04EM/01.25.01-64 Sumiiffimmiit sumiiffimmut piniagassat nikerarnerat eqqarsaatigalugu siunissami pisassiisarneq pillugu... (Doris Jakobsen, Siumut)
9. februar 2004 UKA 2004/64
Inatsisartut suleriaasianni § 36, imm. 2 naapertorlugu Naalakkersuisunut apeqqut imaattoq matumuuna saqqummiuppara:
Naalakkersuisunut apeqqut: Sumiiffimmiit sumiiffimmut piniagassat nikerarnerat eqqarsaatigalugu siunissami pisassiisarneq pillugu suliassaqarfiup kommuninut tunniunneqarnissaa Naalakkersuisut eqqarsaatersuutigisimanerlugu?
(Inatsisartunut ilaasortaq, Doris Jakobsen, Siumut)
Tunngavilersuut:
Ukiuni makkunani inuiaqatigiinni oqallisaasut annertuut ilagivaat kommunet sukkut tamatigut akisussaaffeqarnerulernissaat.
Maannakkut inatsisaasut malillugit qitiusuminngaanniik piniagassanik sinerissami agguaassisarneq annertuumik isornartorsiorneqartarpoq minnerunngitsunik inuussutissarsiutigalugu piniartunik aalisartunillu.
Ilisimasatsitut piniagassat sumiiffimmiit sumiiffimmut nikerartuupput taamaattumik pisariaqarpoq piniagassat nikerarnerat najoqqutaralugit piniagassiisarnissaq.
Taamatut aaqqissuussinikkut kommunet pineqartut sumiiffimmi piniartut aalisartullu suliniaqatigiiffii suleqatigalugit pisassiissutinik agguataarineq aaqqissuussinnaavaat.
Kommunet namminneq piniagassanik agguaassisarnikkut akisussaaffimmik tigusaqarnerisigut qulakkeerneqassaaq piffissami eqqortumi piniagassiisarnissaq.
Sumiiffimmiit sumiiffimmut piniagassat nikerarnerat najoqqutaralugu piniagassanik pisassiisarneq kommunenut akisussaaffik tunniussisoqassanersoq Naalakkersuisunut apeqquteqaatima akissuteqaateqarfigineqarnissaa qilanaarivara.
Ullormut oqaluuserisassat kiisalu ullut suliarineqarfissaat