Begrundelse:

Det er vigtigt for Kattusseqatigiit partiat, at de unge deltager i Grønlands fremtid. Derfor er vi glade for, at de unges parlament hidtil har holdt to samlinger. Befolkningen har fået positivt indtryk af disse samlinger, som har resulteret i større tillid og forventninger til vore unge, hvilket er meget positivt. Det er også mærkbart, at befolkningen har fulgt de unges parlament med stor interesse.

UKIU 2006/53

Inatsisartut Suleriaasianni § 35, imm. 1 naapertorlugu matumuuna oqallinnissamik siunnersuut imaattoq saqqummiuppara:

Inuusuttut inatsisartuisa ukiut tamaasa ukiumut ataasiarlutik ataatsimiittalersinnaanissaat anguniarlugu Inatsisartut isummersornissaannik apeqquteqaat aallaavigalugu siunnersuut.

(Inatsisartunut ilaasortaq Anthon Frederiksen, Kattusseqatigiit)

Tunngavilersuut:

Inuusuttut Nunatta siunissaa pillugu aamma politik-kikkut suli annerusumik peqataatinneqarnissaat Kattusseqatigiit partiani assut pingaartipparput, aamma nuannaarutigeqaarput inuusuttut inatsisartui maannamut marloriarlutik ataatsimiisinneqarmata, tamannalumi inuiaqatigiinni aamma ajunngitsumik malugilluarneqarluni inuusuttortatsinnut tatiginninnerulernermik isumalluarnermillu suli annerusumik takutitsivoq ajunngilluinnartoq, aamma inuusuttut inatsisartuisa malinnaaffigineqarnerat inuiaqatigiinni assut soqutigineqartoq malunnarpoq.

Kattusseqatigiit partiani qularutiginngilarput inuusuttut inatsisartuisa aamma politik-kikkut taamatut periarfissinneqarneq assut ilinniarfigalugulu aamma inuttut pissarsiaqarfigisaraat, minnerunngitsumik aamma politik-kimut annerusumik soqutiginninnerulernermik tamanna nassataqartoq aamma inatsisartunut qinersinermi kingullermi uppernarsarneqarpoq.

Taamaattumik inuusuttortatta suli politik-kimut annerusumik soqutiginninnerulernissaat peqataanerulernissaallu anguniarlugu inuusuttut inatsisartuisa ukiut tamaasa ataatsimiisinneqartalernissaat matumuuna Kattusseqatigiit partiat sinnerlugu saqqummiuppara.