04EM/01.25.01-115 Illoqarfinni nunaqarfinnilu sikusartuniittuni naatitanik nioqqutissanillu immunnik akulinnik nioqquteqartarnermi... (Ole Thorleifsen, Siumut)
11. august 2004 UKA 2004/115
Inatsisartut Suleriaasianni § 32 naapertorlugu aalajangiiffigisassatut siunnersuut imaattoq matumuuna saqqummiuppara:
Illoqarfinni nunaqarfinnilu sikusartuniittuni naatitanik nioqqutissanillu immunnik akulinnik nioqquteqartarnermi akit aaliangersimasut atuutilersinneqarnissaannik Naalakkersuisut peqquneqarnissaat pillugu Inatsisartut aalajangiiffigisassaattut siunnersuut.
(Inatsisartunut ilaasortaq Ole Thorleifsen, Siumut)
Tunngavilersuut:
Inuttaasut tamatta ilisimavarput illoqarfinni sikusartuni nunaqarfinnilu ukiukkut naatitat nioqqutissallu immunnik akullit aatsaat timmisartukkut siunnerfimminnut apuunneqartartut. Tamanna tunngavigalugu nioqqutissat pineqartut naliginnaasumik akisunerujussuusarput. Allaat Yoghurt liiterip piffinni ataasiakkaani 50 kruuneqarnera takornartaanani. Pissutsit tamakku innuttaasunut akueriuminaapput, tassami tamatta ilisimavarput sullisisisut tamarmik, timisartuutileqatigiit niuertarfiillu Namminersornerullutik Oqartussanit tapiiffigineqartarput. Tapiissutit ukiumiit ukiumut suliffeqarfinnut tuttartut atuisunut toqqaannartumik tutsinniartassagaanni pisariaqarpoq aaliangersimasunik malittarisassaqarnissaa. Tamannalu Inatsisartuniit isumannaarneqarsinnaavoq.
Periarfissat marluupput. Siullertut KNI Pilersuisoq, Air Greenlandilu toqqaannartumik piumaffigineqarsinnaapput Namminersornerulllutik Oqartussat aningaasamut inatsimmut tunngatillugu tapiissutaat tunngavigalugit isumaqatigiinniarnerit ingerlanneqassasut, tapiissutit toqqaananrtumik atuisunut tuttarnissaat siunertaralugu.
Aappassaanik, sodavandit, naatsiiat panertut, mamakujuillu naleqqussaavigalugit akitsuuserlugit tamanna aningaasalersorneqarsinnaavoq.
Neriuppunga inatsisartuni ilaasortat periarfissat marluk taakkartukakka nalilersorluassagaat, innuttaasumi atugaat taamaatsillugit qinikkatut pisussaaffigaarput aaqqiissutissanik periarfissarsiuussissalluta.