Ataatsimiinnerit

20120913 09:27:23
Ataatsimiinnerit

Inatsisartut ileqquusumik ataatsimiittarneri.

 

Inatsisartut minnerpaamik ukiumut marloriarlutik ileqquusumik ataatsimiittussaatitaapput. Inatsisartut siulittaasuata pisariaqartutut isigippagu Inatsisartuttaaq immikkut ittumik qasseriarlutilluunniit ataatsimiisinnaapput. Inatsisartut ataatsimiittussaapput Naalakkersiusut siulittaasuata, minnerpaamilluunniit Inatsisartuni ilaasartat affaasa piumasarippaasuk. Immikkut ittumik ataatsimiinnerni Inatsisartut suliassat, immikkut ittumik ataatsiigiaqqusinermut tunngaviliisuusut, taamaallaat suliarisussaavaat.


 

Inatsisartut ataatsimiinnerinut atasumik Siulittaasoqarfik ullormut oqaluuserisassanut ataatsimiititaliatut atuuttussaavoq. Tassa imaappoq, Siulittaasoqarfik siunnersuutinik, apeqqutinik il. il., ataatsimiinnermik pineqartumi suliarisassangortitanik qanoq siliarineqarnissaannik Inatsisartunit akuersissutigisassamik inassuteqaasiortussaasoq. Ataatsimiinneq aallartitsinnagu Siulittaasoqarfik siunnersuutinik, apeqquteqaatinik il. il., Inatsartuni ilaasaortanut ataatsimiinnissami isumaqatigiinniutigineqartussatut naatsorsuutigisanik allattukkamik takussutissiortussaavoq.