Ullut ataatsimiiffiusut tallimaat, tallimanngorneq 28. april 2006, nal. 13:00
Imm. 25:
Sulisitsisut akileeqataassuteqartarnissaannut Inatsisartut peqqussutissaattut siunnersuut.
(Inuussutissarsiornermut, Nunalerinermut Suliffeqarnermullu Naalakkersuisoq)
(Siullermeernera)
Imm. 51:
Annertuumik innarluutillit ikiorserneqartarnerat pillugu Inatsisartut peqqussutaannut nr. 7-mut 3. november 1994-imeersumut allannguutissatut siunnersuummik Naalakkersuisut saqqummiusseqqullugit peqquneqarnissaannik Inatsisartut aalajangiivigisassaattut siunnersuut, taamaalilluni § 9-mi, imm. 2-mi akissarsiat amerlassusiat naleqqussarneqassammat, taamaalillunilu manna tikillugu taamatut amerlanerulersitsineq pisartagaqartup ilinniartitaaneranut isertitaqartarneranullu naapertuuttunngorluni.
(Inatsisartunut ilaasortaq Jens B. Frederiksen, Demokraterne)
(Siullermeernera)
Imm. 44:
Nunatsinni Innarluutilinni atugassarititaasut allat assigalugit inuiaqatigiinni naligiimmik periarfissaqarlutillu atugaqalernissaat anguniarlugu innarluutilinnut politikkip ersarissup pilersinneqarnissaanik, taamalu aamma innarluutilinnut ilisimasanik katersuiffimmik piaartumik pilersitsisoqarnissaa pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Ruth Heilmann, Siumut)
Imm. 87:
Naalakkersuisunut apeqqut: Ilulissat kommune-ani nunaqarfiit ilaanni Qeqertami katersortarfissaq illorput 2000 allisaq qaqugu Qeqertarmiut naatsorsuutigisinnaavaat?
(Inatsisartunut ilaasortaq Anthon Frederiksen, Kattusseqatigiit partiat)
Imm. 92:
Naalakkersuisunut apeqqut: Illunik inissianillu iluarsaassineq qanoq pilersaarusiorne-qarpa? Suut iluarsaanneqassappat aamma suut iluarsaanneqassanngillat? Aamma nuna-qarfinni nammineerluni illuliat ilarpassuisa kiassaataasa taarsersorneqarnissaannik siu-sinnerusukkut inimi maani eqqartorneqartartut qanoq pilersaarutigineqarpat qanorlu iliortoqarniarpa nammineerluni illuliat ilaatigut aserfallassimaqisut eqqarsaatigalugit?
(Inatsisartunut ilaasortaq Anthon Frederiksen, Kattusseqatigiit partiat)
Imm. 94:
Naalakkersuisunut apeqqut: Innuttaasut pappilissanik nalilinnik Kalaallit Nunatsinni Piginneqatigiiffinnit inuiaqatigiit pigisaannik (Aktie)-nik tunisinermut atatillugu innuttaasut piginneqataalersinnaanerisa annertusineqarsinnaanerat periarfissikkumallugu Naalakkersuisut sunik pilersaaruteqarpat?
(Inatsisartunut ilaasortaq Anthon Frederiksen, Kattusseqatigiit partiat)