Inatsisartoqarfik
UKA2025

Ullormut oqaluuserisassat

Ulloq immikkut ataatsimiiffiusoq siulleq, tallimanngorneq 17. oktobarip 2025, nal. 10:00
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Oqaluuserisassanut nassuiaat.
Inatsisartut Siulittaasoqarfiat
Imm./pkt.: 94
Siull. 17/10
Ilaqutariinnermut Peqqissutsimullu Ataatsimiititaliamut innersuunneqarpoq

Siullermeerinninnermut Naalakkersuisut allannguutissatut siunnersuuteqarput
Isertitat annertussusaat malillugit utoqqalinermi soraarnerussutisiat ilanngarneqartarunnaarlutilluunniit atorunnaarsinneqartarunnaarsillugit, Naalakkersuisut utoqqalinersiaqarneq pillugu Inatsisartut inatsisaannut allannguutissatut siunnersuummik suliaqarnissamik peqquneqarnissaannik Inatsisartunut aalajangiiffigisassatut siunnersuut. Allaannguutissatut siunnersuut UKA 2026-mi saqqummiunneqassaaq.
Inatsisartunut ilaasortaq Mariane Paviasen Jensen , Inuit Ataqatigiit
Imm./pkt.: 81
Siull. 17/10
Aalisarnermut, Piniarnermut Nunalerinermullu Ataatsimiititaliamut innersuunneqarpoq

Siullermeerinninnermut Naalakkersuisut allannguutissatut siunnersuuteqarput
Namminersorlutik Oqartussat nalunaarutaata iluarsaanneqarnissaa pillugu illersuinermut timmiarniarnermullu appanik taateraanillu piniarsinnaanerup nalaani peqassuseq aalaakkaasumik nalilerneqarsimappat zoneni aalajangersimasuni ulluni 30-ni sivitsorneqarnissaa pillugu Naalakkersuisut kingusinnerpaamik UKA2026 sumiiffikkaartumik attuumassuteqartunut tusarniaaqqullugit Inatsisartut aalajangiiffigisassaattut siunnersuut.
Inatsisartunut ilaasortaq Jens NapãtôK’, Naleraq
Imm./pkt.: 171
Siull. 17/10
Imm. 171 aamma 172 ataatsimut siullermeerneqassapput

Sanaartornermut Ataatsimiititaliamut innersuunneqarpoq
Meeqqat 18-inik ukioqalernissami tungaanut pisortat ingerlataannik angalatitsiviit aqqutigalugit angalasussaatillutik meeqqatut akeqalernissaat, aningaasatigut qanoq naleqassanersoq Naalakkersuisut misissuinissaannik Inatsisartut aalajangiiffigisassatut siunnersuut. Misissuineq meeqqat akikinnermik angalasarnerannut malittarisassat
allanngortinnissaannik tunngaviliissaaq, kingusinnerpaammilu UPA2026-mi inatsisartunut saqqummiunneqassalluni.
Inatsisartunut ilaasortaq Jens NapãtôK, Naleraq
Imm./pkt.: 172
Siull. 17/10
Imm. 171 aamma 172 ataatsimut siullermeerneqassapput

Sanaartornermut Ataatsimiititaliamut innersuunneqarpoq
Soraarninngornikut pisortat ingerlataannik angalatitsiviit aqqutigalugit akikinnerusumik angalasinnaanerat ukioq naallugu atuutilerpat aammalu soraarnerussutisiaqartunut billetsit ukioq kaajallallugu killeqanngitsumik pisiassaasinnaalerpata, soraarnerussutisiaqartut akikinnerusumik angalasarnerannut malittarisassat allanngortinnissaat siunertaralugu, qanoq naleqassanersoq Naalakkersuisut misissuinissaannik Inatsisartut aalajangiiffigisassatut siunnersuut. Misissuineq kingusinnerpaamik UPA2026-mi inatsisartunut saqqummiunneqassaaq.
Inatsisartunut ilaasortaq Jens NapãtôK, Naleraq
Imm./pkt.: 91
Inatsisissatut siunnersuutinik suliaqartarneq pillugu malitassiat atuuttut allanngortinneqarnissaat pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaalilluni inatsisissatut siunnersuutip nassuiaataani, nunat tamat akornanni pisussaaffinnut, nunat tamat akornanni Kalaallit Nunaanni Namminersorlutik Oqartussat malitassaanni pisussaaffinnut tunngatillugu inatsisissatut siunnersuummi inuit pisinanatitaaffiinut aamma nunap inoqqaavisa pisinnaatitaaffiinut tunngasunik nassuiaasiortoqartassalluni. Naalakkersuisut suleriaasiat nutaaq ulloq 1. januar 2026 atuutilissaaq.
Inatsisartunut ilaasortaq Mariane Paviasen Jensen, Inuit Ataqatigiit
Imm./pkt.: 145
Siull. 17/10
Imm. 145 aamma 147 ataatsimut siullermeerneqassapput

Inatsisinut Ataatsimiititaliamut innersuunneqarpoq

Aappassaaneerinninneq UPA2026-mut kinguartinneqarpoq
Pisortat suliffeqarfiutaanni tamani inuttassarsiuussinerit suliamut tunngasumik piginnaasaqarnissaat piumasaqaataassaaq, kalaallit oqaasinik piginnaasaqarneq ilanngullugu kiisalu kalaallit kulturiannut kalaallillu inuiaqatigiivinut ilisimasaqarnissaat pillugit Naalakkersuisut Inatsisartunut inatsisissamik suliaqaqqullugit peqquneqarnissaannik Inatsisartut aalajangiiffigisassaattut siunnersuut.
Inatsimmut siunnersuut UKA2026-mi kingusinnerpaamik saqqummiunneqassaaq.
Inatsisartuni Naleqqap Gruppia, Naleraq
Imm./pkt.: 147
Siull. 17/10
Allannguutissatut siunnersuut ataatsimiititaliamit isumaqatigiittumit saqqummiunneqartoq akuerineqarpoq

Akuerineqarpoq
Pisortat ingerlatsiviini kalaallit oqaasiisa pisortatigoortumik atuutsinneqalernissaasa saniatigut oqaatsit nutserneqartarnissaannut piumasaqaatip peersinneqarnissaa pillugu Naalakkersuisut allannguutissamik siunnersuummik suliaqaqqullugit Inatsisartut aalajangiiffigisassaattut siunnersuut.
Inatsisartunut ilaasortaq Pele Broberg, Naleraq