04EM/01.25.01-79 Illoqarfiit allat assigalugit Upernaviup nunaqarfiinut nunaqarfiinillu imaatigut attaveqaatinik pilersitsinissamik pilersaaruteqartoqarpa? (Otto Jeremiassen, Siumut)
1. juli 2004 UKA 2004/79
Inatsisartut suleriaasianni § 36, imm. 2 naapertorlugu Naalakkersuisunut apeqqut imaattoq matumuuna saqqummiuppara.
Naalakkersuisunut apeqqut: Illoqarfiit allat assigalugit Upernaviup nunaqarfiinut nunaqarfiinillu imaatigut attaveqaatinik pilersitsinissamik pilersaaruteqartoqarpa?
(Inatsisartunut ilaasortaq Otto Jeremiassen, Siumut)
Tunngavilersuut:
Ukioq manna Upernavimmiinninnit paasivara imaatingut angallannikkut Upernavimmiit Nunaqarfinnut aammalu Nunaqarfinniit Upernavimmut timmisartumik angallanneq eqqaassanngikkaanni allakkut periarfissaqanngittoq, naak Upernavik Nunatsinni Nunaqarfittunerpaat ilangingaluaraat aammalu malunnartumik Nunaqarfimmiut pisariaqartikkaluaraat kikkut tamarmik akikinnerusumik angallannikkut periarfissaqartinneqarsinnaanerisa aamma pilertornerusumik angallannikkut atungaqarnissaat pisariaqartoq malunnarluni aamma.
Tamannalu tunngavingalungu maanna angallannermut naalakkersuisoq apeqquteqarfingineranut tunngavingivara innuttaasut Kommune-qarfimmi Upernavimmi angallannikkut akikinnerusumik angallannikkut allatuulli periarfissaqartinneqarnissaat, tassanilu qularnanngittumik innuttaasut taamatut periarfissarsissunneqarsinnaangunik angallannermik akikinnerusumik atungaqartinneqalernermikkut annertunerusumik angalanissaminnut periarfissaqalissangaluarmata.
Isumaqarpungami kikkut tamat minnerunngittumik akissakinnerusut eqqarsaatingalungit aamma angallannikkut periarfissaqartinneqartariaqartut, soorlumi periarfissatut pittaasutut atorneqarsinnaasoq piffinni allani atorneqartutut ittoq sukkasuuliaq Nukaaraq Ittuk, taamatullu iluarsaassisinnaanermik aaqqiisoqarsinnaappat paasisakka malillungit angallammik ingerlattisinnaasut tamarmik pingineqartut malunnarpoq Upernaviup Kommune-ani.
Tamaattumik neriuppunga manna apeqqut tunngavingalungu periarfiusinnaasumik Naalakkersuisoq suliniuteqarumaartoq kissaatingaara.
Ullormut oqaluuserisassat kiisalu ullut suliarineqarfissaat