Ilanngussaq 4

Ilanngussaq 4

 

18. maj 2004                                                                                                                 UPA 2004/51

 

Inatsisartut Naalakkersuisullu pillugit Inatsisartut inatsisaata allanngortinneqarneranik Inatsisartut inatsisaat nr. xx.ulloq xx. 2004-imeersoq.

(Namminersornerullutik Oqartussanit tamakkiisumik ilaannakuusumilluunnit aktieselskabiutigineqartut pillugit Inatsisartut paasisaqarsinnaatitaanerat)

 

 

 

§ 1.

 

Inatsisartut Naalakkersuisullu pillugit Inatsisartut inatsisaanni nr. 11 20. oktober 1988-imeersumi, Inatsisartut inatsisaatigut nr. 3 15. april 2003-imeersukkut kingullermik allanngortinneqartumi, tulliini taaneqartut allanngortinneqassapput:

 

1. § 16-ip kingorna ilanngunneqassapput:

 " § 16 a. Aningaasaqarnermut Ataatsimiititaliaq aktieselskabini Kalaallit Nunaanni Namminersornerullutik Oqartussat aalajangiisuusumik sunniuteqarfigisaanni aningaasaliissutissanik qularnaveeqqusiinissanilluunniit, suliarinninnerminut atatillugu siunnersuutinik qinnuteqaatinilluunniit pisariaqartinneqartutut, ilanngussanik, nalunaarusianik il.il.,atortussanik, ataatsimiititaliap suliarinninneranut atugassanik, aktieselskabip kukkunersiuisuanit piniarsinnaavoq. Aktieselskabip kukkunersiuisuata, paasissutissat ataatsimiititaliamut tunniunneqartut nuutinneqarnerisigut, aktiaatiliusinnaasut allat ilisimatissavai.

  Imm. 2. Aktieselskabinut aningaasaliissutissanik qularnaveeqqusiinissanilluunniit, Kalaallit Nunaanni Namminersornerullutik Oqartussat aalajangiisuusumik sunniuteqarfiginngisaanni, ataatsimiititaliap Naalakkersuisut peqqusinnaavai aktieselskabit pillugit inatsisikkut aamma aktieselskabip malittarisassaasigut, ataatsimiititaliap paasissutissanik pissarsiarerusutaasa pissarsiarinissaannnut periarfissiissutaasut atussagaat.

  Imm. 3. Ataatsimiititaliap siunnersuutit qinnuteqaatilluunniit imm. 1-2-mi taaneqartut, ataatsimiititaliap paasissutissanik pisariaqartitaattut isigisaasa pissarsiarineqarnissaasa tungaanut, ataatsimiititaliamit suliarineqarnerat unitsikkallarsinnaavaa.

  Imm. 4. Imm. 1-2 malillugit ataatsimiititaliap paasissutissanik pissarsiarisaanut tunngatillugu ataatsimiititaliaq nipangiussisussaatitaavoq."

 

2.  § 17-ip kingorna ilanngunneqassapput:

  "§ 17.  Landskarsip naatsorsuutaasa kukkunersiorneqartarnerannut ataatsimiititaliap landskarsip naatsorsuutai kukkunersiuisullu taakkununnga oqaaseqaataat ukiumut ataasiarluni misissuataassavai, naatsorsuutillu pisariaqalersitaannik Naalakkersuisunut apeqquteqarlunilu oqaase-qarfiginnissalluni. Apeqqutit oqaaseqaatillu, Naalakkersuisut akissutaat ilanngullugit, Inatsisartunut saqqummiunneqassapput.

 

Imm. 2.  Suliffeqarfiit imm. 1 malillugu kukkunersiuinermut ilaasut aningaasaataasa aqunneqarneranni, suliffeqarfiillu ingerlanneqarneranni, aningaasanut tunngasut naapertuuttumik naatsorsuutigineqarsimanersut ataatsimiititaliap nalilersorsinnaavaa. Nassuiaatit, nalunaarutit il.il. nalilersuinermi atugassatut suliarineqarsimasut, Naalakkersuisunut ilisimatitsissutitut nassiunneqassapput.

 

Imm. 3.  Ataatsimiititaliap suliaminut atugassatut paasissutissat pisariaqartitani, ilanngussat, nalunaarusiat il.il. pisortanit naatsorsuusiortunit, piniarsinnaavai. Ataatsimiititaliamut ilaasortat arlaata kissaatigippagu, paasissutissat taaneqartut ataatsimiititaliamit piniarneqassapput.

 

 § 17 a. Kalaallit Nunaanni Namminersornerullutik Oqartussat aktiaatilittut soqutigisaannik Naalakkersuisut isumaginninnerannik ataatsimiititaliaq nakkutilliisuuvoq.

  Imm. 2. Kalaallit Nunaanni Namminersornerullutik Oqartussat aktieselskabini, Namminersornerullutik Oqartussat aalajangiisuusumik sunniuteqarfigisaanni, aktiaatilittut soqutigisaasa nakkutilliivigineqarnerannut atugassatut, atortussanik ilanngussanik, nalunaarusianik il.il. pisariaqartinneqartunik aktieselskabit kukkunersiuisuannit piniarsinnaavoq. Aktieselskabip kukkunersiuisuata, paasissutissat ataatsimiititaliamut tunniunneqartut nuutinneqarnerisigut, aktiaatiliusinnaasut allat ilisimatissavai.

  Imm. 3. Kalaallit Nunaanni Namminersornerullutik Oqartussat aktiaatilittut soqutigisaannik Naalakkersuisut isumaginninnerannik ataatsimiititaliap nakkutilliineranut ilaatillugu aktieselskabit, immikkoortoq 2-mi pineqartut, ingerlatsivigineqarnerini aningaasaqarnikkut innimigisassat naleqquttumik isumagineqarsimanersut ataatsimiititaliap naliliivigissavaa.

  Imm. 4. Kalaallit Nunaanni Namminersornerullutik Oqartussat aktieselskabini, Namminersornerullutik Oqartussat aalajangiisuusumik sunniuteqarfiginngisaanni, ataatsimiititaliap Naalakkersuisut peqqusinnaavai aktieselskabit pillugit inatsisikkut aamma aktieselskabip malittarisassaasigut, ataatsimiititaliap paasissutissanik pissarsiarerusutaasa pissarsiarinissaannnut periarfissiissutaasut atussagaat.

  Imm. 5. Ataatsimiititaliami ilaasortap imm. 2-4 naapertorlugit aalajangernissamik siunnersuutaa ataatsimiititaliami amerlanerussuteqartut akerlerippassuk, siunnersuut Inatsisartunit aalajangiiffigisassanngorlugu ataatsimiititaliami ilaasortamit saqqummiunneqarsinnaavoq. Inatsisartuni ilaasortat ikinnerpaamik 2/5-liisa siunnersuut isumaqatigalugu taasippata siunnersuut akuersissutigineqartutut isigineqassaaq.

  Imm. 6. Aktieselskabip kukkunersiuisuanit paasissutissanik ataatsimiititaliap pissarsiarisaanut tunngatillugu, ataatsimiititaliaq nipangiussisussaatitaavoq. Kalaallit Nunaanni aktiaatillit soqutigisaannut t unngassutilinnik pissutsinik Inatsisartut ilisimatinneqarnissaat ataatsimiititaliap pisariaqartippagu, ataatsimiititaliaq immikkut isumaliutissiissummik, matoqqasumik ataatsimiinnermi oqaluuserineqartussamik, tunniussissaaq."

 

 

§ 2.

 

Inatsisartut inatsisaat atuutilissaaq ulloq 1. januar 2005.

 

 

Namminersornerullutik Oqartussat ulloq xx.xx. 2004

 

 

Hans Enoksen

                      /                                                                  Kaj Kleist