Ullormut oqaluuserisassat
Ulloq immikkut ataatsimiiffiusoq siulleq, tallimanngorneq 9. oktobarip 2026, nal. 10:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
Inatsisartut Siulittaasoqarfiat
Imm./pkt.: 93
Meeqqat atuarfiat pillugu nunatta inatsisartuisa inatsisaat nr. 15, 3.december 2012-imeersoq allanngortinneqarnissaanik Naalakkersuisut aalajangiiffigisassaattut siunnersuut, ukiup atuarfiusup kalaallit kulturikkut inuiaqatigiinnilu pissutsinut naleqqussarneqarnissaa siunertaralugu.
Inatsisartunut ilaasortaq Kuno Fencker, Naleraq
Imm./pkt.: 330
Naalakkersuisut Avannaata Kommunia suleqatigalugu UKA 2028-mut kingusinnerpaamik Uummannami Upernavimmilu BAT-mik piumasaqaatinik naammassinnittunik nutaaliaasunik eqqakkanik ikuallaavinnik pilersitsinissamut periarfissat pillugit aalajangiinissamut tunngavissiamik nutarsagaasumik iliuusissanullu pilersaarummik suliaqarnissamik saqqummiussinissamillu peqquneqassasut Inatsisartut aalajangiiffigisassaattut siunnersuut. Aalajangiinissamut tunngavissiami Uummannami Upernavimmilu ikuallaavinnik pilersitsinissamut periarfissat nuna tamakkerlugu eqqakkanik assartuinissamik aaqqiissummut sanilliunneqassapput. Sanilliussinermi aningaasaqarneq, avatangiisinut sunniutit, eqqakkat annertussusaat, ingerlatsineq, assartuineq, sikusarnera, aningaasaliinissamut periarfissat kiisalu ikuallaanermit kissap atorneqarsinnaanera ilaatinneqassapput.
Inatsisartunut ilaasortaq Aqqalu C. Jerimiassen, Atassut
Imm./pkt.: 158
Inuiaqatigiittut inuttullu ingerlariaqqinnissaq siunertaralugu, nuna tamakkerlugu tamanut tarnikkut katsorsartinnissamut oqaloqateqarnissamullu neqeroorutit annertusarneqartariaqarneri pillugu inatsisartunut apeqquteqaat aallaavigalugu oqallisissiassatut siunnersuut.
Inatsisartunut ilaasortaq Bentiaraq Ottosen, Atassut
Imm./pkt.: 144
Maani nunatsinni ikiaroornartumik atuinerup pinaveersaartinneqarnissaanut, annikillisinneqarnissaanullu suliniutit suut aallartittariaqarnerigut, matumani aamma ikiaroornartumik nunatsinnut eqqussinissaq qanoq pitsaaliussaneripput pillugit, apeqquteqaat aallaavigalugu oqallinnissamik siunnersuut.
Inatsisartunut ilaasortaq Karen Marie Kyed Frederiksen, Demokraatit