aamma Debora Kleist, Inuit Ataqatigiit)
Imm./pkt.: 115
UKA 2012
Qanoq iliornikkut meeqqanut meeraaqqanullu kalaallisut atuarusussuseq qaffassarneqarsinnaanersoq pillugu apeqquteqaat aallaavigalugu oqallittoqarnissaanik siunnersuut.
(Inatsisartunut ilaasortaq Jane Petersen, Inuit Ataqatigiit)
Imm./pkt.: 116
Kalaalimernit inuiattut ilisarnaatigalugit nerisassaatitta niuertarfinni akiisa apparsarneqarnissaat pillugu apeqquteqaat aallaavigalugu oqallisissiaq.
(Inatsisartunut ilaasortaq Isak Hammond, Inuit Ataqatigiit)
Imm./pkt.: 117
Sul. 16/5
Immikkoortut 131 aamma 117 ataqatigiisillugit siullermeerneqassapput
Meeqqat kommunip ulluunerani paaqqinnittarfiutaaniinnerinut kommunillu aaqqissugaanik ulluunerani angerlarsimaffimmi paaqqinniffinniinnerinut akiliuteqartitsisarneq pillugu apeqquteqaat aallaavigalugu oqallittoqarnissaanik siunnersuut.
(Inatsisartunut ilaasortaq Isak Hammond, Inuit Ataqatigiit)
Imm./pkt.: 118
Sul. 22/5
Immikkoortut 118 aamma 75 ataqatigiisillugit siullermeerneqassapput
Nunatsinni pinerlunnaveersaartitsilluni suliaqarnermi iliuutsit sumut killinneri pillugit kiisalu pineqaatissiinerit qanoq ittuusinnaanerat pillugu apeqquteqaat aallaavigalugu oqallittoqarnissaanik siunnersuut.
(Inatsisartunut ilaasortaq Isak Hammond, Inuit Ataqatigiit)
Imm./pkt.: 119
Meeqqat atuarfianni inuusuttut immikkut annertusisamik atuartitaasimasut atuarunnaarnerup kingorna suliniuteqarfigineqarnerat pillugu apeqquteqaat aallaavigalugu oqallisissiaq.
(Inatsisartunut ilaasortaq Debora Kleist, Inuit Ataqatigiit)
Imm./pkt.: 120
Sunngiffimmi piniarnermut allagartalinnut tuttunik umimmannillu pisassiinermi immikkut akiliuteqartitsisoqartalissanersoq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Storm Ludvigsen, Inuit Ataqatigiit)
Imm./pkt.: 121
Kingusinnerpaamik UPA2013-imi saqqummiunneqartussamik Akileraartarneq Atugarissaarnerlu pillugit isumalioqatigiissitap isumaliutsissiissummini kapitali 5-imi utoqqarnik isumaginninneq pillugu kaammattutaasa malitseqartinneqarlutillu atuutilersinneqarnissaat pillugu ataatsimut nassuiaammik Naalakkersuisut saqqummiussinissamik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Akitsinnguaq Olsen, Siumut)
Imm./pkt.: 122
Inuusuttut 25 inorlugit ukiullit tamarmik suliffissaannik, piginnaanngorsarnissaannut imaluunniit ilinniagaqarnissamik neqeroorfigineqarnissaannik Naalakkersuisut qulakkeerinninnissaat pillugu Inatsisartuni aalajangiiffigisassatut siunnersuut.
(Inatsisartunut ilaasortat Akitsinnguaq Olsen aamma Kim Kielsen, Siumut)
Imm./pkt.: 123
2013-imi atuutilersussanik ilaasunik angallassineq pillugu sullissinissamik isumaqatiginninniarnerit atuutilersussat manna ingerlanneqartunut atatillugu nunatta kujataani piffissani sikorsuaqanngiffinni umiarsuit atorlugit ilaasunik angallassisinnaaneq, ukiullu sinnerani qulimiguullit atorlugit ilaasunik angallassisinnaaneq pillugu isumaqatigiissuteqarsinnaanermik Naalakkersuisut misissuinissamik peqquneqarnissaannik Inatsisartuni aalajangiiffigisassatut siunnersuut.
(Inatsisartunut ilaasortaq Anders Olsen, Siumut)
Imm./pkt.: 124
Meeqqat atuarfiata ingerlalluartumik angusaqarfiusumillu tunngaveqartumik ingerlariaqqinnissaanut periutsit aammalu misilittakkat suut aallaavigalugit ingerlariaqqittoqarnissaanut apeqquteqaat aallaavigalugu Inatsisartuni oqallinnissamik siunnersuut.
(Siumup Inatsisartunut ilaasortaatitai)
Imm./pkt.: 125
Aqutsiveqarfimmi Uummannami sinerissami qanittumi qaleralittassat 2012-imi 6000 tons-iusut 2000 tons-inik ilaneqarnissaanik Naalakkersuisut suliniuteqaqqullugigit Inatsisartut aaliangiiffgisassaattut siunnersuut.
(Inatsisartunut ilaasortaq Kristian Jeremiassen, Siumut)
Imm./pkt.: 126
Aappass. UKA 2012
Kalaallit Nunaanni suliffissarsiortut killilersimaarnissaat pillugu Inatsisartut inatsisaata nr. 27, 30.oktober 1992-imeersup piumasaqaatitigut allannguutissatut siunnersuummik saqqummiusseqqullugit, imatut § 6, imm. 3 ullut 14-iniit ullut 30-nut sivitsorneqarnissaa Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Siumup Inatsisartunut ilaasortaatitai)
Imm./pkt.: 127
Kingusinnerpaamik UPA 2013-imi saqqummiunneqartussamik Kalaallit Nunaanni aatsitassanik piiarneqartunik aatsitassarsiortut kaaviiaartitaat tunngavigalugu nunatta karsiata siunissami aatsitassanik misissuinermik piiaanermillu akuersissutit aqqutigalugit isertitaqalernissaa qulakkeerniarlugu, kaaviiaartitsineq aallaavigalugu pisuussutinut akileraarummik aaqqis-suussinermik eqqussinissaq siunertaralugu, aatsitassanut akileraarusersuisarnerlu pillugit inatsisit naapertuuttut allanngortinneqarnissaat siunertaralugu kiisalu ingerlatsivinnut pisuussutinik akileraarusersuinermik atuutilertitsiviusunut suliffeqarfinnut akileraarutinut akiliutaasa appartinneqarnissaat siunertarlugu inatsisinut allannguutissatut siunnersuutinik Naalakkersuisut saqqummiussinissaannik Inatsisartuni aalajangiiffigisassatut siunnersuut.
(Siumup Inatsisartunut ilaasortaatitai)
Imm./pkt.: 128
Innutaasut peqqinnerulernissaat pillugu suliniutit sukkulluunniit atuuttut piviusunngortinneqarnerinut tunngatillugu suliniutit pillugit Naalakkersuisut ataanni akisussaallutik ingerlatsisut kommunillu akornanni pituttuisumik isumaqatigiissuteqarnissaq pillugu Naalakkersuisut peqquneqarnissaannik Inatsisartuni aalajangiiffigisassatut siunnersuut, taamaalilluni ataavartumik killiffimmik nalunaarsuinerit, nalilersuinerit aammalu innuttaasut peqqinnerulernissaat pillugu suliniummi immikkoortut ataasiakkaat aaqqigallerneqarsinnaalernissaat qulakkeerneqarsinnaaqqullugu, kiisalu suliniutit pingaartinneqartut suliallu ingerlanneqarnissaannut naammattumik isumalluuteqarnissaq anguneqaqqullugu taakkulu peqqinnerulernissamik angusaqarnissamik kinguneqartussamik inatsisiliornermik malitseqartinneqarlutik. Naalakkersuisut kingusinnerpaamik UPA 2013-imi suliniutip taassuma inerneri pillugit Inatsisartunut saqqummiussissapput.
(Siumup Inatsisartunut ilaasortaatitai)
Imm./pkt.: 129
UKA2012-imi Naalakkersuisut inuusuttut 25-it inorlugit ukiullit qanoq amerlatigisut ullumikkut ilinniagaqalernissamut suliffeqalernissamulluunniit piareersimannginnerat pillugu nassuiaammik saqqummiussinissamik peqquneqarnissaannik Inatsisartuni aalajangiiffigisassatut siunnersuut. Tamatuma saniatigut inuusuttut uninngaannalernissamut aarlerinaateqartunut Piareersarfiup ataani suliniutigineqartunut aaqqissuussaasumik siunnerfilimmillu ilanngunneqarsinnaaneranut periarfissat nassuiaammi misissorneqassapput.
(Inatsisartunut ilaasortaq Akitsinnguaq Olsen, Siumut)
Imm./pkt.: 130
Nunatsinni "Project Money Transfer"-imik misissuinissaq anguniarlugu Naalakkersuisut Qallunaat Naalagaaffiannut saaffiginnillutik peqquneqarnissaannik Inatsisartut aalajangiiffigisassatut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 131
Sul. 16/5
Immikkoortut 131 aamma 117 ataqatigiisillugit siullermeerneqassapput
Meeqqerivinniititsisarnerni angajoqqaat akiliutigisartagaasa sumi najugaqarneq apeqqutaalluni assigiinnginnerujussuisa qanoq iliornikkut aaqqiivigineqarsinnaanissaat pillugu apeqquteqaat aallavigalugu oqallinnissamik siunnersuut.
(Inatsisartunut ilaasortaq Karl Lyberth, Siumut)
Imm./pkt.: 132
Kalaallit Nunatsinni nunat immikkoortuisa, imartallu assigiinngitsut, qeqertallu atsersorneqarsimanerisa allanngortinneqartariaqannginneri pillugit apeqquteqaat aallavigalugu oqallinnissamik siunnersuut.
(Inatsisartunut ilaasortaq Karl Lyberth, Siumut)
Imm./pkt.: 133
Kapisilittatta qanoq ililluni nunatsinni niuernikkut pitsaanerpaamik atorluarneqarsinnaaneri pillugit apeqquteqaat aallaavigalugu oqallinnissamik siunnersuut.
(Inatsisartunut ilaasortaq Karl Lyberth, Siumut)
Imm./pkt.: 134
Nunatsinni inuiaqatigiinnik kiffartuussinerup tiimit eqqartuussummut utaqqisitaasumut piumasaqaatit 240 timiniik 300 timinut annertunerpaaffianik annertusinissaa anguniarlugu Naalakkersuisut Danmarkimi Justitsministerimut saaffiginneqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Doris Jakobsen, Siumut)