02EM/01.25.01-144 Kalaallit Qallunaat Nunaanniittut pillugit Naalakkersuisunut apeqqut. Asii Narup Chemnitz

20. august 2002                   UKA 2002/144

Kalaallit Nunaanni Inatsisartut Suleriaasianni § 36, imm.1 innersuussutigalugu Inatsisartut ukiaa-nerani 2002-imi ataatsimiinneranni Naalakkersuisunut imaattunik apeqquteqarniarlunga matu-muuna kissaateqarpunga:

Kalaallit Qallunaat Nunaanniittut pillugit Naalakkersuisunut apeqqut.

(Inatsisartuni ilaasortaq Asii Narup Chemnitz, Inuit Ataqatigiit)

Paaserusuppara Naalakkersuisut qanoq iliuuseqalersaarnersut suliniutissat makku pilugit:

1.      Kalaaleqativut Qallunaat Nunaanniittut, inuiaqatigiinnulli pitsaasumik akulerusimanngitsut inuttullu ajornartorsiuteqartut pillugit danskit naalakkersuisuinik suleqatiserinninnissamik pilersaaruteqarnersut ?

2.      Immikkut ittunik ikiorsiissuteqalersaarnersut, pineqartut ilaasa Nunatsinnut angerlarusus-sinnaanerat aqqutissiuunniarlugu?

3.      Inuiaqatigiit innuttaasut ilaannik ajattuinnginnissaat anguniarlugu aamma Nunatsinni ine-riartornermi innuttaasut tamarmik ataqqinassusilimmik ataqqinartumillu inuuneqarsin-naanissaat qulakkeerniarlugu sunik suliniuteqartoqalersaarpa ?

Tunngavilersuutit: Danmarkimi inuit tamat oqartussaaqataanerat pissaaneqarnerlu pillugit qulaajaasoqarpoq (Analyse af demokrati og magt i Danmark), ilisimatuullu suliassamik iminne-qartut qulaajaanerminnut atatillugu aalajangersimapput kalaallit Danmarkimi atugaat ilanngul-lugit ilisimatusarnikkut misisorniarlugit. Misissuinerup qulaajaanerullu inernerni - atuakkami “Grønlændere i Danmark, en overset minoritet”-imi Lise Togebymit atuakkiarineqartumit atuar-neqarsinnaasut - takutippaat kalaallit Danmarkimiittut amerlanersaat inuiaqatigiinnut danskiu-sunut akulerusimalluarlutik pitsaasumik inooqataasut. Ajoraluartumilli ilaqarput ajornartorsiu-teqartunik aningaasarsiornikkut inooqatigissutsikkullu immikkoortitatut inissisimasunik. Nunat-sinni angisuumik unammillerniagassaqarpugut: Tassalu “inuttut atugarliuteqarnermik peqqute-qartumik qimarnguneq” pinaveersimatinniarlugu suliniuteqarnissamut. Naalakkersuisut Inatsisa-tullu tamatuma anguniarnerani immikkut akisussaaffeqarput.

Apeqqutit oqaasiinnarmik Inatsisartunut saqqummiunneqarnissaat kissaatigaara, § 36, imm. 2 tunngavingalugu.