Inatsisartoqarfik
UPA2011
Arlaat toqqaruk

Oqaluuserisassat oqaluuserineqarfissaasalu ullui

2011-imi Upernaakkut ataatsimiinneq
Print
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 37-5
Nal. 11:00-imiit 12:00-imut akunneq apeqquteqarfissaq. (§ 37 imm. 5, naapertorlugu)
()
Imm./pkt.: 1
Ataatsimiinnerup ammarneqarnera.
(Inatsisartut Siulittaasoqarfiat )
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 3
Inatsisartut Siulittaasussaannik kiisalu Inatsisartut Siulittaasuata tullianik
siullermik, aappaanik, pingajuanik sisamaanillu qinersineq.
(Inatsisartuni sivisunerpaamik ilaasortaasimasunit angajulleq)
Imm./pkt.: 4
Inatsisartut ataatsimiititaliaannut ataavartunut sinniisoqarfinnullu ilaasortassanik sinniisussaannillu qinersineq.
(Inatsisartut Siulittaasoqarfiat)
Imm./pkt.: 5
Siunnersuisoqatigiinnut nævninullu ilaasortassanik sinniisussaannillu qinersineq.
(Inatsisartut Siulittaasoqarfiat)
Imm./pkt.: 6
2012-mi Inatsisartut upernaakkut ukiakkullu ataatsimiinnissaata aalajangiiffigineqarnera.
(Inatsisartut Siulittaasoqarfiat)
Imm./pkt.: 7
Inatsisartut aningaasanut inatsisissaannut siunnersuut.
(Aningaasaqarnermut Naalakkersuisoq)
Imm./pkt.: 8
Inatsisartut ilassutitut aningaasaliissutissatut 2010 siunnersuutaat.
(Aningaasaqarnermut Naalakkersuisoq)
Imm./pkt.: 9
Inatsisartut Ombudsmandiata 2010-imut ukiumoortumik nalunaarutaata Inatsisartunit tusaatissatut tiguneqarnissaanik Inatsisartut aalajangiiffigisassaattut siunnersuut.
(Inatsisit atortinneqarneranut ataatsimiititaliaq)
Imm./pkt.: 10
Aningaasaqarnikkut Ingerlatsineq pillugu Nalunaarut.
(Aningaasaqarnermut Naalakkersuisoq)
Imm./pkt.: 11
Nunatta Karsiata 2010-imut naatsorsuutaasa Inatsisartunit akuerineqarnissaat pillugu Inatsisartut aalajangiiffigisassaattut siunnersuut.
(Aningaasaqarnermut Naalakkersuisoq)
Imm./pkt.: 12
2012-mi akileraarutitigut ilanngaatissat il.il. imatut angissusilerneqarnissaannik Inatsisartut aalajangiinissaannik iunnersuut, tak. suleriaasissani § 33, imm. 6, 2: <br/>
1. Inummut ilanngaat.............................kr. 48.000 (ukiumut) <br/>
2. Ilanngaat aalajangersimasoq...............kr. 10.000 (ukiumut) <br/>
3. Aningaasarsiat B-t akileraaruteqaataasussaanngitsut..kr. 5.000
(ukiumut) <br/>
4. Killilimmik akileraartussaatitaasut ilanngaataat kr. 1.000 (ukiumut) <br/>
5. Kommuninut ataatsimut akileraarut.............................6%
(Aningaasaqarnermut Naalakkersuisoq)
Imm./pkt.: 13
Oktober 2009-mit september 2010-mut nunani avannarlerni naalakkersuinikkut Naalakkersuisut ingerlatsinerat pillugu nassuiaat.
(Aningaasaqarnermut Naalakkersuisoq)
Imm./pkt.: 14
Nunanut Allanut politikki pillugu Nassuiaat 2010.
(Naalakkersuisut siulittaasuat aamma Nunanut allanut tunngasunut Naalakkersuisoq)
Imm./pkt.: 15
Koorortuut timmiarsiutillu eqqarasuartartuunngitsut akuersissuteqarnissamik piumasaqaatinut ilanngunneqarnissaat, taamatullu aamma qanoq inissinneqarnissaannut nalunaarsornissaannullu malittarisassaqarnissaa, sakkunillu pigisaqarnermik tammaasaqarnermillu nalunaaruteqartussaatitaanissaq aammalu sakkunik pineqartunik sakkunillu eqqarasuartartunik inuussutissarsiutigalugu piniarnermut atugassanik pisaarnissamut 16-inik ukioqalereersimanissamik piumasaqaateqalernissaa siunertaralugu Nunatsinni sakkut pillugit inatsisiliornerup sukannernerulersinnissaa anguniarlugu Naalakkersuisut danskit naalakkersuisuinut saaffiginnissuteqarnissamik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Justus Hansen, Demokraatit)
Imm./pkt.: 16
Inatsisartut aalajangiinissaannut siunnersuut, nunatta karsiata kukkunersiuinermut ataatsimiititaani allattutut suliat Nuna tamakkerlugu Kukkunersiusisoqarfimmit Nunap Kukkunersiuisuanit pisortaqartumit taarserneqassasut, soorlu Naalagaaffeqatigiinnermi allani taamaattoqartoqartoq, tassa Savalimmiuni Nuna tamakkerlugu Kukkunersiuisoqarpoq Danmarkimilu Naalagaaffik Kukkunersiuisoqarluni. Ilanngullugu siunnersuutigineqarpoq, Inatsisartut Kukkunersiuinermut Ataatsimiititaani ilaasortat siunissami qinersivik pineqartoq tamaat atuuttussanngorlugit qinerneqartassasut, ataatsimiititaliarlu taaguuserneqassasoq "Inatsisartut Kukkunersiuisui".
(Inatsisartunut ilaasortaq Andreas Uldum, Demokraatit)
Imm./pkt.: 18
Ilinniarfinni meeqqallu atuarfiini attaveqatigiinnikkut teknologip ukunatigut atorneqarnerata annertusarneqarnissaanik attaveqaatillu pitsanngorsarneqarnissaannik Naalakkersuisut suliniuteqaqqullugit Inatsisartut aalajangiiffigisassaattut siunnersuut: 1. Internetsi ilinniarfinni atuarfinnilu tamani killilersugaanngitsumik atorneqarsinnaalersinneqassaaq. 2. Attaveqaatit pitsaanerpaat
(Inatsisartunut ilaasortaq Kaali Olsen, Inuit Ataqatigiit)
Imm./pkt.: 19
Siull. 12/11-2010
Siunnersuut uunga: Inatsisartuni Naalakkersuisunilu il.il. ilaasortat aningaasarsiaqartitaanerat il.il. pillugit Inatsisartut inatsisaata allanngortinneqarneranik Inatsisartut inatsisaat nr. xx, uu. qq 2010-meersoq.
(Inatsisartut Siulittaasoqarfiat)
Imm./pkt.: 20
Siull. 3/11-2009
Aappass. UKA 2011
Kalaallit Nunanni aatsitassap piiarneqarsinnaatitaasup suulluunniit uran-imik akuata 0,1 % -mut qaffasinnerpaaffilerneqarnissaa piaarnerpaamik sulissutigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Siumup Inatsisartuni ilaasortai)
Imm./pkt.: 21
Siull. 4/11-2009
Aappass. UKA 2011/18
(UPA 2010/23)
(UKA 2009/57)
Inimik attartornermi peqqussummut atuuttumut allannguutissaannik kingusinnerpaamik 2010-mi upernaakkut Inatsisartut ataatsimiinneranni Naalakkersuisut saqqummeeqqullugit Inatsisartut aalajangiiffigisassaattut siunnersuut, tamatuma kingorna qaammammut ineqarnermut akiliutaasartunut ineqarnermut meeqqanut tapiissuteqartoqartassaaq meeqqamut ataatsimut 18-it inorlugit ukiulimmut angerlarsimaffimmi najugalimmut 7,5 %-imik ineqarnermi qaammammut akiliutinut ilanngaataasartumik, taamaattorli meeqqat amerlanerpaamik arfiniliussallutik.
(Siumup Inatsisartuni ilaasortaatitai)
Imm./pkt.: 22
Siull. 6/11-2009
Piniartut aalisartullu piffissap ilaanni inuuniarnikkut ajornartorsiulernerminni pisortanit ikiorserneqarsinnaanerisa pitsaanerulernissaat siunertaralugu sulisoqarnissaanik Naalakkersuisut peqquneqarnissaannik Inatsisartut aalajagiffigisassaattut siunnersut.
(Inatsisartunut ilaasortaq Hans Aronsen, Inuit Ataqatigiit)
Imm./pkt.: 23
Meeraq qiteralugu, meeqqallu isumaannaatsuunissaa qiteralugu angajoqqaat akissussaanerat pillugu inatsimmik oqaasertalersuinissaq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Astrid Fleischer Rex, Demokraatit)
Imm./pkt.: 24
Siull. 13/10-2010
Amerikarmiut Thule Air Base-imik atuinerannut atatillungu, nunatsinnut aningaasanik amerlanerusunik isertitsissutigineqarsinnaanera anguniarlugu misissuisitsinissamik naalakkersuisut danskit naalagaaffiannut saaffinginnissuteqaqqullugit inatsisartut aaliangiiffingisassaattut siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 25
Uunga siunnersuut: Nukissiornermi ikummatissat avatangiisinut akitsuutaat pillugit Inatsisartut inatsisaata allanngortinneqarneranik Inatsisartut inatsisaat nr. xx, xx 2011-meersoq.
(Motoorinut ikummatissap akitsuusernagu umiarsuarnut timmisartunullu tunineqarsinnaanera)
(Aningaasaqarnermut Naalakkersuisoq)
Imm./pkt.: 26
Tunuartinneqarpoq
Kalaallit Nunaata Avannaani aamma Kalaallit Nunaata Tunuani Nunamik allanngutsaaliukkamik aamma Biosfæreqarfimmik (uumasuaqqat tappiorannartut) siunissami pisortat ingerlatsinissaat pillugu Inatsisartut aalajangiiffigisassaattut siunnersuut.
(Nunamut namminermut, Pinngortitamut Avatangiisinullu Naalakkersuisoq)
Imm./pkt.: 27
Uunga siunnersuut: Allakkerineq pillugu Inatsisartut inatsisaat nr. xx, xx. xxxx 2011-meersoq
(Ineqarnermut, Attaveqarnermut Angallannermullu Naalakkersuisoq)
Imm./pkt.: 28
Uunga siunnersuut Sanaartornermi neqerooruteqartitsisarneq pillugu Inatsisartut inatsisaata allannguutissaatut Inatsisartut inatsisaat nr- xx. uu.qq 2011-meersoq.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 29
Siunnersuut uunga: Qimmit qimuttut kiisalu qimmeqarneq qitsuuteqarnerlu pillugit inatsisartut inatsisaata allanngortinneqarneranik Inatsisartut inatsisaat nr. xx. xx 2011-imeersoq.
(Inuussutissarsionermut Aatsitassarsiornermullu Naalakkersuisoq)
Imm./pkt.: 30
Nunap immikkoortuini ineriartortitsinermut iliuusissat pillugit nassuiaat.
(Naalakkersuisut siulittaasuat aamma Nunanut allanut tunngasunut Naalakkersuisoq)
Imm./pkt.: 34
Uunga siunnersuut: Nioqqutissanik eqqussuineq annissuinerlu pillugit Inatsisartut inatsisaata allanngortinneqarneranik Inatsisartut inatsisaat nr. xx, xx 2011-meersoq.
(Aningaasaqarnermut Naalakkersuisoq)
Imm./pkt.: 35
Aappass. UKA 2011/19
Naalakkersuisut siulersuisunut, sinniisoqarfinnut imaluunnit assigisaannik ataatsimoortumik siuttoqarfinnut ilaasortanik toqqaanerminni arnat angutillu naligiissinnissaat siunertaralugu Arnat Angutillu Naligiissitaanissaat pillugu Inatsisartut inatsisaata nr. 7, 11. april 2003-meersup allanngortinneqarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunersuut.
(Inatsisartuni ilaasortaq Naaja Nathanielsen, Inuit Ataqatigiit)
Imm./pkt.: 37
Kalaallit Nunaanni Nunaqarfiit pillugit Naalakkersuisut nunap immikkoortuini nunaqarfinnut aqutsisunik ataatsimeeqateqaqattaarniarnerat sioqqullugu nuna-qarfinni inuuniarneq, atugarisat atugassarititaasullu pillugit apeqquteqaat aallaavigalugu oqallinnissamik siunnersuut.
(Inuit Ataqatigiit Inatsisartuni ilaasortaatitaat)
Imm./pkt.: 38
Kalaallit Nunaanni aaqqissuuseqqinnerup kingorna kommuniusimasut tamarmik minnerpaamik qinikkamik ataatsimik nunami sumiiffiup sinniisaatut kommunalbestyrelsini ilaasortaatitaqarnissaat anguniarlugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Aqqaluaq B. Egede, Inuit Ataqatigiit)
Imm./pkt.: 39
Aappass. UKA2011/20
Nunavummi Nunavimmilu oqartussaasut suleqatiginerisigut inuusuttunut 16-it 30-illu akornanni ukiullinnut "Nuna Job paarlaateqatigiinneq"-mik pilersitsinissaq pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartuni ilaasortat Jane Petersen aamma Juliane Henningsen, Inuit Ataqatigiit)
Imm./pkt.: 40
Aappass. UKA2011/21
Illuni kikkunnit tamanit iserfigineqarsinnaasuni imaluunniit amerlasuunik sulisoqarfiutigisuni pisortat sanaartortitsinerini iluarsaassinikkullu suliaqarnerini (pisortat sanaartortitaat) sanaartornissamut aningaasaliissutit tamakkerlutik 1 %-iinik sanaartukkap silataatigut iluatigullu kusassarneqarnissaannut atugas-sanik Naalakkersuisut immikkoortitsisaqqullugit peqquneqarnissaannik Inatsisartut aalajangiinissaannik siunnersuut. Aningaasat taakku ingerlatassamut immikkut normulerneqartassapput ukiumoortumillu Aningaasanut inatsisissatut siunnersuummi takuneqarsinnaassallutik.
(Inatsisartunut ilaasortaq Jane Petersen, Inuit Ataqatigiit)
Imm./pkt.: 41
Aappass. UKA 2011/22
Inuusuttut innarluuteqartut ukiut pingasut tikillugit efterskolersinnaalernissaat, atuarnermilu ilinniagaqartutut allatulli atugaqarlutillu ilinniagaqarnersiuteqartalernissaat Naalakkersuisunit qulakkeerneqaqqullugu Inatsisartut aalajangiiffigisassaattut siunnersuut.
(Inatsisartunut ilaasortaq Juliane Henningsen, Inuit Ataqatigiit)
Imm./pkt.: 42
Kalaallit Nunaanni eqqartuussisoqarnermik nutarterineq qanorlu pisunik malittarinninneq pillugit apeqquteqaat aallaavigalugu oqallinnissamik siunnersuut.
(Inatsisartunut ilaasortaq Juliane Henningsen, Inuit Ataqatigiit)
Imm./pkt.: 44
KNR-imut illuatungiliussinnaasumik aallakaatitsivimmik pilersitsinissaq.
(Inatsisartunut ilaasortaq Isak Hammond, Inuit Ataqaatigiit)
Imm./pkt.: 45
Aappass. UKA2011/23
Naalakkersuisut peqquneqarnissaannik Inatsisartut aalajangiiffigisassaattut siunnersuut Naalakkersuisut kingusinnerpaamik FM2012-mi peqquneqassasut siunnersuusioqqullugit, taamaasilluni illup tunineqarnerani iluanaarummiik akitsuummik akiliissarnissaq eqqunneqaqqullugu taarsigassarseriaaseq 20/20/60 atorlugu illut sanaat tunineqarneranni nalingata affaa aallaavigalugu, illup napparnerani pisortat taarsigassarsititsisartullu namminersortut taarsigassarsiissutaat sinnerlugit iluanaaruteqartoqarsimappat.
(Inatsisartuni ilaasortaq Justus Hansen, Demokraatit)
Imm./pkt.: 46
Naalakkersuisut peqquneqarnissaannik Inatsisartut aalajangiiffigisassaattut siunnersuut, kingusinnerpaamik FM12-mi peqquneqassasut, pilersaarusiortarneq aamma nunaminertamik atuisarneq pillugu Inatsisartut inatsisaata nr. 17-ip 17. november 2010-meersup allanngortinneqarnissaanut Naalakkersuisut siunnersuusioqqullugit, taamaasilluni inatsisitigut tunngavissaqalersinniarlugu inuk inuilluunniit nunaminertamik tunineqarnissaminnut qinnuteqartut pilersaarummik piariikkamik ilanngussisalissasut kiisalu nammineq akiliisinnaanermut uppernarsaammik. Tamatuma saniatigut nunaminertamik tunisinermut atatillugu piumasaqaatigineqartalissaaq, qinnuteqartup pisussaaffigisalissagaa, sanaassatut qinnutigisami, akuerineqarnermiit ukiut marluk qaanngiutsinnagit sananissaanut.
(Inatsisartuni ilaasortaq Justus Hansen, Demokraatit)
Imm./pkt.: 47
Danskit atornerluisunut katsorsaanermut ilinniarfiutai pioreersut suleqatigalugit atornerluisunut katsorsaasutut ilinniarneq kalaallisut ingerlanneqartalernissaa pillugu apeqquteqaat allaavigalugu oqallinnissamik siunnersuut.
(Inatsisartuni ilaasortaq Astrid Fleischer Rex, Demokraatit)
Imm./pkt.: 48
Aappass. UKA2011/24
Kingusinnerpaamik UPA12-mi suliariumannittussarsiuussinermi misissuinermik saqqummiussinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut, paasiniarlugu suliariumannittussarsiuussinerni aningaasatigut allaffissornikkullu sipaartoqarsinnaanersoq, suliani ullumikkut Namminersorlutik Oqartussanit aamma Namminersorlutik Oqartussat suliffiutaannit ingerlanneqartartuni. Misissuinermi aamma siunertaassaaq suliat pisortanit ingerlanneqartartut sorliit namminersortunut imissutigineqartarsinnaanersut nassuiarnissaat tikkuarnissaallu aamma sipaarutaasinnaasut taggillugit taamaasilluni suliat ukiup tullianut aningaasanut inatsisissamut ilanngunneqarsinnaalersillugu.
(Inatsisartunut ilaasortaq Niels Thomsen, Demokraatit)
Imm./pkt.: 49
Nuummi, Sisimiuni Ilulissanilu ivigaasanik qallikkanik arsaattarfiliornissap pilersaarusiorneqarnissaanut 2012-mi Aningaasanut Inatsisissatut siunnersuummi aningaasanik immikkoortitsinissamik Naalakkersuisut peqquneqarnissaannik Inatsisartut aalingiiffigisassaattut siunnersuut.
(Inatsisartunut ilaasortaq Niels Thomsen, Demokraatit)
Imm./pkt.: 51
2012-mi Aningaasanut Inatsissatut siunnersuutip sananeranut atatillugu inuutissarsiutigalugu piniartut ukiumut akileraaruteqaataasussanik 150.000 koruunit ataallugit isertitaqartartut allanut ilinniarteqqinnissaannut atugassanik aningaasaleeqqullugit, taakkua annertunerusumik inuutissarsiutinut allanut isertitaqarfiunerusinnaasunut ikaarsaariarsinnaalersillugit, Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartuni ilaasortaq Niels Thomsen, Demokraatit)
Imm./pkt.: 52
Qanoq iliornikkut akisussaassuseqartumik piujuaannartitsisumillu aalisarnermut politikkeqarnikkut qulakkeersinnaaneripput, aalisakkanit tunisassiagut nunani tamalaani akuerisaasumik MSC-mik meqqeqalersinnaanissaat nunanilu tamalaani niuerfinni pisisartut akisussaassuseqarluartumik piujuaannartitsisumillu aalisarnissamik piumasaqarfigisaanni suli unammillersinnaanissamut apeqquteqaat aallaavigalugu oqallinnissamik siunnersuut.
(Inatsisartunut ilaasortaq Niels Thomsen, Demokraatit)
Imm./pkt.: 53
Maniitsumi tarnip nappaataanik katsorsaariaatsip siammarneqarnissaanut Naalakkersuisut peqquneqarnissaat pillugu apeqquteqaat allaavigalugu oqallinnissamik siunnersuut.
(Inatsisartutuni ilaasortaq Astrid Fleischer Rex, Demokraatit)
Imm./pkt.: 54
Nunatsinni meeqqat angajoqqaarsianut inissinneqartartut taakkualu angajoqqaarsiaasa, atugassaqartitaaneri pillugit, apeqquteqaat aallaavigalugu oqallinnissamik siunnersuut.
(Inatsisartuni ilaasortat Astrid Fleischer Rex, Demokraatit aamma Olga P. Berthelsen, Inuit Ataqatigiit)
Imm./pkt.: 55
Atuartut meeqqat atuarfianniit soraarummeertartut ilinniaqqinnissamut piareersimalluarnerunissaat aammalu meeqqat atuarfiat pitsanngorsarniarlugu atuarfitsialammi naliliigallarnermi atuarfik pillugu Inatsisartut peqqussutaat nr. 8, 21 maj 2002-meersumit tikkuussissutigineqartunut UPA 2012-ip tungaanut Naalakkersuisut malinnaanissamut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 56
Aappass. UKA2011/25
Ammasumik sulianut immikkoortiterineq ammasumik suliariumannittuussarsiussisarnerni salliutinneqartarnissaat taamaalillunilu suliffiit sungiusarfiusut sapinngisamik qulakkeerneqarnissaat pillugit sanaartornermi neqerooruteqartitsisarneq pillugu Inatsisartut inatsisaat nr. 11, 2. december 2009-meersup UKA 2012-imut allanngortinneqarnissaanik Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 57
Aalisartunut tunisinermi akigititaasartut aammalu nunatsinni kaalalimerngit tunisassiarineqartarneri pitsanngorsarniarlugit aalisartut piniartullu nunaqarfiit tunisassiorfiinik ingerlatsisunngorsinnaanerat qanoq iliornikkut pitsaanerusunik periarfissarsiorneqarsinnaaneri pillugit apeqquteqaat aallaavigalugu siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 58
Sul. UKA 2011/26
Suliffeqarfimmut akileraarutip appartinneqarsinnaanera, ungasinnerusoq isigalugu suliffeqarfinnik amerlanerusunik, nunatsinnullu pilersitsisinnaanersoq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 59
Sul. UKA 2011/27
Inuiaqatigiinni ataqatigiinnerup pilersinneqaqqinnissaa qanoq ililluni qulakkeerneqarsinnaanera pillugu oqallinnissannik siunnersuut.
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 60
Inissiamik attartorsinnaanermut peqqussutip allanngortinneqarnissaanik, ilanngullugulu inuit ataasiakkaat najugaqarfigisinnaasaat pillugit ilaneqarnissaanik Inatsisartut kingusinnerpaamik ukioq 2012-imi upernaakkut ataatsimiinnissaannut ineqarneq pillugu maalaaruteqartarfiup pisinnaatitaanerata annertusineqarnissaanut Naalakkersuisut saqqummiusseqqullugit Inatsisartut aalajangiiffigisassaattut siunnersuut.
(Inatsisartuni ilaasortaq Olga P. Berthelsen, Inuit Ataqatigiit)
Imm./pkt.: 65
Inatsisartut Naalakkersuisullu pillugit Inatsisartut inatsisaat nr. 26, 18. November 2010-meersup taamatuttaaq Kalaallit Nunaanni Inatsisartunut qinersisarneq pillugu Inatsisartut inatsisaat nr. 9, 31. oktober 1996-imeersoq pillugu Naalakkersuisut allannguutissamik UKA2011-imi saqqummiusseqqullugit peqquneqarnissaannik, taamaalilluni inatsisartuni ilaasortat ullumikkut 31-iusut qinersiviup tulliata aallartinnerani 27-iinnanngortinneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Malik Berthelsen, Siumut)
Imm./pkt.: 66
Allannguutissatut siunnersuut
Imeruersaatit qiimmassaatinik akullit aamma energidrikketut taaneqartartut meeqqanit 12-it ataallugit ukiulinnit pisiarineqarsinnaanerisa inerteqqutaalernissaat inatsisiliuuteqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Malik Berthelsen, Siumut)
Imm./pkt.: 67
Aappass. UKA 2011/28
Danmarkimi kalaallit, Kalaallit Nunaanni nappaataasa peqqissarneqarsinnaannginnerat peqqutigalugu Brønshøjimi Rigshospitalimilu peqqissarlutik unginngasut kalaaliminernik nerisqartarnissaat qulakkeerniarlugu ukiumut 200.000 kr-ninik nunatta karsianiit aningaasanik immikkoortitsisalernissaq pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Inatsisartuni ilaasortaq, Doris Jakobsen Siumut)
Imm./pkt.: 68
Aappass. UKA 2011/29
Kalaallit Nunatsinni pisortatigoortumik Nunatta Katersugaasivianut Allagaateqarfianullu atasussamik kulturikkut eriagisariaqartut illersorneqarsinnaasumik toqqorsiveqalernissaannut Naalakkersuisut pilersitsinissamut suliaqaqqullugit Inatsisartut aaliangiiffigisassaattut siunnersuut.
(Inatsisartuni ilaasortaq, Aleqa Hammond Siumut)
Imm./pkt.: 69
Kalaallit Danmarkimi ilinniagaqartut danskit ilinniagaqartut assigalugit tapiissutitigut pisinnaatitaaffiisa assinginik periarfissaqalernissaat pillugu Naalakkersuisut suliniuteqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartuni ilaasortaq Aleqa Hammond, Siumut)
Imm./pkt.: 70
Aappass. UKA 2011
Meeqqat atuarfiat pillugu inatsisip allanngortinneqarnissaa pillugu Naalakkersuisut peqquneqarnissaannik Inatsisartut aalajangiiffigisassaattut siunnersuut, taamaalilluni tuluit oqaasii danskit oqaasii naligalugit minnerni aallartittumik atuartitsissutigineqartalersillugit.
(Inatsisartuni ilaasortaq, Doris Jakobsen Siumut)
Imm./pkt.: 73
Aappass. UKA 2011/34
UPA12 nallertinnagu Naalakkersuisoqarfiit suleqatigiillutik inuussutissarsiornermut inatsit siunertaanngitsumik isertortumik akunnermiliuttoqarsinnaanngortitsilluni (stråmandsvirksomhed) Kalaallit Nunaanniit aningaasanik annissuinissaq siunertaralugu nalorninarsinnaasumillu aningaasannanniarluni transfer pricing atorlugu periarfissiinersoq misissoqqullugu, tassunga ilanngullugu piginneqatigiissutinik tuniniaaneq atornagu aningaasaatillillu aningaasanik attartorfigalugit aningaasaliineq atorneqarnersoq pillugu Naalakkersuisut inuussutissarsiummik ingerlataqarneq pillugu inatsisartut inatsisaanni allanngortitsinissaq siunertaralugu suliaqaqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Kim Kielsen, Siumut)
Imm./pkt.: 87
Uunga siunnersuut: Pisortanut akiitsut akilersinniarneqartarnerat pinaveersaartinneqarnissaallu pillugit Inatsisartut inatsisaata allannguutissaatut Inatisartut inatsisaat nr. x, xx. xxxx 2010-meersoq.
(Aningaasaqarnermut Naalakkersuisoq)
Imm./pkt.: 88
Sul. 12/4
Aappass. UKA 2011/35
Pingajuss. UKA 2011/35
Aalisarneq pillugu Inatsisartut inatsisaata allanngortinneqarnera pillugu Inatsisartut inatsisissaattut nr. xx, xx 2011-eersussatut siunnersuut.
(Aalisarnermut, Piniarnermut Nunalerinermullu Naalakkersuisoq)
Imm./pkt.: 89
Erniaalersuinermut inatsisip aamma taarsiisussaatitaanermut inatsisip Kalaallit Nunaannut aaqqiissutikkut allanngortinnissaata atuutilernissaa Namminersorlutik Oqartussat oqaaseqaataat pillugu Inatsisartut aalajangiiffigisassaattut siunnersuut.
(Inuussutissarsionermut Aatsitassarsiornermullu Naalakkersuisoq)
Imm./pkt.: 90
Pisiniartarneq pillugu Kalaallit Nunaannut aaqqiissutitut inatsisip allanngortinneqarnissaata atuutsinneqalernissaanut Namminersorlutik Oqartussat oqaaseqaataat pillugit Inatsisartut aalajangiiffigisassaattut siunnersuut.
(Inuussutissarsionermut Aatsitassarsiornermullu Naalakkersuisoq)
Imm./pkt.: 91
Atuisartunik isumaqatigiissuteqartarnerit ilaat pillugit Kalaallit Nunaannut aaqqiissutitut inatsisip atuutsinneqalernissaanut Namminersorlutik Oqartussat oqaaseqaataat pillugit Inatsisartut aalajangiiffigisassaattut siunnersuut.
(Inuussutissarsionermut Aatsitassarsiornermullu Naalakkersuisoq)
Imm./pkt.: 93
Aalisarneq pillugu inatsisartut inatsisaata nr. 18, 31. oktober 1996-imeersup kingusinnerusukkut allannguutitallip kingusinnerpaamik UKA2011-imut allanngortinneqarnissaa pillugu taamaalilluni 1. Januar 2012 aallarnerfigalugu aalisartut aalisarsinnaanermut akiliuteqartinneqartarnerat pisussaajunnaartinneqarlugu Naalakkesuisut peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq, Ruth Heilmann Siumut)
Imm./pkt.: 95
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 1/2010-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut:
Kisimiillutik pilersuisut atugaasa pitsanngorsarneqarnissaannut taperseeqqullugit Savalimmiuni Naalakkersuisut, Kalaallit Nunaanni Namminersorlutik Oqartussat aamma Islandimi Naalakkersuisut Nunat Avannarliit Killit Siunnersuisoqatigiiffiannit kaammattorneqarput. Ilaatigut isumassarsianik, ilisimasanik aamma misilittakkanik paarlaasseqatigiinnikkut aammalu ilaqutariit kisimiittunik pilersuisullit atugaasa qanoq pitsaanerpaamik pitsanngorsarneqarsinnaanerannik siunnersuutinik saqqummiussinikkut naalakkersuisut pineqartut suleqataanissaat siunnersuisoqatigiit kaammattuutigaat. Alloriarnertut siullertut nunani avannarlerni killerni isumaginninnikkut naalakkersuisuusut isummanik iluatsittumillu suliniutinik paarlaasseqatigiiffiusumik ataatsimeersuartitsinissamik kaammattorneqarput.
(Aallartitat siulittaasuat Josef Motzfeldt)
Imm./pkt.: 96
Aappass. UKA 2011/37
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 2/2010-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut, kaammattuutitut aalangersagaq imatut oqaasertaqarpoq:
Nunat Avannarliit Killiit Siunnersuisoqatigiiffiata Savalimmiuni naalakkersuisut, Namminersorlutik Oqartussat Islandimilu naalakkersuisut kaammattorpai "Nunat Avannarliit Killiit oqaluttuarisaanerat inuiaqatigiillu pillugit sullissivik"-mik pilersitsinissamut aningaasanut inatsisini aningaasanik qinnuteqaqqulugit taperseeqqullugillu.
(Aallartitat siulittaasuat Josef Motzfeldt)
Imm./pkt.: 97
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 3/2010-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut, kaammattuutitut aalajangersagaq imatut oqaasertaqarpoq:
Nunat Avannarliit Killiit Siunnersuisoqatigiiffiata Savalimmiuni naalakkersuisunut, Namminersorlutik Oqartussanut Islandimilu naalakkersuisunut siunnersuuteqarpoq Nunani Avannarlerni Killerni timmisartunik umiarsuarnillu angallannermi attaveqaatit pitsanngorsarnissaannut siunnersuusiortussamik suleqatigiissitaliamik pilersitsisoqassasoq, Nunat Avannarliit Atlantikumi Suleqatigiiffiat (NORA) sapinngisamik peqataatillugu.
(Aallartitat siulittaasuat Josef Motzfeldt)
Imm./pkt.: 98
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 4/2010-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut:
Nunat Avannarliit Killiit Siunnersuisoqatigiiffiata Islandimi naalakkersuisunut, Savalimmiuni naalakkersuisunut Kalaallit Nunaannilu Namminersorlutik Oqartussanut kaammattuutigaat nunani pineqartuni ataatsimut aalisagaqatigiit iluaqutiginiarneqarnerisa aqunneqarnerat pillugu suleqatigiinnermik pilersitseqqullugit. Naalakkersuisut pineqartut kaammattorneqarputtaaq ataatsimut aalisagaqatigiit iluaqutiginiarneqarnerisa aqunneqarnerat pillugu nunat allat isumaqatiginiarneqarnissaasa suleqatigineqarnissaasalu pilersaarusiorneqartarnerat eqqarsaatigalugit suleqatigiittaqqullugit.
(Aallartitat siulittaasuat Josef Motzfeldt)
Imm./pkt.: 99
Nunat Avannarliit Killiit Siunnersuisoqatigiiffiata kaammattuutitut aalajangersagaanik nr. 5/2010-mik, ataani allassimatut oqaasertalimmik, Inatsisartut tapersiinissaannik Inatsisartut aalajangiiffigisassaattut siunnersuut.:
Nunat Avannarliit Killiit Siunnersuisoqatigiiffiata Islandip radio, RÚV, Kalaallit Nunaata Radiua, KNR Savalimmiullu radio, ÚF kaammattorpaat suleqatigiinnertik annertusaqqullugu nukittorsaqqullugulu, nunat pingasut akornanni sanilerisanit nutaarsiassanik ullutsinnilu pisunik aallakaatassianik amerlanerusunik aallakaatitsisoqarsinnaalersillugu. Assersuutigalugu tamanna pisinnaavoq sapaatip akunnikkaartumik qaammatikkaartumilluunniit nunanit allanit nutaarsiassatut suliarisimasat ilaasa aalajangersimasut atorneqartarnissaannik isumaqatigiissuteqarnikkut. Malugeqquneqarpoq taamatut suleqatigiinnerit arlaannaannulluunniit aningaasartuuterpassuarnik kinguneqartariaqanngimmata, tamatumani aallakaatitassianik nammineq suliareriikkanik paarlaasseqatigiittarneq pineqassammat.
(Aallartitat siulittaasuat Josef Motzfeldt)