02FM/01.25.01-31 2002-mut aningaasanut inatsisissatut siunnersuummi raajanut akitsuutip 2%-Inik qaffanneqarnissaa pillugu aalajangiiffigisassatut siunnersuut. Johan Lund Olsen

19. august 2001                                                                                                                                                  UPA 2002/31

Kalaallit Nunaanni Inatsisartut suleriaasissaanni § 32, imm. 1 naapertorlugu matumuuna aalaja-ngiiffigisassatut siunnersuut imaattoq saqqummiuppara:

2002-mut Aningaasanut Inatsisissatut siunnersummi raajanut akitsuut 2 %-inik qaffanneqassasoq.

(Inatsisartuni ilaasortaq Johan Lund Olsen, Inuit Ataqatigiit)

Tunngavilersuut.

2002-mut Aningaasanut Inatsisissatut siunnersuummi ilaatigut takuneqarsinnaavoq inuiaqatigiinni ingerlatsiviusut arlallit sipaarniarfiussasut.

Avataasiorlutik raajarniat (rederit) inuiaqatigiinni aningaasarsiornikkut inissisimalluartuupput - oqarsinnaanngilagullu inuuniarnikkut ajorsaateqartut. Raajat akii ukioq manna appariartorsimagaluartut, taamaattoq suli avataasiortut aningaasarsiorfigissaarsimapput, ilaatigut raajat nunamut tulaassortagassat ikilisinneqarsimanerinik pissuteqartumik.

Aningaasanut inatsisissatut siunnersuummi ilinniagaqarnersiuteqartitsineq sipaarniarfigiumaneqarpoq. Tamanna isumaqatiginanngilaq. Taamaattumik tamanna aammalumi allat sipaarniarfissaanngitsut pinaveersimatinniarumallugit, nukissaqarnerusut inuiaqatigiinnut maanna pilliuteqartariaqarput. Taamaammat raajanut akitsuut 2 %-inik ukioq 2002-mi qaffanneqassasoq siunnersuutigivara.