02FM/01.25.01-53 Kommunalbestyrelsit aamma nunaqarfinni aqutsisut il.il. pillugit Inatsisartut inatsisaata allanngortinneqarnissaa pillugu siunnersuut. Olga Poulsen
1. marts 2002 UPA 2002/53
Kommunalbestyrelsit aamma nunaqarfinni aqutsisut il.il. pillugit Inatsisartut inatsisaa-ta nr. .. .... 2002-imeersup allanngortinneqarnissaanik Inatsisartut inatsisissaattut siunnersuut.
(Inatsisartunut ilaasortaq Olga Poulsen, IA)
§ 1.
Kommunalbestyrelsit aamma nunaqarfinni aqutsisut il.il. pillugit Inatsisartut inatsisaata nr. 20, 3. november 1994-imeersup, Inatsisartut inatsisaatigut nr. 6, 12. juni 1995-imeersukkut allanngortinneqartoq, ima allanngortinneqassaaq:
1. § 16, imm. 2-imi oqaaseqatigiit aappaattut pingajuattullu ivertinneqassapput:
“Sinniisussaq piffissamut naatsorsuutigisamut sivikinnerpaamik qaammatinik marlunnik sivi-sussusilimmut aggersarneqarpat, ilaasortat pineqartup qinigaasimanerani allattuiffimmiittutut qinikkat piumasaqaatigisinnaavaat, sinniisussamit aggersarneqartumit ilaasortap pisinnaan-ngitsup ataatsimiititaliani pisussaaffimmini, § 18, imm. 1-mi taaneqartuni suliassaasa isuma-ginissaat. Sinniisussarli oqaaseqatigiit siulliat naapertorlugu aggersarneqartoq, taamaallaat ataatsimiititaliani pisussaaffimminik suliassanik isumaginnissinnaavoq, § 18 imm. 2 naaper-torlugu sinniisuuffigisami taamaasiornissaq akerlerinngippagu”.
§ 2.
Inatsisartut inatsisaat ulloq 1. januar 2003-mi atortuulerpoq.
Namminersornerullutik Oqartussat ulloq.. .. ....(ullua)....(ukiua)
Jonathan Motzfeldt /
Søren Hald Møller
Nalinginnaasumik nassuiaatit
Kommunalbestyrelsimut ilaasortaq, napparsimani, naartunini, meerartaarnini, meeravissiar-taarnini, pisortanit pisussaaffinnik allamik suliaqalernini, niuernermik ingerlatsinini assigusu-milluunniit pissuteqarluni qinikkatut pisussaaffimminik naatsorsuutigisamik sivikinnerpaamik qaammatini marlunni isumaginnissinnaanngippat, pineqartup sinniisussaa borgmesterimit aggersarneqassaaq.
Malittarisassat atuuttuusut naapertorlugit tamatuma kingorna sinniisussaq kommunalbestyrelsip ataatsimiinnerinut peqataasarpoq, kommunimili ataatsimiititaliani ataatsimiinnernuunngitsoq. Tamanna pissuteqarpoq, ataatsimiititaliani ilaasortaaffinnut tamanut ataatsimiititaliamut ilaasortaq ataaseq aamma ataatsimiititaliami sinniissusaq ataaseq qinerneqarsimasarmata. Ataatsimiititaliami ilaasortaq ataatsimiititaliap ataatsimiinneranut peqataasinnaanngippat, inuk ataatsimiititaliami sinniisussatut qinigaq aggersarneqartassaaq.
Kommunalbestyrelsimut ilaasortap sivisunerusumik peqannginnerani taamatut aaqqissuus-sinerup kingunerisinnaavaa ataatsimiititaliami sinniisussanut, tamanna peqatigalugu kommu-nimi atatsimiititalianut allanut ilaasortaajutigisumut annertuumik suliassaqalerneq. Pingaar-tumik partiit qinigaatitaannut ikinnerusunik inuttalinnut aamma kattusseqatigiinnut tamanna ajornartorsiutaasinnaavoq.
Ajornartorsiut tamanna Inatsisartuni imatut aaqqiivigineqarsimavoq, partiit ataasiakkaat kat-tusseqatigiilluunniit Inatsisartut Siulittaasoqarfiannut qinnutigisinnaammassuk sulinngiffeqa-rallartup sinniisussaata ataatsimiititaliani sulinermut peqataatinneqarsinnaanera. Taamatut qinnuteqaatit nalinginnaasumik akuersaarneqartarput.
Kommunalbestyrelsinut tunngatillugu tassunga assigusumik aaqqissuussinissamik periarfis-siinissaq siunnersuutigineqarpoq.
Aningaasatigut allaffissornikkullu kingunerisassai:
Siunnersuut aningaasatigut allaffissornikkullu kinguneqartussaanngilaq.
Tusarniaaneq:
Siunnersuut Naalakkersuisunit saqqummiussaangilaq taamaattumillu tusarniaassutigineqarni-kuunani. Oqartussaasunit kattuffinnillu pineqartunik taakkununnga ilanngullugit KANUKOKA aamma kommunit ataasiakkaat tusarniarneqarnissaat, Inatsisartut ataatsimiititaliaata pineqartup siunnersuummik suliarinninnerminut ilaatisinnaassavaa. Oqartussaasut kattuffiillu pineqartut naammaginartumik tusarniaavigineqarnerini piffissasaqartitsiumalluni, pisariaqalersinnaavoq siunnersuutip aappassaanneerneqarnissaata 2002-mi ukiakkut ataatsimiinnermut kinguartittariaqalernera. Siunnersuutip atortuulersinneqarnissaanut aalajangersakkakkut tamanna eqqarsaatigineqarpoq, tassami siunnersuut aatsaat 1. januar 2003-mi atortuulersinneqartussatut siunnersuutigineqarmat.
Siunnersuutip aalajangersagartaanut ataasiakkaanut nassuiaatit.
§ 1-mut
Oqaaseqatigiit siullernut
Kommunalbestyrelsimut ilaasortaq, napparsimani, naartunini, meerartaarnini, meeravissiar-taarnini, pisortanit pisussaaffinnik allamik suliaqalernini, niuernermik ingerlatsinini assigusu-milluunniit pissuteqarluni qinikkatut pisussaaffimminik naatsorsuutigisamik sivikinnerpaamik qaammatini marlunni isumaginnissinnaanngippat, pineqartup sinniisussaa borgmesterimit aggersarneqassaaq.
Siunnersuutigineqassaaq, taamatut pisoqartillugu sinniisussamit aggersarneqarsimasumit, pi-neqartup qinigaasimanerani allattuiffimmi ilaasortat qinikkat piumasaqaateqarpata, sulinngif-feqarallartup aningaasaqarnermut ataatsimiititaliami aamma kommunalbestyrelsimit ataavar-tumik ataatsimiititaliarineqarsimasuni pisussaaffigisimasinnaasaanik isumaginnissinnaasoq. Sinniisussamilli aggersarneqarsimasumit ataatsimiititaliami pisussaaffinnik isumaginnissin-naanngilaq, kommunalbestyrelsimut ilaasortap§ 18, imm. 2 naapertorlugu ilaasortamut peqataasinnaanngitsumut ataatsimiititaliami sinniisussatut qinigaasimasumit, pineqartup ataatsimiititaliami ilaasortaalernissaa akerlerineqarpat.
Sinniisussaq, aggersarneqartoq naatsorsuutigisamik piffissamut qaammatit marluk inorlugit sivisussuseqassangatinneqartumut ataatsimiititaliami pisussaaffimmik isumaginninnissaa mattusimaneqaannarallassaaq..
§ 2-mut.
Siunnersuutigineqassaaq, allannguutissatut siunnersuut atortuulersinneqassasoq ulloq 1. januar 2003-mi.