Ullormut oqaluuserisassat

Ullormut oqaluuserisassanut nassuiaat.

Uunga siunnersuut: Inuussutissarsiutigalugu aalisartut, inuussutissarsiutigalugu piniartut inuussutissarsiutigalugulu nunalerinermik ingerlataqartut aallarteqqinnissamut tapiiffigineqartarnerat pillugu inatsisartut inatsisaata allanngortinnera pillugu Inatsisartut inatsisaat (Silap pissusianik pissuteqartumik ajornartorsiornerni ajunaarnersuarnullu assingusuni pisuni aallarteqqinnissamut tapiissutisisinnaaneq, akiliutigineqartartut qaffanneri kiisalu qinnuteqarnermi piffissaliussat eqqunneqarneri)

Uunga siunnersuut: Takornariartitsinermut, sumiiffinni nunami aalajangersimasuni zone-nut agguaasarneq il.il. inuussutissarsiutigalugu ingerlatsinermi aammalu killeqartumik sumiiffiit ilaanni angalaarsinnaaneq pillugit Inatsisartut inatsisaat

Uunga siunnersuut: Sumiiffinni immikkut toqqakkani takornariartunut kiffartuussinernik ingerlatsinissamut akuersissuteqartarneq pillugu Inatsisartut inatsisissaattut siunnersuut

Uunga siunnersuut: Namminersornerullutik Oqartussat kommuunillu inissiaataannik attartortittakkanik inissiatut imaluunniit illutut nammineq pigisatut tigusisarneq pillugu Inatsisartut peqqussutaata allanngortinneqarnera pillugu Inatsisartut inatsisaat
(Inissianik attartortittakkanik pigisatut inissianngortitsineq, kaaviaartitsinissamut inerteqqut, piffissaq sioqqullugu taarsigassarsianik akiliineq il. il.)

Uunga siunnersuut: Illuliortiternernut aningaasalersuineq pillugu inatsisip allanngortinnissaa pillugu Inatsisartut Inatsisaat
(Tulleriiaarinissamut uppernarsaaneq, sanaartortitsinernut naatsorsuutit, kaaviiaartitsinissamut inerteqqut, piffissaq sioqqullugu taarsigassarsianik akiliineq il.il.)

Piginneqatigiilluni inissiat pillugit Inatsisartut inatsisaata allanngortinnissaa pillugu Inatsisartut inatsisaat
(inissiat attartortittakkat allanngortinnerat, kaaviiaartitsinissamut inerteqqut il.il.)

Uunga siunnersuut: Tapersiissutitalimmik inissialiortiternermut taarsigassarsititsisarneq pillugu Inatsisartut inatsisaata allanngortinnissaa pillugu Inatsisartut inatsisaat
(Atuisarnerup erseqqissaaffiginera)

Uunga siunnersuut: Piniarneq aallaaniarnerlu pillugit Inatsisartut inatsisaata allanngortinnera pillugu Inatsisartut inatsisaat
(Akiliisitsilluni aallaaniarnermik aaqqissuussisartunut najugaqartussaatitaanermut piumasaqaatip ukiunit marlunnit ukiunut tallimanut sivitsorneqarnera aammalu akuersissutitaarnissamut immikkut akuersinissamut malittarisassat nutarneqarnerat, kiisalu akuersissummik qinnuteqarnermi najugarisaq pillugu uppernarsaatit sukumiinerusumik aalajangersarnerat)

Siunnersuut uunga: Utoqqarnut tapersersuinissaq pillugu Inatsisartut inatsisaat

Suliassani meeqqanut inuusuttunullu tunngasuni sulianik ingerlatsisarnerup pitsaanerulernissaa qularnaarniarlugu angajoqqaatut oqartussaassuseqartunik, angajoqqaatut oqartussaatitaasunik akuersissuteqarnermillu nalunaarutinik qitiusumik nalunaarsuiffimmik isumannaatsumik pilersitsinissamut suut aporfiunersut pillugit UPA2025 nallertinnagu nassuiaasiornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut. Nalunaarsuiviup pilersinneqarnerata ingerlanneqarneratalu qanoq akeqarnissaannut naatsorsuinernik nassuiaat imaqassaaq.

Meeqqat immikkut pisariaqartitsisut piaarnerusumik kinaassusersillugillu misissorneqartarnissaat qularnaarniarlugu perorsaanikkut tarnikkullu siunnersuisarneq (Misi/PPR) eqqarsaatigalugu kommunit suleqatigalugit nunamut tamarmut najoqqutassianik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.

Kommunini inunnik isumaginninnikkut sagsbehandlerit ikippallaarneri, suliassallu amerlavallaarnerisa aaqqiivigineqarnissaat pillugu Naalakkersuisut nalunaarusioqqullugit Inatsisartut aalajangiiffigisassaattut siunnersuut. Nalunaarusiaq UPA2025-mi agguaanneqassaaq.

Nunatsinni nerisassiarineqartut pisiniarfinni akiinut suut tunngaviusarnerat pillugu Naalakkersuisut nassuiaasiornissamik peqquneqarnissaannik Inatsisartut aalajangiiffissaattut siunnersuut. Nioqqutissat akitigut pisisartunut pilerinarnerulersinniarlugit qanoq iliortoqarsinnaanera nassuiaammi ilanngullugu tikkuarneqassaaq. Nassuiaat kingusinnerpaamik UKA2025-mi saqqummiunneqarsimassaaq.

Suleqatigiissitamik immikkut ilisimasalinnik inuttaqartumik meeqqat atuarfiannik iluarsaaqqinnissamut kaammattuutitalimmik nalunaarusiortussamik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Tamanut tunngasunik kaammattuutit saniatigut nalunaarusiaq meeqqat autismemik; ADD/ADHD-mik annilaangasarnermillu nappaateqartunut sammisumik meeqqat atuarfianni immikkut ilinniartitsinernut neqeroorutinut kaammattuutinik imaqassaaq. Nalunaarusiaq UKA 2025-imut atatillugu Inatsisartunut agguaanneqassaaq.

Kommunit aningaasaqarnertik nammineernerullutik akisussaaffeqarnerullutillu aqussinnaalernissaat pillugu Naalakkersuisut UKA2025-mut nalunaarusioqqullugit peqquneqarnissaannik Inatsisartut aalajangiiffigisassaattut siunnersuut.

Kommunit nutaamik agguataarlugit aaqqissuunneqarnissaat pillugu Naalakkersuisut UPA2025-mut agguaassassamik nalunaarusioqquneqarnissaannik Inatsisartut aalajangiiffigisassaattut siunnersuut.

Najugaqatigiiffinni tamani pisortanit pigineqartuni ajornartorsiutip siusissukkut iliuuseqarfigineqartarnissaa siunertaralugu inissiani attartortittakkani aaqqissuussamik ikinnerpaamik ukiumut ataasiarluni oqoqassutsimik misissuisoqartalernerata aningaasatigut allaffissornikkullu kingunerisassaannik qulaajaaviusussamik Naalakkersuisut nassuiaasioqqullugit peqquneqarnissaannik Inatsisartut aalajangiiffigisassaattut siunnersuut. Nassuiaammi taamatuttaaq qitiusumik qarasaasiatigut paasissutissaasivimmik assigisaanilluunniit misissuinernik nalunaarsuiviusussamik pilersitsineq eqqarsaatigalugu tamatumani aningaasatigut kingunerisassai qulaajarneqassapput. Najugaqartunut oqummik sapigalinnut pisortallu inissiaataanni attartortittakkami oquttumi najugaqarsimanerup malitsigisaanik nappaateqalersimasunut immikkut ilisimasalinnit peqqissutsikkut ikiorsiinissamut tapersersuinissamullu neqerooruteqartoqartalerpat tamatuma aningaasatigut kingunerisassai nassuiaammi qulaajarneqassapputtaaq.

Aalisarneq pillugu EU-mut isumaqatigiissutip sivitsorneqannginnissaanik aammalu EU-mi OCTA-mut ilaasortaajunnaarnissamik suliniuteqarneq aallartisarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Suliaq kingusinnerpaamik ukioq 2025 naatinnagu naammasseriissaaq.

Ingerlatseqatigiiffiit akileraarutaata 20 procentimut apparneqarnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut. Appaaneq ulloq 1. januar 2025 atuutilissaaq.

Sumiiffinni aalajangersimasuni KNI A/S-ip pisiniarfiutai akilersinnaasumik ingerlasinnaasut pillugit Naalakkersuisut nalunaarusioqqullugit peqquneqarnissaannik Inatsisartut aalajangiiffigisassaattut siunnersuut. Pisiniarfiit taakku nioqqutissanik pilersuinissamut pisortaniit kiffartuussinissamut isumaqatigiissuteqarnissamut pisussaaffeqarunnaassapput. UPA2025 nallertinnagu nalunaarusiaq agguaanneqassaaq.

Namminersorlutik Oqartussani pisortaqarfiini allaffissornerujussuup millisarnissaa siunertaralugu, sulinerup pitsaassusaanik innaarliinngitsumik, periutsit suleriaatsillu suut atorunnaarsinneqarsinnaanersut pillugit Naalakkersuisut nalunaarusiornissaannik Inatsisartut aalajangiiffigisassaattut siunnersuut. Nalunaarusiaq UKA2026 nallertinnagu Inatsisartunut agguaanneqassaaq.

Inuusuttut ilinniarfiini, inuussutissarsiutinut ilinniarfinni ilinniarfinnilu ingerlaqqiffiusuni ilinniartut karakterimik qaffassarnissaannut misilitseqqissinnaalersinniarlugit malittarisassiornissamut Naalakkersuisut peqquneqarnissaannik Inatsisartut aalajangiiffigisassaattut siunnersuut.

Peqqissaanermi ikiortitut ilinniagaqarsimanerup pinngitsoorani peqqissaasutut ilinniaqqinnissamut aqqutaaleqqullugu peqqissaasutut ilinniartitaanerup aaqqissuussaanerani pisariaqartunik allanngortitsinissamik sulissutiginneqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.