FM06/81 2007-imut Inatsisartut aningaasanut inatsisissaannut tunngatillugu Eqqumiitsuliornermut atuarfiup illutaata allilerneqarnissaa pillugu...

17. marts 2006    FM 2006/81

 

I henhold til § 32 i Landstingets Forretningsorden fremsætter vi hermed følgende beslutningsforslag:

 

Forslag til landstingsbeslutning om at Landsstyret pålægges at arbejde for udvidelse af Kunstskolens bygning i forbindelse med udarbejdelse af Forslag til Landstingsfinanslov for 2007.

(Landstingsmedlemmer: Augusta Salling, Ellen Christoffersen, Godmand Rasmussen, Kristian Jeremiassen, Thomas Kristensen, Atassut)

 

Begrundelse:

 

Kunstskolen har i dag til huse i et af KGH's gamle bygninger i Nuuk, selvom der i forbindelse med byggeriet af Kulturhuset Katuaq var planer om at kunstskolen skulle indflytte, når byggeriet stod færdigt, dette blev der også taget særlig hensyn til under byggeriet ved bl.a. indsættelse af specielle vaskefaciliteter.

 

Vi har fra Atassut ved tidligere debatter påpeget at Kunstskolen p.g.a. pladsmanglen ikke var i stand til at efterkomme samtlige undervisningskrav, og dette har Landstingets udvalg for Kultur, Uddannelse, Forskning og Kirke fået bekræftet ved selvsyn i.f.m. et tidligere institutionsbesøg på selve skolen - ja, eleverne har ikke engang mulighed for at få undervisning i keramik, til trods for at skolen har alt udstyr, men p.g.a pladsmangel kan det ikke benyttes.

 

I og med, at eleverne jo skal have undervisning i forskellige arbejdsteknikker, må de ofte skifte rundt på en del udstyr for at kunne komme til, dette skyldes bl.a. at der ikke er et særskilt atelier og det er også tidligere påpeget af medarbejdere i kunstskolen, at der også er et behov for et særskilt  grafisk værksted, hvor der er et behov for trykning af forskellig art.

 

For en del år tilbage i år 2000 fik forstanderen for kunstskolen udarbejdet et forslag til en udvidelse i samarbejde med arkitekt Peter Barfoed, og forslaget blev dengang fremlagt for KIIIP, og den dag i dag er der stadig ikke truffet nogen officiel beslutning om det fremlagte. Det dengang fremlagte forslag var blevet beregnet til at skulle koste ca. 4,5 mio. kr.

 

Som følge af manglende beslutning, er prisen gennem årene jo nok ikke blevet lavere, og der er ej heller færre ting, der skal laves - for op til flere gange i forbindelse med sneens smeltning og regn, er der kommet vand ned i kælderen af kunstskolens bygning - derfor mener vi fra Atassut, at der ikke længere er tid til udsættelser fra Landsstyret.

 

Det er ikke formålet med forslaget, at renoveringen og udvidelsen af skolen skal være af dyreste og mest moderne karakter, vores hensigt er blot at Landsstyret gør noget ved sagen, således at man i det mindste kan sikre, at eleverne kan få den undervisning som det offentlige selv har udstukket retningslinier for - fordi der er et behov for at elever samt lærere grundlæggende kan få ordentlige rammer at arbejde under.

 

Vi fremsætter forslaget under forårssamlingen for at sikre at, Landsstyret kan have tid til at finde de tidligere sager frem, samtidig med at der er tid til at Landsstyret kan indarbejde det til det kommende forslag til Landstingsfinanslov for 2007 og afsætte midler derigennem.

 

Derfor håber vi fra Atassut, at Landsstyret og ikke mindst Landstinget vil have forståelse for forslaget og tilslutte sig positivt.

17. marts 2006                                                         UPA 2006/81

 

Inatsisartut Suleriaasianni § 32 naapertorlugu aalajangiiffigisassatut siunnersuut imaattoq matumuuna saqqummiupparput:

 

2007-imut Inatsisartut aningaasanut inatsisissaannut tunngatillugu Eqqumiitsuliornermut atuarfiup illutaata allilerneqarnissaa pillugu Naalakkersuisut suliniuteqarnissaannik Inatsisartut Naalakkersuisunut peqqusinissaannut Inatsisartut aalajangiiffigisassaattut siunnersuut.

(Inatsisartunut ilaasortat: Augusta Salling, Ellen Christoffersen, Godmand Rasmussen, Kristian Jeremiassen, Thomas Kristensen -Atassut)

 

Tunngavilersuut:

 

Ullumikkut eqqumiitsuliornermik atuarfik Nuummi KGH-p illuutitoqaataasa ilaanni inissisimavoq, naak Kulturip Illorsua Katuaq pilersinneqarnissaannut atatillugu pilersaarutigineqarsimangaluarpoq illorsuup sananeqarnera naammassippat eqqumiitsuliornermut atuarfiup Katuami inissisimanissaa, allaallumi atortulersorneqarneranut atatillugu immikkut pisariaqartinneqartussanut tulluarsagaasimalluni, soorlu immikkut errortuiffilersuinerit suliarineqarsimasut.

 

Ullumikkut eqqumiitsuliornermut atuarfiup inissakilliornera pissutigalugu tamakkiisumik eqqumiitsuliornermut atuartitsissutissat naammassineqarsinnaanngitsut siusinnerusukkut Atassut-mit oqaaseqarnitsigut erseqqissarnikuuvarput, tamannalu aamma Inatsisartut siusinnerusukkut Kultureqarnermut, Ilinniartitaanermut, Ilisimatusarnermut Ilageeqarnermullu ataatsimiitsitaliaata pulaarnermigut uppernarsinikuullugu -allaammi atuartut marralerinermut ilinniartinneqarnissaminnut periarfissaqaratik, naak atortussat pigineqareeraluartut, inissaqartinneqannginnerili pissutaallutik atorneqarsinnaanatik.

 

Atuartullu sammisassaat assigiinngitsuusarmata allatut ajornartumik sammisassat suussanersut apeqqutaallutik sullivissat assigiinngitsut piiarneqartariaqartarlutik, ilaatigut immikkut eqqumiitsuliornermut sullivinnik (atelier) peqannginneq pissutigalugu ilanngullugu paasisassarsiorluni pulaarnermi sulisunit oqariartuutigineqartarpoq immikkut grafik-imik naqiteriffimmik pisariaqartitsineq, naqitereriaatsit assigiinngitsuusarmata taamaasillunilu aamma atortorissaarutitigut assigiinngitsumik pisariaqartitsiffiullutik.

 

Ukiut arlallit matuma siorna 2000-imi atuarfiup pisortaata illunik titartaasartoq Peter Barfoed peqatigalugu eqqumiitsuliornermut atuarfiup allilerneqarnissaannut tunngatillugu siunnersuut suliarisimasartik KIIIP-imut ingerlatissimavaat, ulloq mannalu tikillugu suli pisortatigoortumik isummerfigineqarnikuunani. Ilisimatitsinerlu tunngavigalugu siunnersuut taamanikkut suliarineqarsimasoq annerpaamik 4,5 mio. koruunnit tungaannut naleqartussaasutut naatsorsorneqarsimalluni.

 

Pisortatigoortumik aalajangiiffigineqanngisaannarsimanera tunngavingalugu ukiut ingerlaneranni akikilliartorsimanaviarnani aammalumi aaqqissugassat ikiliartorsimanatik -ataasiaranimi aputip aakkiartornerani aammalu siallertarnerani atuarfiup kælder-iat immattoortarsimavoq -taamaattumik Atassut-mit isumaqarpugut Naalakkersuisut kinguarsaaqqinnatik piaartumik iliuuseqartariaqalersut!

 

Atassut-mit siunnersuuteqarnitsinni atuarfik akisoorujussuarmik nutaaliaanerpaamillu aaqqissuuteqqinnissaa siunertarinngilarput, piaartumilliuna Naalakkersuisut suliniuteqarnissaat ujartoripput, atuartut minnerpaamik atuarnermi ilinniarsimasassaattut pisortanit siunnerfigineqarsimasut naammassineqarsinnaanissaat qulakkeerumallugu -ilinniarfiup tunngaviusumik atuartunut ilinniartitsisunullu atugassarititat iluarsaanneqarnissaat pisariaqalermat aaqqiiffigissallugit!

 

Atassut-mit Inatsisartut upernaakkut ataatsimiinnerannut atatillugu siunnersuut manna siunnersuutigaarput, siusinnerusukkut suliap ingerlasimaneranut tunngassuteqartut qaqileqqinneqarnissaat qulakkeerniaqqullugu minnerunngitsumillu Naalakkersuisut piffissaqarlutik 2007-imut Inatsisartut aningaasanut inatsisissaata suliarinissaannut aningaasanik nassaarniarnissaminnut periarfissikkumallugit.

 

Taamaattumik Atassut-mit Naalakkersuisut minnerunngitsumillu inatsisartuni ilaasortat siunnersuummut paasinnilluarlutik siunnersuutitta taperserneqarluni ilassilluassagaat neriuutigissavarput.