Samling
|
Tlf. 299 34 61 11 / 34 62 52 - fax 299 32 62 35 Postboks 74, 3952 Ilulissat - tlf./ fax 299 94 47 53 |
|
Anthon Frederiksen UPA 2006-27 |
Ulloq 19 Maj 2006 |
Sanaartugassanut iluarsagassanullu aningaasaateqarfik pillugu nassuiaat 2005
Sanaartugassanut iluarsagassanullu aningaasaateqarfik pillugu nassuiaat 2005 kattusseqatigiit partia sinnerlungu imannak oqaaseqarfingissuara:
Ilisimaneqartutut aningaasaateqarfinni aningaasat atorneqanngitsoortut amerliartoruttulernerini, minnerunngitsumillu sanaartornermut aningaasaliissutaasartut ilaatingut ukiumut 200 mio. kr-it missaat atorneqanngittoortalermata kattusseqatigiinniit taamanikkulli oqaatingisarsimavarput; aningaasaateqarfimmi aningaasat uninngatiinnarnangit "sulisinneqartariaqartut".
Aamma aningaasat inatsisissamut siunnersuummut atatillungu siunnersuutingisimavarput; sanaartungassanut aningaasaliissutit appartinneqartariaqartut sanaartorneq annikillisinngikkaluarlungu, taamaalliornikkut aningaasaateqarfimmiittut aningaasat sulisinneqarnerulersinnaammata uninngatiinnarnangit, aningaasallu allanut pisariaqartinneqartunut aamma atorneqarsinnaassammata, kisianni taamaaliornikkut naalakkersuisut oqarput, naamik aningaasat aningaasaateqarfimmiittut suliassanut assingiinngitsunut immikkoortinneqareersimammata allamut atorneqassanngitsut. Taamaammallu tupinnanngitsumik aningaasat aningaasaateqarfimmiittut atorneqarneq ajortut amerliartuinnarsimapput.
Maanna qujarnartumik aningaasaateqarfiup pitsaanerusumik atorneqarnissaanik paasinninnerujartortoqalersimasoq takuneqarsinnaavoq, tassa aningaasaateqarfik "eqaannerusumik" periuseqarfingineqarleriartorpo, soorlu siusinnerusukkut kattusseqatigiit tamanna ujartorsimangipput. Ukiumi aningaasanut inatsiseqarfiusumi sanaartungassat annikillisinngikkaluarlungit- aningaasaliissutit nalimmassartaleneqartalertussatut isikkoqaleriartorput, tassa sanaartungassanut aningaasaliissutit 800-900 mio. kr.-it tungaanoorunnaarlutik 500-600 mio. kr.-it missaanut inissinneqartalermata aningaasaliissutit atunngitsuukkat ikilerujussuarput, taamaalillunilu aningaasaateqarfik eqaannerujussuarmik atorneqalerluni, naak sanaartungassat pisarneq malillungu ukiut ilaanni suliassamiit suliassamut aningaasartorfiunerullunilu atuinikiffiusaraluartoq.
Taamaalilluni takuneqarsiinnavoq ukiumut sanaartungassanut aningaasaliissutit atunngitsuukkat qujanartumik pissutsinut piviusunut naapertuunnerujartulersimasut.
Taamaammat aamma pisariaqarpoq aningaasaateqarfimmi ilaanneeriarluni "saliisarnissaq", tassa suliassat ukioq taanna piviusunngortinneqarsinnaanngitsut, suliassanut allanut "assiaqutaanginnaratik" inissisimannginnissaat isumangissallungu.
Taamaammat aningaasaateqarfimmi nikisiterineq pissusissamisoorpoq.
Konto 87.72.13-imi, immikkut ittumik iluarsaassineq, taakku iluani inissianik tallimanik iluarsaassinissamut 69,2 mio. kr.-nit 2006-imi atungassatut siunniunneqarput. Suliassat tallimat taakku 2004-ip naanerani A/S ini.mit tinguneqarput, tamannalu suliamut kinguaattoorutaasimavoq. Suna tamatumani pissutaava ?
2005-imut ilassutitut aningaasanut inatsisissatut siunnersuut suliaringatsingu, Qaqortumi ilinniartunut inissialiornissap taamaatinneqarneranut taarsiullungu illunik tallimanik pisisimaneq pilersaarusiorluarsimannginneranut uparuarparput, tassunga tunngatillungu uku oqaaseqatigiit issuaaffingilaarniarpakka:
"2005-imi Decemberimi Qaqortumi illunik ilinniartunut inissatut atungassanik pisineq aningaasaqarnermut ataatsimiitsitaliarmit akuerineqarpoq. Suliassaq taanna neqeroortitsivingineqanngimmat naammassineqanngitsutut nalunaarsorneqarpoq."
Qaqungu suliap taassuma naammassineqarnissaa naatsorsuutingineqarpa.?