04EM/01.25.01-27 Inissiani attartortittakkani ineqarnermut tapiissutit pillugit inatsisartut peqqussutaata allanngortinneqarneranik...
3. august 2004 UKA 2004/27
Inissiani attartortittakkani ineqarnermut tapiissutit pillugit inatsisartut peqqussutaata allanngortinneqarneranik Inatsisartut peqqutissaattut nr. xx, yy 2004-imeersussatut
siunnersuut
§ 1
Inissiani attartortittakkani ineqarnermut tapiissutit pillugit Inatsisartut peqqussutaanni nr. 3-mi, 31. maj 2001-imeersumi imatut allannguisoqarpoq:
1. § 9, imatut oqaasertalerneqarpoq:
"§ 9. Inissiani attartortittakkani ineqarnermut tapiissutit ukiup naatsorsuuteqarfiusup naanerani aamma ineqarnermut akiliutit allanngortinneqarneranni iluarsiivigineqartassapput. Inissiaq attartortittagaq najugaqatigiiffimmut ilaappat ineqarnermut tapiissutit ukiuata najugaqatigiiffiit ataasiakkaat ukioq naatsorsuuteqarfia malissavaa. Inissiaq attartortittagaq najugaqatigiiffimmut ilaanngippat ineqarnermut tapiissutit ukiuata qaammatisiutit ukiuat malissavaa.
Imm. 2. Ineqarnermut tapiissutisisartut ineqarnermut akiliutip, inuttut aamma aningaasaqarnikkut pissutsit allannguutaannik ineqarnermut tapiissutinik annertussusiliinissamut pingaaruteqartunik kommunimut nalunaaruteqarnissaminnik pisussaaffeqarput.
Imm. 3. Imm. 2-imi taaneqartut paasissutissat ineqarnermut tapiissutisisartup tunniussimanngippagit kommuni missiliuilluni paasissutissanik pisariaqartunik aalajangersaasinnaavoq."
§ 2
Inatsisartut peqqussutaat 1. januar 2005 atuutilerpoq.
Namminersornerullutik Oqartussat, ulloq xx.yy 2004
Hans Enoksen
/
Asii Chemnitz Narup
Ullormut oqaluuserisassat kiisalu ullut suliarineqarfissaat
Inatsisartut inatsisissaattut siunnersuutit- allannguutissallu Naalakkersuisunit UKA 04