Oqaluuserisassat oqaluuserineqarfissaasalu ullui
UKA/EM2014
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
Nal. 11:00-imiit 12:00-imut akunneq apeqquteqarfissaq.
( § 37 imm. 5, naapertorlugu)
(Uani tulleriiaarneri takukkit)
( § 37 imm. 5, naapertorlugu)
(Uani tulleriiaarneri takukkit)
()
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 3
Imaqanngilaq
()
Imm./pkt.: 4
Inatsisartut ataatsimiititaliaannut ataavartunut sinniisoqarfinnullu ilaasortassanik sinniisussaannillu qinersineq.
(Inatsisartut Siulittaasoqarfiat )
Siunnersuisoqatigiinnut aalajangiisartutullu ataatsimiititalianut ilaasortassanik sinniisussaannillu qinersineq.
(Inatsisartut Siulittaasoqarfiat)
Imm./pkt.: 6
2014-mi Inatsisartut ukiakkut ataatsimiinnissaata aalajangiiffigineqarnera.
(Inatsisartut Siulittaasoqarfiat)
Imm./pkt.: 7
(Imaqanngilaq)
Imm./pkt.: 8
Inatsisartut ilassutitut aningaasaliissutinut inatsisissaannut siunnersuut 2013.
(Aningaasaqarnermut Nunamullu Namminermut Naalakkersuisoq)
Imm./pkt.: 9
()
Imm./pkt.: 10
Aningaasaqarnikkut ingerlatsineq pillugu nalunaarut 2014.
(Aningaasaqarnermut Nunamullu Namminermut Naalakkersuisoq)
Imm./pkt.: 11
Nunatta Karsiata 2013-imut naatsorsuutaasa Inatsisartunit akuerineqarnissaat pillugu Inatsisartut aalajangiiffigisassaattut siunnersuut.
(Aningaasaqarnermut Nunamullu Namminermut Naalakkersuisoq)
Imm./pkt.: 12
2015-imi akileraarutitigut ilanngaatissat il.il. imatut angissusilerneqarnissaannik Inatsisartut aalajangiinissaannik siunnersuut:
1. Inummut ilanngaat............................kr. 48.000 (ukiumut)
2. Ilanngaat aalajangersimasoq...............kr. 10.000 (ukiumut)
3. Aningaasarsiat B-t akileraaruteqaataasussaanngitsut.kr.5.000 (ukiumut)
4. Killilimmik akileraartussaatitaasut ilanngaataatkr. 1.000 (ukiumut)
5. Kommuninut ataatsimut akileraarut...............................6%
1. Inummut ilanngaat............................kr. 48.000 (ukiumut)
2. Ilanngaat aalajangersimasoq...............kr. 10.000 (ukiumut)
3. Aningaasarsiat B-t akileraaruteqaataasussaanngitsut.kr.5.000 (ukiumut)
4. Killilimmik akileraartussaatitaasut ilanngaataatkr. 1.000 (ukiumut)
5. Kommuninut ataatsimut akileraarut...............................6%
(Aningaasaqarnermut Nunamullu Namminermut Naalakkersuisoq)
Imm./pkt.: 13
()
Imm./pkt.: 14
()
Imm./pkt.: 15
()
Imm./pkt.: 16
Nunat Avannarliit Killiit Siunnersuisoqatigiiffiata Savalimmiuni, Islandimi Kalaallit Nunaannilu naalakkersuisunut kaammattuutigaa nunat pineqartut akornanni peqqinnissaqarfimmi sulisussanik ilinniartitsisarneq pillugu suleqatigeeqqullugit kiisalu qularnaarniaqqullugu nunat pineqartut akornanni peqqinnissaqarfinni sulisut paarlaateqatigiittarnissaminnut periarfissaqarnissaat. Peqatigitillugu nunat pineqartut kaammattorneqarput tarnikkut nappaatinut tunngasutigut suleqatigiinnerup ineriartorteqqinneqarnissaanut periarfissat misissoqqullugit, napparsimasunik katsorsaasarneq sulisussanillu ilinniartitsisarneq eqqarsaatigalugit.
(Aallartitat siulittaasuat Lars-Emil Johansen)
Imm./pkt.: 17
Nunat Avannarliit Killiit Siunnersuisoqatigiiffiata Savalimmiuni, Islandimi Kalaallit Nunaannilu naalakkersuisunut kaammattuutigaa nunat pineqartut akornanni pilattaasarnermut tunngasut qitiutillugit peqqinnissaqarfiit akornanni suleqatigiittoqalernissaanut suliniuteqaqqullugit. Nunat pineqartut kaammattorneqarput tamanna pissarsiviusumik iluatissartaqartillugu pilattaasarnerit assigiinngitsut eqqarsaatigalugit akunnerminni piginnaasatik iluaqutiginiaqqullugit. Islandimit iviangikkut kræfteqalersimasumik pilattaasartoq ullumikkut Savalimmiuni atorneqalereersimavoq qaammatikkaartumik Savalimmiuliartarnikkut. Nunani pingasuni peqqissutsimut naalakkersuisut kaammattorneqarput taamatut periaaseqarneq annertusaqqullugu aamma suliassaqarfinnut allanut atuuttussanngorlugu, isumaqatigiissuteqaqqullugillu nunat tamarmik peqataanissaannik, sullissatut sullinneqartutullu.
(Aallartitat siulittaasuat Lars-Emil Johansen)
Imm./pkt.: 18
Nunat Avannarliit Killiit Siunnersuisoqatigiiffiata Savalimmiuni, Islandimi Kalaallit Nunaannilu naalakkersuisunut kaammattuutigaa nunani avannarlerni killerni innuttaasut akornanni arnat ikiliartornerannik ajornartorsiut pillugu nassuiaasioqqullugit. Sammisaq tamanna pillugu ilisimatuutut allaatigisani, ilisimatusarnermi isumaliutissiissutini misissuinernilu inerniliinerit nassuiaammi eqiterneqassapput aammalu arnat Nunani Avannarli Killerni pitsaanerusumik atugaqalernissaannut peqataaqataasinnaasunut suliniutinut siunnersuutinik imaqassalluni.
(Aallartitat siulittaasuat Lars-Emil Johansen)
Imm./pkt.: 19
Nunat Avannarliit Killiit Siunnersuisoqatigiiffiata Savalimmiuni, Islandimi Kalaallit Nunaannilu naalakkersuisunut kaammattuutigaa allanniarnermik atuarniarnermillu ajornartorsiuteqartunut atuartinneqarnissamik neqeroorut suleqatigiillutik nukittorsassagaat. Assersuutigalugu suliassaqarfimmi ataatsimut ilisimatusarnikkut aammalu nunat oqartussaasuisa susassaqartut suleqatigiinnissaata qulakkeerneratigut, taamaalilluni ilisimasanik iliuutsinillu pitsaanerpaanik avitseqatigiinnissaq qulakkeerneqarsinnaaqqullugu.
(Aallartitat siulittaasuat Lars-Emil Johansen)
Imm./pkt.: 20
Naalakkersuisut suliffissaaleqinerup ataavartumik akiorneqarnissaanik siunertaqartumik ataatsimoorussamik pilersaarummik piaartumik suliarinninnissamik peqquneqarnissaannik Inatsisartut aalajangiifigisassaattut siunnersuut. Pilersaarummi Sanaartugassanut Iluarsagassanullu Aningaasaateqarfimmi aningaasat uninngaannartut inuiaqatigiit akornanni sulisinneqalernissaannik, nunaqarfinni aalisakkerivinnik sullissinissamut isumaqatigiissutinut aningaasaliissutit amerlineqarnissaannik kiisalu illersorneqarsinnaasumik aalisagartassat amerlineqarnissaannik imaqassaaq. Pilersaarut Inatsisartut ataatsimiinneranni maanna ingerlasumi saqqummiunneqassaaq.
(Siumup Atassutillu Inatsisartunut ilaasortaatitai)
Imm./pkt.: 21
Nunatsinni annertuumik suliffissaaleqinerup piaartumik ataavartumillu annikillisinneqarnissaa siunertaralugu Naalakkersuisut ataatsimoortumik periusissamik Inatsisartunut saqqummiussaqarnissaannik Inatsisartut aalajangiiffigisassaattut siunnersuut.
(Inuit Ataqatigiit, Partii Inuit aamma Partii Naleraq Inatsisartunut ilaasortaatitai)
Imm./pkt.: 29
Inoqutigiit isertitaasa annertussusaat aallaavigalugu utoqqalinersiat ilanngaateqartinneqartarnerisa atorunnaarsinneqarnissaa siunertaralugu Utoqqalinermi pensionisiat pillugit Inatsisartut peqqussutaat nr. 3, 7. maj 2007-imeersup Naalakkersuisut kingusinnerpaamik UKA14-mi allanngortitsinissaat pillugu Inatsisartuni aalajangiiffigisassatut siunnersuut.
(Inatsisartunut ilaasortaq Kristian Jeremiassen, Siumut)
Imm./pkt.: 30
Danmarkimi kalaallit ilinniartut atugassaannik kollegienik sanaartornissaq siunertaralugu Naalakkersuisut suliassamik aallartitseqqullugit peqquneqarnissaannik Inatsisartut aalajangiiffigisassaattut siunnersuut.
(Siumup Atassutillu Inatsisartunut ilaasortai)
Imm./pkt.: 32
Siull. 15/10-2013
Imm. 29 aamma 32 ataqatigiisillugit siullermeerneqarput.
Ataatsimiititaliap allannguutissatut siunnersuutaat akuerineqarpoq.
Ataatsimiititaliap allannguutissatut siunnersuutaat akuerineqarpoq.
Utoqqalinersiuteqartut angerlarsimaffimminni ikiorteqartarnerminnut akiliisarunnaarnissaat siunertaralugu Inatsisartut peqqussutaat nr. 15, 20. november 2006-imeersumi § 29-ip allanngortinneqarnissaa siunertaralugu Naalakkersuisut siunnersuummik saqqummiusseqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Kristian Jeremiassen, Siumut)
Imm./pkt.: 34
Siull. 6/11-2013
Ataatsimiititaliap allannguutissatut siunnersuutaat akuerineqarpoq.
Inissianik attartortut piffissaq eqqorlugu akiliuteqartartut siunissami attartortunut akiliineq ajortunut akiliussisarnerannik aningaasartuutinullu taakku akilinngisaannik akiliisarnerannik pisussaaffeerullugit, inissianik akiliutit aalajangersarneqartarnerat pillugu maleruagassanut atuuttunut Naalakkersuisut allannguutissaannik siunnersuusiornissaat pillugu Inatsisartuni aalajangiiffigisassatut siunnersuut.
(Inatsisartunut Siumup ilaasortaatitai)
Imm./pkt.: 35
Siull. 16/10-2013
Inatsisinut Ataatsimiititaliap allannguutissatut siunnersuutaa akuerineqarpoq.
Kalaallit Nunaanni pinerluuteqarsimasut singernermikkut nalunaarsuuteqarlutik angerlarsimaffimmi pineqaatissinneqarsinnaalernissaat anguniarlugu, Naalakkersuisut Jusititsministerimut attaveqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortat Doris Jakobsen aamma Kristian Jeremiassen, Siumut)
Imm./pkt.: 36
Aappass. UKA 2014
Upernaviup eqqaani nunaqarfimmi Innaarsunni oqaluffiliornissamut Naalakkersuisut AIS15-imi 10 mio. koruuninik immikkoortitseqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Jens Immanuelsen, Siumut)
Imm./pkt.: 37
Imm. 37 aamma 104 ataqatigiisillugit siullermeerneqarput.
Aalisarnermut, Piniarnermut Nunalerinermullu Ataatsimiititaliap allannguutissatut siunnersuutaa akuerineqarpoq.
Aalisarnermut, Piniarnermut Nunalerinermullu Ataatsimiititaliap allannguutissatut siunnersuutaa akuerineqarpoq.
Qaanaami, Illoqqortoormiuni, Taasilami taakkualu nunaqarfiini nannunik aarrinik qilalukkanillu piniarnerup killilersorneqarunnaarsinnaanera, nunatta nunanik allanik isumaqatigiissutaasa pisussaaffiliinerisa iluani, periarfissaanersoq misissoqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Lars Mathæussen, Siumut)
Imm./pkt.: 38
Inuussutissarsiutiginagu aalisarsinnaaneq piniarsinnaanerlu aatsaat ukiut pingasut Kalaallit Nunaanni najugaqareersimagaanni pisinnaatitaaffinngornissaa siunertaralugu Naalakkersuisut UKA14-mut Aalisarneq pillugu inatsisartut inatsisaat nr. 18, 31. oktober 1996-imeersup kiisalu Piniarneq aallaaniarnerlu pillugit Inatsisartut inatsisaat nr. 12, 29. oktober 1999-imeersup allanngortinnissaannut siunnersuusioqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Lars Mathæussen, Siumut)
Imm./pkt.: 42
Aappass. UKA 2014
Inuit ilinnarnertuutut allamilluunniit ilinniakkamik naammassinnissimanermikkut oqaluttariarsornikkut allattariarsornikkullu tuluttoorsinnaasut qanoq meeqqat atuarfiini, piareersarfinni, sunngiffimmi ilinniartitaanerni suliffissaaleqisunulluunniit pikkorissarnerni tuluttut ilinniartitsisutut atorneqarsinnaanersut pillugu Naalakkersuisut nassuiaammik saqqummiussinissamik peqquneqarnissaannik Inatsisartut aalajangiiffigisassaattut siunnersuut. Nassuiaat kingusinnerpaamik 1. august 2015 Inatsisartunut agguaanneqassaaq.
(Inatsisartunut ilaasortaq Ruth Heilmann, Siumut)
Imm./pkt.: 44
Akileraarusersuinikkut iliuutsit aqqutigalugit Nunatsinni inuit aningaasatigut pissakinnerusut atugaasa, tamatumani anaanaasut ataataasullu kisimiittut arlariinnik meeraqartitertut oqilisaassiffigineqarsinnaanerat pillugu apeqquteqaat aallaavigalugu oqallisissiaq.
(Inatsisartunut ilaasortaq Aqqaluaq B. Egede, Inuit Ataqatigiit)
Imm./pkt.: 45
Aalisarnermut, Piniarnermut Nunalerinermullu Ataatsimiititaliap allannguutissatut siunnersuutaa akuerineqarpoq.
Nunalerinerup iluani imminut pilersorneq siuarsarneqarsinnaaqqullugu 2015-imut aningaasanut inatsisissami 5 mio. kr.-inik immikkoortitsinissamik Naalakkersuisut sulissuteqaqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Aqqaluaq B. Egede, Inuit Ataqatigiit)
Imm./pkt.: 46
2015 aallarnerfigalugu ICC-mut aningaasaliissutit 2 mio. kr.-nik ilallugit Naalakkersuisut immikkoortitseqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Aqqaluaq B. Egede, Inuit Ataqatigiit)
Imm./pkt.: 48
Innuttaasuni utoqqaat amerligaluttuinnarnerat eqqarsaatigalugu utoqqarnik isumassuinitsinnut ilaatillugu utoqqarnut ininik neqerooruteqartarnerput siumut sammisooqqullugulu ullutsinnut naleqquttooqqullugu utoqqarnut inissianut tunngatillugu suliassaqarfimmi pilersaarusiornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Aqqaluaq B. Egede, Inuit Ataqatigiit)
Imm./pkt.: 49
Nunatsinni timmisartunik suluusalinnik helikopterinillu timmisartuussinermi akit qaffaseqisut qanoq appartinneqarsinnaanersut, taamaalillunilu minnerunngitsumik nunaqarfimmiut illoqarfinnilu avinngarusimanerusuni najugaqartut isertitakinnerusullu qanoq siunissami angalanissaminnut akissaqalersinnaanersut pillugu apeqquteqaat aallaavigalugu oqallisissiaq.
(Inatsisartunut ilaasortaq Aqqaluaq B. Egede, Inuit Ataqatigiit)
Imm./pkt.: 50
Ujaqqanik pinnersaasiassanik annikitsumik aatsitassarsiornermik tunngaveqartumik kalaallit ujaqqanik pinnersaasiaannik avammut tunisassiornerup ineriartortinneqarnissaanut periarfissanik nassuiaasioqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Nassuiaat ujaqqanik pinnersaasiassanik kalaallit tunisassiaannik avammut tunisassiornerup akimmiffiinik periarfissaanillu aamma allaatiginniffioqquneqarpoq.
(Inatsisartunut ilaasortaq Aqqaluaq B. Egede, Inuit Ataqatigiit)
Imm./pkt.: 51
Kommunini politikkimi nunalu tamakkerlugu politikkimi angutit arnallu naligiinnerusumik sinniisoqalernissaat siumut isigaluni qanoq qulakkeerniarsinnaaneripput pillugu apeqquteqaat aallaavigalugu oqallittoqarnissaanik siunnersuut.
(Inatsisartunut ilaasortaq Naaja H. Nathanielsen, Inuit Ataqatigiit)
Imm./pkt.: 52
Aappass. UKA 2014
Atorfimmi peqquserlunnerup akiornissaanut Naalagaaffiit Peqatigiit isumaqatigiissutaannut Kalaallit Nunaata ilanngunneqarnissaanik matumalu aalajangiiffigisassatut siunnersuutip akuerineqarnerata kingunitsianngua tamatuma sulissutigineqalernissaa aallartinneqaqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Sara Olsvig, Inuit Ataqatigiit)
Imm./pkt.: 53
Inissiani attartortittakkani ineqarnermut tapiissutit pillugit Inatsisartut peqqussutaat nr. 3, 31. maj 2001-imeersup allanngotinneqarnissaa siunertaralugu Naalakkersuisut sulissuteqaqqullugit peqquneqarnissaannik Inatsisartut aalajangiiffigisassaattut siunnersuut, taamaaliornikkut ineeqqanik attartornermi ineeqqamut ataatsimut ineqarnermut tapiissutinik ukiumut 18.000 kr.-inik qummut killeqartussanngorlugu aammalu illunik attartornermi illumut ataatsimut kvadratmeterimut ukiumut 1.080 kr.-inik qummut killiliisoqarnissaa qulakkeerneqartussanngorlugu.
(Inatsisartuni ilaasortat Knud Kristiansen aamma Gerhardt Petersen, Atassut)
Imm./pkt.: 55
Inissialiornermut, illunut ataatsimoorussanut, illuliassanut il.il. tapersiissuteqartarneq pillugu Inatsisartut peqqussutaat nr. 11, 19. november 2007-imeersumi kapitali 4-ip allanngortinneqarnissaanik Naalakkersuisut sulissuteqaqqullugit peqquneqarnissaannik Inatsisartut aalajangiiffigisassaattut siunnersuut, taamaaliornikkut illuutit ataasiakkaat niuernermi naleqassusaannut naleqqussaasoqarnissaa qulakkeerneqarsinnaaqqullugu.
(Inatsisartuni ilaasortat Knud Kristiansen aamma Gerhardt Petersen, Atassut)
Imm./pkt.: 56
Inuussutissarsiornermut Ataatsimiititaliap allannguutissatut siunnersuutaa akuerineqarpoq.
Nunatsinni nukissiuuteqarnikkut niuernermik ingerlatsiviup, ikummatissanik pilersuivittut ingerlasup pisortanit pigineqartup Polaroil-ip KNI A/S-imit avissaartinneqarluni 1. Januar 2015-mit aallartittumik ingerlatseqatigiiffittut ingerlanneqalernissaa siunertaralugu Naalakkersuisut piareersaataasumik sulissuteqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartuni ilaasortat Knud Kristiansen aamma Gerhardt Petersen, Atassut)
Imm./pkt.: 57
Arnat angutillu ajornartorsiornerminni qimarngusariaqalernerminnilu naligiinnerusumik sullinneqarsinnaanissaat siunertaralugu Nunatsinni qimarnguiit atorneqarnerat pillugu aammalu tassunga tunngatillugu qimarnguiit pisariaqartinneqarnerat aammalu kommunit allallu qimarnguinnik ingerlatsiumasut nutaamik qimarnguiliortoqarnissaanut imaluunniit pioreersut iluarsartuunneqarnissaannut periarfissaqartinneqarnissaannik misissuisoqarnissaa siunertaralugu qimarnguiit pillugit Naalakkersuisut misissuinermik ingerlatsinissaannik Inatsisartut aalajangiiffigisassaattut siunnersuut
(Inatsisartuni ilaasortat Knud Kristiansen aamma Gerhardt Petersen, Atassut)
Imm./pkt.: 59
Siull. 15/10-2013
Ataatsimiititaliap allannguutissatut siunnersuutaat akuerineqarpoq.
Meerartaarnermut atatillugu Nunatsinni tulluarsakkamik aningaasaateqarfiliornissamut periarfissanik misissuinissaq siunertaralugu Naalakkersuisut suliffeqarnermik suliaqartunut isumaqatigiinniarnissamik aallarnisaanissaannut peqquneqarnissaannik Inatsisartuni aalajangiiffigisassatut siunnersuut. Meerartaarnermut atatillugu aningaasaateqarfiup akissarsiallit tamakkerlutik maanna ullormusiaqartitsinermiit pitsaanerusumik atugaqalernissaat qulakkiissavaa.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 60
Aatsitassanut ilinniarfiup Nunatta kujasissortaani immikkoortortaqarfeqalersinnaanera pillugu Naalakkersuisut misissueqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartuni ilaasortat Knud Kristiansen aamma Gerhardt Petersen, Atassut)
Imm./pkt.: 63
Atuartuni angajullerni klassinik inuussutissarsiornermi apeqqutini sammisaqartitsinikkut ilinniartitsisoqartalernissaa siunertaralugu Meeqqat atuarfianni peqqussut allanngortinneqassanersoq pillugu apeqquteqaat aallaavigalugu oqallittoqarnissaanik siunnersuut.
(Inatsisartunut ilaasortaq Ane Hansen, Inuit Ataqatigiit)
Imm./pkt.: 64
Siull. 7/11-2013
Soraarnerussutisiaqarluni ukiut angunerini annertuumik innarluutillit ikiorserneqarnissaat pillugu maleruagassat tunngavigalugit pisinnaatitaaffiisa annaaneqannginnissaanut isumannaarinninnissamut, Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 66
Siull. 12/11-2013
Ataatsimiititaliap allannguutissatut siunnersuutaat akuerineqarpoq.
Angajoqqaat meeqqaminnik arsaagaasimasut angusassamik toraagaqarluni suliniarfigineqarnissaannut siunnersuusioqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Angusassamik toraagaqarluni suliniarnermi siunertarineqassaaq 2014-imi upernaanerani ataatsimiinnissami, angajoqqaat meeqqaminnik arsaagaasimasut angajoqqaatut isumassuisinnaanikkullu nukittorsarneqarnissaat, taamaasillutik meeqqat angajoqqaaminnut angerlaqqissinnaaqqullugit.
(Inatsisartunut ilaasortaq Andreas Uldum, Demokraatit)
Imm./pkt.: 67
Inuusuttut suliffissaaleqinermik eqqugaasimasut aammalu allat suliffissaaleqinermik eqqugaasimasut pisortanit ikiorsiissutinik siunissami pisinnaanissaminnut tunngaviusumik pisinnaatitaaffigisassaat aammalu pisussaaffigisassaat suusinnaanersut pillugit apeqquteqaat aalaavigalugu oqallisissiaq
(Inatsisartuni ilaasortat Knud Kristiansen aamma Gerhardt Petersen, Atassut)
Imm./pkt.: 68
Aatsitassarsiortoqarnissaanut aammalu suliffissuaorujussualiortoqarnissaanut siunissami periarfissaalersinnaasut tunngavigalugit nunatsinnut tikisillugit suliartortitassatut pisariaqartinneqarumaartussat pillugit ersarissaassutaasumik nalilersuinermullu atorneqarsinnaasumik Inatsisartut 2014-mi ukiakkut ataatsimiinneranni saqqummiunneqartussamik Naalakkersuisut nassuiaasiornissaannik aalajangiiffigisassatut siunnersuut. Nassuiaammi ilaatinneqassapput isumaginninnikkut, kulturikkit aammalu ulluinnarni inuunermi kingunerusinnaasutut naatsorsuutigineqartut. Naalakkersuisut qinnuigineqarput nassuiaat naggaserneqassasoq sulisussanik pisariaqartitsinerup ersarissarneqarneranik tassungalu atatillugu kalaallit piginnaasaannut, sulilernissaminnut piareersimassusaannut aammalu nuttarsinnaanermut piareersimassusaannut tunngassuteqartut ersarissitinneqarnerannik.
(Inatsisartuni ilaasortat Knud Kristiansen aamma Gerhardt Petersen, Atassut)
Imm./pkt.: 69
Ulloq 1. januar 2015 inuit Anik isertitallit sulinermut ilanngaammik pisaleqqullugit Naalakkersuisut akileraartarnermut inatsimmik allanngortitsinissaq aningaasalersuinissarlu pillugit nassuiaammik saqqummiusseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Nassuiaat Inatsisartut 2014mi ukiakkut ataatsimiilerpata saqqummiuteqquneqarpoq, sulinermut ilangaaammik eqqussinerup aningaasatigut kingunissai 2015mut Aningaasanut Inatsit pillugu aalajangiinissamut atatillugu pingaarnersiuisoqalerpat ilanngunneqarsinnaaqqullugit.
(Inatsisartunut ilaasortaq Andreas Uldum, Demokraatit)
Imm./pkt.: 70
Aappass. UKA 2014
Pisortat ikiorsiissutaat pillugit Inatsisartut peqqussutaata allanngortinnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut, anguniarlugu sapaatip akunnerini sisamani mattussisoqartalernissaa, qinnuteqartoq imaluunniit pisortat ikiorsiissutaannik aningaasartuutinut aalajangersimasunut kiisalu aningaasartuutinut ataasiartakkanut pisartagalik pisimappat tunngavissaqanngitsumik soorlu Suliffissarsissussinerup itigartinneqarnera kingorna Suliffissarsissunneqarnerup kingorna suliartunngitsoortoqarsimappat imaluunniit Suliffissarsissunneqartoq nammineq soraarsimappat imaluunniit suliffik tunniunneqartoq qimaannarneqarsimappat imaluunniit nammineq pisuussutiminik pisartagalik soraarsitaasimappat.
(Inatsisartunut ilaasortaq Andreas Uldum, Demokraatit)
Imm./pkt.: 71
Kalaallit oqaasiisa takornartat oqaasiisut ilinnialernissaannut qanoq iliorluta inersimasunik kajumissuseqalersitsinissarput pillugu apeqquteqaat allaavigalugu oqallinnissamik siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 73
Qanoq iliorluni akileraarutinut A-nut ilanngaatip (sulinermut akileraarut) ukiuni tulliuttuni qaffatsaaliorneqarnissaa pillugu apeqquteqaat allaavigalugu oqallinnissamik siunnersuut.
Forslag til forespørgselsdebat om, hvordan man kan undgå at den samlede trækprocent på A-indkomst (skatten på arbejde) kommer til at stige de næste 5 år.
Forslag til forespørgselsdebat om, hvordan man kan undgå at den samlede trækprocent på A-indkomst (skatten på arbejde) kommer til at stige de næste 5 år.
(Inatsisartunut ilaasortaq Andreas Uldum, Demokraatit)
Imm./pkt.: 74
Naalakkersuisut allannguutissatut siunnersuutaat akuerineqarpoq.
Naalakkersuisut 2015mut Aningaasanut Inatsimmi Nuummi atlantiku ikaarlugu timmisartunut suluusalinnut mittarfiornissap misissorneqarnissaanut aningaasaleeqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 75
Kalaallit Nunaata Isiginnaartitsivia 2013misulli atugaqalersinnaaqqullugu 2015mut Aningaasanut Inatsimmi, konto pingaarnermut 40.05.05 mut Kalaallit Nunaata isiginnaartitsivianut 3 mio. Koruuninik immikkut aningaasaliisoqarnissaat pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Andreas Uldum, Demokraatit)
Imm./pkt.: 76
Ulloq 1. januar 2015 aallarnerfigalugu ukiuni tulliuttuni sisamani KNRmut aningaasaliissutit qaffannissaannut Naalakkersuisut peqquneqarnissaannik Inatsisartut aalajangiiffigisassaattut siunnersuut. Aningaasaliissutit ilassutaat tusagassiortut immikkut qaqilerilluni radiomi, tvmi qarasaasiamilu nutaarsiassalerinermut taamaallaat atorneqassapput
(Inatsisartunut ilaasortaq Andreas Uldum, Demokraatit)
Imm./pkt.: 78
Siull. 17/10-2013
Ataatsimiititaliap allannguutissatut siunnersuutaat akuerineqarpoq.
Atuarfik pillugu Inatsisartut inatsisaat nr. 15, 3. december 2012-imeersumi § 25, imm. 4-imi aamma § 36, imm. 1-imi aalajangersarneqartut naapertorlugit meeqqanut inuusuttunullu inerikkiartornermikkut kingusissunut nerisaqarfigiutigalugu atuarfittut immikkut ilusiligaasumik suli ataatsimik pilersitseqqullugit ingerlatseqqullugillu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 79
EU-p naatsorsuutinut malitassiaa Folketing-imit atortuulersinneqarlunilu akuersissutigineqareerpat, danskit ukiumut naatsorsuusiortarneq pillugu inatsisaat Kunngip peqqusineratigut Kalaallit Nunaanni aamma atortuulersinneqarnissaa siunertaralugu Naalakkersuisut naalagaaffimmut saaffiginnissuteqaqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Sara Olsvig Inuit Ataqatigiit)
Imm./pkt.: 83
Siull. 22/10-2013
Dansk Institut for Internationale Studier, DIIS, pillugu inatsisip Kalaallit Nunaannut atortuulersinneqarnissaanut Naalakkersuisut peqquneqarnissaannut Inatsisartut aalajangiiffigisassaattut siunnersuut, tassa imaalisinnaanngorlugu Inatsisartut Naalakkersuisullu DIIS-miit nalunaarutinik nassuiaatinillu piniarsinnaanngorlugit, Inatsisartut Naalakkersuisullu DIIS-imik atuisinnaanerat annertusarlugu.
(Inatsisartunut ilaasortaq Sara Olsvig Inuit Ataqatigiit)
Imm./pkt.: 87
Naalakkersuisut telemik niuernerup piviusumik unammilleqatigiiffiunissaanik ammaassillutik kingusinnerpaamik UPA 2014-imi inatsisitigut aaqqiissuteqarnissaq pillugu saqqummiussinissamut pisussaaffilerneqarnissaannik Inatsisartut aalajangiussassaattut siunnersuut, taamaalillutik internetimik neqeroorutillit nutaat niuerfimmut isersinnaalerniassammata. Tamatumunnga ilanngullugu qulakkeerneqartariaqarpoq telemik niuernermi pilersuisussaatitaaneq attatiinnarneqassasoq pilersuisussaatitaanermilu amigartooruteqarneq telemik ingerlatallit ersoqatigiillutik matussusertassagaat.
(Inatsisartunut ilaasortaq Naaja Nathanielsen, Inuit Ataqatigiit)
Imm./pkt.: 88
Siull. 17/10-2013
Naalakkersuisut Aatsitassanut inatsimmut UPA 14-imut allannguutissatut siunnersuummik saqqummiussinissamut pisussaaffilerneqarnissaat pillugu Inatsisartut aalajangiussassaattut siunnersuut, taamaalilluni uran aamma thorium atominit qaartartuliornermi atortussiassatut nassuiarneqartussanngorlugit aamma suliareqqitaanatik saffiugassatut (ore) pissuseqartillugit, taamaalilluni inatsimmi atortussiassat radiop qinngornerinik navianartunik akullit atortussiassallu allat ersarissumik immikkoortinneqaleqqullugit, avatangiisinut tunngasutigut piumasaqaatit eqqarsaatigalugit tamatumani aamma ilanngullugit piiaanermit sinnikorineqartut (tailings) aammalu piiaaffiusimasup matuneqarnerani igitassat.
(Inuit Ataqatigiit Inatsisartuni ilaasortaatitaat)
Imm./pkt.: 90
Siull. 9/10-2013
Naalakkersuisut allannguutissatut siunnersuutaat akuerineqarpoq.
Aatsitassarsiorfinni atorneqartussani dieseli ikummatigalugu nukissiuutini atortulersuutit NOx-inik taaguutillit millisaatitut atorneqartalernissaat siunertaralugu Naalakkersuisut UPA 14-imut inatsisissatut siunnersuummik saqqummeeqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Sara Olsvig Inuit Ataqatigiit)
Imm./pkt.: 96
Qamutinut motoorilinnut akitsuutitigut isertitat konto 24.11.11-mi naatsorsuutit kingulliit aallaavigalugit isertitaasut affaasa sinerissami aqqusinigissaanernut aqqusinniornernullu atugassanngorlugit immikkoortinneqartalernissaat sulissutigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Anders Olsen, Siumut)
Imm./pkt.: 98
Nunatsinni umiarsuarni aqumiutut ilinniarsimasut suliffissaqarnikkut periarfissaat qanoq pitsaanerulersinneqarsinnaanersut qulaajarumallugu apeqquteqqaat aallaavigalugu oqallinnissamik siunnersuut.
(Inatsisartunut ilaasortat Saxtorph Didriksen aamma Lars Mathæussen, Siumut)
Imm./pkt.: 99
Naalakkersuisut allannguutissatut siunnersuutaat akuerineqarpoq.
2015-imiit 2018 ilanngullugu kommuneqarfinni tamani ataatsimik ivigaasanik qallikkamik arsaattarfiliornissaq siunertaralugu Namminersorlutik Oqartussat Kommuneqarfiillu isumaqatigiissusiornissaat isumageqqullugu kiisalu isumaqatigiissummi kommunit ivigaasanik qallikanik arsaattarfiit ingerlanneqarnerannut aserfallatsaaliorneqarnerannullu akisussaaffiup naammassinissaanut isumaqatigiissusiornissaq isumageqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Anders Olsen, Siumut)
Imm./pkt.: 101
Tupat puuini tamani 1. juni 2015-imiit mianersoqqussutinik assitalersuisoqartalernissaa suliareqqullugu Naalakkersuisut peqquneqarnissaannik Inatsisartut aaliangiiffigisassaattut siunnersuut.
(Inatsisartunut ilaasortaq Kristian Jeremiassen, Siumut)
Imm./pkt.: 102
Meeqqat atuarfiani naammassisut inuuniarnermikkut piginnaasakkullunniit patsiseqartumik ilinniagaqalinngitsoortartut perorsimanerulernissaat piginnaanngorsarnissaat piumassuseqarnerulernissaallu siunertaralugu Naalakkersuisut misissuinissamik aallartitseqqullugit Inatsisartut aalajangiiffigisassaattut siunnersuut. Misissuineq 2015-imi upernaakkut ataatsimiinnermi nalunaarusiamik agguaassinermik inerneqassaaq.
(Inatsisartunut ilaasortaq Evelyn Frederiksen, Siumut)
Imm./pkt.: 103
Pisortat inissiaataannik attartortut inissiat pitsaassusaat aallaavigalugu, immikkoortortaqarfiit aningaasaqarnerannut ajorseriaataanngitsumik, attartornermut akiliuteqartalersinnaanerannut periarfissat misissoqqullugit kiisalu misissuinermi ilanngullugu attartornermut akiliutit attartortullu akiliisinnaassusaat eqqarsaatigalugit ineqarnermut tappiissutit naapertuunneersut misissoqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Kristian Jeremiassen, Siumut)
Imm./pkt.: 104
Imm. 37 aamma 104 ataqatigiisillugit siullermeerneqarput.
Siumup allannguutissatut siunnersuutaa akuerineqarpoq.
Siumup allannguutissatut siunnersuutaa akuerineqarpoq.
Kitaani ukiukkut aaffanniartarnerup januarip 15.-iat aallarnerfigalugu martsip 15.-iat ilanngullugu ingerlanneqartartussanngorlugu Naalakkersuisut Aavernik illersuineq piniarnerlu pillugit Namminersornerullutik Oqartussat nalunaarutaat nr. 20, 27. oktober 2006-imeersoq-p allanngortinneqarnissaannik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Nikolaj Jeremiassen, Siumut)
Imm./pkt.: 105
Siunissami portørit nakorsaatinik anniarunnaarsitsisartunik nakorsaasiisinnaanngorlugit portøritut ilinniartitaanerup annertusineqarnissaannik aallartitsinissamik Naalakkersiusut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 106
Sinerissap qanittuani qaleralinniarnermi Upernaviup, Uummannap Qeqertarsuullu aqutsiveqarfiini aqutsiveqarfiit titartagaanerisa siunnersuutip tunngavilersuutaani allattorsimanerattuut kiisalu ilanngussani
(Inatsisartunut ilaasortaq Karl-Kristian Kruse, Siumut)
Imm./pkt.: 109
Kalaallit Nunaata Nunavullu allaffissornikkut politikikkullu suleqatigiinnerulersinnaanerannut periarfissat pillugit kiisalu niueqatigiinnerulersinnaanermut periarfissat pillugit nassuiaasiornissamik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Doris Jakobsen, Siumut)
Imm./pkt.: 110
Raajarniarnermi qalunut ristit atorneqartartut susassaqartut peqatigalugit nalilersuiffigeqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Tassani raajarniarnerup inuussutissarsiutaanerata pitsanngorsarnissaa piujuaannartitsinerlu ataavartumik ingerlanneqarnissaa siunertaallutik.
(Inatsisartunut ilaasortaq Saxtorph Didriksen, Siumut)
Imm./pkt.: 111
Nunatsinni innarluutilinnik sullissisuusut ilinniagaqarnissamut piginnaanngorsarnissamullu pisariaqartitaat aallaavigalugit Naalakkersuisut iliuusissamik suliassamullu piareersaasiamik innarluutilinnik sullissinermi piginnaanngorsarnissamut pisariaqartitat tamakkiisumik pigilernissaannut tikkuussisunik UPA 2015-mut saqqummiusseqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Ruth Heilmann, Siumut)
Imm./pkt.: 119
Qamutit motoorillit akileraarutaat pillugit Inatsisartut inatsisaata allanngortinneqarnera pillugu Inatsisartut inatsisaat nr. XX, XX. XX 2014-imeersoq.
(Aningaasaqarnermut Nunamullu Namminermut Naalakkersuisoq)
Imm./pkt.: 120
Naalakkersuisut allannguutissatut siunnersuutaa akuerineqarpoq.
Uunga siunnersuut: Qalerallit avataasiorluni aalisarnermi pisarineqartut akitsuutaat pillugu Inatsisartut inatsisaata allanngortinneqarnera pillugu Inatsisartut inatsisaat nr. XX, XX. XXX 2014-imeersoq.
(Aningaasaqarnermut Nunamullu Namminermut Naalakkersuisoq)
Imm./pkt.: 121
Uunga siunnersuut: Akileraaruserinermik ingerlatsineq pillugu Inatsisartut inatsisaata allanngortinneqarneranik Inatsisartut inatsisaat nr. xx, xx 2014-imeersoq.
(Aningaasaqarnermut Nunamullu Namminermut Naalakkersuisoq)
Imm./pkt.: 124
Aappass. UKA 2014
Pingajuss. UKA 2014
Pingajuss. UKA 2014
Uunga siunnersuut: Tuniniaanissamik nittarsaassisarneq aamma nalunaaqutsersuisarneq pillugu Inatsisartut inatsisaat nr. xx, xx 2014-imeersoq (tuniniaanissamik nittarsaassisarnermut inatsit)
(Inuussutissarsiornermut Aatsitassanullu Naalakkersuisoq)
Imm./pkt.: 125
Uunga siunnersuut: Unammilleqatigiinneq pillugu Inatsisartut inatsisaat nr. xx, xx. 2014-imeersoq (unammilleqatigiinnermut inatsit).
(Inuussutissarsiornermut Aatsitassanullu Naalakkersuisoq)
Imm./pkt.: 126
Uunga siunnersuut: Suliffeqarnermi innersuussisarneq il.il. pillugit Inatsisartut inatsisaat nr. xx, xx 2014-imeersoq.
(Inuussutissarsiornermut Aatsitassanullu Naalakkersuisoq)
Imm./pkt.: 127
Uunga siunnersuut: Suliffeerunnermi ikiorsiissutit pillugit Inatsisartut inatsisaat nr. xx, xx 2014-imeersoq
(Inuussutissarsiornermut Aatsitassanullu Naalakkersuisoq)
Imm./pkt.: 128
Uunga siunnersuut: Sermip erngullu avammut nioqqutissatut atorneqarnissaat pillugu Inatsisartut inatsisaata allanngortinnissaanut siunnersuut nr. 7 31. maj 2001-imeersoq (sermip erngullu avammut nioqqutiginissaannut inatsit).
(Inuussutissarsiornermut Aatsitassanullu Naalakkersuisoq)
Imm./pkt.: 129
Aappass. UKA 2014
Pingajuss. UKA 2014
Pingajuss. UKA 2014
Siunnersuut uunga: Kalaallit Nunaata Aatsitassarsiornermi Aningaasaateqarfia pillugu Inatsisartut inatsisaata allanngortinnissaa pillugu nr. 6 5. december 2008-imeersoq Inatsisartut inatsisaat nr. xx, xx.xxxx-imeersoq.
(Inuussutissarsiornermut Aatsitassanullu Naalakkersuisoq)
Imm./pkt.: 130
Aappass. UKA 2014
Pingajuss. UKA 2014
Pingajuss. UKA 2014
Uunga siunnersuut: Sumiiffinni nunami aalajangersimasuni takornariartitsinermut akuersissuteqartarnissaq pillugu Inatsisartut inatsisaat nr. 19, 3. december 2012-imeersup allanngortinnissaa pillugu Inatsisartut inatsisaat nr. xx, xx.xxx-imeersoq.
(Inuussutissarsiornermut Aatsitassanullu Naalakkersuisoq)
Imm./pkt.: 131
Ataatsimiititaliap allannguutissatut siunnersuutaa akuerineqarpoq.
Kalaallit-nunaanni nunat allamiut pillugit inatsisip allannguutissaata atuutilernissaanut aalajangersagaliornissaq pillugu Inatsisartut aalajangernissaat pillugu siunnersuut (Nunamut isernissamut malittarisassat ataatsimoorussat allassimanngitsut (isernissamut malittarisassat) pillugit peqqussummik pilersitsinissaq, paasisassarsiorluni suliaqarnerit assigisaallu pillugit maleruagassanik aalajangersaanissamut pisinnaatitaaffilliinissaq.)
(Inuussutissarsiornermut Aatsitassanullu Naalakkersuisoq)
Imm./pkt.: 132
Siunnersuut uunga: Inatsisartut inatsisaat nr. xx ulloq xx xxxx Aatsitassat pillugit ingerlatallu tamatumunnga pingaarutillit pillugit inatsisartut inatsisaannut nr. 7, 7. december 2009-immersoq allannguutissamut tunngasoq (aatsitassat pillugit inatsit)
(Inuussutissarsiornermut Aatsitassanullu Naalakkersuisoq)
Imm./pkt.: 134
Pilersaarutit annertuut sanaartornerisa nalaanni nunanit allamiut najugaqalernissamut sulinissamullu akuerineqarsinnaanerat pillugu Kalaallit Nunaannut Inatsisip Kalaallit Nunaannut atuutilernissaa pillugu oqaaseqaateqarnissamut Inatsisartut aalajangiinissaanut siunnersuut.
(Inuussutissarsiornermut Aatsitassanullu Naalakkersuisoq)
Imm./pkt.: 135
Inuit Ataqatigiit allannguutissatut siunnersuutaat akuerineqanngilaq, siunnersuut inaarutaasumik akuerineqarpoq.
Kalaallit Nunaanni eqqartuussisarnermut inatsisip allanngortinneqarnera pillugu Kalaallit Nunaanni inatsisip atuutsinneqalernernissaanut Namminersorlutik Oqartussat oqaaseqaataat pillugu Inatsisartut aalajangiiffigisassaattut siunnersuut. (Eqqartuussiviit il.il. suliniuteqarfigineqarnerulernissaat)
(Ilaqutariinnermut Inatsisinillu Atuutsitsinermut Naalakkersuisoq)
Imm./pkt.: 136
Inatsiseqarnermut Ataatsimiititaliap allannguutissatut siunnersuutaat akuerineqarpoq.
Kalaallit Nunaanni pinerluttulerinermut inatsisip aamma eqqartuussisarnermut inatsisip allanngortinneqarnerat pillugu Kalaallit Nunaanni inatsisit atuutsinneqalernernissaannut Namminersorlutik Oqartussat oqaaseqaataat pillugu Inatsisartut aalajangiiffigisassaattut siunnersuut. (Tarnikkut napparsimasut pineqaatissinneqarnikkut uninngasut aamma meeqqanik il.il. video aqqutigalugu apersuisarneq pillugit Kalaallit Nunaanni tarnikkut nappaatinut inatsimmik atuisarneq)
(Ilaqutariinnermut Inatsisinillu Atuutsitsinermut Naalakkersuisoq)
Imm./pkt.: 137
Aappass. UKA 2014
Pingajuss. UKA 2014
Pingajuss. UKA 2014
Siunnersuut: Meeqqanut inuusuttunullu ikiorsiisarneq pillugu Inatsisartut inatsisaat nr xx, xx 2014-imeersoq.
(Ilaqutariinnermut Inatsisinillu Atuutsitsinermut Naalakkersuisoq)
Imm./pkt.: 138
Aappass. UKA 2014
Pingajuss. UKA 2014
Pingajuss. UKA 2014
Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaata allanngortinneqarnissaa pillugu Inatsisartut inatsisaat nr. xx, xx. xxxx 2014-imeersumut siunnersuut.
(Avatangiisinut Pinngortitamullu Naalakkersuisoq)
Imm./pkt.: 139
1: Naalakkersuisut allannguutissatut siunnersuutaat akuerineqarpoq.
2: Inuussutissarsiornermut Ataatsimiititaliap isumaliutissiissutaa tunngavigalugu Naalakkersuisut allannguutissatut siunnersuutaat akuerineqarpoq.
2: Inuussutissarsiornermut Ataatsimiititaliap isumaliutissiissutaa tunngavigalugu Naalakkersuisut allannguutissatut siunnersuutaat akuerineqarpoq.
Uunga siunnersuut: Erngup nukingata innaallagissiornermut atorneqartarnera pillugu Inatsisartut inatsisaat nr. x, x. [qaammat] 2014-imeersoq.
(Avatangiisinut Pinngortitamullu Naalakkersuisoq)
Imm./pkt.: 142
Nunatta pissarititaanik inuussutissanik nunatta avataanit eqqussunneqartunik akimikkut unammillersinnaasunik qanoq ililluta nerinerulernissarput angussinnaavarput. Nunanik allaniit inuussutissat eqqussorneqartut CO2-mik migutsitsinermut akileraarusersorneratigut nunatta iluani inuussutissanik siammaaneq akikinnerulersissinnaavarput, aqqutissat allat orniginartut suusinnaappat.
(Inatsisartunut ilaasortaq Ane Hansen, Inuit Ataqatigiit)
Imm./pkt.: 143
Siunnersuut uunga: Ilinniarnertuunngorniarneq pillugu Inatsisartut inatsisaata allanngortinnera pillugu Inatsisartut inatsisaat nr. XX, XX.XXX 2014-imeersoq.
(Ilinniartitaanermut, Ilageeqarnermut, Kultureqarnermut Naligiissitaaner-mullu Naalakkersuisoq)
Imm./pkt.: 144
Siunnersuut uunga: Atuagaateqarfiit pillugit Inatsisartut inatsisaat nr. XX af XX.XXX 2014-imeersoq.
(Ilinniartitaanermut, Ilageeqarnermut, Kultureqarnermut Naligiissitaaner-mullu Naalakkersuisoq)
Imm./pkt.: 145
Naalakkersuisut allannguutissatut siunnersuutaat akuerineqarpoq.
Siunnersuut uunga: Radiukkut tv-kkullu aallakaatitsisarneq pillugu Inatsisartut Inatsisaat nr. XX, XX.XXX 2014-imeersoq.
(Ilinniartitaanermut, Ilageeqarnermut, Kultureqarnermut Naligiissitaaner-mullu Naalakkersuisoq)
Imm./pkt.: 150
Aningaasaateqarfiup aningaasaataasa ilaannit procentit qassit ukiumut atugassiarineqarsinnaasanersut erseqqissaavigineqarsinnaaqqullugu Aatsitassarsiornermi Aningaasaateqarfik pillugu Inatsisartut inatsisaannut nr. 6, 5. december 2008meersumut allannguutissamik saqqummiussinissaannik Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Naaja H. Nathanielsen, Inuit Ataqatigiit)
Imm./pkt.: 151
Danmarkip Aarhusimi isumaqatigiissummik (innuttaasut avatangiisit pillugit paasissutissanik pissarsisinnaanerinut, avatangiisinut suliassaqarfimmi aalajangiinernut peqataasinnaanerinut aammalu maalaaruteqarsinnaanerinut eqqartuussivitsigullu misiliisinnaanerinut tunngasumik) akuersinerani Kalaallit Nunaannut tunuarsimaarfiginninnerup atorunnaarsinneqarnissaanik sulissuteqaqqullugit, aammalu aalajangiiffigisassatut siunnersuutip matuma akuerineqarnerata kingunitsianngua sulineq tamanna aallartinneqaqqullugu Naalakkersuisut peqqunneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Sara Olsvig, Inuit Ataqatigiit)
Imm./pkt.: 152
Kalaallit Nunatsinni dialysertartut amerlanerit Nunatsinni dialysertarnissaat anguniarlugu iliuusissamut pilersaarummik sanaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Iliuusissanut pilersaarut saqqummiuteqquneqarpoq kingusinnerpaamik Inatsisartut 2015-mi upernaakkut ataatsimiinneranni.
(Inatsisartunut ilaasortaq Mimi Karlsen, Inuit Ataqatigiit)
Imm./pkt.: 153
Kalaallit Nunatsinni ilinniarfinni tamani ilinniartut pisariaqartitsineq naapertorlugu danskisut pikkorissarneqarnissamik periarfissinneqaqqullugit Ilinniartitaanermut Pilersaarutaat II-mut Naalakkersuisunit qulakkeerneqaqqullugu Inatsisartut aalajangiiffigisassaattut siunnersuut.
(Inatsisartunut ilaasortaq Mimi Karlsen, Inuit Ataqatigiit)
Imm./pkt.: 154
Naalakkersuinikkut arlaannaannulluunniit attuumassuteqanngitsunik siunnersuisoqatigiinnik pilersitsisinnaaneq pillugu UKA2014-imut nassuiaasioqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Siunnersuisoqatigiit aatsitassarsiornermi aningaasaliisartut sanngisuussusiat aningaasaliisussarsiornermullu pilersaarutaat pillugit inassuteqaasiortassapput, pilersaarutit aalajangersimasut sanngisuussusiat pillugu paasissutissiisassallutik kiisalu aatsitassarsiornermi pilersaarutit ataasiakkaat siunissaq ungasinnerusoq eqqarsaatigalugu piujuartitsineq tunngavigalugu inuiaqatigiinni ineriartortitsinermik nassataqarnissaat siuarsaaqataaffigissallugu. Tamanna pillugu siunnersuisoqatigiit Naalakkersuisunut innuttaasunullu inassuteqaasiortassapput. Siunnersuisoqatigiit katitigaanerat, akissarsiaat pisinnaatitaanerilu pillugit ilutsit periarfissaasinnaasut nassuiaammi ilanngullugit nalilersorneqassapput.
(Inatsisartunut ilaasortat Naaja H. Nathanielsen aamma Sara Olsvig, Inuit Ataqatigiit)
Imm./pkt.: 155
Kultureqarnermut, Ilinniartitaanermut, Ilisimatusarnermut Ilageeqarnermullu ataatsimiititaliami amerlanerussuteqartut Siumumeersut, Inuit Ataqatigiinneersut aamma Partii Inuineersut allannguutissatut siunnersuutaat akuerineqarpoq.
Kalaallit Nunatsinni efterskolimik allisitamik, Tasiilami inissinneqartussamik, 2015-imi pilersitsinissaq pillugu Naalakkersuisut siunnersuusiornissamik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Harald Bianco, Inuit Ataqatigiit)
Imm./pkt.: 156
Sinerissami tarnimikkut napparsimasut sullinneqarnerisa pitsaassusaata ukiut tamaasa nalilersuiffigineqartarnissaa siunertaralugu Naalakkersuisut peqquneqarnissaannik Inatsisartut aalajangiiffigisassaattut siunnersuut. Naliisussat tassaassapput atuisut sulisullu ulluinnarni pineqartunik passussisartut.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 157
Sinerissami tarnimikkut nappaatillit assigiiaarnerusumik pitsaanerusumillu sullinneqarnissaat anguniarlugu Namminersorlutik Oqartussat kommunillu qanoq iliuuseqarsinnaanerat pillugu apeqquteqaat aallaavigalugu oqallisissiaq.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 158
Inuusuttut inersimasullu innarluutillit atuartinneqarnissaannut, ilinniagaqalernissaannut suliffeqarnissaannullu kommunit inatsisit atuuttut naapertorlugit sunik pisussaaffeqarnerannik Naalakkersuisut erseqqissaassuteqaqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 160
Nunatsinni inuusuttut inuiaqatigiinni kiffartuusseqataanissaat anguniarlugu minnerunngitsumillu suliffissaaleqisut nunaqarfinni illoqarfinnilu kiffartuusseqataanermi periarfissaqartinneqarnissaat nunattalu iluani kiffartuusseqataanikkut suleqataanissaat anguniarlugu kommuunit peqataatillugit periarfissanik qulaajaanissamik misissuisoqarnissaanik oqallinnissamik siunnersuut.
(Inatsisartunut ilaasortaq Hans Enoksen, Partii Naleraq)
Imm./pkt.: 165
Nunaqarfinni illoqarfinnilu isorliunerusuni ineqarniarnikkut pissutsit ilungersunartut qaangerniarlugit illunik nutaanik kiisalu aserfallassimasunik nutarterinissamik anguniaqarluni suliaqartoqarnissaa pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Hans Enoksen, Partii Naleraq)
Imm./pkt.: 169
Issittoq atomip nukinganik atuiffiunngitsoq pillugu politikkimik suliniuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Sara Olsvig, Inuit Ataqatigiit)
Imm./pkt.: 171
Nunatsinni qanoq iliorluta, inoqarfiit annerit inoqarfiillu minnerit avinngarusimasullu eqqarsaatigalugit inuuniarnikkut atugassarititaasut, assersuutigalugu nerisassanik peqqinnartunik pisiassaqarneq, kiassarnermut kallerup inneranut, imermullu akit eqqarsaatigalugit, qanoq nammaqatigiinnerusinnaanerput pillugu apeqquteqaat aallaavigalugu Inatsisartut oqallinnissaannik siunnersuut.
(Inatsisartuni ilaasortaq Juliane Henningsen, Inuit Ataqatigiit)
Imm./pkt.: 172
Inuiaqatigiit kissaataat tunngavigalugit nunap ilaani aatsitassarsiorfissanik inerisaaviusussanik pilersitsinissaq aammalu nunap ilaani allani avatangiisit, ilorrisimaarneq, inuussutissarsiutit pioreersut assigisaalluunniit tunngavigalugit aatsitassarsiorfigineqarusunngitsunik pilersitsinissaq pillugu oqallisissiamik saqqummiusseqqullugit Naalakkersuisut peqquneqarnissaanik Inatsisartut aalajangiiffigisassaattut siunnersuut. Oqallisissiaq innuttaasunik, soqutigisaqaqatigiinnik aalajangiisartunillu peqataatitsinikkut amerlasuunit akuuffigineqartumik oqallinnissamut toqqammaviussaaq. Oqallisissiaq 2015-imi upernaakkut ataatsimiinnissaq nallertinnagu naammassineqareersimassaaq.
(Inuit Ataqatigiit Inatsisartuni gruppianni ilaasortat)
Imm./pkt.: 173
Issittoq atominik sakkulianik atuiffiunngitsoq pillugu politikkimik suliniuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inuit Ataqatigiit Inatsisartuni gruppianni ilaasortat)
Imm./pkt.: 175
Apeqquteqaat aallaavigalugu teknologimut nutaamut misileraavimmik assersuutigalugu qillerinernut, avatangiisinik eqqarsaatiginninnermut uuliakoortoqarsimatillugulu saliinernut atatillugu ilinniarfinnut, aatsitassarsiornermi ingerlatseqatigiiffinnut kattuffinnullu allanut ilisimatusarnermi, misileraanermi takussutissiornermilu neqeroorfiusartussamik pilersitsinissaq pillugu oqallisissiatut siunnersuut.
(Inatsisartunut ilaasortaq Naaja H. Nathanielsen, Inuit Ataqatigiit)
Imm./pkt.: 176
Meeqqat inuusuttullu 16-init 24-nut ukiullit annertuumik innarluutillit Kalaallit Nunaata avataani uninngagallartut ukiumut marloriarlutik Kalaallit Nunaannut tikeraarluni angalanermut pisinnaatitaaffeqassasut erseqqissaavigeqqullugu qulakkeerneqaqqullugulu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Agathe Fontain, Inuit Ataqatigiit)
Imm./pkt.: 189
Isorliunerusuni nunaqarfinni nioqqutissatigut, kiffartuussinermi akitigut, aammalu pilersorneqarnikkut akitigut, qanoq oqinnerusumik naapertuunnerusumillu ineriartortitsisoqarsinnaanera pillugu Inatsisartut oqallinnissannik siunnersuut.
(Inatsisartuni Ilaasortat Knud Kristiansen aamma Gerhardt Petersen, Atassut)