FM06/40 Pisortanit pensionisiat pillugit Inatsisartut Peqqussutaata nr. 9, 15. april 2003-imeersup allanngortinneqarnissaa pillugu...

14. marts 2006                                                                                                                   FM 2006/40

I henhold til § 32 i Landstingets Forretningsorden fremsætter vi hermed følgende beslutningsforslag:

Forslag til Landstingsbeslutning om at Landsstyret pålægges senest til EM 2006, at fremsætte  forslag til ændring af Landstingsforordning nr. 9 af 15. april 2003 om offentlig pension, hvorefter alders- og førtidspension skal bestå af et fast grundbeløb, der ikke kan reguleres, og et pensionstillæg, der reguleres i forhold til den skattepligtige indkomst.

(Siumuts Landstingsmedlemmer)

Begrundelse:

Vi har i mange år sat vore ældre i en venteposition. Dette bør ophøre, og vi ønsker at der sker forbedringer af deres forhold fra 1. januar 2007.

Det skal sikres, at de ældre har en rimelig levestandard, at de får del i den økonomiske velfærd i vores land, og at de er i stand til at deltage aktivt i det offentlige, sociale og kulturelle liv.

Den enkelte skal gives adgang til passende pensionsforhold, offentlige eller private, som gør det muligt at opretholde en rimelig levestandard efter pensionering.

Der skal sikres et højt niveau for beskæftigelsen gennem arbejdsmarkedsreformer i overensstem-melse med beskæftigelsesstrategier. Det skal sikres, at den økonomiske politik og de relevante dele af de sociale sikringssystemer, herunder især pensionssystemer, giver passende incitamenter til arbejdsudbud for den ældre del af arbejdsstyrken; at arbejdere ikke opfordres til førtids-pensionering og ikke straffes, hvis de forbliver på arbejdsmarkedet ud over den almindelige pensionsalder; og at pensionssystemerne giver bedre mulighed for gradvis pensionering. 

Efter forslaget gøres pensionens grundbeløb uafhængig af om man er enlig, gift eller er samlevende, således at pensionens grundbeløb ikke kan reguleres på baggrund af egen eller ægtefællens eller samlevers indkomst.

Til sidst skal vi meddele, at vi finder det meget vigtigt at en regulering af alders- og førtids-pensionerne medtages i  finanslovsforslaget for 2007.

De økonomiske konsekvenser af forslaget skal naturligvis belyses nærmere.

Det nærmere indhold i pensionsordningen foreslås fastsat udfra følgende hovedprincipper:

Grundbeløbet foreslås fastsat til kr. 60.000 årligt for alle alders- og førtidspensionister.

Grundbeløbet skal ikke reguleres som følge af anden indkomst.

Pensionstillægget foreslås fastsat til kr. 30.000 årligt for enlige samt for gifte og samlevende, når kun den ene er berettiget til at få pension.

Pensionstillægget foreslås fastsat til kr. 24.000 årligt per person, når begge er berettiget til at få pension.

Alders- og førtidspension udgør med pensionstillægget kr. 90.000 årligt for en enlig pensionist og for en pensionist i et parforhold.

Alders- og førtidspension udgør med pensionstillægget kr. 168.000 årligt for par, når begge er berettiget til at få pension.

Pensioner er skattepligtig indkomst.

Regulering af pensionstillæg for enlige alders- eller førtidspensionister, samt Regulering af pensionstillæg for gifte eller samboende alders- eller førtidspensionister, når kun den ene er berettiget til at få pension:

Pensionstillæg reguleres efter følgende principper for enlige, gifte og samboende når der oppebæres anden indtægt:

Ved indtægt på op til kr. 45.000 årligt udover grundbeløbet og det fulde pensionstillæg sker der ingen reduktion af pensionstillægget.  

Ved indtægt på mellem kr. 45.000 og kr. 90.000 årligt udover grundbeløbet og det fulde pensionstillæg reduceres pensionstillægget med 25%, således at det udgør 22.500 årligt. 

Ved indtægt på mellem kr. 90.000 og kr. 135.000 årligt udover grundbeløbet og det fulde pensionstillæg reduceres pensionstillægget med 50%, således at det udgør 15.000 årligt. 

Ved indtægt på mellem kr. 135.000 og kr. 180.000 årligt udover grundbeløbet og det fulde pensionstillæg reduceres pensionstillægget med 75%, således at det udgør 7.500 årligt. 

Ved en samlet årlig indtægt på over kr. 180.000 udover grundbeløb og det fulde pensionstillæg bortfalder tillægspensionen.

Regulering af pensionstillæg for gifte eller samboende alders- eller førtidspensionister, når begge er berettiget til at få pension:

Pensionstillæg reguleres efter følgende principper for par, når begge er berettiget til at få pension, som følge af at alders- eller førtidspensionisterne oppebærer anden indtægt:

Ved en samlet indtægt på op til kr. 67.500 årligt udover grundbeløbet og det fulde pensionstillæg sker der ingen reduktion af pensionstillægget.  

Ved en samlet indtægt på mellem kr. 67.500 og kr. 135.000 årligt udover grundbeløbet og pensionstillægget reduceres pensionstillægget med 25%, således at det udgør 36.000 årligt. 

Ved en samlet indtægt på mellem kr. 135.000 og kr. 202.500 årligt udover grundbeløbet og det fulde pensionstillæg reduceres pensionstillægget med 50%, således at det udgør 24.000 årligt. 

Ved en samlet indtægt på mellem kr. 202.500 og kr. 270.000 årligt udover grundbeløbet og det fulde pensionstillæg reduceres pensionstillægget med 75%, således at det udgør 12.000 årligt. 

Ved en samlet årlig indtægt på over kr. 270.000 udover grundbeløb og det fulde pensionstillæg bortfalder pensionstillægget.

16. marts 2006  UPA 2006/40

Inatsisartut Suleriaasianni § 32 naapertorlugu aalajangiiffigisassatut siunnersuut imaattoq matumuuna saqqummiupparput:

Pisortanit pensionisiat pillugit Inatsisartut Peqqussutaata nr. 9, 15. april 2003-imeersup allanngortinneqarnissaa pillugu, utoqqalinermi aamma siusinaartumik pensionisiat imaalersillugit, "pensionisiaq tunngaviusoq" aalajangersimasoq nikerartinneqarsinnaanngitsoq, aammalu "pensionisianut tapeq" isertitat naapertorlugit nikerartinneqarsinnaasoq pillugit kingusinnerpaamik Inatsisartut ukiakkut 2006-mi ataatsimiinnissaannut Naalakkersuisut allannguutissamik siunnersuuteqarnissamik peqquneqarnissaannik Inatsisartut aalajangiiffigisassaattut siunnersuut.

(Siumup Inatsisartunut ilaasortai)

Tunngavilersuut:

Ukiorpanni utoqqartavut utaqqisippavut. Tamanna taamaalineqartariaqarpoq, ukiortaamiillu 2007-imit atugarisaasa pitsanngortinnissaat kissaatigaarput.

Inuuniarnerminni atugarisaat ajorseriassanngillat, nunattalu atugarissaarfiunerani peqataasariaqarput; ulluinnarni inuunermi ataatsimooqatigiiffiusunut kulturikkullu pisartunut akuunissaannut periarfissagissaartitsisariaqarpugut.

Utoqqartagut utoqqalinersianik naapertuuttunik, sumiluunniit suliffeqarsimaneri apeqqutaatinnagu, pissaqartittariaqarpavut. Suliffissaqartitsiniarnermi suliniutitigut aalajangersakkat naapertorlugit sulisinnaasariaqarput.

Sulisinnaasut akuunerulernissaannik kaammattorlugit tapersersortuartariaqarput, inuiaqatigiinnilu utoqqalinersiaqartarnermi aqqutissanik pitsaasunik periarfissaqartuartinnerisigut; sulisuusut siusinaartumik soraarnerussutisiaqalernissaannik kaammattorneqassanngillat, utoqqalinersiaqalertarnerullu killissarititaa qaangerlugu suliinnarpata pillarnagit; soraarnerussutisiaqalertarnerulli iluarsartuunneragut suliunnaariartuaartarnissamut periarfissaqartittarlugit.

Manna siunnersuut naapertorlugu, tunngaviusumik pensionissianut kisimiittuuneq, katissimasuuneq inooqateqartuunerluunniit sunniutaarutinneqarput, imaalillugu tunngaviusumik pensionisiat nammineerluni isertitanit, aapparisap inooqatigisalluunniit isertitaanit nikisinneqarsinnaajunnaarlugit.

Pingaartilluinnarparput 2007-mut Aningaasanut Inatsisissatut siunnersuummut ilanngullugit utoqqalinermi pensionisiat siusinaartumillu pensionisiat aaqqiissuteqarfigineqarnissaat.

Siunnersuutip aningaasatigut kingunerisinnaasai soorunami nalilersortariaqarput.

Pensionitigut  iluarsiissutissat pingaarnerit imaattut siunnersuutigineqarput:

Utoqqalinermi pensionisialinnut siusinaartumillu pensionisialinnut "Tunngaviusumik pensionisiat" tamanut ukiumut 60.000 kr.-t aalajangiunneqasassut.

"Tunngaviusumik pensionisiat" allanik isertitaqarneq tunngavigalugu nikerartinneqartassanngillat.

Kisimiittunut, aappariinnut inooqatigiinnullu, aappaasoq kisimi pensionisiaqarsimappat, "pensioninut tapeq" ukiumut 30.000 kr.-ussasoq.

Aappariit tamarmik pensioneqarpata "pensioninut tapeq" ukiumut 24.000 kr.-ussasoq.

Utoqqalinermi- siusinaartumillu pensionisiat, kisimiittunut aappariinnullu aappaanna pensionisiaqarsimappat, pensioninut tapeq ilanngullugu ukiumut 90.000 kr.-ussapput.

Aappariit tamarmik pensioneqarsimappata, utoqqalinermi- siusinaartumillu pensionisiat pensioninut tapit ilanngullugit ukiumut 168.000 kr.-ussapput.

Pensionit isertitatut akileraaruteqaataasussaapput.

Pensioninut tapit ikilisinneqartarnerat utoqalinermi- siusinaartumillu pensionilinnut kisimiittunut aammalu pensioninut tapit ikilisinneqartarnerat aappariinnut inooqatigiinnullu utoqqalinermi siusinaartumillu pensionisialinnut aappaanna pensioninik pisartagaqarsinnaatillugu:

Kisimiittut, aappariit inooqatigiillu allanik isertitaqarsimatillugit "pensioninut tapit" ikilisinneqartassapput makku tunngavigalugit:

Tunngaviusumik pensionit pensioninullu tapit saniasigut ukiumut 45.000 kr.-t tungaannut isertitallit pensionit tapiisigut ilanngaavigineqassanngillat.

Ukiumut 45.000 kr.-t 90.000 kr.-llu akornini isertitallit pensioninut tapisiaat 25 % -timik ilanngarneqartassapput, ukiumut 22.500 kr.-ussallutik.

Ukiumut 90.000 kr.-t 135.000 kr.-llu akornini isertitallit, pensioninut tapisiaat 50 % -timik ilanngarneqartassapput, ukiumut 15.000 kr.-ussallutik.

Ukiumut 135.000 kr.-t 180.000 kr.-llu akornini isertitallit, pensioninut tapisiaat 75 %-timik ilanngarneqartassapput, ukiumut 7.500 kr.-ussallutik.

Ukiumut ataatsimoortumik 180.000 kr.-t qaangerlugit isertitallit pensioninut tapisiaaruttassapput.

Pensioninut tapit ikilisinneqartarnerat aappariinnut inooqatigiinnullu utoqqalinermi siusinaartumillu pensionisialinnut tamarmik pensioninik pisartagaqarsinnaatillugit:

Aappariit inooqatigiillu tamarmik pensioninik pisartagaqartillutik allanik isertitaqarsimatillugit "pensioninut tapit" ikilisinneqartassapput makku tunngavigalugit:

Tunngaviusumik pensionit pensioninullu tapit saniasigut ukiumut 67.500 kr.-t tungaannut ataatsimut isertitallit pensionit tapiisigut ilanngaavigineqassanngillat.

Ukiumut 67.500 kr.-t 135.000 kr.-llu akornini ataatsimut isertitallit pensioninut tapisiaat 25 % -timik ilanngarneqartassapput, ukiumut 36.000 kr.-ussallutik.

Ukiumut 135.000 kr.-t 202.500 kr.-llu akornini ataatsimut isertitallit, pensioninut tapisiaat 50 % -timik ilanngarneqartassapput, ukiumut 24.000 kr.-ussallutik.

Ukiumut 202.500 kr.-t 270.000 kr.-llu akornini ataatsimut isertitallit, pensioninut tapisiaat 75 %-timik ilanngarneqartassapput, ukiumut 12.000 kr.-ussallutik.

Ukiumut ataatsimoortumik 270.000 kr.-t qaangerlugit isertitallit pensioninut tapisiaaruttassapput.