Akissuteqaat-1

2. november 2003                                                                                 EM 2003/37

Forslag til Landstingsbeslutning om, at Landsstyret pålægges at ændre Landstingslov nr. 11 af 11. november 2000 om salg og udskænkning af alkoholholdige drikke, således at det bliver muligt for værtshuse og diskoteker at holde åbent til klokken 05.00

( Landstingsmedlem Palle Christiansen, Demokraterne)

Svarnotat

(Landstingsmedlemmet for Familie og Sundhed)

1. behandling

Udskænkning af stærke og svage drikke må i henhold til Landstingslov nr.11 af 11. november 2000 om salg og udskænkning af alkoholholdige drikke kapitel 4 '13 finde sted fredag og lør­dag samt nytårsaften, aftenen før Skærtorsdag, aftenen før Store Bededag og aftenen før Kr. Himmelfartsdag finde sted indtil kl. 03.00. I henhold til samme lov kapitel 6 '21 skal restauran­ter og andre udskænkningssteder være lukket fra kl. 03.00 til kl. 06.00. Landsstyret kan ikke tilslutte sig forslaget om at udvide åbningstiden for salg af alkoholholdige drikke.

Det er helt klart Landsstyrets målsætning, at det samlede forbrug af alkohol skal nedbringes af både sundhedsmæssige og sociale årsager. Denne politik har nydt bred opbakning i Landstin­get og blandt borgerne. Lukkeloven er en væsentlig del af politikken for at nedbringe alkohol­forbruget i landet.

Alkoholforbruget i Grønland har været jævnt faldende pr. person over 14 år til et niveau på 12,5 liter ren alkohol om året i 2002, hvilket dokumenterer en positiv respons på den førte politik på området.

Der er stadig brug for målrettede forebyggende indsatser mod et destruktivt drikkemønster og de store menneskelige omkostninger i form af sygdom, død og ødelagt arbejdsliv, som både rammer det enkelte menneske og dennes familie. Misbrugere og storforbrugere af alkohol vil altid ønske at købe alkohol uanset pris og sted og vil opsøge både private og offentlige ud­skænkningssteder, uanset pris. En udvidelse af åbningstiden med salg og udskænkning af al­koholholdige drikke for værtshuse og diskoteker til klokken 05.00 vil efter Landsstyrets skøn ikke bidrage til at forbedre misbrugernes sociale og økonomiske situation.

Landstyret finder ikke alkoholloven umoderne. Der er taget hensyn til turister, idet kommu­nalbestyrelsen kan udstede særskilt alkoholbevilling til lufthavnskiosker og hoteller med over­nattende gæster til udskænkning af stærke og svage drikke også i tidsrummet mellem kl. 06.00 og 12.00.

_____________                                     

EM 2003/37

DS j. nr. 46.32

I øvrigt finder Landsstyret, at hensynet til landets egne borgere må gå frem for hensyn til turi­ster. Når vi rejser ud, følger vi pågældende lands love, således også her i Grønland. Og her i Grønland finder Landsstyret, at en udvidelse af perioden, hvor der kan skænkes alkohol mod betaling er et forkert signal at sende, idet det er imod den førte politik, som vægter de sociale og sundhedsmæssige aspekter meget højt.

Alkohol- og Narkotikarådet, der blev retableret i sommeren 2003, skal årligt udarbejde en rap­port til Landsstyret om udviklingen på alkohol og narkotikaområdet og herunder bidrage med anbefalinger til initiativer, der forebygger eller nedbringer misbruget af alkohol og narkotiske stoffer. Landsstyret agter at følge udviklingen i både forbrug og forbrugsmønster nøje.

Som begrundelse for sit forslag til Landstingsbeslutning om at udvide tidsrummet for salg og udskænkning af alkoholiske drikke påpeger landstingsmedlem Palle Christiansen, at det vil indebære en række fordele, blandt andet i fald af efterfester, antallet af voldstilfælde og at ind­tagelse af alkohol i tidsrummet fra kl. 03.00 til 05.00 vil foregå på værtshuse og diskoteker under kontrollerede forhold.

Der findes ingen dokumentation for, at en liberalisering af lukkeloven vil give sådanne forde­le, som Palle Christiansen anfører. Før 2000 lukkede værtshuse og diskoteker kl. 01.00 B og der var efterfester. I dag lukkes kl. 03.00 B og der er efterfester. I andre lande, hvor åbningsti­den er udvidet til kl. 05.00 på værtshuse og diskoteker, er der også store problemer med vold og tumult i forbindelse med lukningen af udskænkningsstederne. I praksis har vi oplevet, at tidspunktet, hvor folk går på værtshus eller diskotek forrykkes, således at mange går senere ud og kommer senere hjem. Vi har måske med lukkeloven fra 2000 skabt flere og længere før-fester, men vi kan med glæde konstatere, at det samlede alkoholforbrug ikke er steget.

Landsstyret er ikke ligegyldig over for problemet med efter-fester. Der skal være ro i boligom­råderne om natten, og det er vigtigt, at alle står sammen om at efterleve udlejningsloven og i øvrigt følger politiets henstillinger. Vold og berusede personer, der tyranniserer andre er ikke acceptabelt, men dette må bekæmpes med andre midler.

Set i sammenhæng med den førte politik på alkoholområdet indenfor adfærdsregulering i rela­tion til salg og udskænkning af alkohol, og de sundhedsfremmende og forebyggende tiltag, som foregår løbende, og den heraf afledte positive respons på nedgangen i forbrug af alkohol pr. indbygger over 14 år, ønsker Landsstyret ikke at tilslutte sig dette forslag.

2. november 2003                                                                                                           UKA 2003/37

                                                        

 

Imerniartarfiit qitigiartarfiillu ullaakkut nalunaaqutaq tallimat tungaanut ammasalersin­naaqqullugit Imigassanik aalakoornartulinnik nioqquteqartarneq sassaallertarnerlu pillugit Inatsisartut inatsisaata nr. 11, 11. november 2000‑imeersup allanngortinneqarnissaanik Naa­lakkersuisut peqquneqarnissaat pillugu Inatsisartut aalajangiiffigisassaattut siunnersuut.

(Inatsisartunut ilaasortaq Palle Christiansen, Demokraatit)

Akissuteqaat

(Ilaqutariinnermut Peqqissutsimullu Naalakkersuisoq)

Siullermeerneqarnera

Imigassanik aalakoornartulinnik nioqquteqartarneq sassaallertarnerlu pillugit Inatsisartut inatsisaanni nr. 11-mi, 11. november 2000-imeersumi kapitali 4-mi § 13 naapertorlugu tallimanngornerni arfininngornernilu kiisalu ukiutoqqami, unnunni Sisamanngornerup Illernartup, Tussiarfissuup aamma Qilaliarfiup siuliini imigassanik aalakoornartortalinnik kimittuunik kimikitsunillu sassaallerneq nal. 3.00-p tungaanut pisinnaavoq. Inatsimmi tassani kapitali 6-imi § 21 naapertorlugu sutorniartarfiit sassaallertarfiillu allat nal. 03.00-imiit 06.00-imut matoqqasassapput. Imigassanik aalakoornartortalinnik nioqquteqartarnermi ammasarfiit sivitsorneqarnissaannik siunnersuut Naalakkersuisut isumaqatigisinnaanngilaat.

Naalakkersuisut anguniagarilluinnarpaat peqqissuunissamut inooqatigiissutsikkullu pissutsit pissutigalugit imigassamik atuineq tamarmiusoq appartinneqassasoq. Taamatut politikkeqarneq Inatsisartunit innuttaasunillu tapersersorluarneqarsimavoq. Piffissanut sassaallertarfinnut inatsit nunatsinni imigassamik atuinerup annikillisarnissaanut politikkimut ilaavoq pingaarutilik.

Nunatsinni imigassanik aalakoornartulinnik atuineq ukiut ingerlanerini appariartuaarsimavoq. Imi­gassaq aalakoornartoq allamik akoqanngitsoq uuttuutigalugu 2002-mi innuttaasunut 14‑ileereersi-masu­nut  agguaqatigiissillugu 12,5 literinut apparsimalluni, tamannalu politikkerisap iluatsikkiar­torneranut takussutissaavoq.

________________

UKA 2003/37

PEQQIP J.nr. 46.32

Taamaakkaluartorli imigassanik atornerluineq aserorsaataasoq pinaveersimatinniarlugu suliniutit ersarissumik siunertallit suli atorfissaqartinneqartuassapput, imigassartupilunnerup kinguneri, soorlu napparsimanikkut, toqukkut suliffeqarsinnaajunnaarnikkullu inunnut ataasiakkaanut ilaqutaasunullu eqqorneqartunut akisoorujussuusarmata. Imigassamik aalakoornartulimmik atornerluisut annertuumillu atuisut qaqugukkulluunniit  imigassarsiniarusuttuassapput akia sumilu pisiarinissaa apeqqutaatinnagu, aammalu sassaalliisarfiit nioqquteqarfiillu namminersortut pisortallu ingerlataat ornittuartussaallugit qanorluunniit akeqartitsigaluarpata. Taamaattumik imerniartarfinnut qitigiartarfinnullu imigassanik  nioqquteqartarnermut sassaallertar­nermullu ammasarfigititap nalunaaqutaq ullaakkut tallimat tungaanut sivitsorneqarneratigut Naalakkersuisut isumaat malillugu atorner­luisut inuuniarnikkut aningaasaqarnikkullu inissisimanerannut pitsanngorsaataanavianngilaq.

Naalakkersusut imigassaq pillugu inatsit pisoqalisimasutut isiginngilaat. Takornariat eqqarsaatigineqarput, kommunalbestyrelsi mittarfinni kioskinut akunnittarfinnullu unnuiffiusartunut imigassanik kimittuunik kimikitsunillu sassaallersinnaanermut immikkut ittumik akuersissuteqarsinnaavoq aamma nalunaaquttap 06.00-ip aammalu 12.00-ip akornanni sassaallernissamut.

Aammattaaq Naalakkersuisut isumaqarput nunatsinni innuttaasut isumagineqarnerat takornariat isumagineqarnerannit salliutinneqartariaqartoq. Angalagaangatta nunat angalaffigisatta inatsisaat malittarpagut, soorlu aamma nunatsinni taamaattoqartoq. Nunatsinnilu Naalakkersuisut isumaqarput piffissaq imigassanik aalakoornartortalinnik akiliisitsilluni sassaallerfiusinnaasoq sivitsorneqassap­pat kukkusumik nalunaarnerussasoq pineqartumilu politikkerisamut, peqqinnissamut inuuniarner­mullu tunngassutilinnik pingaartitsiffiusumut akerliussasoq.

Imigassaq Ikiaroornartullu pillugit Siunnersuisooqatigiit 2003-mi aasakkut pilerseqqinneqaqqittut imigassamut ikiaroornartunullu tunngasuni ineriartorneq pillugu Naalakkersuisunut ukiumoortumik nalunaarusiortassapput, tassunga ilanngullugu imigassamik ikiaroornartunillu atuinerup pinaveersaartinnissaanut appartinneqarnissaanullu suliniutinik kaammattuuteqassallutik. Naalakkersuisut atuinerup atuinerullu ingerlarngata ineriartornerat malinnaaffigiuassavaat.

Imigassanik aalakoornartulinnik nioqquteqartarnermut sassaallertarnermullu piffissamik sivitsuinis­saq pillugu Inatsisartut aalajangiiffigisassaattut Palle Christiansenip siunnersuuteqarnerminut tun-ngavilersuutitut tikkuartorpaa tamanna arlalinnik iluaqutissartaqassasoq, ilaatigut nangikkiartarnerit aamma  annersaanerit perulluliornerillu ikileriassasut, piffissamilu nalunaaqutaq 03.00‑imit 05.00‑i­mut imigassanik aalakoornartulinnik imerneq imerniartarfinni qitigiartarfinnilu nakkutigisaasumik ingerlanneqartalissasut.

Palle Christiansenip siunnersuutaatut ammasarfiit sivitsorneqarnerisigut  iluaqutissartaqarnersoq uppernarsaatissaqanngilaq. 2000 sioqqullugu imerniartarfiit qitigiartarfiillu nal. 01.00 matusarput – nangikkiartoqartarlunilu. Ullumikkut nal. 03.00 matusarput – nangikkiartoqartarlunilu. Nunani allani imerniartarfinni qitigiartarfinnilu nalunaaqutaq ullaakkut tallimat tungaanut ammaffiusartuni sassaallertarfiit matunerannut atatillugu annersaasarnerit perul­luliortarnerillu aammattaaq ajornartorsiutaasorujussuusarput. Misigisimavarput piffissaq inuit imerniartarfiliarfigisartagaat qitigiartarfiliarfigisartagaalluunniit ima nikittoq, inuppassuit kingusinnerusukkut anisarlutik kingusinnerusukkullu angerlartarlutik. Taamaalilluta ammasarfiit pillugit inatsit 2000-imeersoq aqqutigalugu imerniartarfiliannginnermi imernerit amerlanerit sivisunerillu pilersissimagunarpagut, nuannaarutigaluguli oqaatigisinnaallugu imigassamik atuineq tamarmiusoq qaffariaateqarsimanngitsoq.

Naalakkersuisut nangikkiartarnernik ajornartorsiut suusupaginngilaat. Ineqarfinni unnuakkut nipaatsuussaaq, aammalu pingaaruteqarpoq inuit tamarmik inissianik attartortitsisarnermut inatsit ikioqatigiillutik eqquutsinniassagaat, aammalu politiit piumasaat malillugit. Persuttaaneq inuillu aalakoortut allanik qunusiarinnittut akuerineqarsinnaanngillat, tamakkuli allatigut akiorniartariaqarput.

Imigassaq pillugu politikki ingerlanneqartoq ataatsimoortumik isigalugu, nioqquteqartarnermut sas­saalliisarnermullu pissusilersuutinut sunniiniarnermut atatillugu, kiisalu peqqinnissamik pinaveer­saartitsinermillu siuarsaasumik suliniuteqarnernut ingerlaavartunut atatillugu, tamatumalu kingu­nerisaanik innutaasunut 14-ileereersimasunut agguaqatigiissillugu imigassartornerup annikilliartor­nera eqqarsaatigalugu Naalakkersuisut siunnersuummut akuersaarsinnaanngillat.