UKA06/120 Inuusuttunut inissianik, inuusuttut namminneq ukiut ingerlaneranni pigilersinnaasaannik sanaartorsinnaanermut periarfissat Naalakkersuisut qanoq isumaqarfigaat?
20120913 09:25:53
UKA06/120 Inuusuttunut inissianik, inuusuttut namminneq ukiut ingerlaneranni pigilersinnaasaannik sanaartorsinnaanermut periarfissat Naalakkersuisut qanoq isumaqarfigaat?
1. august 2006 UKA 2006/120
Inatsisartut Suleriaasianni § 36, imm. 2 naapertorlugu apeqqut imaattoq matumuuna saqqummiuppara:
Inuusuttunut inissianik, inuusuttut namminneq ukiut ingerlaneranni pigilersinnaasaannik sanaartorsinnaanermut periarfissat Naalakkersuisut qanoq isumaqarfigaat?
(Inatsisartunut ilaasortaq Anthon Frederiksen, Kattusseqatigiit Partiiat)
Tunngavilersuut:
Naluneqanngitsutut inissaaleqineq Nunatsinni ajornartorsiutaavoq annertoorujussuaq, minnerunngitsumik aamman inuusuttunut inissaqartitsiniarneq eqqarsaatigalugu. Inuusuttortatta siunissamut sutingut tamatigut pitsaanerpaamik qulakkeerunneqarnissaat siunertarisariaqaripput Kattusseqatigiit partiani isumaqarpungut ilumut aamma inuusuttortatta akornanni inissaaleqineq nammineerusunnermut ilaatigut aamma killileeqataasartoq, taamaattumillu maannakkut pissutsit piviusut naapertorlugit tamanna nassuerutigisariaqaripput. Taamaattumik inuusuttut atugaasa pitsanngorsarnissaat anguniarlugu suliniutit qanoq ittut Naalakkersuisunit periarfissatut isigineqarnersut apeqqutigaara.