Partiit oqaaseqaataat(Atassut)-1

ATASSUT                                                                                           UKA 03/37

Jensine Berthelsen                                                                            03.11.03 

Forslag til Landstingsbeslutning om, at Landsstyret pålægges at ændre Landstingslov nr. 11 af 11. november 2000 om salg og udskænkning af alkoholholdige drikke, således at det bliver muligt for værtshuse og diskoteker at holde åbent til klokken 05.00.

(Palle Christiansen, Demokraatit)

Palle Christiansen foreslår, at det bliver muligt for værtshuse af holde åbent til klokken fem, blandt andet med argument om, at dette vil svare til mere moderne forhold og at forlængelse vil virke præventivt på efterfesterne, efter værtshusene er lukket.

Efter liberaliseringen af åbningstiderne i værtshusene har en af konsekvenserne i drikkeadfærdet været efterfester, når værtshuse har lukket med efterfølgende højlydt adfærd, høj musik, diskussioner og i visse tilfælde slagsmål til stor gene for specielt familier med børn. Udover det er det et faktum, at umådeholden drikkeri også afstedkommer vold som desværre kan ende sørgeligt. Vi kan derfor fra Atassut udmærket godt forstå forslagsstillerens andet argument om tiltag for at begrænse efterfesterne.

Men hvorvidt problemstillingerne kan elimineres fra dag til dag er vi i Atassut i tvivl om. Det er jo en kendsgerning, at en af intentionerne med forlængelsen af åbningstiderne nogle år tilbage netop har været at begrænse efterfesterne, men dette har desværre kun betydet, at folk er gået på værtshus senere end sædvanligt, og om hvorvidt de forlængede åbningstider har haft effekt på efterfesterne er umuligt at sige, da der så at sige ikke eksisterer dokumentationer. Det er derfor umuligt at forudsige om længere åbningstider vil have nogen positiv effekt på folks drikkevaner.

Men for at møde forslagsstilleren på halvvejen vil Atassut foreslå, at man i vort land til at starte med retter blikket mod vores lille naboland Island med tilsvarende alkoholproblemer og foretager forsøg på reguleringer til at starte med, på baggrund af deres indhøstede erfaringer.

Dette kan arrangeres ved, at man laver tidsbestemte forsøg i to af vore byer, i en lille og en stor by. Eksempelvis kunne man på disse steder lade værtshusene være åbne til klokken fem indenfor en periode på et år. Når forsøgsperioden er overstået kan man evaluere fordele og ulemper, og når evalueringen er foretaget kunne vi på baggrund af denne vende tilbage til sagen i Landstinget, vel at mærke, hvis behov for ændring af den aktuelle lovgivning er til stede.

Med disse bemærkninger skal ATASSUT anbefale, at forslaget inden andenbehandlingen bliver genstand for behandling både  i Landstingets Erhvervsudvalg og Landstingets Udvalg for Familier og Sundhed.

ATASSUT                                                                                                    UKA03/37                                                                                                                                                                                                                                                                                                                                                                                                                                                                 UPA 2003/81

Jensine Berthelsen                                                                                          03.11.03

Imerniartarfiit diskotekillu ullaakkut nalunaaqutaq tallimat tungaanut ammasalersinnaaqqullugit imigassanik aalakoornartulinnik nioqquteqartarneq sassaallertarnerlu pillugit Inatsisartut inatsisaata nr. 11, 11. November 2000-imeersup allanngortinneqarnissaanik Naalakkersuisut peqquneqarnissaat pillugu Inatsisartut aalajangiiffigisassaattut siunnersuut.

(Palle Christiansen, demokraatit)

Inatsisartuni ilaasortaq Palle Christiansen Demokraatineersoq siunnersuuteqarpoq imerniartarfiit ullaakkut nalunaaqutaq tallimat tungaanut ammatinneqartalissasut, taamaaliortoqarnera inuiaqatigiinnut nutaaliaasunut naleqqussaasoqarsinnaanerarlugu aammalu ammasarfiit sivitsorneqarpata imerniartarfiit matoreernerisa kingorna nangikkiartarnermik ileqqoqarneq annikillissisinneqarsinnaanerarlugu.

Imerniartarfiit sivisunerusumik ammasalersinneqarnerisigut aalakoornartulinnik imigassartortarnermi ilisarnaataalersimasut ilagaat imerniartarfiit matoreernerisigut angerlarsimaffinnukarluni nangittarnerit pilersitaannik inissiani najugalinni pingaartumik ilaqutariit meerartallit unnuaannakkut itertitaallutik, nilliasunit, nipilersortunit, assortuuttunit aammalu ilaatigut nukersuuttunit tujormisitaasarnerat, tamatumalu saniatigut imigassartorpallaarsimanerup kingunerisaanik annersaanerit ilaatigut alianartumik kinguneqartartut ajoraluartumik atugaasarput. Taamaattumik ATASSUT-ip tungaanit siunnersuuteqartup siunnersuuteqarnermini qitiutitaata aappaa, tassalu nangikkiartarnerit ikilisarneqarnissaannik ujartuineq paasilluarsinnaavarput.

Taamaattorli imerniartarfiit ullaakkut tallimat tungaanut ullormiit ullormut ammatinneqartanernerisigut ajornartorsiutit anigoriarneqarsinnaanissaannut aqqutissaanersoq ATASSUT-mit nalornisigaarput.

Naluneqanngilarmi ukiualunnguit arlallit matuma siorna imerniartarfiit sapaatip akunnerisa naanerini sivisunerusumik ammatinneqartarnerisigut nangikkiartarnerup kingunerisaanik ajornartorsiutaasartut aniguumineqarnissaat siunertaasunut ilaasimagaluarpoq, tamannali inuit imerniartarfiliarniartut kingusinnerusukkut imerniartarfiliartalernerannik kinguneqaannarsimavoq.

Nangikkiartarnerilli kingunerisaanik ajornartorsiutit ikiliartorsimanersut ullumikkut erseqqilluinnartunik uuttuuteqanngilavut oqarsinnaalluta imerniartarfiit sivisunerusumik ammasalerpata aalakoornartortalinnik imertarnermi ileqqut ilorraap tungaanut saatinniarneqarsinnaallutik.

Taamaammat siunnersuuteqartoq naapikkumallugu ATASSUT-mit siunnersuutigissavarput, nunaarannguami sanilitsinni, uagutsitulli imigassamik ajornartorsiuteqarfiusumi, tassalu Island-imi periuserineqarsimasoq isumassarsiorfigalugu nunatsinni misiliummik aallaqqaammut ingerlatsisoqassasoq.

Taamaaliortoqarsinnaavoq nunatsinni illoqarfiit marluk, aappaa mikisoq aappaalu angisooq, piffissap aalajangersimasup iluani, assersuutigalugu ukiup ataatsip iluani, imerniartarfii tallimat tungaanut ammatinneqartalerlutik.

Piffissaq misileraaffiusoq qaangiuppat periutsip iluaqutissartai ajoqutaalu nalilersorneqassapput, nalilersuinerlu aallaavigalugu ullumikkut inatsisaasut allanngortinneqartariaqassappata Inatsisartuni tamanna uterfigeqqinneqarsinnaavoq.

ATASSUT-mit taamatut oqaaseqarluta siunnersuutigineqartup aappassaaneerneqannginnerani Inatsisartut Inuussutissarsiornermut Ataatsimiititaliaani aammalu Inatsisartut Ilaqutariinnermut peqqissutsimullu ataatsimiititaliaani suliassanngortinneqassasoq innersuussutigaarput.