Oqallinnissamik siunnersuut

20120913 09:23:40
Oqallinnissamik siunnersuut

Inatsisartuni ilaasortaq pisortat susassaqarfiannut tunngasumik Inatsisartut ataatsimiittarfianni isumaqatigiinniutigineqartussamik oqaluuserisassanngortitsiniarpat, piumasarippagulu Naalakkersuisuni ilaasortap ilaasortalluunniit tassunga nassuiaateqarnissaat, ilaasortaq apeqquteqaateqarsinnaavoq, allallugu aalajangersimasumillu oqaasertalerlugu Inatsisartut siulittaasuannut tunniunneqartumik.


Inatsisartut siulittaasuata apeqquteqaat Inatsisartunut nalunaarutigissavaa, tamatumalu kingorna Inatsisartut aalajangissallugu apeqquteqaat saqqummiunneqartariaqarnersoq. Inatsisartut isumaqataappata apeqquteqaateqartoqarnissaanut, tamatuma kingorna taanna saqqummiunneqartutut naatsorsuutigineqassaaq, ullullu taassuma kingorna siusinnerpaamik ullut ataatsimiiffiit arfernanni, kingusinnerpaamillu ullut ataatsimiiffit qulinganni, isumaqatigiinniutigineqassalluni.


Apeqquteqaat ataasiarlugu suliarineqassaaq, tassanilu apeqquteqaateqartoq Naalakkersuisullu, partiit oqaaseqartui, Inatsisartunilu ilaasortat allat oqallinnermi peqataasinnaallutik. Inatsisartut suleriaasissaannut ilanngutami piffissat oqaaseqarsinnaatitaaffiit, apeqquteqaatinik oqaluuserinninnermut atortuusut, takuneqarsinnaapput Apeqquteqaammik oqaluuserinninnermi aalajangiisoqarsinnaanngilaq.