Aningaasaqarnermut Akileraartarnermullu Ataatsimiititaliap 2026-mi nalinginnaasumik ataatsimiittarnissaanut pilersaarut
Ataatsimiititaliap 2026-mi nalinginnaasumik ataatsimiittarnissai imaattut Aningaasaqarnermut Akileraartarnermullu Ataatsimiititaliamit aalajangersarneqarmata matumuuna nalunaarutigineqassaaq. Ataatsimiinnerit marlunngornerit allortarlugit nal. 13.00 nalinginnaasumik ingerlanneqartassapput.
7. aamma 22. januar
3. aamma 17. februar
3., 17. aamma 31. marts
14. aamma 28. april
12. aamma 26. maj
9. aamma 23. juni
Aningaasaqarnermut Ataatsimiititaliaq julip qaammataani nalinginnaasumik ataatsimiissanngilaq, taamaattumillu aalajangiiffigisassatut suliassat piffissami 30. juni – 1. august 2026-mi suliarineqarnissaat naatsorsuutigineqassanngilaq.
4. aamma 18. august
1., 15. aamma 29. september
13. aamma 27. oktober
10. aamma 24. november
1. aamma 15. december
Inatsisartut upernaakkut ukiakkullu ataatsimiinneranni ullut nalinginnaasumik ataatsimiiffiit pisariaqartitsineq malillugu inissinneqartassapput.
15. december ataatsimiinneq 2026-mi ataatsimiinnerit kingullersarissavaat. Decemberimi ataatsimiinnerit sulianik siusinnerusukkut nassiunneqartunik inaarsaanermut aallaavittut isigalugu taamaallaat atorneqartussatut naatsorsuutigineqarnerat malugeqquneqarpoq.
Ataatsimiinnissani taakkunani suliarineqartussatut kissaatigineqartunik Naalakkersuisut suliassaateqarunik, taakku ullut ataatsimiiffissatut siuliani taaneqartut sapaatip akunneranik sioqqullugit Aningaasaqarnermut Ataatsimiititaliap allattoqarfianit tiguneqareersimasussanngorlugit nassiunneqarsimasariaqarput. Atortussattaaq tamarmik qarasaasiakkut uunga aamma nassiunneqassapput: FU@ina.alla.gl.
Allakkat uku assilineqarnerinik Naalakkersuisoqarfiit tamarmik nassinneqarnissaat isumageqqullugu Aningaasaqarnermut Akileraartarnermullu Naalakkersuisoq Aningaasaqarnermut Akileraartarnermullu Ataatsimiititaliamit qinnuigineqarpoq.
Inussiarnersumik inuulluaqqusillunga
Erik Jensen
Aningaasaqarnermut Akileraartarnermullu Ataatsimiititaliap siulittaasua