UKA06/122 Qaleraleqarfiit illersorneqarnissaat aamma qalerallit sumiiffinni aalajangersimasuni piujuaannartinneqarnissaat anguniarlungu Naalakkersuisut suliniuteqalersaarpat?

Påtænker Landsstyret at tage initiativ til beskyttelse af hellefiskeområder samt at tage initiativ til bæredygtighed i hellefiskebestande på bestemte hellefiskeområder.

(Landstingsmedlem Anthon Frederiksen, Kattusseqatigiit partiiat)

Begrundelse:

Akissuteqaat takuuk

1. august 2006                                                                                                                  UKA 2006/122

Inatsisartut Suleriaasianni § 36, imm. 2 naapertorlugu Naalakkersuisunut apeqqut imaattoq matumuuna  saqqummiuppara:

Qaleraleqarfiit illersorneqarnissaat aamma qalerallit sumiiffinni aalajangersimasuni piujuaannartinneqarnissaat anguniarlungu Naalakkersuisut suliniuteqalersaarpat?

(Inatsisartunut ilaasortaq  Anthon Frederiksen,  Kattusseqatigiit Partiiat)

Tunngavilersuut:

Ilisimaneqarpoq; Nunatta kitaata sineriaata ilaani sumiiffinni aalajangersimasuni   qaleraleqarfeqarsimangaluartoq,  kisiannili killeqanngitsumik aamma nakkutigineqanngitsumik aalisarnerup kingunerisaanik, qaleraleqarfiusimangaluartut tamakku maannakkut oqaluttu-aannaapput.

Aamma miserratiginagu oqaatigineqartariaqarpoq; maannakkut qaleraleqarfiit aalisarfigineqartut ilaat annertoorujussuarmik, ilaatigut ingasaassisumik nakkutigineqarpianngitsumik oqaatigineqar-sinnaasumik aalisarfigineqarmata.

Allaammi qaleraleqarfiit ilaat ukiuni kingullerni ima annertutigisumik aamma nakkutigineqan-ngingajattumik aalisarfigineqarput, piffissap ilaatigut sumiiffiit ilaanni qalerallit ajornarsiusa-vittalerlutik aammalu qalerallit anginerit siusinnerusumut naleqqiullugu ikileriapiloorsimallutik.

Aalisartut oqaleqatigisarneranni paasinarsingaluttuinnarpoq; aalisartut aamma ilaatigut ernummatigisalersimangaat; qaleralinniarnerup nakkutigineqarpianngitsutut maannakkutut ingerlanneqarnera attatiinnarneqassapput, minnerunngitsumillu aamma avataasiorluni qaleralittassiissutit amerliartortiinnarneqassappata, kiisalu ilaatigut 300 gram-itut allaat mikitigisut avataasiortunit tunisassiarineqartarnerat ingerlatiinnarneqassapput, taava sinerissap qanittuani qaleraleqassutsip innarlerujussuarneqarnissaa ernummatigineqartariaqartoq.

Taamaattumik maannakkut kingusinaartoqarpallaartinnagu, aammalu kinguaassatta aalisagassaqartinneqartuarnissaat qulakkeerumallugu, minnerunngitsumillu aamma qaleraleqarfiit piujuaannartinneqarnissaat pillugu Naalakkersuisut kinguneqartitsiniartumik akissuteqassasut qinnuigaakka.