Naalakkersuisunut apeqqutit § 36 imm. 2

20120913 09:25:14
Naalakkersuisunut apeqqutit § 36 imm. 2

Immikkoortup normua:

                               

Suliarineqarnissaata ullua:

 

Siunnersuutip qulequtaa:

 

Imm. 54:

 

Sul. 25/4

Naalakkersuisunut apeqquteqaat pisortat suliffeqqarfinni namminersortuni kursuseqarnissamut periarfissiisarnerat pillugu:

1)  Qanoq annertutigisumik suliffinni namminersortuni sulisuusut pisortat kursusertitsisarneranni naaleqqussaanermi peqataatinneqartarpat?

2)  Naalakkersuisut isumaqarpat pisortat kursusinut neqeroorutigisartagaat suliffeqarfiit namminersortut eqqarsaatigalugit nukittorsaasoqartariaqartoq, taamalu inuiaqatigiit nukittorsagaanerannut kivitseqataatinniassallugit?

3)  Qanoq annertutigisumik sunillu siunertaqartunik atorfilittat kursuseqartinneqartarpat Inatsisartut Aningaasaqarnermut Inatsisaanni kontoni annerni 30.10.37 aamma 30.13.41 aningaasaliiffigineqartunit?

(Inatsisartunut ilaasortaq Astrid Fleischer Rex, Demokraatit)

 

Akissuteqaat

Imm. 64:

 

Sul. 25/4 

Naalakkersuisunut apeqqut: Naalakkersuisut angallannerup nalilersornissaanut modelimik ineriartortitsinerat inuiaqatigiit aningaasaqarniarnerannik atorluaasoq sumut killissimava?

(Inatsisartunut ilaasortaq Marie Fleischer, Demokraatit)

 

Akissuteqaat

Imm. 74:

 

Sul. 25/4 

 

Naalakkersuisunut apeqqut: Suliffeqarfiit pisortanit pigineqartut kalaaliminernik aalajangersimasunik nalinginnaasumik akigitinneqartartut qaangerlugit akilerlugit piniartunit pisisarnerat, taamaalillutillu taakkuninnga allani pisinissamut pisisartunik mattussisarnerat pinngitsoortinneqarsinnaaqqullugu Naalakkersuisut qanoq iliuuseqarsinnaappat? Kiisalu taama periuseqarneq aalajangersakkanik unioqqutitsineruva?

(Inatsisartunut ilaasortaq Anthon Frederiksen, Kattusseqatigiit partiat)

 

Akissuteqaat

Imm. 75:

 

Sul. 9/3

Kommunit kattussuunneqarnissaannut atatillugu Naalakkersuisunut apeqqutit:

Suliassat kommuninut nutaanut nussorneqarneqartussatut pilersaarusiorneqartut qanoq pingaarnersiorneqassasut Naalakkersuisut naatsorsuutigaat?

Kommunit nutaamik iluseriligassaat ulloq 1. januar 2009-mi atuutilernani  ulloq 1. maj 2009 atuutilissappat allaffissornikkut teknikimut tunngasumik iluaqutissat ajoqutissallu suussasut Naalakkersuisut naatsorsuutigaat?

Maannakkut kommunalbestyrelsiusut kommunalbestyrelsinngortussallu akornanni 2009-mut missingersuusiornermut akisussaanerup agguataarneqarnissaa Naalakkersuisut qanoq takorloorpaat.

(Inatsisartunut ilaasortaq Anthon Frederiksen, Kattusseqatigiit partiat)

 

Akissuteqaat

Imm. 96:

Siunnersuuteqartumit tunuartinneqarpoq

Imm. 101:

 

Sul. 25/4

Naalakkersuisunut apeqqut: Boligstøtte aqqutigalugu illuuteqartut amerlanerusut inuisa namminneq piginnittuulivinnissaat anguniarlugu Naalakkersuisut qanoq iliuuseqalersaarpat?

(Inatsisartunut ilaasortaq Ruth Heilmann, Siumut)

 

Akissuteqaat

Imm. 105:

 

Sul. 25/4 

Naalakkersuisunut apeqqut: Iluliarpassuit sermersuatsinneersut ukiorpassuarnilu piusimasut avammut saavitsiinnarnagit nunatsinni aningaasarsiornikkut inuutissarsiornikkullu iluaqutigineqarnissaat anguniarlugu, imermillu tunisassiarisarnissaat siunertaralugu, sermimik seqqutserivimmik pilersitsisoqarnissaanut periarfissat Naalakkersuisut qanoq naliliivigaat?

(Inatsisartunut ilaasortaq Ruth Heilmann, Siumut)

 

Akissuteqaat

Imm. 107:

 

Sul. 25/4 

Naalakkersuisunut apeqqut: Tunngavilersuummi isummat taaneqartut ilaatillugit qanoq iliorluni piniartutut inuussutissarsiornerup inuussutissarsiutitut ulorianartorsiortinneqarnerata pinaveersaartinneqarnissaa inuussutissarsiutitullu periarfissaasa nutaat patajaallisarneqarnissaat naleqqussarnissaallu pisinnaava?

(Siumup Inatsisartunut ilaasortaatitai)

 

Akissuteqaat

Imm. 114:

 

Sul. 25/4 

Naalakkersuisunut apeqqut: Pulje a,b,c qaffanneqarnissaannut suliap sumut killinneranut apeqqut.

(Inatsisartunut ilaasortaq Doris Jakobsen, Siumut)

 

Akissuteqaat

Imm. 116:

 

Sul. 25/4 

Naalakkersuisunut apeqqut: Ukiumi sapaatip akunnerani aalajangersimasumi ulluni pingasuni kulturisiortalersinnaanermik aallartitsinissamik Naalakkersuisut pilersaaruteqarpat?

(Inatsisartunut ilaasortaq Doris Jakobsen, Siumut)

 

Akissuteqaat