Ullormut oqaluuserisassat
Ullut ataatsimiiffiusut 26-iat, marlunngorneq 17. novembarip 2026, nal. 11:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 405
Siunissamut piginnaatitsissutit pillugit inatsit nr. 618 2016-meersup Kalaallit Nunaanni atuutsinneqalernissaa pillugu Naalakkersuisut danskit naalagaaffiannut saaffiginninnermik peqquneqarnissaat pillugu Inatsisartunut aalajangiiffigisassatut siunnersuut.
Inatsisartunut ilaasortaq Pipaluk Lynge, Inuit Ataqatigiit
Imm./pkt.: 378
Nunaqarfinni aqutsisut piginnaatitaaffiisa najukkamilu aalajangiinernut piviusumik sunniuteqarsinnaanerisa nukittorsarneqarnissaat siunertaralugu inatsisit atuuttut allanngortinneqarnissaannik siunnersuummik kingusinnerpaamik UPA2027-mi saqqummiussinissamut Naalakkersuisut peqquneqarnissaannik Inatsisartut aalajangiiffigisassaattut siunnersuut. Allannguutini nunaminertanik atuinissamik najukkamilu pilersaarusiornissamik aalajangiinernut sunniuteqarsinnaanerup annertusarneqarnissaa, najukkani siunertanut aningaasaliissutit erseqqissumik killiligaasut pingaarnersiorneqarnissaat kiisalu tusarniaavigineqarsinnaatitaanerup inassuteqarsinnaatitaanerullu nukittorsarneqarnissaat ilaatinneqassapput.
Inatsisartunut ilaasortaq Jens NapãtôK’, Naleraq
Imm./pkt.: 382
Naalakkersuisut kingusinnerpaamik UPA2027 ulluinnarni pisariaqartitanik pissarsisinnaaneq pitsanngorsarlugu, Kalaallit Nunaannilu imminut pilersorsinnaaneq siuarsarlugu iliuusissatut pilersaarummik saqqummiussinissamik peqquneqarnissaat pillugu Inatsisartut aalajangiiffigisassaattut siunnersuut. Pilersaarummi ulluinnarni pisariaqartitanik kiisalu aalisarnermut, aallaaniarnermut piniarnermullu atortunik pissarsisinnaanerup pitsanngorsarnissaanut suliniutit anguniakkallu aalajangersimasut ilanngunneqassapput.
Inatsisartunut ilaasortaq Juno Berthelsen, Naleraq
Imm./pkt.: 387
Naalakkersuisut Inatsisartunut qinersisarneq pillugu Inatsisartut inatsisaat nr. 14, 24. november 2020-meersoq allanngortinneqarnissaa pillugu inatsisissatut siunnersuummik saqqummiussinissaannik peqquneqarnissaat pillugu Inatsisartut aalajangiiffigisassaattut siunnersuut, taamaalilluni § 1-imi Kalaallit Nunaanni aalajangersimasumik najugaqarsimanissamik piumasaqaat qaammatinit arfinilinnit ukiunut tallimanut sivitsorneqassalluni. Inatsisissatut siunnersuut kingusinnerpaamik UPA2028-mi saqqummiunneqassaaq.
Inatsisartunut ilaasortaq Kuno Fencker, Naleraq
Imm./pkt.: 255
Imm. 255 aamma 263 ataatsimut siullermeerneqassapput
Ilinniarneq, ilinniaqqinneq, sulisitsisunullu ersarissumik piumasaqaateqarnikkut børnehjemmimi sulisut suliatigut piginnaasaqarnerulernissaat qanoq qulakkeersinnaaneripput pillugu, apeqquteqaat aallaavigalugu oqallinnissamik siunnersuut.
Inatsisartunut ilaasortaq Pipaluk Olsen, Demokraatit
Imm./pkt.: 263
Imm. 255 aamma 263 ataatsimut siullermeerneqassapput
Apeqquteqaat aallaavigalugit oqallisissiamik siunnersuut meeqqat sumiginnarneqarnerisa pinaveersaartinnissaanut inuttut aammalu ataatsimoorussamik akisussaanermut tunngasumik oqallisissiaq.
Inatsisartunut ilaasortaq Margrethe Thårup Andersen, Demokraatit