04EM/01.25.01-46 04EM/01.25.01-46 Imarsiornerup isumannaatsuunissaanik inatsisip aamma umiartorneq pillugu inatsisip allannguutaannik inatsisip ilaasa Kalaallit Nunaanni...

Imarsiornerup isumannaatsuunissaanik inatsisip aamma umiartorneq pillugu inatsisip

allannguutaannik inatsisip ilaasa Kalaallit Nunaanni atuutilersinneqarnissaannik peqqussutissatut siunnersuut

  UAGUT MARGRETHE AAPPAAT, Guutip Saammaanneranik Danmarkip Dronninngia, nalunaarpugut:

  Imarsiornerup isumannaatsuunissaanik inatsisip aamma umiartorneq pillugu inatsisip allannguutaannik inatsimmi nr. 1231, 27. december 2003-imeersumi § 4 naapertorlugu aalajangersarneqarput:

§ 1

  Imarsiornerup isumannaatsuunissaanik inatsimmi, tak. inatsimmik nalunaarut nr. 627, 26. juli 2002-meersoq, peqqussutikkut nr. 607, 25. juni 2001-imeersukkut Kalaallit Nunaanni atuutilersinneqartumi, imaattut allannguutigitinneqassapput:

  1. § 3-mi nr. 3-p kingornanut normutut nutaatut ivertinneqassapput:

”4) imarsiornermi umiarsuarnut peqqarniingaartumik iliuuseqatsaaliuinissaq il. il. siunertaralugit isumannaallisaaneq,”

  Nr. 4-9 matuma kingorna nr. 5-10-nngussapput.

  2. § 14-imi imm. 2-p kingornanut immikkoortutut nutaatut ivertinneqassapput:

  “Imm. 3.Søfartsstyrelsi malittarisassiorsinnaavoq silarlunnera pissutigalugu umiarsuup umiarsualivimmiit aallatsaaliornissaanik nalunaaruteqartarneq pillugu.”

  Imm. 3 aamma 4 matuma kingorna imm. 4-nngorlunilu 5-nngussaaq.

§ 2

  Peqqussut atuutilissaaq (ulloq...)