04EM/01.25.01-138 Tuttut umimmaallu nunaminertanit amerlavallaarfigisaannit nunaminertanut allanut nuunneqarsinnaanerat... (Atassutip Inatsisartunut ilaasortaatitai: : AS, EC, JB, FK og JS)
13. august 2004 UKA 2004/138
Inatsisartut Suleriaasianni § 32 naapertorlugu aalajangiiffigisassatut siunnersuut imaattoq matumuuna saqqummiupparput:
Tuttut umimmaallu nunaminertanit amerlavallaarfigisaannit nunaminertanut allanut nuunneqarsinnaanerat siunertaralugu 2006-imut Aningaasanut Inatsisissatut siunnersuummi ukiunilu missingersuusiorfiusuni 2007-imiit 2009-mut aningaasanik immikkoortitsisoqarnissaanik sulissuteqaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
(Atassutip Inatsisartunut ilaasortaatitai: Augusta Salling, Ellen Christoffersen, Jensine Berthelsen, Finn Karlsen, Jakob Sivertsen)
Tunngavilersuut:
Ukiuni arlalinngortuni Kalaallit Nunaata kitaata qeqqani tuttut amerliartupiloorsimanerisa ukiuni taakkunani tuttut amerliartuinnartut nerisassaaleqisalersimanerat kingunerisimavaa. Taamatuttaaq umimmaat nunaminertani ataasiakkaani amerlavalaalersinnaanerat pissutissalimmik aarleqqutigisariaqarpoq.
ATASSUT-mit ilisimavarput upperaarpullu iluatsitsiviulluartumik tuttut aamma/imaluunniit umimmaat nunaminertamiit nunaminertamut allamut nuunneqarluarsinnaasut, taamatuttaaq nalunngilarput nunatsinni kommuneqartoq taamatut nuutsisoqarsinnaaneranik soqutiginnittunik.
Uumasoqarfiuvallaartumiit nuussiffigineqarsinnaasunut allanut nuussisinnaaneq piniartunuinnaq iluaqutaassanngilaq, uumasulli pineqartut aamma iluaqutserneqassammata matumuuna siunnersuutigaarput kommunit soqutiginnittut uumasut pineqartut nuunneqarnissaannut suliniutinut aningaasaliivigineqarsinnaanerat periarfissaalissasoq, tamannalu pissasoq tuttut umimmaallu nunaminertanit uumasoqarfiuvallaartunit nunaminertanut allanut nuunneqarsinnaanerat siunertaralugu Inatsisartut Aningaasanut Inatsisissaattut siunnersuummi 2006-imoortumi ukiunilu missingersuusiorfiusuni 2007-imiit 2009-mut aningaasanik immikkoortitsisoqarnissaa Naalakkersuisut sulissutiginninnissaat pillugu Inatsisartut aalajangiineratigut.
Ullormut oqaluuserisassat kiisalu ullut suliarineqarfissaat