03EM/01.25.01-134 Inuusuttunut aalisarnermik piniarnermillu inuussutissarsiuteqarnissamik kissaateqartunut ilinniartitaanermik... (Inatsisartuni ilaasortaq Agathe Fontain, Inuit Ataqatigiit)

20120913 09:27:02
03EM/01.25.01-134 Inuusuttunut aalisarnermik piniarnermillu inuussutissarsiuteqarnissamik kissaateqartunut ilinniartitaanermik... (Inatsisartuni ilaasortaq Agathe Fontain, Inuit Ataqatigiit)

3. februar 2003


              UKA 2003/134




Kalaallit Nunaanni Inatsisartut Suleriaasianni § 32, imm. 1 naapertorlugu aalajangiiffigisassatut siunnersuut imaattoq matumuuna saqqummiuppara:



Inuusuttunut aalisarnermik piniarnermillu inuussutissarsiuteqarnissamik kissaateqartunut ilinniartitaanermik pilersitsinissaq suliniutigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.


(Inatsisartuni ilaasortaq Agathe Fontain, Inuit Ataqatigiit)



Tunngavilersuut:


Nunatsinni aalisarneq aningaasarsiornerup pingaarnersaa, pimoorussamik pingaartinneqassappat inuusuttunillu aalisarneq pilerigineqassappat aalisarnermik piniarnermillu ilinniarfeqarnissaa pisariaqarpoq.



Taamatuttaaq piniarneq siunissaqassappat, ullutsinnullu piuumasaqaatit naammassineqassappata piniartuunermik inuussutissarsiuteqarnissaq ilinniartariaqarpoq.



Ullutsinni aalisartuunermi piniartuunermillu inuussutissarsiuteqarniaraanni ilisimasassat amer‑laqaat, ingammik piumasaqaatinut ilaatinneqassappat imminut akilersinnaasumik aalisartuunissaq.



IIinniarfimmi i linniarneqarsinnaassapput:



ÿ             aningaasarsiornermut tunngasut


ÿ             angallatinik paarsilluarneq


ÿ             sillimaniarnermut tunngasut


ÿ             aalisakkat-piniakkallu inerikkiartortarneri


ÿ             Nunatsinni aalisarnikkut piniarnikkullu ineriartorneq



Aalisarneq suliffiit ulorianartut ilagaat, taamaattumik ilinniagassanut ilaalluinnartuuvoq immami suliffiup qanoq ingerlanneqartarnera.



Ullumikkut nalunngilarput inuttassaaleqineq aalisartunut qanoq ajornartorsiutaatigisartoq. Aqqusiniinnarmi tigusat, suliffimmi ulorianarsinnaaqisumi, sulisoritillugit kinguneqartarneri imaannaanngillat. Sulinerup kinguarsarneranni, taamaasilluni aningaasarsiorneq aamma unikaallatsillugu, sulisunik akornusernernik kinguneqartarput.



Ilinniarfimmik periarfissarsiornermi ilanngunneqassapput imarsiornermi ilinniarfiup aammalu


Aalisakkanik Tunisassiornermik Ilinniarfiup qanoq ilillutik imininnut suleqatigiissinnaaneri.