04EM/01.25.01-75 Kangaatsiap oqaluffiata maanna aserfallalluinnarsimasup nutarterneqarnissaanik aamma... (Otto Jeremiassen Siumut)
30. juli 2004 UKA 2004/75
Inatsisartut suleriaasianni § 32 naapertorlugu aaliangiiffingisassatut siunnersuut imaattoq matumuuna saqqummiuppara:
Kangaatsiap oqaluffiata maanna aserfallalluinnarsimasup nutarterneqarnissaanik aamma allineqarnissaanik, piaartumillu tulleriaarinerni sallinngortinneqarnissaanik Naalakkersuisut peqquneqarnissaat pillugu Inatsisartut aaliangiiffigisassaattut siunnersuut.
(Inatsisartunut ilaasortaq Otto Jeremiassen Siumut)
Tunngavilersuut:
Kangaatsiami ullumikkut oqaluffitta naleqqukkunnaarsimanera pissutingalungu nutarterneqarnissaanik aammalu allilerneqarnissaanik sanaartortoqarnissaa siunnersuutingaara.
Tassami maanna oqaluffik atorneqartoq ullumikkumut innuttaminit atorneqarsinnaanera killeqartorujussuanngorsimavoq angissuttimingut aammalu pisoqaanini pissutingalungu assut nutartingassanngorsimalluni.
Matumanilu siunnersuuteqarninni kissaatingiumavara manna oqaluuserisassatut saqqummiussara nutarterinissamik aammalu allilerinissamik oqaluffimmik Kangaatsiami tapersersorneqarumaartoq.
Oqaluffippummi eqqaamanerlunngikkukku ukioq 1927-vimi sanaajuvoq, tamaalillunilu ullumikkumut Kommune-qarfimmut Kangaatsiamut inuttussuttimingut atussallungu naleqqukkunnaarsimalluni, aammalu oqaluffiup iluata annertuumik nutartingassanngorsimanera ersarissumik malunginiarneqarsinnaalluni.
Tamaattumik matumani siunnersuummik oqaluffimmik nutarterisoqarnissaanik aammalu allilerisoqarnissaanik tapersersorneqarumaarlunga neriuppunga, aammalu Inatsisartoqatinnik oqaluffiup takuneqarsimanera qanoq pisariaqartitsisoqartingineranik uppernarsaaqataajumaartoq neriuutingaara.
&nbs